_______
بالمطعم انتظرته كثير من وقت راح يكلم بالجوال مارجع قامت تشوفه لكنها حست بالشلل وقت قال لها الموظف انه طلع بالسياره..
ما حست غير ودموعها تنزل ملاك : هو مارح يتغير.. رح يبقى نذل لاخر حياته.. اجل يتركني هنا ويرجع لوحده؟
رجعت للمطعم وحاسبت بعدها طلعت بهدووء.. ركبت بأول سياره اجره جات قدامها كان منظر السواق مو مطمن لكنها مو بوعيها حاليا تفكيرها كله كان بالزفت اللي تركها هنا وراح .
ركبت وهي تفكر بالسبب اللي خلاه يروح ويتركها لوحدها معقول !!! بحياتها ما توقعت قاسي يعمل كذااا اخذت تلفونها بيد ترجفف واتصلت عليه..
رن وبآخر رنه رد...
قاسي باعتذااار :انا اسفف ملاك استنيني نص ساعه وبكون عندك.
ملاك بصوت مخنوق :من جدك؟ وش الشي اللي اهم مني وخلاك تروح و تتركني
قاسي لف وراه شافها نايمه بالسياره رد بهدوء عشان ما يصحبها : موضوع مهم بس اشوفك رح اكلمك
ملاك بصراحة :مارح تشوفني تفهم انا رايحه بيت امي ورح اجلس هناك
رد عليها باستغراب :البيت فاضي ومافيه احد جنيتي انتي؟
ردت باستهتار :حتى لو فاضي رح اجلس هناك وحدي احسن من شوفتك اللي تسد النفس
كانت تتكلم بدون وعي ومو حاسه بنظرات السوااق الخبيثه واللي كان مركز بكلامها.
سكرت والتفت على السواق وشافته يطالع فيها من المرايه... خافت بصراااحه
ملاك بتوتر :فيه شي؟؟
&&&
عند قاسي اللي كان يسوق ويفكر بكل اللي صار حياتهم كانت هاديه مرره لين دخلت ليال وملاك والعمه ومن وقتها وراسنا ما يطلع من المصايب كل يوم مصيبه شكل...
رجع لف و شافها نايمه بعمق كمل كلامه وعيونه عليها :بس دام هالمشاكل جايه من عندك انتي ؟؟ على قلبي عسل وابتسسم اخذ جواله من سمع صوت رساله وفتحه يقراها...
انمحت ابتسااامته بسرعه وقت قرأ رسالتها.
وقف السياره بسرعه وقت شاف انه وصل وفتح الباب ....
صحى ليال بصعوبه وحمل التوأم ودخلوا عند خالته اللي رحبت فيهم صحيح هي ما تتكلم ولا تسمع لكن قاسي رسل لها رساله من قبل يفهمها الموضوع وطلب منها تخليه سر بينهم ما يبغى احد يعرف مكانها حتى لو كانت امه حتى تكون هي جاهزه وهي بنفسها تطلب منه ترجع وتواجههم كلهم.
بعدها طلع بسرعه يلحق على المجنونه الثانيه اللي خلت عقله يطير من رسالتها.
&&
فالسياره
ملاك بتوتر :فيه شي
رد بنبره خبث وعيونه تتأملها :لا يا مدام بس دليني مكان بيتك عشان اوصلك .. وغمز لها
ملاك بخوف عدلت نقابها بسرعه و فتحت باااب السياره اللي تمشي وردت بصراخ : اقسسم بالله لو ما وقفت الحين رح الم عليك الناس بصراخي و ارمي نفسي والسياره تمشي .
طالعها بنظره غضب : على اساس اني ميت عليك اقول وطي صوتك ، ووقف السيااره :انزلي انزلي عشان كذا زوجك هرب منك وتركك اكيد هج من وجهج ترى الغلط مني قلت اسوي فيك معروف لكنك ما تستاهلين شي .
وقف السياره و بسرعه نزلت وتحس كلامه ضرب قلبها الكلب كأنه حط ملح على الجرح هذا وهو انسان غريب عنهم وتشفى فيها .. اكيد لو عرفوا اهل البيت انه تركها بالمطعم وراح مارح تسلم منهم... حتى لو كانوا طيبين معها ويحبونها اكيد رح يجي يوم يعايرونها بهالشي .
هي ما تحسست من الكلب ذاك عشان قال انه زوجها هرب من وجهها لانه هو ما شافها اصلا كانت حاطه نقاب واصلا اللي يشوفها ينعجب فيها صحيح جمالها من النوع الهادي لكن ملامحها ناعمه مرره وانيقه سكرت باب السياره بكل قوتها ووقفت تنتظر زوجها صحيح غضبت منه لكنها بموقف ما تنحسد عليه وهو الوصي عليها.
شوي ورن جوالها باسمه.
ردت و بسرعه بعدت الجوال عن اذنها من صراااخه
ملاك بقهر : فوق غلطه يصارخ كمان ترى لو ما تركتني وحدي وانا غريبه عن المكان وما عشت فيه ما كان صار اللي صاااار، عشان كذا قبل ما تفكر تلومني لوم نفسك بالاول
سكت ما يبغى يتكلم الحين بس يشوفها رح يكون عنده كلام ثاني، تكلم بنبره هاديه يخفي غضبه : وينك الحين.
ملاك بتوتر :ما ادري... ادخل واتس رح اصور لك المكان وتعال بسسرعه ابغى ارجع البيت.
سكر منها وهو مفور مو متخيل لو كانت انخطفت وهي زوجته وعلى اسمه فضيحه .. دخل الواتس بسرعه وشاف الصور، عرف المكان وساق باقصى سرعه من غضبه.
وصل و شافها جالسه على الرصيف كان معصب لكنه حن عليها شكلها مرره يحزن، نزل من السياره بهدوء..
وتكلم بدون ما يطالعها :قومي للسياره
طالعته بصمت و تحركت تركب
لحقها وهو ساكت مارح يتكلم بشي الحين رح يخليها لين تهدا وتجي تحكيله وش صار.. وانا رح اعرف كيف اتعامل مع الحقييير ذاك.
بالسياااره الجو هادي جدا الا من صوت تنفسهم.. اتصل قاسي على تركي وخبره يتأكد من كاميرات المراقبه حق شارع...... ويجيب له رقم السيااره وهو رح يتكفل بالباقي..
&&&&
بقصر مالك..
بعد المشكله اللي صارت وصلت سماح للقصر وقلبته فوق تحت وعملت مشكله كبيره.... حاولت فرح تهديها لكنها ماقدرت..
تدخل مالك بالموضوع..
مالك :وش صاار يا مروه وليش جايه هالحرمه ومسويه مشكله.
تنهدت الجده ما تبغى تقوله لانه اكيد رح يعصب من اسر وحقه يعصب منه .. هي بنفسها مو راضيه لا عن زواج حفيدها ولا عن طلاقه بهذي الطريقه ظلم غرور مهما تكون عملت ما يصير يطلقها من اول اسبوع كلنا ندري عن نظره المجتمع للمطلقه فكيف للي تطلقت بعد اسبوع من زواجها..
رجعت نظرها لمالك وردت بهدوء :آسر طلق غرور لانها خبرت ليال عن زواجهم.
انصددم :شلووون!!!
وينه الحين؟؟ كيف يسوي هالغلطه!
ضاري بتدخل :هدي نفسك يبه انا رح اتصل عليه واعرف منه اصل المشكله.
تكلمت سماح وهي ناويه شرر :تعرف منه اصل المشكله؟ اللي فهمته من كلامك انك معتبرنا كلنا كذابين صح؟ وولدك المصون هو الصح... لكن والله مارح اسكت لكم وارفع دعوه عن الضرر اللي رح يلحق بنتي بسبب تسرع ولدك والنفقه بعد ومو بس كذا رح اخليه يجن بالمحاكم ووو
قاطعها ضاري باستخفاف: المفروض الحين نخاف؟؟ سوي اللي تقدرين عليه نشوف وش اخرتها معك!
الجده :ضاري وش هالكلام؟؟ لا تنسى انه غرور بنت خالته ما يصير هذا الشي لازم نكتم عن موضوع طلاقهم لين يمر شهر على الاقل لانه رح تتضرر سمعه البنت.
دخل آسر على كلامهم ورد بقوه :والله ما يهمني ولا رح اخبي شي.. انا من الاول مو راضي عن هذا الزواج اللي اقنعني هو مرض ليال ومين يهتم فيها وفالعيال ، بس وخل الف خط تحت بس اللي ما يحترم ليال كأنه ما يحترمني انا .. البنت مريضه وهي ما حطت هالشي براسها وبغت تسوي مشاكل بيننا انا كنت رح امهد للموضوع قبل ما اخبرها فيه تجي هذي تصدمها كذا؟...
ادري اني غلطت وقت طلقتها الحين مفروض ما كنت تزوجتها اصلا لكن القدر. غرور كانت جالسه على جنب وتبكي..
قربت منها سماح ومسكت يدها وبقسوه :قومي الله ياخذك هذا اللي ما يسمع كلامي شوفي وش يصير فيه
طلعت واخذت معها بنتها..
قربت منه اسرار بهدوء ونطقت بخيبه امل وعيونها تلمع تحس اخوها كسرهم مرره :ما توقعتها منك يا اخوي تظلمها بهذا الشكل ادري انه اختي ما تنبلع لكن المفرووض تكبر عقلك .. اذا القريب عمل فينا كذا مارح نلوم البعيد ولو ظلم.
بعدها طلعت ودمعتها على خذها هي تدري عن اختها وافعالها بس مهما يكون ما يصير آسر يعمل كذااا.
