More than just a fantasy(completed)

Final part

Unicode

More than just a fantasy

Chapter.29 (Final part)

အုပ်စိုးသူ့ရှေ့ကရွှေအိုရောင်ဖိတ်စာလေးကိုကြည့်ကာပြုံးလိုက်၏။

နောက်ဆုံးတော့လည်းနှင်းကသူရဲ့မူလရင်ခွင်ဆီပဲပြန်ခိုဝင်သွားခဲ့ပြီပင်။

''ငါဝမ်းသာတယ်နော်နှင်း နင်တို့မင်္ဂလာပွဲကိုငါဆက်ဆက်တက်ပါမယ်''

''အေးပါ အရင်ကနင့်ကိုငါကြည့်မရဖြစ်ခဲ့ဘူးပေမယ့် ငါအခက်အခဲဖြစ်တိုင်းနင်ကအမြဲကူညီပေးခဲ့တယ် အဲ့အတွက်ကျေးဇူးပါပဲအုပ်စိုး''

မိုးယံကလည်း...

''ငါလည်းမင်းကိုကျေးဇူးတင်ပါတယ် မီးလေးနဲ့သမီးလေးကိုကူညီစောင့်ရှောက်ပေးခဲ့လို့''

''ရပါတယ် ငါဆန္ဒရှိလို့လုပ်ပေးခဲဲ့တာတွေပဲကို ပြောနေဖို့မလိုပါဘူး''

''အဲဒါဆိုငါတို့သွားတော့မယ်အုပ်စိုး တစ်ခြားဖိတ်စရာတွေရှိ​သေးလို့''

''အေးပါ ဂရုစိုက်သွားကြ''

''အင်း''

မိုးယံကလုံးလုံးပုခုံးလေးကိုဖက်ကာ အိမ်ထဲကထွက်သွားသည်ကိုသူမျက်စိတစ်ဆုံးလိုက်ကြည့်မိသည်။

နှင်းနဲ့အလိုက်ဖက်ဆုံးကမိုးယံတစ်ယောက်တည်းပါပဲ။

***

သူတို့အုပ်စိုးဆီကပြန်တော့ရူဘီ့ဆီသို့ဝင်ခဲ့ကြ၏။

ရူဘီ့ရဲ့တုန့်ပြန်မှုကအုပ်စိုးနဲ့တော့မတူခဲ့ပါ။

''ငါမလာဘူး''

''ဘာလို့လဲ ငါတို့ကမိတ်ဆွေတွေလေ''

''နင်ငါ့ကိုလာပြီးပျက်ရယ်​ပြုနေတာလား''

''.....''

''တစ်ခြားမိန်းကလေးကိုလက်ဆွဲပြီးမင်္ဂလာလျှောက်လမ်းမှာလျှောက်နေတဲ့နင့်ကို ငါကဘယ်လိုစိတ်နဲ့လာကြည့်ရမှာလဲ ဘာလဲ နင်တို့ကိုကြည့်ပြီးငါခံစားနေရတာကိုနင်တို့မြင်ချင်လို့မလား''

''မဆိုင်တာဟာ''

ထိုစဥ် သူမအမေရောက်လာပြီး

''ရူဘီ မဟုတ်တာတွေပြောမနေနဲ့...မောင်မိုးယံ အန်တီတို့လာခဲ့မယ်သိလား''