Chapter.9

5.2K 141 9

by pear721

by pear721

Unicode

More than just a fantasy

Chapter.9

''အခုမှငိုမနေနဲ့ ဒါမင်းအမှားပဲ''

''ကျွန်တော်ကမိုးကိုပဲချစ်တာမေမေရ''

''မင်းသာငါတို့ကိုဒီကိစ္စတွေပြောပြခဲ့ရင် အခုလိုပြဿနာတွေဖြစ်လာမှာမဟုတ်ဘူး အခုတော့မိုးကငါတို့မိသားစုကိုအရမ်းနာကြဥ်းသွားပြီ''

''ကျွန်မကမှအမေတို့ရဲ့ပထမဆုံးချွေးမပါအမေတို့ရဲ့ အဲ့မိန်းမကိုခေါင်းထဲထည့်မနေပါနဲ့''

''မင်းပါးစပ်ပိတ်ထားမိန်းမယုတ်မ'

''ဘာပြောတယ်''

အပြင်ဘက်ကကြားနေရတဲ့အသံတွေကြောင့် သူမတံခါးကိုမှီကာထိုင်ရင်းမျက်ရည်မဆည်နိုင်ဖြစ်နေခဲ့ရလေသည်။

အခုသူမနဲ့ကိုကိုတို့ဘယ်လိုရှေ့ဆက်ကြရမလဲ။
ဒီလောက်ကြီးမားတဲ့ပြဿနာကြီးကသူမတို့ကြားမှာဝင်ရောက်လာပြီမို့ သူမကိုကို့မိသားစုထဲဝင်ဖို့ဖြစ်နိုင်ပါဦးမလား။

ဟင့်အင်း...မဖြစ်နိုင်ဘူးပေါ့။

ဒါပေမယ့်လည်းသူမမျှော်လင့်ချင်သေးတယ်။
ကိုကိုသာသူမကိုတစ်ကယ်ချစ်ရင်လက်လွှတ်မှာမဟုတ်ဘူး။
သူမနဲ့ပေါင်းထုတ်ဖို့အတွက်အကြံဉာဏ်ကောင်းတွေရှိမှာပါ။

အတွေးနဲ့အတူသူမဘေးကဖုန်းလေးကိုကောက်ကာကိုကို့ထံဖုန်းဆက်လိုက်၏။
ကိုကိုကချက်ချင်းပဲဖုန်းကိုင်ခဲ့ပါတယ်။

''ဟဲလို''

အသံကတော့အေးစက်နေခဲ့၏။

''ကိုကို...မီးတို့ကိစ္စက...''

''မနက်ဖြန်နေ့လည်တွေ့မယ် လမ်းထိပ်မှာစောင့်နေ''

''ဟုတ်ကိုကို...မီး''

သူမစကားမဆုံးခင်မှာပဲကိုကိုကဖုန်းချသွားလေ၏။

မနက်ဖြန်သူမကိုဘယ်လိုအရာတွေကကြိုဆိုနေမလဲမသိတော့ပါဘူး။

***

နောက်နေ့မှာပဲသူမလည်းကိုကို့အားလမ်းထိပ်မှာထွက်စောင့်နေလိုက်၏။

သူမစောင့်နေတာသိပ်မကြာသေးခင်မှာကိုကို့ကားလေးကသူမရှေ့မှာရပ်သွားပြီးလူကကားပေါ်ကနေဆင်းလာလေသည်။