"
غيث بغضب :انت شلون تتجرأ؟؟ شلون تتجرأ وتمد يدك علي ؟ وبسرعه فك يد اثير وباغته ببكس .
مالك بتعب حط يده على قلبه ويحس بألم فضييع ..
احمد وضاري فزو لابوهم وهم يشوفون حالته السيئه والصراااخ صار مالي المكان ..
طلعت من الغرفه بتعب تمشي بالشويش ماتدري متى دخلت للغيبوبه او متى طلعت منها حتى ، شافتهم يتقاتلون مع بعض لكن مالها حيل تتكلم خلاص كرهت كلشي ، تجاهلتهم و مشت باتجاه الاستعلامات تسأل عن غرفه عمتها ..
انتبه لها قاسي ولحقها لكنه ما حب يزعجها بعد ماعرف انها تسأل عن غرفه عمتها اكيد تبغى تجلس معها شوي رجع ادراجه وهو ساكت ينتظر تخلص المهزله اللي صايره الحين .
كانت تمشي بالرواق تبي توصل عندها وبنفس الوقت خايفه توصل وتسمع شي ماتبيه خلاص كافي خيبات والم ، وصلت وشافت الممرضه طللعه من عندها سألتها لو صاحيه ، بعدما تأكدت انها صاحيه دخلت عندها بتردد .
&&&&
كانت متسطحه على جنب بسريرها وتطالع جهه الشبااك بهالوقت سمعت الباب انفتح واصوات رجول تتحرك اتجاهها .وسمعت صوت يناديها :عمتي .
ما قدرت تلف بهالوقت ماتبي تشوفها ابدااا ، توها عرفت بموت ابنها وخبرها الدكتور انه عندها شلل رجولها ماتقدر تمشي عليهم وضعها تعباان مرره ، حياتهم تدمرت بسببها ، عملت فيها خير وربتها عندها وكبرتها بعيد عن كره اهلها لها لكنها كانت السبب بدمار عيلتها ،
شافتها تلف وتجي من جهتها وترجع تناديها .. نطقت بهدوء :اطلعي ما ابغى اشوف احد ،
ليال بعنااااد : مو طالعه ابي انام عندك ..
تبي تجلس معها هذي عادتها وقت تكون متضايقه تروح لعمتها لكن هالمره الوضع اختلف شوي ، هبت بوجهها وهي تصارخ :ايش تبي مني بعد ، ايش تبي ؟؟ نطقت ودموعها تنزل :ما كفاااك ؟ ماكفاكم انتي واهلك خذيتو ولدي مني وخذيتو مني العمر اللي باقيلي خلااص بسببكم صرت ما امشي . تدرين ؟؟ خلاص كرهتك اطلعي من عندي .. وبصراااخ اقوى :اطلعيييييييييييي ... اذا اهلك مو متحملينك اتحملك انا ..؟ تدري توني عرفت السبب اللي رموك عشانه ، انتي نحس بسببك سعود راح وهو بعز شبابه ، الله ياخذ ني انا مو انتي عشان ترتاحين يمكن ما كفاك
كانت مصدومه والشهقااات تطلع منها غصب عنها ما عرفت ايش تقول عمتها انشلت ، صارت ما تقدر تمشي والحين عرفت عن سعوود بعد
يالله وش هذا الامتحاااان مرره صعب ، ماردت عليها ومسحت دموعها تتقدم منها اكثر الحين ماعادت نفسها تفرق معها المهم الحين ساره وضعها تعبااان مره لزوم اقف معها .
العمه انجنت بزياده وهي تشوفها مطنشه كل الكلام اللي قالته لها وتقرب منها اكثر صرخت زياده :والله يا بنت ايهم لو ما بعدتي عني الا يصير شي مارح يعجبك ، الله ياخذك انتي واهلك ليتك متي انتي بمكانه انتي ودائره العفن اللي متواجده فيها ، كنتي بنت حرام والحين رح تجيبي عيل مثلك .
بدت تتراجع بالشويش ومو متحمله اكثر من كذاا كافي اللي جاها من هذا العالم ابغى اروح مكان مايعرفني فيه احد ،دموعها مو ماخذين منها الاذن نازلين من عيونها مثل الشلال ونظره غريبه تملي وجهها ، خذلان؟ لالاهي انخذلت من قبل وماصار لها كذذا خلاص مو عارفه .
طلعت بسرعه وتوجهت لمكان هواشهم من قبل كان شخص واحد بس تقدر تشوفه ما طولت كثير قبل ماتروح له .
كان اثير يطالعها بدهشه واستغراب ذي ماكانت بغيبوبه ايش جالسه تسوي هنا ؟؟ وليش تبكي ؟
شافت بعيونه تساؤل وقبل ما ينطق انطبعت اصابع يدها النحيفه على وجهه بقووه بالنسبه لها لكنه ما تحرك ساكن بمكانه وعيونه تتفحصها .
بعد ما اعطته ذاك الكف صارت تدفه بدون وعي :الله ياخذك يا اثير والله ما اسامحك والله ، كلاللي صار معي بسببك انت حسبي الله ونعم الوكيل فيك .
