Unicode
More than just a fantasy
Chapter.1
''နင်ရပ်စမ်းလုံးလုံး! မပြေးနဲ့!''
''မြေးလေး ပြန်လာခဲ့''
နောက်ပါးဆီမှအသံတွေကိုလျစ်လျူရှုပြီးသူမပြေးမိပြေးရာပြေးနေမိသည်။
''လုံးလုံး နင့်ကိုအခုရပ်လို့ပြောနေတယ်လေ''
ပြေးရမယ်...သူမ,လွတ်အောင်ပြေးရမယ်။
ဒါမှသူမဗိုက်ထဲကကလေးကအသက်ရှင်နိုင်မှာ။
ရက်စက်တဲ့သူကရက်စက်သွားပေမယ့်လည်းသူမကတော့ကိုယ့်ကလေးကိုအကောင်းဆုံးမွေးဖွားရမည်။
အသက်17နှစ်အရွယ်လူကြောက်တတ်တဲ့သူမက အခုကိုယ့်ရင်သွေးအတွက်သတ္တိတွေအပြည့်ရှိနေခဲ့ပြီပင်။
နောက်ပါးဆီမှအသံတွေမကြားရတော့သလိုဘယ်သူ့ကိုမှလည်းမတွေ့ရတော့တာမို့သူမအန္တရာယ်ကင်းသွားပြီဆိုတာသိလိုက်သည်။
သို့သော်...
''ကျွီ''
''အမလေး!''
''ဟာ သွားပြီ''
''တိုက်မိသွားပြီထင်တယ်ယောကျ်ားရဲ့''
လုံးလုံး,လဲကျနေရာမှမျက်လုံးကိုအသာဖွင့်ကြည့်တော့ ကားမီးစူးစူးရှေ့ကနေပြီးခြေထောက်နှစ်စုံကသူမဆီသို့ပြေးလာနေတာကိုဝိုးတဝါးတွေ့လိုက်ရသည်။
ထို့နောက်သူမဘာဆိုဘာမှမသိတော့ပေ။
***
''ကိုကိုကမီးကိုတစ်ကယ်ချစ်တာလား''
''အခုထိမယုံသေးဘူးလား''
''မီးကြောက်တယ်ကိုကို ကိုကိုနဲ့ကိစ္စကိုမေမေတို့သိရင်မီးကိုသတ်မှာ''
''မကြောက်ပါနဲ့မီးရယ် ကိုကိုကမီးကိုလက်ထပ်မှာ အခုမီးကို,ကိုကိုပိုင်နေပြီလေ မီးရဲ့ဘဝ မီးရဲ့ခန္ဓာကိုယ်နဲ့အသွေးအသားကအခုကိုကို့လက်ထဲမှာ''
နီးလာလိုက်ဝေးသွားလိုက်နဲ့ကြားနေရတဲ့စကားတွေနဲ့အတူသူမမျက်ဝန်းမှမျက်ရည်တွေကနားထင်ဆီသို့စီးကျလာလေ၏။
''လူလိမ် လူညာ ရက်စက်တဲ့သူ''
သူမအသံတိတ်အော်ဟစ်ရင်းမျက်လုံးကိုဖျက်ခနဲဖွင့်ကြည့်တော့အမျိုးသားတစ်ဦးနဲ့အမျိုးသမီးတစ်ဦးကသူမအားငုံ့မိုးကြည့်နေကြတာမို့အိပ်ရာကနေချက်ချင်းထထိုင်လိုက်မိသည်။
YOU ARE READING
More than just a fantasy(completed)
Fantasyချစ်လျက်နဲ့ဝေးကွာခဲ့ရတဲ့ချစ်သူနှစ်ဦးပြန်လည်ပေါင်းစည်းနိုင်ပါ့မလား...
