عائِلات من نوعٍ آخر ✓

40 | الأخير

.

متنسوش الڤوت
أتمنى لكم قراءة ممتعة ♡

40 | الأخير

°°

بعد مرورِ ثلاثةِ أشهرٍ.

كانَا يقفان في منتصف المول التجاريّ يفكرون من أين يبدأون! لتبتسم بيسان بتذكرٍ وهي تخرِج بطاقةٍ من چيبها قائلةً:
"بُصي معايا إيه؟"

طالعتها لِين بعدم فهمٍ لتُكمل بيسان بحماسٍ:
'الكريدت كارد بتاعت عُبيدة.. سرقتها منه عشان نجيب أي حاجة إحنا عايزينها، وهرجعها مكانها ولا كأن حصَل حاجة.. استني أنا عايزة أشتريلك حاجات للبيبي أصلًا! يلا يلا"

قالتها بحماسٍ شديد تسحبها من يدها، لتضحك لين نابسةً:
"إيه الحماس ده؟ ده أنتِ بتسرقي جوزك!"

سألتها تضيّق عينيها هاتفةً:
"هيعرف منين؟ وبعدين أنا عايزة أجرّب يلا يلا! عشان تحكيلي عرفتِ إزاي!"

تحركوا وقد وقفوا أمامَ متجرٍ لتلمع أعين لين بتأثرٍ ناظرةً لملابس الأطفال الصغيرة، لتبتسم بيسان تسألها:
"أنتِ هتجيبي بنت ولا ولد؟"

طالعتها لِين بتشنّجٍ ثمّ ردتها:
"بيسان أنا حامل في شهر.. بنعرف ده تقريبًا بعد أربع خمس شهور كدا!"

فركت بِيسان خصلاتها تُعيدها للخلفِ قائلةً:
"ما أنا مخلفتش قبل كدا ولا أعرف حد خلّف ولا شوفت حد خلّف! بس يلا أنا هتصرّف!"

ودخلوا واختارت بِيسان لها عدة رداءتٍ للأطفالِ حديثي الولادة، وبعد المستلزمات الصغيرة، ثمّ اتجهوا ليحاسبوا، أخبرهم بالحسابِ.. لتبتسم بيسان تناوله البطاقة التي بيدها، لترمش لين بأهدابها ناطقةً:
"أهم حاجة في سرقة زوجك.. هو الحماس غير كدا شكليات، سعادتك لا توصف"

ضحكت بِيسان ثم ناولها لتكتب الرقم السريّ وقد فعلت ذلك وانتهوا يحملوا كلّ الحقائب وخرجوا، لتبتسم بيسان مجددًا قائلةً:
"عايزة إيه تاني؟"

التمعت عينيّ لين بشرٍّ تردّها:
"هاتيلي 15 برو ماكس!"

_"دي فيها طلاقي وقطع رقابتي!"

قالتها بِيسان بمرحٍ وهي تضحك لتضحك معها لين وهم يتحركا قائلةً:
"معاكِ حق وجوزك مش هيسمي عليّا معاكِ.. فـ يلا نروح ناكل وأحكيلك!"

_"استني الفستان ده حلو.. هشتريه!"

قالتها بِيسان بعدما لمعت عينيها بشغفٍ أمام رداءٍ بسيطٍ، ليقوما بالفعلِ بشراءهِ واشترت بِيسان لـ لين رداءً يماثله، ليتجها للمطعمِ ثمّ جلسا هاتفةً:
"حلو الفستان عشان نبقى نعمل ماتشي ماتشي!"

ضحكت لين توافقها الرأي، ثمّ سألتها:
"خلصتِ علاجك كله خلاص؟"

ابتسمت بِيسان براحةٍ ثمّ نطقت:
"أيوة خلصت كورس الجلسات والعلاج.. ومبقاش فيه أي أعراض تاني حتى الـocd اختفى.. والكورس التاني منزلي، يعني أدوية وبراشيم لازم أفضل مواظبة عليها عشان ميحصلش أي حاجة غلط تبوّظ كل اللي عملناه ده.. أخيرًا يا لين حسيت بالحريّة اللي كنت مفتقداها طول حياتي.. حاسة إني عايشة وإني اتولدت من جديد!"