محبة لـيـن ذربة من القلب تكساك محبة لين صدق الهوى

part 2

- البارت الثاني -
- عند البنات -
لين بهمس لـ العنود:امشي نروح نتمشى ورا
العنود بهمس:تمام امشي
قاموا العنود ولين يتمشون ويسولفون
العنود بضحك:لين أحسك حبيتيه مدري ليه ولو ما حبيتيه احس بتحبينه
لين:لا تستهبلين العنود وربي ما حبيته وولا جاء ببالي بس خفت يوم دخلت المطبخ وهو موجود
العنود:ليه تخافين طيب ترا مب ماكلك
لين:ادري بس توترت مدري ليه
تركي وهو متجه لسيارته
العنود بصوت مرتفع:تركي وين رايح
تركي: لا ترفعين صوتك لا الحين اجي اصفقكك
العنود:طيب وين رايح
تركي:رايح البقاله بجيب أغراض لكم جدي وصاني
العنود اتجهت له مع لين:نبي نروح معك
تركي:ليه تروحون ترا بقاله بجيب الأغراض واجي
العنود:تكفى تركي نبي نروح
تركي ناظر لين ونطق:تمام امشوا لحالكم بس مو تجيبون الجيش كامل
- عند العيال -
قام نايف يبي يروح يدخن
تميم:وين رايح
نايف:برا ادخن
تميم:تمام
-عند نايف تحديداً ورا المزرعه-
شغل دخانه وبدأ يدخن وشاف نجد تصور "ولكن ماعرفها بحكم انه اول مره يشوفها بدون حجاب" لابسه بنطلون فلير اسود مع بلوزه لونها ابيضّ
وكان شكلها جميل مع شعرها الطويل الاسود وتصويرها وتميلحها واغنيتها المُفضلة وتردد مع الاغنية وكان صوتها جداً جميل مع الغناء:
-ودي اسمع حبيبي يا حياتي احبك ودي في المحبه سيدي تحتويني!!
المحبه حبيبي هو بذنبي و ذنبك ذبت انا في غرامك والهوا والحنيني
ايه احبك عساني فدوةً لك ولقلبك ايه احبك وانا لك عاشق من سنيني -
——————————————————————🌷🌷🌷🌷🌷🌷🌷🌷🌷🌷🌷🌷🌷🌷
نايف صنم مكانه وقعد يناظرها، وهي لفت وشافته وصارخت ونطقت: ماتستحي خير تناظرنييي صد صدد!!
نايف صد وقال:اسف بس دقيقه نتفاهم لا احد يسمعك
نجد:وش نتفاهم عليه خلاص روح
-عند نايف ركض للعيال-
تميم: شفيه ذا يركض
سَند: مدري عنه
سليمان: شفيك نايف
نايف قاعد يفكر ويتخيلها ومانتبه لسليمان،
سليمان: هييي نايف اكلمك
نايف: ها وش اشففي وش صار
سليمان: شفيك تفكر بوشو شفيك جاي تركض
نايف: لا ولا شيء
راين بأستغراب: متأكد مافيك شيء!
نايف: اي ماعليك مافيني شيء
سعود ابتسم لأنه يدري ان نايف وراه شيء
-
- عند تركي والعنود ولين بالسيارة -
تركي: وصلنا أنا بنزل واجيب الاغراض انتوا خلوكم
العنود طنشت تركي وفتحت الباب تنزل ، نطق تركي: أنا وش قلت ماتفهمين
العنود: في اغراض ابيها انت ماتعرفها
تركي: لا ياشيخه
العنود طنشت تركي وسحبت لين معها يدخلون قبل تركي للبقاله
تركي ضحك ونطق: تراني مو سواق
العنود: اص اص خلنا نشتري وراح تدفع انت
تركي: سمي كم عندي العنود هي وحده بس
العنود:غصب
لين: العنود وش اللي يدفع هو عيب أنا بدفع الاغراض عيب هو يدفعها
العنود: اص بيصير حبيبك وزوجك قريب خليه يدفع
لين وهي تمثل العصبيه وفضحتها ابتسامتها وبالغلط صارخت: انطميي
العنود بضحك وهي تهرب: اص فضحتينا
تركي: لييه تصارخين
لين بزعل وفشله:بالغلط
العنود: خلاص ماصار شيء
تركي: لا عاد تصارخين منتي بالبيت
العنود: تركي مالك دخل انطم
تركي: وش اللي مالي دخل عيب تصارخ هنا
لين بزعل: اسكتوا
تركي ناظرها وتنهد
-اتجهت لين تحاسب اغراضها ، وشافها تركي وراح لها -
تركي: والله أنا اللي ادفع روحي السياره
لين : خلاص انا بدفع ماتقصر
تركي: حلفت خلاص روحي السياره!!
لين هزت راسها ومشت للسيارة ولحقتها العنود بعد ماعطت تركي الاغراض
لين بغت تركب السيارة وجاء واحد يعاكسها، ونطق: يحلوه سنابك
لين: اذلف عني بطلوها هالحركات يابزر
شافه تركي وراح لهم
تركي:شعندك؟
الولد:لا بس شفت بنت حلوه وجيت عندها انت شتبي
تركي بعصبيه وصوت مرتفع:أنا اعلمك يبن ال***
بدأ يضربه ويتهاوشون:
لين: خلاصص تركي اترك الرجاللل
تركي وهو يضربه ونطق: انقلعي اركبي السيارة
ركبت لين السياره وقامت تبكي ونطقت للعنود:خلاص ركبت خليه يتركه
العنود بخوف نزلت من السياره دفت تركي عن الرجال ونطقت: تبي تجيب العيد انت تبي تذبحه خلاص خليه ينقلع
تركي بعصبية: انطقوا بالسيارة اجيب الاغراض واجيكم
راحت العنود السياره تهدي لين:
وانت يا*** اترك حركاتك الوصخه لا اخليك تنهان بالمحاكم
-اتجه تركي يجيب الاغراض مسرع وجاء وركب السيارة ، وبدأ يسوق بعصبية ويسرع
العنود: لا تسسسرععع
_________________________________🌷🌷🌷🌷🌷🌷🌷🌷🌷🌷🌷🌷🌷🌷
وبكذا خلصنا ثاني بارت أتمنى ناال على إعجابكم ..
الله الله بالنجوم عااد🤩❤️❤️
حساب التيك
j.i1x_
"فيه تلميحات لأحداث"
حساب الانستا
j4.i1_
اكتبوووا رأيكم ، الله الله بالنجوم ❤️❤️
نشوفكم بالبارت الثالث ❤️