Unicode
More than just a fantasy
Chapter.2
''မင်းဘာဖြစ်နေတာလဲ မကျေနပ်ရင်ပြတ်လိုက် ငါ့ကိုအာရုံလာနောက်မနေနဲ့''
လုံးလုံး,မမမိုးဆီကမုန့်ဖိုးနဲ့အဝတ်အစားတွေကိုယူပြီး အိမ်ပြန်ဖို့စက်ဘီးလေးကိုဒေါက်ဖြုတ်နေတုန်း ခြံထဲကကိုကို့အသံကိုကြားလိုက်ရ၍ သူမလှည့်ကြည့်လိုက်လေ၏။
''မလာနိုင်ဘူး ငါ့ကိုအမိန့်လာမပေးနဲ့ မကျေနပ်ရင်ပြတ်လိုက်လို့ပြောနေတယ်''
လုံးလုံးကြည့်နေတုန်းမှာပဲကိုကိုကသူမကိုလှမ်းကြည့်လာ၍ သူမစက်ဘီးလေးကိုအမြန်တွန်းကာ ခြံထဲကနေထွက်သွားမလို့ပြင်တုန်းမှာပဲ ကိုကိုကသူမဆီလျှောက်လာပြီးစက်ဘီးလက်ကိုင်ကိုလာကိုင်ကာ
''ငါကငါ့ကောင်မလေးနဲ့အတူရှိနေတာ မင်းမယုံရင်သူနဲ့ဖုန်းပြောလိုက်''
ပြောပြီးကိုကိုကသူ့လက်ထဲကဖုန်းအားသူမနားနားသို့ကပ်ပေးလာလေသည်။
''ပြောလိုက်''
''ဟမ်''
''မိုးယံဦးခိုက်ရဲ့ကောင်မလေးလို့ပြောလိုက်''
လုံးလုံးတံထွေးတစ်ချက်မြိုချကာ
''ညီမက မိုးယံဦးခိုက်ရဲ့ ကောင်မလေး''
သူမစကားမဆုံးခင်မှာပဲတစ်ဖက်ကတောက်တစ်ချက်ခေါက်ပြီးဖုန်းချသွားလေ၏။
''ဖုန်းချသွားပြီ''
ကိုကိုကသူ့ဖုန်းကိုပြန်ယူပြီး
''အလကားအာရုံလာနောက်နေတယ် မိန်းမတွေကသူတို့ကိုဂရုစိုက်ပြရင်အခွင့်အရေးကိုအပြည့်အဝယူတော့တာပဲ ငါကလည်းအဲဒါတွေကိုမကြိုက်တာ''
လုံးလုံးကတော့သူပြောတာတွေကိုအူကြောင်ကြောင်ရုပ်လေးနဲ့နားထောင်လို့နေလေသည်။
''မသွားသေးဘူးလား''
''ကိုကိုက မဖယ်ပေးသေးဘူးလေ''
သူမစကားကြားမှသူစက်ဘီးလက်ကိုင်ကိုကိုင်ထားမိတာကိုသတိရပြီးချက်ချင်းဖယ်ပေးလိုက်လေ၏။
''သွားတော့''
''ဟုတ်''
သူမလည်းစက်ဘီးလေးပေါ်တက်ပြီးနေရာကနေအမြန်နင်းပြေးလာခဲ့လိုက်တော့သည်။
YOU ARE READING
More than just a fantasy(completed)
Fantasyချစ်လျက်နဲ့ဝေးကွာခဲ့ရတဲ့ချစ်သူနှစ်ဦးပြန်လည်ပေါင်းစည်းနိုင်ပါ့မလား...
