محبة لـيـن ذربة من القلب تكساك محبة لين صدق الهوى

part 38

بعد مرور شهر
لين كانت بشهرها التاسع ..
العنود: امشي امشي حلو المشي
لين: ماحسيت ف الم
العنود بضحك: توك دخلتي التاسع مستعجله ليه
لين بخوف: ابي افتك والله خايفه
العنود: هونيها تهون
لين: وين تركي
العنود: بعد شوي ويجي
لين: قال بنطلع نتمشى جهزي كل شيء
العنود: وشدخلني اطلعوا
لين: يغبيه بنطلع كلنا
العنود قامت بحماس وركضت وصدمت بفيصل
فيصل: شوي شوي وين طايره
العنود: وخر بروح اجهز
فيصل: وليه
العنود: بنطلع
دخلت العنود غرفتها وكانت بتقفل ومسك الباب فيصل ودخل معها
العنود تخصرت ونطقت: شتبي
فيصل بخبث: ابيك
العنود: اقول بتاخذني عشان نجهز لبكره
فيصل: لوشو
العنود: تستهبل؟ بكره ملكتنا
فيصل: شرأيك بدون ملكه نتزوج ونفتك
العنود: تفتك من وشو يعني
فيصل غمز لها ونطق: مستعجل
العنود دفته وكتمت ضحكتها ورجع دخل للغرفه معها
العنود: شتبي
فيصل بكذب عشان يجلس: انثبري ابيك بموضوع
العنود تقدمت تسبقه وسحبها من يدها وحاوطها
العنود: بسألك
فيصل قرب منها زيادة ونطق: لبيههه كلي لك اسألي اعتبري الجواب جاك
العنود بتوتر: انت مهبول ولا مخبول اختار
فيصل: انهبلت بحبك والسطر الثاني انخبلت نفس الشيء بحبك هاتي السؤال الثاني
العنود بضحك: لا يا..
ماكملت كلامها الا وفيصل باس مبسمها وبعد عنها ونطق: اشتقت ابوس هالمبسم
العنود بخجل: اطلع سريع
فيصل تقدم لسريرها وانسدح ونطق: لوء
العنود: فيصلل
فيصل: عيون فيصل
العنود ببتسامة: بجهزز شفيك
فيصل: بغطي وجهي يلا وانتِ اجهزي ماراح اشوف
العنود: اذلف براا اقول والله ماجهز وانت موجود قوممم
ضحك فيصل وقام ونطق: يلا وتعالي بسيارتي مو بسيارة تركي
العنود بضحك: يصير خير اذلف
طلع فيصل من غرفة العنود ودخل غرفته وشحن جواله وراح ينام شوي
دخل تركي يركض ويتزحلق "البيت كان كله صابون الشغالات ينظفون الارض"
لين: قاعدين ينظفون وانت داخل ف الشوز ماتستحي
تركي: لووء كملي امسكي ظهرك كأنه انتِ الوحيده اللي حملتي
لين: قسم بالله لو ماسكتت بمسح وجهك بالأرض
تركي بضحك: ابشري ها سكتت
لين: ماشووفك سكتت انطم عليك حتى ضحك لا تضحك
تركي اشر بفمه على اساس انه خيطه وطلع لفوق وفصخ شوزه ورماه
لين: والله لا اجيك ياولد مطير
تركي: من مطير العز والفخر والطاله
دخل تركي للغرفه ولحقته لين وضربته بكتفه من وراه ونغز
تركي: خرشتيني يازق
لين: الااان تنزل تشيل شوزك
تركي: بطلع اصلاً بنتظركم برا
لين: قلت الاان
تركي: دقيقه بس بغير لبسي
لين: وش قلت؟
تركي: خلاص انتِ وكرشتك رايح
لين: ماسمععع؟ عيد شقلت
تركي: قلت احبك
لين: حبك قرد اعور اذلف شيل شوزك
تركي: من عينيا
لين: بدخل الحمام اذلف يلا
دخلت لين الحمام وناظرت تركي وحس فيها انها تناظره وسوي نفسه يطلع الين دخلت الحمام وسمع الباب انها دخلت ورجع للغرفه غير لبسه وتعطر ولبس كابه وطلع على السريع وطلعت لين وناظرته
لين بهمس: ياكلب
تركي: هااا مين الكلب
لين: مين غييرك
ضحك تركي ونزل تحت واخذ شوزه واعتذر من الشغالات وطلع للحديقه وحطه ولبس شوزه الثاني
العنود: لييننن
لين: ووجع ان شاءالله قصري صوتك
العنود: البسي عبايتك وسوي نفسك تتألمين سريع مقلبي تركي بصور ستريك اخلصي
لين عجبها المقلب ولبست عبايتها ونزلت وصارخت: تركككي يمههه
تركي رجع داخل بعد ماسمعها ونطق: شفيكك تصارخين شفيك
لين: يمهه بطني تركيي الم مو طبيعي تكففى بولد شكلي خلاصص
سوت نفسها تطيح لين للارض وركض ومسكها وقومها: امسكي نفسك تعالي للمستشفى
دفنت وجهها برقبته وناظرت العنود وطلعت لسانها
لين: يمهه تركي مو قادره اقوم
تركي بخوف: بسم الله عليك ليني لا تخوفيني قوميي
قومها تركي ومشى فيها متجهين للسيارة وركبها
العنود: شايفين الحمار المفروض تبكي من قوة الالم بس هو حمار
ساره بضحك: يروحيي ماحس انه مقلب خافف عليها
العنود بضحك: قومي قومي نطلع سريع قبل لا يروح
ركضت ساره والعنود وركبوا معهم وناظر ساره بهاج واتجه للسياره وسحبها من يدها
ساره: لاا بروح معهمم
بهاج: اقول ولا كلمة روحي لسيارتي سريع
ساره ركضت تركب بسيارة بهاج وركض وراها وركب
بهاج: وحشتيني
ساره ببتسامه: احلف
بهاج ردلها الأبتسامة: والله العظيم
ساره: لو تحبني صدق بقولك طلب بسيط واتمنى ماتردني
بهاج: على خشمي
تقربت ساره تبوس خشمه ونطقت: ابي نأجل زواجنا للشهر الجاي
بهاج: وليه شالسبب
ساره: لين حامل ف الشهر التاسع الحين وهي خلاص ف اي وقت بتولد ولو ولدت بوقت زواجنا صعبه تحضر بتكون تعبانه
بهاج: افكر
ساره: تكفى بهوج لو لي خاطر عندك وافق
بهاج ببتسامة: خلاص تم من عيوني لعيونتس نأجله كم عندي ساره
ساره ببتسامة: وحده
بهاج: وهالوحده تلت قلبي من اقصاه
قربت ساره تبوس خده ولف وجهه وباس مبسمهاا
ساره بضحك: ليه الغدره
بهاج: لاني احبتس
ساره: اعشقكك
بهاج شغل السيارة
ساره: لا لا نسيت جوالي دقيقه
بهاج: يلا سريع وارجعي
طلعت ساره وناظرت لين والعنود يضحكون على تركي
تركي: قسم بالله عيب طيحتي قلبي شوفي كيف ارجف والله عيب ياليني صدق عيب
ركب تركي وقفل الباب وبدأ يسوق وسكت
لين: تركي
تركي: عيوني
العنود: عششتو شهالقعده الرومانسية
لين: مالي دخل والله تروك ذي الزق اللي ورانا
شهقت العنود ونطقت: ليين
تركي: يعني هي اللي خططت
لين: اي يعني لا تزعل مني
تركي: كلكم وصخات وانتِ لو ماتبيني ازعل ماكان رضيتي
لين بضحك: خلاص عاد
تركي: بمشيها هالمره
لين قربت من اذنه وهمست: احبك
تركي بصراخ: اعشققكككك
العنود: وجع اذني ياخفيف
تركي ضحك وشغل اغنية حُب وصرخ: لينيي اسمعي
لين بصراخ: انا همست يامفضوح المفروض ترجع تهمس واه مفضوح شوف الناس كيف ناظرت
تركي بضحك: خلاص المره الثانية ارجع لك الهمس
لين: لا ياشيخ بعد مافضحتنا
تركي: خلاص عاد
لين: لا ياشيخ مسوي تقلدني بالكلام امش بس
تركي بضحك: ابشري
بعد مده وصلوا للحديقه وضبطوا جلستهم
"الاهل كانوا سابقينهم"
تركي: الحين وين التبن فيصل
لين: نايم بغرفته
تركي: احلفي
لين: والله صح العنود نايم ولا
العنود: مدري بس شفته دخل غرفته
تركي فتح جواله ودق عليه وبعد مده رد
فيصل: هاااا
تركي: تبيني ادعي عليك
فيصل: شسويت
تركي: تعال للحديقه نلعب كوره ترى العيال كلهم موجودين حتى بهوج
فيصل: يلا جاي
تركي: احلف انك بتجي وماتسحب
فيصل: والله بجي بعدين لهدرجة تحبني متعلق فيني تحب وجودي
تركي: ويع مصدق نفسك تراك قم اذلف بس ولا تتأخر
فيصل بضحك: ابشر من عيوني
تركي: يلا اخلص
قفل فيصل بوجهه وهمس بينه وبين نفسه: يتأمر علي هالورع
قام فيصل وفرش اسنانه وغير لبسه وطلع متجه لسيارته وركب وبدأ يسوق
تركي: قفل بوجهي بس يصير خير
لين: تبي مشاكل
تركي: اي تبين مشاكل حتى انتِ
لين: امش نتضارب
تركي: قدامي يلا
مشت لين ورفعت أكمام عبايتها
تركي: خير خير نزلي غطي يدينك لا اصفقكك
لين: عشان نتهاوش شفيك
تركي بضحك: لا لا خلاص كنسل مابي اتهاوش نتهاوش بالبيت داخله مصارعه بالحديقه انتِ
لين بضحك: اجل بالبيت ولا تنسى
تركي: بتقدرين انتِ وكرشتك
لين مثلت الزعل وراحت الحريم وسلمت: السلام عليكم احد يقتل لي تركي من اليوم يطقطق على كرشتي
سمعها سعود ونطق: ابشري بي
المها: تعال تعال شدخلك هي تكلمنا
سعود قام وضحك ودف تركي بقوه للسياره ونطق: مو انت تبي زوجتك تحمل شعندك تطقطق
تركي بضحك: اح يازفت بشويش وبعدين والله كيوت شوفها قصيره وكرشتها مترين قدام امانه مو كيوت
ضحكوا الكل على كلامه
تركي بضحك ناظر لين: توت توت هذي البيضه فيها كتكوت
شرقت المها ضحك وهي تشرب مويا
تركي ركض لامه وضحك: بسم الله عليك يُمه
وطبطب على ظهرها وهو يضحك
لين بضحك: كلتبنن والله أوريك يصير خير لما نرجع البيت
تركي: احبك والله امزح لا تشيلين بخاطرك
لين: لا ليه ازعل بتختفي نهايتها واوريك والله لاعذبك
تركي قرب وهمس: ف وشو تعذبيني
لين بنفس الهمس: مابخليك تلمسني
تركي شهق ونطق: والله توبه
لين بضحك: احلم والله لا اعذبك
تركي: قلبك مايطاوعك
لين: يطاوعني ونص
وصل بهاج ومعه ساره واخواته واخذ الكوره ونزل ونطق: تركي
لف عليه تركي ورمى له الكوره بهاج ومسكها
تركي: وين خالتي معالي
بهاج: امي تعبانه ومالها نفس تطلع
تركي: سلامتها ماتشوف شر يلا تعال
لين: تركي عطني الكوره
تركي: شتبين
لين: عطني
مد لها الكوره وشاتتها بقوه
وضحك تركي وركض للكوره ورجع شاتها لها وبداو يلعبون تركي ولين
بهاج بضحك: اشوف انه انسحب علي
تركي ضحك واشر لـ لين تجلس مع الحريم وراحت لين وجلست معهم وكمل تركي لعب مع بهاج
لين: يُمه احس ف الم
العنود: بترجعين المقلب خلاص ماعاد يصدق
لين صارخت على خفيف: لا يُمه صدق والله الم احس
المها: بسم الله عليك يعني بتولدين توك دخلتي التاسع
لين: والله اللمممم
ألمها نادت تركي وجاء ونطقت: شيل مرتك المستشفى بسرعههه
تركي: يمه قاعده تمقلبني توها مقلبتني
لين ببكى: لاا تركي والله صدقق تكفى الحق عليي
ناظر دموعها وقرب منها وشالها وركبها للسيارة
لين ببكى والم: اسرععع
تركي خاف عليها ومسك يدها وسرع وفعلاً وصل المستشفى بسرعة ونزل
ونزل لين ونسى السيارة شغاله ودخل بصراخ: ساعدونييي شكلها زوجتي بتولد تكفونن
تقدمت الدكتوره تركض وجابت السرير وشالها تركي للسرير ومشت فيها الدكتوره
لين ببكى وبخوف: تكفين ابي عملييه مابي طبيعي مابي
الدكتوره أميره: اهدي الحين نشوف
لين كتمت وجهها ببكى والم ولحقها تركي ونطق: ليني بتصيرين بخير لا تخافين
ناظرته لين: تكفى ادخل معي ماقدر وحدي مابي تكفى تركي
ناظرته الدكتوره ونطقت: ممنوع
تركي بخوف: تكفين خليني معها
دخلتها لغرفة الولاده وكانت بتقفل الباب ومسك الباب ودخل غصب عنها
تركي بصراخ: لا تتفلسفين الحين شوفيي زوجتتي
تقدم تركي لـ لين ومسك يدها
راحت اميره تشوف لين ونادت الدكتور عُمر
عُمر: ولاده؟
هاجر: ايه خلك معي
تركي: وش اللييي خلك معييي ماراح يشوفها تفضل برا هي تشوف الموضوع
عُمر: هي مبتدئه اعذرني
تركي: مالييي دخلل شوف دكتوره غيرههاا
لين ببكى: تركيي تكفى ياتركي اللمم
طنش عُمر تركي وتقدم يشوف لين ونطق: ولادده رأس الجنين مبين شوي والولاده صععبهه مبينهه الفتحه صغيرهه
تركي شد على يد لين ودفن وجهه برقبتها ومسك نفسه لا يتهاوش مع الدكتور بسبب غيرته عليها
هاجر: امسكي نفسك وتحملي الين تولدين بالسلامة
لين بصراخ: اخلصي عليي
تركي: عضي يدي طلعي حرتك فيها ليني تحملي بتولدين وتفتكين من الالم تحملي ياعيون تركي انتِ
عضت لين يده بدون وعي ببكى
وغمض عيونه تركي
عُمر: ممكن تطلع
تركي بصراخ: شوفوا شغلكم وانتوا ساكتين
عُمر: يا ابن الحلال اطلع قاعد توتر الكل
لين بتعب شدت على يد تركي ونطقت: لا تطلع تركي خلك معي
ناظرها تركي ومسك يدها بقوه وجلس يهديها وهو مغطي وجهه
بعد مرور ساعتين بالضبط..
ولدت لين بسلاام وسمع تركي بكاء يزون وناظره وابتسم بدموع وناظر لين لقااها نايمه من قوة الالم والتعب بدون ماتحس وباس راسها
واخذوا يزن للحضانه
وجوال تركي بالسيارة
-
عند الحريم
الهنوف: فيصل ودناا للمستشفى
فيصل: ماني عارف ف اي مستشفى وتركي مايرد
المها بتوتر: يارب اني استودعتك لين وضناها
فيصل: مابيصير الا كل خير بتولد بالسلامة
تركي طلع وناظر السياره شغاله وطفاها واخذ جواله وشاف جواله
والاتصالات من الاهل كثير
دق تركي على فيصل
وفز فيصل ورد على طول ونطق: شفيك وينك ماترد ياخرا كيف مرتك ولدت ولا شصار
تركي بدموع فرحة: ولدت الحمدلله وجابت ولد يشبه ملامحها وجهها اللي احبه ولدت ولدتت وصرت اب
فيصل بصراخ: الحمدلله ولدت ياجماعة صرت خالل يقلع ام الوناسه
ألمها: وطي صوتك ياوصخ قوم ودنا اسأله ف اي مستشفى
فيصل: ف اي مستشفى
تركي: مستشفى ****
فيصل قفل بوجهه للمره الثانية 😭😭
وركض للسيارة وركضوا الحريم والبنات نصهم مع فيصل والباقي مع سعود ورواف
وبدأ يسوق فيصل بسرعة
المها: لا تسرع لا اكسر راسك
فيصل بضحك: لا تلوميني مبسوط
آلمها: تراه مو زوجتك اللي ولدت لا تسرعع
فيصل: كذا تحطميني بتزوج وبإذن الله تؤام بنت وولد اوريك
كمل سرعته فيصل وضحكت المها عليه وبعد مده وصل للمستشفى ونزلوا يركضون وشافوا تركي
فيصل بصراخ: تروووك
تركي لف وركض فيصل يحضنه وضحك تركي وبادله الحضن: تراه انا اللي اركض واحضن مو انت
فيصل بعد عنه ودفه ونطق: هذا جزأتي افرح لك كلزق
ضحك تركي ودخل لـ لين ودخلوا معه الحريم والبنات وقرب منها بدموع فرحه
لين صحت ونطقت: يمه ليه تصيح شصار فيه مات؟
تركي ضحك وضرب يدها ضربه خفيفه ونطق: لا بسم الله عليه بالحضانه هو شوي ويجيبونه
لين: يمه قلبي وينه ابي اشوفه
تركي ببتسامه: الحين يجيبونه والحمدلله على سلامتك يعيون تركي
لين مدت يدها تشد شعره ونطقت: بلا عيون تركي بلا كلام فاضي قسم بالله اني ماحمل عندك هالورع يكفيك وجرب قول نبي الثاني صدقني بدفنك وانت حي
تركي بضحك: ابشري فكي يدك
فكت يدها واستوعبت وردت: الله يسلمك
تركي بضحك: لا ياشيخه بدري
لين بضحك: والله اسفه بس شفت الموت
تركي: فدا والله وبسم الله عليك
تقدموا الحريم والبنات يسلمون عليها ويتحمدون لها بالسلامة ويباركون لهم بالمولود
المها: ها معتمدين على الاسم؟ يزن
تركي ببتسامه: اي يُمه خلاص يزن صح ليني
لين ببتسامه: اي
فيصل كان برا على جواله يصور المستشفى ستريك وكتب "ولدت لين وجابت احلى ولد باقي ماشفته بس اكيد دامهم الوصخين ماسموه على اسمي طالع علي يشبهني وماخذ جمالي يحلوه بس" 😭😭
ورسلها ستريك فيصل وقفل جواله وطلعت الدكتور يمد له يزن ونطق: انت ابوه
فيصل كتم ضحكته ونطق: اي ابوه من الاسلام هاته
خاف عُمروكنسل يعطيه يزن
فيصل: خير
الدكتور عُمر: بتخطفه انت
فيصل: سلامات اخطفه هاته اشوفه لو يشبهني بخطفه بس لو شين خذه لك
عُمر: انت تعرفه؟؟
فيصل ف استهبال: يابن الحلال ولد اختي من الاسلام شفيك بس قاعد امزح
عُمر: حتى امك من الإسلام؟
فيصل: مسوي تمون هاته بس
عُمر مد له يزن وناظره ونطق: بسم الله علييك يبن الكلب يحلوك تشبه امك ماتشبهني
سمعه عُمر وضحك ومشى
فيصل دخل ومعه يزن ونطق بضحك: شرأيكم بولدي
لف تركي واخذه ونطق: تبطي عظم ولدك هاته بس
اخذه تركي وناظره وابتسم وأذن ف اذنه ومده لـ لين
لين: ماقدر اقوم اشوفه والله تعبانه
تركي: بسم الله عليك اقومك تجلسين؟
لين: لا خله بعدين بس شوف متى اطلع
تركي: ابشري
المها: عطني ياه
مده تركي لامه وناظرته ونطقت: يحلوه بسم الله عليه نسختككك ياليين
لين ببتسامه: احلفي نسختي يعني تعبي ماراح عبث
تركي: يُمه ومشاعري
المها: مالي دخل بمشاعرك الصدق ينقال يشبه لين مايشبهك
ضحكت العنود وناظرت يزن وصورته ستريك نفس المخبول فيصل وكتبت "شرأيكم بولدي تزوجت مسيار وحملت فيه" وشاف تركي كلامها ونطق: تخسين يوصخههه
لين: شكتبت شقالت عن ولدي
تركي: تقصدين ولدنا وكتبت شرأيكم بولدي تزوجت مسيار وحملت فيه
لين بضحك: وجع يالعنود
ضحكوا الحريم والعنود معها ومدت المها يزن لتركي وطلع برا وناظر بهاج وابتسم له
بهاج: الحمدلله على سلامة زوجتك ومبروك ماجاكم
تركي ببتسامه: الله يسلمك ويبارك فيك
تقدم بهاج وشاف يزن وشهق
تركي ف استغراب: شفيك
بهاج: مايشبهك
تركي: كلوا تبن ومشاعري طيب تحطمونها تراكم والله يشبهني بس عيونكم ب***
بهاج غطي فمه وضحك
وتركي ضحك معه وناظر ف يزن فتح عيونه ونطق: الغلط مو منك مني انا يالخسيس ليه ماتشبهني ولا عشان امك تعبت فيك مسوي تراضيها
ابتسم يزن ابتسامه خفيفه ورجع ينام وناظره تركي وابتسم وباسه ..
كتبوا خروج لـ لين وانبسطت وراح تركي وقومها ومشوا الكل متجهين للسيارة ومتجهين للبيت وبدأت التباريك توصل بجوال لين ويتحمدون لها بالسلامه ..

-

ادري البارت قصير بس بيجيكم ١٠ الاف كلمة طويل ماعليكم انا وعدتكم واهم شيء نزلت لكم بارت وانتوا عارفين الجامعة ضاغطه علي واختبارات وبعد افراح ساحبه علي كل شوي تقول عندها اختبار وجالسه اكتب وحدي لا تلوموني عشان كذا اتأخر 😞
ضيفوني انستا: j8e2i
-
وضيفوا بعد تركي ولين انستا وفيصل لانهم واقع مو خيال
لين انستا: l6j2x
تركي: l5txi1
وذا حساب فيصل المهبول: yl5oi_
واحبكم ❤️❤️..
افراح عقاب مابحط يوزرها الين تكتب بارت ٥٠٨٨ كلمة وانا أكمله لكم ويكون ١٠ الاف كلمة اجحدوها ✋🏻