More than just a fantasy(completed)

Chapter.3

Unicode

More than just a fantasy

Chapter.3

ကိုကို့ကားလေးသူမအိမ်ရှေ့မှာရပ်သွားသည်နှင့် လုံးလုံးသူမပေါင်ပေါ်ကကိုကို့အင်္ကျီလေးအားကိုကို့ကိုပြန်ပေးကာ

''ဒီမှာအင်္ကျီ''

''အင်း facebookသုံးတယ်မလား''

''ဟုတ် သုံးတယ်''

''နာမည်က''

''နှင်းလုံးငယ်ပဲ''

''အွန်း''

''အာ့ဆိုသွားပြီနော်''

''အင်း''

သူမကားပေါ်ကဆင်းလိုက်ပြီးခြံထဲဝင်ခဲ့ပြီဆိုမှပဲကိုကို့ကားလေးကနေရာကနေမောင်းထွက်သွားလေ၏။

''ဘာလို့accountကိုမေးတာလဲ''

သူအိမ်ထဲရောက်တော့မေမေကဟင်းရွက်သင်နေရင်းမှ

''သမီးပြန်ရောက်ပြီလား''

''ဟုတ် မေမေညနေစာချက်မလို့လား သမီးအဝတ်အစားလဲပြီးမေမေ့ကိုဝိုင်းကူပေးမယ်နော်''

ပြောပြီးသူမအခန်းထဲဝင်ခဲ့၍ ပေါ့ပေါ့ပါးပါးဖြစ်မယ့်အဝတ်တစ်ထည်ကိုလဲဝတ်ကာ မေမေ့ကိုဟင်းကူချက် ပန်းကန်တွေကူဆေးပေးပြီးအချိန်ကုန်နေလိုက်​၏။

ဖေဖေအလုပ်ကပြန်လာတော့ဖေဖေသူ့ဝေယျာဝစ္စတွေလုပ်ပြီးမှပဲမိသားစုလေးယောက်ထမင်းလက်ဆုံစားကြသည်။

မိသားစုစုံလင်မှထမင်းစားတတ်တာသူမတို့မိသားစုရဲ့ဓလေ့တစ်ခုလိုဖြစ်နေပါပြီ။

ထမင်းစားပြီးတော့လည်းအချိုတည်းရင်းရုပ်ရှင်အတူကြည့်ကြပြန်၏။

ထို့နောက်သူမဘုရားရှိခိုးပြီးမိဘတွေနဲ့အဖွားကိုပါကန်တော့ကာအခန်းထဲသို့ဝင်ခဲ့လိုက်သည်။

သူမမအိပ်ခင်facebookထဲဝင်လိုက်တော့friend requestတစ်ခုတက်နေ၍ဝင်ကြည့်လိုက်ရာ

''ဟင်''

သူမကိုယ့်ပါးလေးကိုပြန်ရိုက်လိုက်ပြီးဖုန်းကိုသေချာပြန်ကြည့်လိုက်မိ၏။

''ကိုကိုကငါ့ကိုလာaddထားတာလား addထားတာလေးနာရီတောင်ရှိပြီပဲ''