وصلوا البيت وركضت لين لجدها وتركي يناظرها ومبتسم، ونطقت جدي بطلبك طلب
الجد: امري
لين:جدي عيد ميلادي بعد اسبوع
الجد متعب:يابنتي العيد ميلاد حرام وبدعه
لين:تكفى جدي نبي نحجز شاليه واحتفل مع البنات مره بخاطري
الجد متعب:خلاص تحجزون شاليه إيه بس عيد الميلاد بكيفكم مع انه حرام وانا جدك
لين:الله يهدينا بيكون آخر مره اسوي فيها عيد ميلاد ان شاء الله حتى بس كيكه مب جايبه شي ثاني
الجد:تمام تمام حددو اليوم وقولولي , ورجعت لين السيارة تسحب العنود ونطقت العنود: يابنت الاغراض بشيلها اصبري
لين: خلي تركي تعالي نشوف شاليه
العنود:شاليه ايش!!
لين:قلت لجدي بعد أسبوع نبي شاليه احتفل بعيد ميلادي وقال انه موافق على الشاليه بس عيد الميلاد ماله دخل فيه امشي
وركضت العنود معها
تركي وهو يضحك: خير انا أشيل ذا كله والله ماشيلهم ورجع ركض خلف اخته العنود ولين
تركي: هي هي تعالوا والله ماشيلهم لحالي خير
العنود: بلا دلع وروح جيب اغراضي للغرفه لا تخليهم بالصاله
تركي: ماراح اجيبهم وحده فيكم تساعدني
العنود: لين ساعديه
لين سوت نفسها ماتسمع، العنود: ليين
لين: ظهري يعورني
العنود ضربتها ضربة خفيفه: لا ياشيخه
لين ضحكت: خلاص قوليله الحين بجي بس بشوف الشاليه
تركي جاء وسحب لين من يدها ونطق: لا الحين بعدين الشاليه
لين بتوتر: شسويت
تركي: ماسويت شيء سحبت يدك عشان تجين
لين بخجل: وليه
تركي: عشان تساعديني بالأغراض ، يلا شيلي ذا الخفيف سهلته عليك
لين: تمام بسألك
تركي: سمي
لين: سم الله عدوك ، باقي تحس بتعب
تركي: لا ياروحي.. وسكت واستوعب كلمته ، اقصد لا مافيني شيء الحين تمام ترا قلت الكلمه فجأة لأني متعود أقولها لخواتي
لين توترت زيادة واخذت الاغراض الخفيفه وركضت وهي مبتسمه وقلبها يدق
تركي ناظرها وضحك
-بعد ما شالو كل الأغراض-
ليان: تركي وين لين والعنود
تركي: طلعوا للغرفه فوق
-
-عند المها ام تركي-
تدور على زوجها ابو تركي
لورين بنت نوره الصغيره: عمه المها صدق نروح شاليه
المها: بنروح؟ مين اللي قالك نروح
لورين: سمعت لين تقول لجدي
ألمها ابتسمت: دام لين قالتله يعني نروح
لورين: الله يعني نتسبح
المها وهي تبي تونس لورين: اييي نتسبح وننبسط
لورين بحماس: بكلم ماما
المها ببتسامه :روحي كلميها
المها شافت زوجها: وينك أدورك من اليوم
عبدالله: كنت داخل امري شبغيتي
المها: ابيك بموضوع ضروري تعال الحقني على الغرفه
عبدالله: عساه خير
المها:خير خير
-بغرفة المها وعبدالله-
عبدالله:هلا وشو
المها بأبتسامه:ولدك تركي يبي يخطب
عبدالله ببتسامه:منهي؟
المها:لين بنت اخوك مشعل
عبدالله:والله هذي الساعه المباركه لين بتناسبه وراح يحبها وهي بتحبه قوليله نخطب له اليوم اليوم
المها بضحك:الله يهديك ياعبدالله تو الناس تونا راجعين من المزرعه ومحيوسين خله بكره
عبدالله:لا اليوم يعني اليوم كلميه خل يتجهز عشانه بالمجلس نكلم مشعل وبعدها نخطبها له رسمي
المها:تمام
-بالغرفه عند العنود ولين-
-وهم حاطين ايباد لين حق الجامعه ويدورون فيه شاليهات حلوه بالرياض-
لين:شوفي هذا مره حلو حتى فيه ألعاب مائيه
العنود:ايي مررره حلو خلاص خلينا نكلمهم
دخلت ليان عليهم
ليان:شتسوون؟
العنود:نختار شاليه
ليان بأستغراب:شاليه شاليه ليه؟
لين:ماتدريييين
ليان:وش
لين:بنروح الشاليه الأسبوع الجاي
ليان:بسم الله تونا جينا من المزرعه ومين قال
لين:كلمت جدي عشان عيد ميلادي وقال الشاليه عادي بس عيد الميلاد مالي دخل فيه يعني بنروح
ليان:احلفو؟
العنود:والله شدعوه نكذب عليك
ليان:اخترتو طيب؟
لين:اي اخترنا شاليه فيه قسمين للرجال والحريم
ليان:اشوف
وروها الشاليه ونطقت:واووو مررره حلو بروح أنادي البنات
العنود ولين:تمام
-بالصاله كل الاهل مجتمعين والبنات جالسين بالزاويه جنب بعض-
ليان جت وجلست جنبهم ونطقت بهمس:بنات تخيلو راح نروح شاليه الأسبوع الجاي!!لين كلمت جدي ووافق وقاعدين العنود ولين يختارون شاليه
نجلاء:منجد!!غريب تونا راجعين من المزرعه
ليان:حتى أنا مستغربه يلا امشو وربي حمااااس
راحو البنات كلهم
"ليان والجوهره وسُميه نوره وساره وريم ووجد ونجلاء وجوان ونجد والماس وصبا وإبتهال , والعنود ولين فوق"
-عند عبدالله ومشعل-
عبدالله: شالاخبار يخوي
مشعل: والله زي ما انت شايف الحمدلله كُل شيء تمام
عبدالله: ابيك بموضوع
مشعل: سم
عبدالله: سم الله عدوك ، الصراحه انا اشوف ان تركي ولين مناسبين لبعض
مشعل ببتسامه: حتى أنا أشوف والله
عبدالله: والله تركي ابيه لبنتك وقلنا نزوجهم ونفرح فيهم وبعيالهم
مشعل: والله هذي الساعة المباركة ولدك رجال وكفو وواثق فيه انه بيحط بنتي بقلبه قبل عيونه توكلنا على الله بشاور بنتي واردلك خبر
عبدالله ببتسامه: الله يكتب اللي فيه الخير ياربّ
مشعل: اللهُم اًمييين ويوفقهم
-عند المها والهنوف ام لين-
الهنوف: اي مدري نروح الشاليه ولا لا مالي خلق
المها: ايي نروح ليش لا ننبسط ، إلا ماقلتلك
الهنوف: تم خلاص نجهز من بدري ، وشو
المها: نبي بنتك لين
الهنوف: تبينها تساعدك بوشو خذيها بالغرفه تلقينها مع البنات
المها بضحك:لاا ابيها لولدي تركي ماراح نلقى مثلها سنع وجمال وادب واخلاق
الهنوف بفرحة:ياعيوني انتي والله انه عزيز وغالي وينوثق فيه وأحسن شي انه ولد عمها وولد خالتها وش احلا من كذا؟ بكلمها وارد لك خبر
المها: خلاص كلمي بنتك وشاوريها ونتوكل على الله وعسى ربي يوفقهم
الهنوف ببتسامه: تممم ماعليك بس دروا مشعل وعبدالله؟
آلمها: كلمت عبدالله وقال بيقوله اليوم اكيد قاله
الهنوف: ربي يوفقهم يارب
المها: اللهم اًمين
"طبعاً العنود نزلت على اساس تجيب الايسكريم من الثلاجة وسمعت كُل شيء وهي مبسوطه ورجعت للغرفه عند البنات"
العنود وهي تلهث: بناااااتتتتت
وجد وسُميه: بسم الله شفيها ذي انخبلتتتت
العنود: قولوا مبروك
البنات كلهم بصوت واحد: مبرووووك وشو بشرينا
العنود: اخوي بيخطب
نجد: الله اي واحد يونس بيصير زواج ونقعد نرقص ونفل ام امها وبيخطب مين
العنود بمزح وهمست لنجد انه بنمزح تشوف ردة فعل لين: تركي وبيخطبك انتي
لين فتحت عيونها وناظرتها وسوت نفسها عاديه:مبروك الله يوفقهم بروح الحمام واجي
راحت لين للحمام وقلبها بيطلع من مكانه وبدون لا تحس دمعت وقالت بينها وبين نفسها:اوووف لييين شفيك لييين شفيييك انتي ماا تحبييينه ماتحبيينه متى حبيبتيه اصلاً الله يوفقهم , وبكت وقالت بينها وبين نفسها:برضو حبيته كنت احسبها بتقووول انه بيخطبني اوووف ليييش تعلقت فيه فجأة ليييش
العنود: بنات ترا تركي بيخطب لين وبيني وبينكم احسه يحبها واضحه من حركاته مبينه وشفتوا لين لما قالت بتروح الحمام احس زعلت الغبيه صدقت
سُميه: حرام عليك يمكن برضو هي تحبه وراحت تصيح
العنود: والله اني احبها وانبسطت لما سمعت امي وامها يتكلمون على هالموضوع ، بروح اشوفها
نجلاء: يونسسس بنات أحسهم مناسبين لبعض مرا عسسسل عقبال نجد ونايففف
نجد وهي تشرب القهوه شرقت ، نجلاء بضحك: بسم الله عليك
نجد: عقبال مين ومين
نجلاء: مسويه ماتسمعين والله انكم عسل يارب تتزوجينه
نجد خفت ابتسامتها وكملت تشرب من القهوه
-عند العنود ولين-
طقت العنود الباب ونطقت: لينن تأخرتي شفيك
لين: أنا موجوده بس احط ماسك وبغسل وجهي مره وحده
العنود: شفيه صوتك كذا كأنك بكيتي افتحي افتحي الباب بقولك شيء
لين وهي تحس بالغصه: ابكي ليه من وش
العنود: افتحي الباب
لين: دقيقه ، غسلت وجهها لين ومسحت دموعها وفتحت لها الباب
العنود: بكيتي صح
لين: لا ليش ابكي ماصار شيء عشان ابكي عليه
العنود: أعرفك أنا اذا بكيتي ولا لا وبعدين بيخطبك انتي ياغبيه كنت امزح
لين: كذاابه احلفي لا تلعبين بمشاعري !!؟
العنود ببتسامه: والله العظيم انها انتي وتراه واضح يحبك وانتِ حبك له بان وبعدين ماراح القى مثلك والله وانبسطت انه بيخطبك انتي الحمدلله ماختار غيرك انتي موافقه اهم شيء؟ عشان الفرحة تكون فرحتييين اكيد هو ينتظر ردك
لين حضنت العنود: احبككك
العنود ضحكت وبادلتها الحضن: اعشقكك يازق لا عاد أشوفك تبكين ، موافقه صح؟
لين بخجل: ايي
العنود: لبببى بس اللي يستحيييي يناااس
لين بضحك: اسكتي خلاص
العنود شوفي شوفي برسل لحبيبك الحين ومسكت جوالها ورسلت لتركي:صاحي؟
تركي رد بسرعة: لبيه يختي اي صاحي
العنود: مبروك
تركي: مبروك ليش
العنود: لا تسوي نفسك غبي
تركي حط ايموجي ضحكة ورسلها: مسرع انتشر الخبر
العنود: سمعتهم وانا نشرت الخبر زيادة عند البنات
تركي: وهي؟
العنود: عرففتت بالاول مقلبتهاا على اساس مو هي وبكت وتراها موافقه وتحبك والدليل انها بكت لما مزحت وقلت انك بتخطب نجد
تركي: كليتبن حرام عليك يوصخه بكيتيها
العنود: شدعوه الحين راضيتها والأبتسامة شاقه وجههاا
تركي: قوليلها مبروك لنا وعسى ربي يوفقنا يارب
العنود وهي تقرأ الرسايل وقالتلها شوفي شوفي ، لين ببتسامه ونطقت: ان شاءالله يارب..
-عند البنات-
دخلوا لين والعنود والبنات قامو وحضنوا بعض وخلصو
الماس:بنااات امشو ننزل تحت
ساره:ايي احس هنا طفش الحسنه الوحيده بقعدة الغرفه الحين إننا سمعنا خبر حلو يلا امشو تحت
-نزلو البنات تحت-
لمح تركي البنات داخلين وقام يدورها ولمحها وابتسم
وهي برضو ابتسمت لما شافته
عبدالله:دام الكل جاء وموجودين عندنا خبر حلو انا ومشعل
الجد متعب:وشهو عساه خير ان شاء الله
عبدالله ببتسامه:خير وخيرين بعد يبه
الجد متعب:عطنا خبركم يلا نسمع
عبدالله:خطبنا لين من مشعل لتركي
-البنات يدرون بس برضو صفقو وصرخوا بحماس-
الجد: اصص عيب تصارخون ، صدققق الله يوفقهم والله انهم مناسبين لبعض وتركي ابصم بالعشر انه رجال
فيصل توه دخل البيت "اخو لين"
فيصل: شصار الكل مبسوط خلوني مبسوط معكم
تركي ركض للغرفه وشافه فيصل ونطق: ذا شفيه
ضحك مشعل: المفروض لين اللي تستحي مو هو
فيصل: ليش يُبه اشفي
مشعل تركي بيخطب اختك لين
فيصل بفرحة: احلفففف يُبه عاد هالانسان مو بس احبه اموت فيه وركض فيصل لتركي يحضنههه وتركي بادله الحضن وهو يضحك
فيصل: اي والله انك رجال وابصم مو بالعشر بمليون لي الشرف انك تاخذ اختي عاد الله الله ف اختي خلها دايم بعيونك
تركي: يابعد روحي يافيصل ماعليييك اختك مايجيها شيء ولا تنزل دمعها وانا موجود وقلت باخذلي اختك احسن من اني اخذ من برا اختك تناسبني وراح نكون مبسوطين ومتفاهمين ادعيلنا اهم شيء
فيصل: ماعليييك بعيوني دايم ، تركي ابتسمله
الله الله بالنجوم
الانستا
j8e2i
في سبرايز لكم بس تفاعلوا ❤️🔥❤️🔥❤️🔥❤️🔥
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
