More than just a fantasy(completed)

Chapter.23

Unicode

More than just a fantasy

Chapter.23

''မေမေ...မေမေ''

သူမကိုလာလှုပ်နှိုးတဲ့လက်သေးသေးကြောင့် လုံးလုံးအိပ်ရာမှနိုးလာရ၏။

''သမီး''

''မေမေ...ဖေဖေကမေ​မေ့အတွက်မနက်စာဝယ်ထားတယ်တဲ့ မေမေ့ကိုမျက်နှာသစ်ပေးမယ်တဲ့ ပြီးရင်မနက်စာစားကြမယ်တဲ့''

''အင်း''

လုံးလုံးအိပ်ရာကနေထပြီး ခေါင်းအုံးဘေးကခေါင်းစည်းကြိုးကိုယူပြီးမှ

''ကျစ်...ဘယ်လိုစည်းရမှာလဲ''

ထိုစဥ် မိုးယံကအခန်းထဲဝင်လာပြီး

''ကိုကိုစည်းပေးမယ်လေ..ပေး''

''ရတယ် မလိုဘူး''

''လာပါ''

မိုးယံသူမလက်ထဲကခေါင်းစည်းကြိုးလေးကိုယူပြီးကျောလယ်လောက်ရှိသောသူမဆံပင်လေးတွေအားစည်းပေးလိုက်သည်။

''ရပြီ မျက်နှာသစ်တော့မလား ကိုကိုသစ်ပေးမယ်''

''မလိုဘူး ကိုယ့်ဘာသာလုပ်နိုင်တယ်''

ပြောပြီးသည်နှင့်သူမလည်းသမီးလက်ကိုဆွဲကာအခန်းထဲကထွက်ခဲ့လိုက်၏။

''အခုမှအပိုတွေလာလုပ်နေတယ်''

''မေမေကလည်း ဖေဖေကစေတနာနဲ့ပြောတာကို''

''မေမေ့အတွက်တော့အဲ့စေတနာတွေကတစ်စက်မှမလိုဘူး''

ငယ်လေးကခေါင်းသာကုတ်နေလျက်။

သူမတို့အိမ်ရှေ့ရေချိုးကန်ဆီရောက်တော့

''သမီး...သွားတိုက်တံခဏကိုင်ထား''

ဟုဆိုကာသမီးလက်ထဲသို့သူမသွားတိုက်တံလေးကိုထည့်ပေးလိုက်ပြီးသူမကတော့သွားတိုက်ဆေးဗူးကိုအဖုံးဖွင့်၍သွားတိုက်ဆေးကိုညှစ်ကာသူမသွားတိုက်တံပေါ်တင်လိုက်သည်။

မိုးယံသူမအားအိမ်ပေါက်ဝနေလှမ်းကြည့်ပြီးသက်ပြင်းတွေသာချလိုက်မိ၏။

တော်တော်အကြောတင်းပြီးခေါင်းမာလွန်းသောကောင်မလေး။

''သမီးရောမျက်နှာသစ်ပြီးပြီလား''