ازيكم عاملين إيه
شدوا حيلكم معايا شوية الرواية خلاص بتفنش شجعوني دايما وحطوا فوت وقولوا رأيكم علشان يا حبايبي الإنسان بيحتاج دعم علطول
جاهزين؟؟
يلا نبدأ
ابتسمت لما شعرت أن فرج الله قريب وأن حق ابنتها سيعود وردت عليه:
_ طب انت قولت للشباب إنهم هيسافروا معاك وكده؟
_ لا، بس هقولهم وهما أكيد مش هيعارضوا
اتجهت نحو الخزانة وأخرجت خاتم الماظ لها ثم مدت يدها له كي يأخذه منها وهي تقول:
_ خد
_ إيه دا؟
_ دا خاتم من بتوعي
_ فاهم بس اخدوا أعمل بيه إيه؟
_ خده بيعه علشان أكيد هتحتاجوا فلوس في إسبانيا.. هما مش مضطرين يروحوا معاك ويدفعوا من جبهم، وبعدين جايز تحتاج إقامة هناك ولا حاجة علشان كده بيعه وخلي فلوسه معاك احتياطي لو احتاجت حاجة و ادفع منه فلوس التذاكر بتاعتك أنت واللي هيسافر معاك، هو يعمل كتير مش اقل من ٤ مليون، خليهم معاك تحسبا لأي حاجة
تردد كثيرًا في أن يعطي أي رد ثم قال:
_ بس...
_ من غير بس يا وليد، خد ومتتكسفش دي بنتي ويكفي إنك أنت اللي هتسافر وهتغامر محدش يعرف البت دي مين بيحميها ولا مين وراها فيكفي إنك هضحي بنفسك ومش عايزاني بس أساهم بالفلوس واللي هي معايا؟!
خده يا وليد ورجع حق لين وبرد قلبي، و اوعدني إنك هترجع لي
ابتسم ثم هز رأسه موافقًا وقال:
_ أمير هيجي ولا إيه نظامه؟
_ أمير مش في مصر هو فضل يدور عليها طول الفترة اللي فاتت زي ما شفت انت كده وملقهاش ولما زهق رجع لشغله وحاليا عنده تصوير في ايطاليا
_ خلاص مش مشكلة..... هاخد أسر و هشوف أسامة كده بردو
_ طب فل كده، ربنا معاكم يارب ويرجع حق لين إن شاء الله.
*******
كان فايز يجلس داخل مكتبه على كرسيه الخاص وهو يشاهد نجاح كتابه والذي حطم الرقم القياسي في نجاحه مما قاد إلى ترجمته إلى عدة لغات. نشر الكتاب لأول مرة عقب سفره إلى ألمانيا بأربعة أشهر وترجم إلى اللغة الألمانية وكان مضمونه خلاصة تجاربه مع منة وكيفية التعامل مع تلك الأمراض النفسية وكيفية تجنبها، وأطلق عليه اسم ( ضحيتي منة) كان ينقسم إلى أربعة أقسام وكل قسم يتضمن عشر فصول. القسم الأول تناول فيه "كيفية التعامل مع النشأة وتأثير البيئة المحيطة" والقسم الثاني تناول فيه " كيفية تأثير العائلة على الفرد وبالأخص الآباء ثم تأثير الفرد على المجتمع في ضوء ما تلقاه" أما القسم الثالث فقد تناول فيه" الأمراض النفسية التي يمكن أن تعيق الفرد على أداء المهام اليومية وكيفية تكوينها وأسبابها وطرح طرق للتخلص منها" بينما القسم الرابع والأخير كتب عن منة وعن ما عانته من أمراض و إهمال حتى يعتبرها الجميع نموذجًا يحتذى به و كتب عن طرق التعامل معها و مع من يعانون من نفس مشكلتها وأوضح تجاربها بشكل لائق مما جعل البعض لا يصدق أن كل ذلك قد أصاب واحدة وحسب دون غيرها.
كان يبتسم وهو يتابع نجاحه ونجاح كتابه واصبحت نظرياته والتي وضعها في الكتاب محط اهتمام للقراء.
وفي تلك الأثناء دخلت عليه منة وهي تبتسم وتحدثت:
_ كتابك كسر الدنيا صح؟
أنت تقرأ
الجعة يشوبها الأخلاق
Gizem / Gerilimو كان خطئه الوحيد طيبة قلبه وعفته، الدنيا ليست المكان الذي يستحقه. الحقارة لم تعرف طريقه قط، والشك لم يطرق بابه حتى. فلما فعلوا ذلك به؟ ومن المسؤول عن الحال الذي وصل إليه ؟ هل تلك التي ستغير حياته السبب في ذلك؟ أم هي السبب في تدميرها؟ بالطبع الجمي...
