ازيكم عاملين إيه
جاهزين؟؟
بداية من البارت ده النهايات خلاص محتاجة منكم الهدوء والصبر علشان نكشف كل حاجة واحدة واحدة وتاني متحكموش من قفلة البارت دايما
يلا نبدأ
إنه شعور جميل حينما تيقن أنك ستظل مع شريكك دومًا ولن يفرقكما أي شيء بعد ذلك.
دخل بها شقته لأول مرة بعد عناء طويل، دخلت وهي تبتسم وتتطلع على جمال المكان عقب تجهيزه لهما.
دخلت غرفة النوم وتبعها هو ثم تحدث ما إن دخل وبعدما غلق الباب:
_ الجو هادي خالص والدنيا هس هس وأنا وانت ونجوم الليل وبس..... ألف مبروك ليا انتي يا أحلى عاليا في الدنيا
ابتسمت ورفعت عينيها إليه وتحدثت في خجل:
_ الله يبارك فيك يا حبيبي ومبروك لينا احنا الاتنين
أمسك بيديها وجلسا على السرير وقال:
_ يمكن عمري ما قولتلك الكلام اللي هقوله دلوقتي ده قبل كده لأني ماكنتش محتاج أقوله أو منتظر الوقت المناسب علشان أقوله... واعتقد مفيش وقت مناسب اكتر من ده اقول فيه كل اللي جوايا من ناحيتك....
وضع إصبعه تحت ذقنها وتابع وهو ينظر داخل عينيها:
_ انتي من النهاردة هتبقي أهم حد في حياتي وأهلي... البيت ده هيبقى السر الكبير اللي بينا، والاوضة دي هي أكبر سر فيه، أي حاجة تحصل في بيتنا هي سر بينا مش محتاجين الناس تدخل في حياتنا خالص. انتي اللي اختارها قلبي وعقلي وروحي وعلشان كده أنا هكمل معاكي وانا مكشوف ليكي بكل مراحلي... انتي اللي هتبقي عارفة نقاط ضعفي وقوتي، انتي اللي هتبقي عارفة بحب ايه وبكره أي ومحتاج إيه وكذلك أنا... أما تعيطي او تزعلي من أي حد في الدنيا أول حد أجري عليه انا ومن دون تردد حتى إن كان اللي مزعلك ده أنا... انتي بالنسبالي نصي التاني وشريكة حياتي فمش هستبعدك في أي حاجة في الكون كل حاجة عني هتبقي عندك علم بيها. هنبدأ صفحة من نوع جديد جدا مع بعض وهنفضل نملى صفحة ورى صفحة لحد أما يبقى كتاب حياتنا احنا وبس، عايز الكتاب ده يكون مليان حب وود ورحمة ووفاء وبس وانا هسعى جاهدًا لده.... بصي لعيني أوي
فعلت كما طلب، فتابع:
_ عايزك تتأكدي إن عمر العيون اللي انتي بصة فيهم أوي دول ما هيزعلوكي ولا هيقبلوا عليكي الهوا ولا هيقدروا يشوفوا دمعة واحدة من دموعك حتى، ثقي فيا واعتمدي عليا بدون أي قلق.... بحبك ومحظوظ اني قابلت في حياتي بنت أصول زيك تصوني وتحافظ عليا وعلى ولادي بعدين، واكيد دي كانت دعوة أمي ليلة القدر.
ضمته إلى صدرها وتحدثت:
_ انا اللي محظوظة بيك وعارفة انك العوض اللي ربنا بعتهولي ينور لي حياتي ويحييني مرة تانيه بعد ما كنت خلاص فقدت الشغف في حياتي وكرهتها... كل كلامك ليا النهاردة اتحفر جوايا خلاص وهيتنفذ بالحرف واوعدك كتاب حياتنا ده هيكون كتاب طيب يرضي الله ورسوله ويخلينا دايما راضيين عن بعض وراغبين بعض.
نظر إلى عينيها ورد:
_ يبقى اتفقنا... يلا غيري الفستان علشان نصلي ركعتين شكر لله ونبدأ بقى
أنت تقرأ
الجعة يشوبها الأخلاق
Bí ẩn / Giật gânو كان خطئه الوحيد طيبة قلبه وعفته، الدنيا ليست المكان الذي يستحقه. الحقارة لم تعرف طريقه قط، والشك لم يطرق بابه حتى. فلما فعلوا ذلك به؟ ومن المسؤول عن الحال الذي وصل إليه ؟ هل تلك التي ستغير حياته السبب في ذلك؟ أم هي السبب في تدميرها؟ بالطبع الجمي...
