محبة لـيـن ذربة من القلب تكساك محبة لين صدق الهوى

part 12

حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
—————————————————————
وصلوا لستاربكس
نزل تركي يشتري لهم من ستاربكس وحاسب ورجع للسيارة وعطاهم وشربوا ورجعوا للشاليه وكان الكل جالس ومجتمع
الجد متعب: تعالوا اجلسوا معنا
شاف فيصل العنود وابتسم ونطق: جدي
الجد متعب: هلا
فيصل: شرايك اتزوج
الجد متعب: هذي سنة الحياة بس خلينا نخلص من تركي وسلوم
سُميه: رفضتوه ياعمي مروان؟
تركي كشر ونطق:مين ذا
سُميه: اللي جاء تقدم لعنود
تركي: لا ماراح تتزوج إلا برضاها العنود رافضه
العنود: اي ياجدي مابي
الجد متعب: شفيك خايفه تحسبينا بنغصبك ماعليك محد يغصبك
فيصل خايف تروح لغيره وهو يبيها وفكر يكلم امه قبل ماتروح من يدينه وقام للمطبخ يكلم امه
فيصل: يُمه تكفين لا تروح من يديني
الهنوف : بسم الله عليك شتقول انت
فيصل: يُمه أبيها أنا
الهنوف: مين تبي
فيصل: العنود يُمه اخطبيها لي تكفين لا تروح لغيري
الهنوف ابتسمت ونطقت: من يوم ماخطب تركي وانتوا تبون تتزوجون
فيصل: يُمه تكفين شفتها بالغلط وعجبتني ابيها
الهنوف: ابشر
فيصل: احلفي؟ يعني بتكون لي!
الهنوف: ايي ان شاء الله ولا يهمك
فيصل: يسسسس
الهنوف: مهبول نشوف اول إذا توافق البنت ولا لا
فيصل تنهد ونطق:يارب توافق يارب ،طيب يمه عندي اقتراح
الهنوف :غرد يلا
فيصل:شرايك اقول لها واشوف جوابها واذا وافقت نتوكل على الله
الهنوف:تمام بس ماتقرب منها إذا وافقت
فيصل:يمه شدعوه مستحيل أسويها أوثقي فيني
الهنوف:واثقه فيك ياوليدي انت الصاحي بين كل عيالي
فيصل:ياجعلني ما خلا منك ياجعل يومي قبل يومك يالغاليه
الهنوف:بسم الله عليك ياقلبي
حب رأسها ونطق:يلا أنا رايح
الهنوف:يلا
-عند لمة العائله وعند الماس وهي تصور جمعتهم وهم جالسين كلهم-
فتحت عيونها من لاحظت رواف يناظرها وبعد ما خلصت تصوير رجعت تتأكد من الفيد
نطقت بينها وبين نفسها: غريب ليه هو يناظر فيني كذا
ابتسمت فجأه ونقدت على نفسها
الجد متعب:نجد بنتي
نجد:سم جدي
الجد متعب:حفيد صديقي قاعد يدور على حرم له وانا ودي والله انه ياخذ وحده من حفيداتي والولد والنعم فيه ورجال وعبادته بالله زينه ما شاء الله
نجد:طيب؟
الجد متعب:والله انتي ما شاء الله عليك بتناسبينه
نجد بتردد:جدي طيب ترا هو ماخطبني وانا اساساً ما ابي أتزوج الحين بكمل دراستي
الجد متعب:ماراح يمنعك عن الدراسه وبنحط شرط بعد
نايف ضحك وهو بداخله نار ونطق:جدي شتبي بالغريب مانعرفه خلها تكمل دراستها ولا تغصبها
نجد وهي ماودها ترد لجدها طلب وولا تبي غير نايف: جدي بكمل دراستي
التفتت لأبوها عبدالرحمن ونطقت:يبه أنا مابي أتزوج الحين
الجد متعب:يبنتي لا ترديني والله انه بيحطك فوق راسه
تنهد عبد الرحمن وقام
نطقت لين بحسره على نجد:عمي قول شيء البنت اللي ماتبي ياخي ماتبي مو غصببب هذا زواج مو لعبه
الجد متعب بحسره وضيقه:لكن حنا متواعدين أننا نزوج احفادنا لبعض الله ياخذ الساعه اللي تواعدنا فيها
نجد دمعت ونطقت:جدي طيب عادي قول له اني مابي وهو بيتفهم
الجد متعب:يابنتي هذا ماجد والله يسوي مشاكل إذا خلفت بوعدي
حاولت تمسك دمعتها وما قدرت وبكت
ناظرها نايف وتنهد وراح مايبي يشوفون حزنه
راحت جنبها جوان وقعدت تبكي معها وبكوا امهم هند معهم
نطقت الجوهره بضيقه:خلاص ماراح تنجبر على شيء لا تبكون يعيوني انتم
قامت جوان بجراءه لأول مره قدام الكل ونطقت وهي دمعتها على خدها عشان اختها:مع احترامي لك ياجدي واتمنى ابوي قاعد يسمع
"كان يسمعها عبد الرحمن أبوها من شباك غرفته المطل على الجلسه اللي جالسين فيها بالشاليه"
نزلت دمعتها ومسحتها بسرعه ونطقت:أنا اختي ماتنجبر على شي زي كذا تفهمون!!مستحيل أنا وامي واخواني نوافق إنها تنغصب على شيء ماتبيه ومو شيء عادي بعد
نطق رواف:أنا مو راضي عن اللي قاعد يصير واذا اختي بتجبرونها على واحد ماتبيه والله العظيم اني ازعل منكم واقاطعكم وماعاد تشوفون وجهي
راين بعصبيه وصراخ:اسف جدي لكن أنا مع رواف بشيل أغراضي وباخذ اهلي واطلع من البيت الحمدلله معي سيارتي ووظيفتي اقدر اعيشهم دامكم تبون تهينون اختي كذا وتجبرونها على شي ماتبيه
نزلت دمعة عبد الرحمن بقل حيره وأنه مايبي أبوه يتأذى ومايبي بنته تتأذى
الجد متعب نزل رأسه ونطق:خلاص بقول له يكنسل واللي يصير يصير اهم شيء بنتي ما تنجبر على شي ماتبيه
نجد:خلاص جدي خلاص أنا موافقه اهم شي ماتصير مشاكل
وراحت
دخلت داخل ووقفها نايف ينطق بزعل:ها وش صار
بكت نجد ونطقت:ما ابي ما ابي بس وافقت غصب عشان جدي ما يتأذى
دمع نايف ونطق:تعالي الصاله اللي فوق بكلمك
تقدم قبلها ونطق بحزن:نجد بصارحك
نجد:وش
نزلت دمعته ونطق:أنا احبك ومن زمان ودي اكلم عمي بس ماجتني فرصه ورب البيت ماجتني فرصه حتى ماني متوظف
بكت نجد ونطقت:ليه توك تقول ليه ماقلت لجدي ليه
نايف :كذا ولا كذا بتنجبرين
نجد:خلاص الله يستر عليك
وراحت وهي تبكي
راحت غرفتها وغسلت وجهها وكل ما تمسح دمعه تنزل غيرها وبدت تبكي بحرقه بالحمام
سمعت صوت دقة الباب ونطقت:هلا
جوان:عيوني انتي افتحي أنا جوان