آسر اللي ما تحمل كلامهم هجم على أثير ونزل فيه ضرب لين حس عضامه تكسرت
قاسي وقت شاف آسر هاجم أثير ما استنى وضرب الجراح اللي ما قدر يدافع عن نفسه من ضربهم له وما صار يشوف قدامه من الغضب
جالسه تتفرج من شباك السياره وكل مالها تخاف منهم اكثر حست انها مع وحوش هي تربت في بيئه مسالمه جدا خاصه مع عمتها وبنت عمتها ما كانت تشوف هذا العنف ابدا.. نزلت بسرعه وهم منشغلين وحاولت تهربب بس لمحها قاسي وركض وراها و
بسبب الم رجلها ما قدرت تبعد كثير واستغل الوضع بسرعه مسكها
زفر قاسي وهو قريب منها ويتنفس بسرعه من الغضب :لوين يا بنت العم خليك قدامنا عشان ما يهاجموك الذيابه
رفعت عيونها المصدوومه بنفس الوقت سمعت صوت الذيب من بعيد تمسكت فيه وهي خايفه ..
قاسي وصار تنفسه مسموع من قربت منه بعد عنها بسرعه وهو يستغفر بداخله من المشاعر اللي جالسه تدغدغه و مسكها ورجعها معه
آسر بعد ما ربطهم الاثنين تكلم :وين كنتم؟
قاسي :الاخت هربت ولحقتها
آسر وهو يناظرها بغضب :يعني ما كفاك الخطف لا تبين تموتين بعد يا بنت ايهم
تراكم عليها كلشي سالفه ابوها والحين الخطف واكيد مارح تسلم من حكي الناس صارت تحس تنفسها معدود شوي ويغمى عليها والاخ الثاني مسكها عتاب وصراااخ وما احد حاسس فيها
صرخت عليه وهي تبكي :اخرس ما ابغى اسمع صوت واحد فيكم اكرهكم ولفت تبعد عنهم
انصدموا ونطق آسر بسخريه :لا الواضح زعلنا بنت العم وبحده: وشرايك تعطيني كف احسن
لفت عليه ليال وهي تقرب منه :واكسر راسك بعد تفهم
حرك رقبته بغضب يحاول قد ما يقدر يتحكم بكلامه قبل ما ينطق : الحين بتمشين ولا انا بعرف كيف اخليك تمشين غصب عنك الهيتان اللي كان باسبانيا ولا سائل ولا مسؤول تنسيه هنا فاهمه؟
قاسي :آسر هدي وبسرعه غير الموضوع : والحين وش السوات السياره مستحيل تتصلح بسرعه والوقت متأخر مرره ..كمان معانا بنت ومو متغطيه يعني فهمك كفايه لو طلعو لنا ولاد الحرام وش نسوي
آسر وهو يهز راسه هو بعد خايف عليها مثله مثل قاسي :خلينا ندخل للبيت اللي كانو محتجزينها فيه وبكره يحلها ربك
قاسي وهو رافض الفكره تمام : من جدك انت؟ يعني ما فكرت انهم بيعرفون المكان وممكن يهاجمون بأي وقت واحنا اثنين بس يمكن ما نقدر عليهم
آسر بغبن : وش نسوي يعني
قاسي :امشي نشوف مكان نبات فيه بعيد عن هنا والصباح رباح
آسر :معك حق ومشو وهي وراهم تمشي بخطوات بطيئه مره عشان رجلها اللي يمكن تكون انكسرت حتى الالم مو طبيعي طاحت ع الارض وصارت تبكي زي الاولاد وشعرها منفوش ومغطي وجهها
انفجعو من شكلها ولا واحد فيهم قد صار معه كذا من قبل ما يعرفون شلون رح يتصرفون معها
قاسي ببرود :قومي ترى الوقت متأخر مو وقت دلعك الحين
آسر ولاول مره ينطق بحنان عكس شخصيته القويه البارده : وش يوجعك يا بنت العم .. تحسين بشي؟ سوالك شي الحقير؟!
اشرت على رجلها وانفجع وقت شاف لونها ازرق حتى بالظلام اللي مافيه ولا ضوء غير ضوء القمر وواضح الزرقه حط يده يشوف مدى سوءها بس قاطعتها صرختها اللي دوت بالمكان حملها بسرعه وانطلقوا على رجولهم يدورون مشفى او اي شي
قاسي اللي مشى اول عشان يؤمن لهم الطريق وبعده آسر هو حاملها
....
عند الجده
العمه جالسه تبكي والحريم حولها يواسونها
فرح (ام آسر) :لا تخافين يا ساره اكيد اسر وقاسي رح يلقونها هذولا اسود المالك بينشد فيهم الظهر
هزت الجده راسها وهي توافقها :ان شاءالله مارح يصير عليها سي اكيد خطفوها تخويف بس ولا ماحد يتجرأ ويسوي شي لحفيده مالك ال الجراح
العمه بشراسه :اصلا كلشي صار بسببه هو والله لو مالقاها الا وسكتت ما تبغى تزيد الطين بله
جابت لها رغد تشرب مويه عشان تبل ريقها وترتاح شوي
.
.
فالجهه الثانيه
ايهم :يبه انا طالع ادور عليها ما اقدر اجلس هنا وهي ماندري اراضيها وين ترى اسمها من اسمي اي شي يمسها رح يمسنا كلنا.. ياربي متى بفتك منها بسسس
طالعه هادي ونطق بنغزه :الحين بس اهتميت لها يا عم؟ وينك عنها كل هالسنين؟
ايهم وهو يقوم من مكانه وينطق بغضب :اللي بيني وبينها اسم وبس ومالك خص بيننا انت وخرج يدور عليها خايف على اسمه بس بنفس الوقت جاه الم رهيب مرره براسه لدرجه رجع للبيت ونام علطول
ساره وهي تناظره نايم :ليش تعذب حالك يا ايهم خليك بعيد عنها هي وامها ومارح يصير لك شي
شوق:يمه وش فيه ابوي
باستها امها :ولاشي يا روحي تعبان من المشاكل اللي جاته بسبب بنته ال واستغفرت بداخلها
يلا على غرفتك بسرعه وقت النوم
ركضت شوق على غرفتها وهي تدندن بأناشيد حفظتهم من المدرسه
...
عند قاسي وآسر . .
وقف آسر ورجوله صارت ما تقوى تحمله :قاسي خلينا نرتاح شوي
توجه له قاسي واخذ ليال وحملها ومسك يده يسنده: ماعندنا وقت يا اخوك خلينا نبعد عن المكان
آسر وهو يطالع حوله ظلام ومافي شي الا اناره صغيره تنور الشارع الفاضي :بعددنا لا تخاف
قاسي : ترى اعرف هالمكان قريب من هنا فيه مستوصف صغير خلينا نروح له عشان البنت شكل رجلها مكسوره عالاغلب
وافقه آسر الكلام وهو يدعي بداخله ما تكون مكسوره ولا رح يكسر راس الجراح هو واللي معه وتوجهو للمستوصف بتعب وهد حيل
..
وصلوا واخذوها لغرفه الفحص واتوضح عندها كسر برجلها من شده الوقعه
جلسوا بغرفه يرتاحون لين ما يخلص علاج ليال وتجبيرها
بجهه ثانيه وقف آسر للاعلامات بطلب من قاسي عشان يتصل بجده يرسل لهم سواق او واحد من عيال عمامه واعطاه العنوان
..
ااااااااه دكتور شوي شوي
الدكتور بنفاذ صبر ما خلته يشتغل :ثبتيها يا نيل (الممرضه) ماخلتني اثبت الجبر
نيل :حاضر يا فندم
ليال :خلاص لا تقربي مني مارح اتحرك او اصعب عمله بس ممكن تنادين اللي جو معي هنا؟
هزت راسها وطلعت
خلص الدكتور ودخل قاسي واسر ومعهم عبايه كانت اضافيه عند الممرضه ولبستها بعسر عشان رجلها المجبره
ليال : ما ابغى ارجع عند جدي وصلوني لبيت عمتي ساره
قاسي برفعه حاجب :لا يا شيخه يعني احنا متعنيين وقاطعين كل هالمسافه عشان ترجعين لبيت عمتك
آسر نطق بهدوء :ترى جدي يبغى يكلمك وهو اللي ارسلنا عشان ننقذك يا ريت ماتخلينا بموقف صعب
شافت معه وبنفسها مستصعبه وضعها الحالي هي اللي متعوده عالقوه والشخصيه اللي ماترضخ لاحد بس هزها الموقف والخطف اللي اكيد رح ترافقها كوابيسه لاصدار ثاني
ليال بثبات :ممكن اعرف اسماءكم يا ولاد العم ؟ رح ابقى مدينه لكم بس اكيد مو علطول رح يجي يوم ارد فيه ديني يا؟؟
ابتسم كل من قاسي و آسر بتعب ونطق قاسي :قاسي واكون ولد عمك محمد وهذا آسر ولد عمك ضاري.. وانسي شي اسمه دين انتي مو مديونه لاحد هذا واجبنا وغصب عننا نساعدك
ابتسمت لهم ونزلت راسها بهدوء عشان تنام بعد يوم متعب جدا لهم كلهم وهي بالخصوص
.هم فهمو وطلعو من الغرفه عشان ترتاح
--
وصل هادي واتطمن عليهم كلهم
يتبع.. موعدنا بكره 💗🌱
لا تنسون التصويت والردود الحلوه 🤍
