جالسه بسريرها وهي شبه نايمه بعد ما جات عمتها تصحيها تأفأفت وهي تقوم للحمام عشان تاخذ دش.. اليوم بعد معزومه لبيت ابوها.. حياتي كلها عشت بعيده عندهم وبس جيت هنا صار كل يوم عزايم؟؟ استغفر الله مر ببالها اسم امها بس بسرعه مسحته ما تبغى تضايق نفسها وراحت للحمام..
تحت بالصاله الداخليه..
العمه مع بنتها ملاك
ملاك :يمه اجي معكم؟
العمه :لا خليك هنا ما ابغى مشاكل وانا اعرفك مشكلجيه
ملاك بوزت :ليش لا؟ مسحت جبهتها وكأنها تذكرت شي.. ايوه يمه ليال مارح تزور امها؟!
العمه بهم اثقل ظهرها :والله ماادري يا يمه اليوم بكلم اختي مروه تتواصل مع اهل امها عشان اخذ ليال تزورهم حرام لها اسبوع هنا وهي ماتعرف امها؟
ملاك بكره لعيله ليال :اكرههم يمه شفتي كيف شردوها؟ حرام عليهم لو كنت مكان ليال والله ما ازورهم بقلعتهم
قامت العمه وهي ماتبغى يوصل الكلام ل ليال خايفه تسمعهم :يالله قومي جهزي حالك لو تبغين تجين بس لو سمعت كلام من كلامك ذا مره ثانيه ترى مارح يصيرلك طيب وهذاني قلت لك.
بغرفتها..
لبست فستان احمر وحطت مكياج خفيف ماادري ليه متحمسه مع اني اعرف انهم ما يبوني بس ليش طلب الشايب يشوفني وش يبغى مني؟ هففف مارح اهتم كلشي بوقته حلو
نزلت لقت عمتها وملاك جاهزين وطلعو للسواق وحرك لقصر عيله مالك..
عند مالك جمع كل العيله مع بعض نسوان ورجال وحتى ايهم غصبه يكون موجود معهم وكانو يتكلمون كلام عشوائي من غير الجد اللي كان عقله مشغول
النسوان كانو متحجبين بس بدون نقاب عندهم بالعيله عادي يكشفون على بعض..
دخلت بثقه وراء عمتها وردت السلام بصوت هادي بعدها سلمت عالجد والجده واعمامها ونسوانهم بهدوء وجلست قدام جدتها..
الجد وهو رافع حاجب :ليه ما تسلمين على ابوك واشر على ايهم
ليال اتصدمت انه اليوم جا يشوفها قامت بهدوء و بنفسها كارهه كلشي يخصهم :اعتذر يا جدي .. بس ما اعرفه لو خبرتني انه وبغصه 'ابوي 'اكيد بسلم عليه وراحت تسلم بهدوء
كان سلام ايهم عليها بااااارد وهو بعد ما يعرف ليش كأنه مسحور او احد يتحكم فيها رفع عيونه لساره شافها تناظرهم بغضب رفع كتوفه بمعنى مو بيده ورجع مكانه قاطع كلامهم دخول قاسي وآسر بهيبه وبعدهم دخل رامي واحمد وهادي
رفعت عيونها بس نزلتهم بسرعه مو متعوده تقز الشباب
قاسي برزانه نطق :حيالله بنت العم اخبارك
ليال بدون ما تناظره :الله محيي اصلك يا ابن العم .. بخير الحمدلله
رامي نطق بعده وهو مركز عيونه عليها :مو قد المقام ولا كيف! ليش ما تناظرينا؟
ليال وهي تشوف مدى صغر عقله طنشت
آسر وقاسي اعطوه نظره وهو خاف وسكت
نطق آسر وعجبه ركازتها وكيف انها طنشت كلام رامي: ان شاءالله مرتاحه يا بنت العم
بتهور رفعت عيونها وهي مو متعوده وناظرته لثواني ونزلت عيونها :الحمدلله
آسر..
كنت اطالعها وهي منزله عيونها بس من رفعتهم حسيت كأن سهم اخترق قلبي هذا وانا اللي ما اعطي البنات وجه بس عيونها شي ثاني استغفر بداخله وقام ما كان وده يجلس اكثر ويقزها
آسر :يالله استأذن يا جدي عندي مشاغل وانت عارف
الجد هو رأسه واشر للشباب يطلعون معه قامو وطلعو معه
وقف الجد :ليال الحقيني عالمكتب ابغاك بكلمه
رفعت عيونها لعمتها تشوف رأيها
اشترت لها عمتها وقامت تلحقه
بمكتب الجد دخلت بثقه وجلست قدامه عالكنبه
الجد :عاجبك حياتك ذي يا بنتي؟
ليال ساكته ماعرفت وش ترد
الجد :عارف انه ساره (عمتها) مو منقصه عليك شي بس انتي كبرتي الحين ولازم تكونين يمكانك الاصلي اللي هو بيت اهلك صح!
ليال وعيونها تدمع اخذت نفس وهي ترتب كلامها قبل ما تنطق :مارح اسألك ليش رميتوني وما سألتوا بس بسألك شي ثاني.. اما اشوف انه ما احد هنا يابغاني غير جدتي ام محمد حتى انت اشوف الحقد بعيونك بس ليش تبي تجيبني هنا؟
تعجب من كلامها اللي اكبر من عمرها ونطق بعدها بتروي : انا حالف يمين انه وبما اني عايش وراسي يشم الهواء عيلتنا ذي اللي تشوفيها ما تتفكك ولو انك لاحظتي عيالي كلهم معي بالقصر وانتي بعد بما انك بنت ابني وحفيدتي مكانك معنا بس لو رفضتي انا مارح احكي شي عشان كذا اقولك فكري وبكره رديلي خبر!
ليال وقفت : ان شاءالله بشوف رأي عمتي وبكره اردلك خبر.
الجد وقف : يصير خير ورجعو للصاله
جلست ليال هي وملاك مع بنات اعمامها وانسجمت معهم شوي
ليال ابتسمت :الحين لازم اروح بكره ان شاءالله اكون عندكم
نوره بحماس :لا تنسين طيب .. جدتي تقول تبي تسويلك حفله وتعزم كل معارفنا عشان تخلي الكل يعرفك عشان كذا اقول بكره نطلع للسوق مع البنات ونشتري الاغراض اللي تلزمنا
ملاك :ترى انا بعد بجي
ملك : اكيد يا روحي ننتظرك ترى حبيناك مرره
ملاك : تسلمين حبيبتي
رغد :تعالي ليال اعطيني رقمك عشان نتواصل مع بعض تبادلو الارقام وفتحت رغد شات واتس عشان يتواصلون هناك
طلعت مع ملاك وعمتها وهي مرتاحه شوي.. بس ما تعرف كيف تفتح مع عمتها الموضوع اللي تكلمت فيه مع جدها.. يتبع لاتنسون التصويت 💗
