حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
————————————————————————-
-عند البنات-
ساره وهي تكلم المندوب:صارلنا ساعه طالبين ولا جاء الطلب
المندوب:اعذريني يا اختي صارت مشكله بالطلب الحين بالطريق جايبينه
ساره:أتمنى ما تتأخر اخوي
المندوب:ابشري
لين:ياليت يتأخر شوي أنا شبعانه
العنود:شدعوه شبعانه ترى هي قهوه
لين بضحك:لا بس أكلت مع تركي
الماس كشرت ونطقت:اي وش كليتوا؟
لين بضحك:البيك طلبنا قبل شوي
ابتهال:حقيييره وربي
الماس:بنطوفها هالمره دامها مع تركي
لين: شدعوه هو اللي طلب مو انا واستحيت اقوله شيء
الماس: بكره عناد تطلبين لنا على حسابك
لين بضحك: من عيوني
-عند المها-
توجهت لتركي عشان يوديها المطار وتستقبل فاطمه ، دخلت ونطقت:تركي يلا قوم ودني المطار
تركي:يُمه ورب البيت مشغول خلي واحد من العيال يوديك عادي؟ المها:عادي يقلبي اجل يلا أنا رايحه أشوفهم
تركي: الله معك انتبهيلك
تقدمت تطلع تلاقي راين بوجهها وتنطق:حبيبي راين فاضي الحين؟ راين:اي فاضي ياخاله امري شبغيتي
المها:ما يأَمر عليك عدو بس أبيك توديني المطار اجيب خالتك فاطمه وبناتها وعيالها تركي مب فاضي
راين اشر على خشمه ونطق:ابشري على ذا الخشم
المها بضحك:لبى خشمك
ضحك معها ونطق:يلا خاله انتظرك بالسياره اجل
المها:يلا بس بلبس عبايتي
تقدم يروح السياره يشغلها وينتظر المها
-عند فاطمه وعيالها وبناتها بالطياره-
سُلاف:يُمه مين بيجي يستقبلنا؟
فَاطمه:خالتك المها وبعدها بنروح بيتهم ويجون الحريم
جُمان:يُمه وش حريمه
مِيلا:اليوم في عشاء لنا وبيجون حريم ورجال
جُمان:يووه ما جهزت لشيء
سُلاف:عندك فستاين؟
جُمان:ايي
سُلاف: حلو جبتي لنا كلنا
لفت جُمان على مِيلا تنطق:انتي وش بتلبسين؟
مِيلا:فستاني ذاك الأسود اللي لبسته بالعيد اللي طاف
جُمان:ايي يجنن
لفت على سُلاف تنطق:وأنتي وش بتلبسين؟
سُلاف:أنا شكلي بلبس فستاني الأزرق الضيق من عند الخصر وطويل ومن تحت واسع شوي
جُمان: تمم
برضو لفَّت على أمها تنطق:وأنتي يُمه وش بتلبسين؟
فَاطمه:بلبس جلابيتي السماويه تجنن
جُمان:يُمه لا تلبسين الجلابيه العاديه
فَاطمه:تستهبلين مستحيل البس عاديه بلبس وحده تصلح لجمعتنا جُمان:اي حلو
-وصلوا بعد مده للمطار الرياض-
وطلعوا يدورون المها بأنظارهم ولقوها
فَاطمه ببتسامه:ياهلا ياهلا ياهلا ارحبي يالله الشوق مو طبيعي
المها:البقى نورتونا وربي اكثررر
حضنوا بعض بشوووق وسلموا على بعض كلهم وحضنوا العيال بعض واتجهوا للسياره
-بالبيت عند البنات-
وصلت قهوتهم وبدو يتقهوون ويتجهزون
نزلت الماس بكامل زينتها وكانت اول وحده تخلص وتكشخ والباقين كلهم فوق يجهزون تقدمت للمطبخ بصوت كعبها العالي تكلم العاملات والمضيفات عن كل شي ويجهزون القهوه والشاي وأغراض الكابتشينو والماتشا والموهيتو وصواني الحلا يحطونها على الاستقبال ، تقدم يدخل يشرب مويه وشافها بكامل زينتها وصنم عند الباب وصنمت معه
صحى على نفسه ينطق للعاملات والمضيفات:اطلعوا برا
الماس بحده وتوتر:وش تطردهم خير
رواف:ابي اكحل عيووني فيك اكثر
طلعوا العاملات والمضيفات يروحون يحطون الصواني على الاستقبال
رواف قرب منها يمسك خصرها ينطق:الجمال هذا لمنو؟ الماس:لنفسي وللحريم!!
رواف ببتسامه:يعني مب لي؟
الماس بنرجسيه وهي تمثل العصبيه لكن هزمتها ابتسامتها:محور الكون من انت عشان ذا الجمال يكون لك؟
رواف بخبث:الماس قولي الصدق خلاص اساساً قريب أتقدم لك بعد زواج لين وتركي
الماس وهي تشتت أنظارها:شقول
رواف: قولي احبك
الماس:شذا حب بزران دزها
حاولت تدفه وتروح لكن ماقدرت
رواف:اعترفي وبتركك
الماس:ابببعد لا يجون يشوووفونا
رواف:اعترفي تحبيني ولا لا؟
شتت أنظارها تنطق:اكرهك
رواف:طالعي بعيوني وقوليها
دمعت ماتبي تعترف وهي بحيره قويه ماتدري وش تسوي ونطقت:احبك اتركني لا احد يشوفنا
ابتسم وطالع الباب دخلوا المضيفات وبعد عنها
ونطق:يلا أنا رايح تبين شيء
الماس ببتسامه وتوتر:سلامتك
طالع فيها بنظرات إعجاب وحب وشتت أنظارها وصدت تعطيه ظهرها وتكلم المضيفات عن كل شيء
بعد مده خلص الكل التجهيزات وتوزعوا يجهزون كل شي
-عند سيارة راين-
راين:يلا وصلنا
دخل ينادي اخته جوان ينطق:جوان حبيبي نادي الشغالات يجون يشيلون الشنط
فَاطمه:لا وانا خالتك مايحتاج كل واحد يشيل شنطته
راين:شدعوه توكم جايين من سفر لازم ترتاحون لا خلوهم
فَاطمه:اللي تبي ، دخلوا داخل والكل رحب فيهم واستانس بجيتهم وسلموا على بعض
جُمان بهمس لـ الماس:وديني لغرفه فاضيه ابي البس واكشخ
الماس:سمي بس بنادي سُلاف ومِيلا معك يتجهزون
الماس بصوت مرتفع:مِيلا سُلاف تعالو تجهزوا فوق
تقدموا لها يروحون معاها للغرفه ويجهزون
-بعد مده بدوا يجون الحريم وخلصوا البنات تجهيز ونزلوا-
وشغلوا السماعه وبدا الرقص والوناسه
راحت تقول للعاملات يبدون يمشون على الحريم بصواني الحلا والقهاوي والمشروبات ، راحت تشرب مويه ودخل قبل العيال يبي يآخذ صواني العشاء للرجال وصنم مكانه من البنت اللي معطيته ظهرها وهو حتى باقي ما شاف وجهها عجبته وعجبه زولها واستوعب ان العيال جايين وراه ، سكر الباب بسرعه وصد ينطق لها:اختي الرجال بيجون ياخذون الصواني عادي تدخلين للمخزن؟لان الحين ماتقدرين تطلعين
جُمان بتوتر:تمام لا تناظر طيب
راين:ابشري
تخبت بالمخزن وعرفت انه هو نفسه اللي جابهم وسمعت صوت خالاتها الهنوف وهيفاء داخلين المطبخ يساعدون العيال بصواني العشاء
توترت زياده وحاولت ما تطلع صوت عشان ما تتفشل منهم
طلعوا بعد مده وارتاحت ورجع عند الرجال وبدوا الكل يتعشون وهو بس يهوجس بنص لقمته لاحظه سعود ونغزه بشك ينطق:وجع شفيك تهوجس شكلك شفت لك شي يدوخ؟
راين:وجع شتبي ناشب لي بنص هواجيسي
وقام يغسل
لحق سعود راين ينطق:شسالفه قوول
راين بضحك وهمس:ما تعلم احد؟
سعود:وعد ما اعلم احد
راين:شفت وحده بالمطبخ وعجبتني ويوم صدت علي صديت عنها
سعود:تعرفها؟
حك راسه ونطق:أخت نَواف وفَهد
سعود بصدمه:اسمع لا تعلم احد لا يدرون ويدفنونك
راين:خلاص ماراح اعلم احد انت بس تدري
سعود:بتخطبها
راين بضحكه:مسرررع؟ لأ إذا تأكدت اني احبها بعدين أخطبها بس في مشكله
سعود:وش؟
راين بضحكه:معرف اسمها بس اعرف شكلها
سعود:ابببلش اي والله اصبر خلني افكر
راين:يلا فكر
سعود:حافظ وش كانت لابسه ووش مسويه شعرها؟
راين:ايي
سعود:اسأل خواتك عنها وبس كذا تعرف اسمها
راين:تم
جاهم بهاج ونطق:شعندكم تسولفون هنا امشوا
راين:لا بس قاعدين نسولف يلا خلونا ندخل
دخلوا ورجعوا لمجلس الرجال الكل بعد ما خلصوا عشاهم وبدا عشاء
الحريم "بوفيه"وذبايح ، تجمعوا البنات بطاوله وحده يأكلون مع بعض ويضحكون ويتذكرون مصايبهم مع بعض ، وصلت لها رساله من
"Me love💍❤️❤️" "اللي هو تركي" مكتوب فيها"تعالي غرفتي"ابتسمت وردت عليه"قاعده اتعشي"شاف رسالتها ورسل لها"بنتظرك بالغرفه إذا خلصتي تعالي يعيوني" شافت رسالته وابتسمت واكتفت بتفاعل"❤️" ، بعد مده خلصت أكلها وراحت تغسل اتجهت لعرفتها تعدل مكياجها وتزيد عطرها الفواح وراحت له وفتحت الباب ونطقت: وش تبي
تركي قعد يتأملها بكل حُب وابتسم على جمالها وزينتها وشعرها الويفي وعطرها اللي فاحت الغرفه وقرب منها شوي شوي
لين: توتررر تراك
تركي قرب منها بزيادة وهمس: بكره ملكتنا ماتدرين قد ايش أنا مبسوط
لين ابتسمت واستحت وماردت
تركي: شفيك
لين ببتسامه: ولا شيء
تركي ناظر ابتسامتها وقرب منها يقبل شفايفها ومسك خصرها وقربها اكثر وقرب من رقبتها يبوسها وهمس: احبك ياحظي فيك بس كل هالزين لي بيكون الله وبكره اشبع منك بدون محد يتدخل ويقول وقلد طريقة كلامهم: باقي ماهي حلالك
ضحكت لين على طريقة تقليده ونطق: جعلني ابوس هالضحكة وجعلها تدوم
لين: كيف حياتي بتكون معك
تركي: بتعجبك صدقيني
لين: واذا زعلتني ف يوم
تركي: انا ازعل كل شيء بالنسبة لي مستحيل والله لا احطك بقلبي قبل عيوني كلي لك فدا اي شيء تبينه خذي عيوني قبل ماتاخذين الشيء اللي تبينه والله لا اخليك مبسوطه طول عمرك
لين ببتسامه: والله؟
تركي: والله
لين: اوعدني
تركي: وعد والشاهد ربي مستحيل افرط فيك
لين: زق احبك
تركي ضحك وباسها ونطق: اعشق اليوم اللي انولدتي فيه
لين: الحين شتبي يلا برجع للحريم سريع
تركي: لا بس ابي اكحل عيوني
لين ببتسامه: يلا خلاص اذلف كحلت عيونك
تركي: خير كل ذا للحريم تكشخين وانا مافي شيءٍ لي
لين بعاند: ماافي ولا راح تشوف أصلاً
تركي: قدها؟
لين: وقدود وش بتسوي يعني بخاف منك مثلاً قوم اذلف
تركي بضحك: ترى مانسيت الرقص بترقصين لي بكره بعد مانملك
لين فتحت عيونها ونطقت: ماراح ارقص إلا على جثتي
تركي: بسم الله عليك يزق بترقصين يعني بترقصين
لين: ماراح ارقص
تركي بخبث: خلاص اقولك حل
لين: وش
تركي بعد شوي عنها ونطق: روحي جيبي حزام الرقص وارقصيلي الحين مره وحده وماعاد ترقصين لي ولا بقولك ارقصيلي
لين فتحت عيونها بصدمة ونطقت: واااثق اني بسمع كلامك انقلع
تركي مات ضحك عليها ونطق: اجل انطمي بكره بترقصين يعني بترقصين خلاص بكره بتصيرين زوجتي راح ترقصين مو بس ترقصين عند البنات شمعنى هم بترقصين لي مالي دخل
لين: يا انا يا انت نشوف وتتحداني؟
تركي: على وش التحدي
لين: إذا رقصت لك اللي تبيه واذا مارقصت لي اللي ابيه
تركي بخبث: تم واذا رقصتي طلبي سهل وباخذه بسهولة
لين: وش هو
تركي: بكره تعرفين
لين: تم نشوف
تركي بتحدي: نشوف ماتتحديني وانا ولد عبدالله
لين: وماراح ارقصلك وانا بنت مشعل يلا بس
ضحك عليها ونطق: روحي وبعد مايروحون الحريم تعاليلي
لين: وليه
تركي: نطلع ومنها نجهز للملكه إذا ناقصك شيء
لين: متى نروح
تركي: بعد مايروحون الحريم على طول تغيرين فستانك وتلبسين عبايتك وتم
لين: خلي العنود معي
تركي: تم
كانت بتروح لين وتذكر تركي شيء وسحبها ونطق: حصنتي نفسك
لين: لا نسيت والله
تركي: شكلك تبيني اصفقكك
لين: نسيتت
تركي: انتظري احصنك
تركي حصنها وبعد مدة خلص ومسح على شعرها ونطق: استودعتك الله ربي يحفظك بعينه اللي ماتنام
لين ببتسامه: يحظي فيك والله
تركي ردلها الابتسامه وباسها ونطق: يلا روحي انبسطي يعيوني
راحت لين وشافتها العنود
العنود: كنتي عند الحُب ها
لين بضحك: ايي
العنود: بكره ملكتكم متى بتجهزين عندك شيء ناقص
لين: عندي بس الفستان بشيء فستان جديد
العنود: تم متى تروحين
لين: قالي تركي بعد مايروحون الحريم نروح وباخذك معي
العنود: ليه انا اجي روحي انتي وياه وانبسطوا
لين: لا ابيك تجين معي تختارين لي فستان بكون متوتره ومنها تشترين لك بعد
العنود: تم ابشري يلا تعالي ننزل للحريم
نزلت العنود ولمحها فيصل ونطق: ليين
ناظرته لين ونطقت: ها
فيصل: تعالي تعالي
راحت لين لفيصل وناظر العنود بكامل زينتها وجمالها وبلع ريقه واستوعب وابتسم لها وردت له الابتسامه
لين بضحك: فصوول اشوفك مفهي بالعنود
فيصل بهمس لاخته لين: يووه ياتبارك الرحمن اخذت عقلي زيادة
لين بضحك: حركااتت
فيصل يضحك: انطمي واسمعي
لين وهي تضحك: وش
فيصل: روحي لامي وقوليلها ابي اخطب العنود رسمي بعد ملكتكم وخطبة سليمان وجوان
لين ببتسامه: خطبة جوان معي؟
فيصل: اي سليمان يبي يفاجئها لاحد يقولها بكره لما نجهز كل شيء لملكتك خليها تجهز هي بعد بدون لا تدري انتبهي قال سليمان تجيبونها عند الحريم ويجيها سليمان ويتقدم لها قدام الكل
لين: الله يحلوههمم تحمست لخطبتهم
فيصل بضحك: وانتي مو متحمسه لملكتك
لين: والله اني متوتره بكره بكره بيصير خلاص بيصير زوجي يمه يالتوتر والشعور الغريب
فيصل: بتتعودين ياعيون اخوك الحين لا تنسين قولي لامي انتبهي تنسين
لين: ماعليك بقولها ابشر
فيصل: كفو
العنود: يازق تعالي ساعة تتكلمون
لين ببتسامه: يلا جايه
راحت لها لين ونطقت العنود: وش يقولك
لين: بيخطبك بعد ملكتي على طول
العنود ابتسمت وسكتت
لين: اي صح اسمعي وقال انه سليمان بيفاجئ جوان ويتقدم لها بكره بملكتي بعد ماتخلص حفلتنا انا وتروك
العنود بحماس: يعني هي مو عارفه
لين: إلا قد سمعت انه خطبتها تكون معي بس شكلها نست او استحت تتكلم وتسأل
العنود: يالله كييوت قسم مفاجئته لها
لين: اييي الله يوفقهم يارب قلبي فراشات متحمسه يجي بكره عشان اشوف
العنود: خلاص انتِ الاول تحتلفين مع تركي وتملكون ويجي الشيخ وتوقعون عشان تكونين حاضره خطبتهم كامله
لين: يب يب كذا بيصير اصلاً
العنود: منتي جوعانه
لين: لا والله شبعانه
العنود: شوفي منيره
لين كشرت ونطقت: اسكتي بالله لا تخليني اروح انتف شعرها
العنود بضحك: يارب تتقرب من تركي وانتي تصفقينها نفسي يصير اكشن
لين: كليزق لا تحرقين قلبي بكلامك وربي انقهرت ذاك اليوم وهي تحاول تتقرب منه
العنود بضحك: شوفي شوفي قاعده تناظرك
لين: امشي نجلس قريب منها وانتِ قولي انه تركي قالك يبي يتزوجني ف اسرع وقت ابي اقهرها
العنود بضحك وحماس: يلا
اتجهوا يجلسون قريب من منيره "منيره اللي حاولت تتقرب من تركي ايام خطبتهم"
العنود: ليين ماقلتلك ازعجني اخوي تركي كل شوي يقول احب لين واحبها ازعجنيي ويبي زواجكم ف اسرع وقت
لين: ياجعلني ابوسه والله انا اللي احبه وأموت فيه
ولفت عليها لين وشمقت ونطقت: وينه العنود وحشني بروحله
العنود: مع العيال
لين: جوالي مو معي ارسليله قوليله لين تبيك
العنود فتحت جوالها وهي كاتمه ضحكتها ورسلت له: تركي لو تشوف لين بتموت ضحك تتذكر البنت اللي حاولت تتقرب منك
تركي شاف اشعار اخته ورد: اي شفيها
العنود: لين قاعده تقهرها بالكلام تتكلم معي وتخليني اقول كلام كأنه انت قلته
تركي رسل ضحكة ونطق: ان كيدهن عظيم هههههههههههههههههههههههههههه
العنود بضحك: والله بتموت ضحك
تركي: صوريها لي سريع
العنود: كيف اصورلك كله حريم اذلف
تركي: ثبتي الجوال ف اي مكان وصوريلي لين سريع
العنود قامت وناظرتها لين وراحت تثبت جوالها وبدأت تصور بدون ماتدري لين انها قاعده تصور حسبت انها حطت جوالها وطفته
العنود: اي بكمل لك تركي وش قال كمان
لين بخبث: قولي قولي
العنود بخبث: سمعته امس يقول لخويه بالجوال قاله اهخ لو تدري شكثر احبها والله اني تعلقت فيها وحبيتها حُب مو طبيعي
لين بخبث قامت وقعدت تشرب مويا وهي تناظرها وتشمق لها وراحت تهمس لها: سمعتي كل اللي صار قبل شوي صح يلا حسي بالفشلة لانه ذاك اليوم ماعطاك وجه ولا راح يعطيك
ناظرتها منيره بحقد وطنشتها
ورجعت لين لـ العنود
-عند جوان-
كانت بغرفتها وتعدل شعرها والروج وتشوف شكلها وكانت تصور نفسها ورسلتها ستريك للبنات وشافت اشعار من سليمان مكتوب فيه "يمدي اشوفك"
جوان: لا فستاني ضيق على جسمي وقصير شوي
سليمان: وليه تلبسين قصير
جوان: حبيت الفستان ولبسته
سليمان: لبس العافيه حصنتي نفسك؟ مانبي يصير فيك شيء مثل ماصار لـ لين
جوان: اي ماعليك حصنت نفسي
سليمان: ابي أشوفك طيب تكفين جوان خليني أشوف كشختك وأكحل عيوني
جوان: سليمان ماينفع فستاني ضيق
سليمان: مابيصير شيء بس أشوفك وأسلم عليك وبعدها تروحين
جوان: وين نتقابل
سليمان: انتظري بطلع من عند الرجال
طلع سليمان من عند الرجال وكان لابس ثوبه ومع شماغه وعطر نفسه وعدل نفسه ورجع يرسل لها: تعالي بالمجلس الثاني
جوان: يلا جايتك انتبه لاحد يشوفك
سليمان: ماعليك تعالي
ركض سليمان للمجلس الثاني "محد يدخله كثير"
وراحت جوان بتوتر ونزلت من الدرج متجهه للمجلس الثاني وبعد مده وصلت وشافت الباب مقفل وفتحته
سليمان كان معطيها ظهره وجالس على الجوال يكلم خويه ونطق: خلاص بكره اجيك اليوم ماقدر مشغول وعندنا عشاء للحريم وللرجال بكره اجيك بدري بسيارتي امرلك لا تطلع
محمد: تمام الساعة كم عشان اتجهز
سليمان: يعني بالكثير الظهر
دخلت جوان وقفلت الباب وسمع صوت قفلة الباب ولف وراه وناظرها بكامل زينتها وشعرها المفتوح وفستانها الضيق على جسمها وكانت جداً جميلة وبلع ريقه ونطق لخويه: سلام سلام بعدين اكلمك وقفل جواله
مسك يدها ونطق: بسم الله عليك ياتبارك الله شهالزين
ابتسمت جوان بخجل
سليمان بخبث: بالله كيف شكلي كاشخ لو انزل للبنات عندكم الكل بيخقون
جوان كشرت ونطقت: مالك عليك انت والبنات شينن تراك لا تصدق نفسك
سليمان قرب منها ونطق: تغارين
جوان: لا ماغار من زينك عاد
سليمان قرب منها الين لصق ظهرها بالجدار ونطق: ماقدر اتحمل اشوف هالزين وماسويها
جوان بتوتر: بس سليمان منت حلال لي ماينفع
سليمان بدون لا يحس قرب منها وقبل ثغرها "شفايفها" وبدأ يقبلها ومسك خصرها وقربها منه وجوان بدون وعي بادلته وبعد مده بعد عنها شوي وابتسم لها
جوان بتوتر: خلاص بروح عند الحريم
سليمان: قبل لا تروحين بقولك في شيء بسويه وبخليك تطيرين من الفرحة
جوان بحماس: وش بتسوي
سليمان: مافي ماراح اقول
جوان: تكفى سليمان فضولي ماراح يخليني تكفى قول
سليمان بخبث: بوسيني واقولك
جوان بتوتر وخجل: لا خلاص
سليمان: اجل خلي فضولك معك
جوان قربت منه وباسته وضحك عليها ونطق: مافي ماراح اقول ضحكت عليك عشان تبوسيني
جوان: نصااب والله اوريك بسرعة قول
سليمان: مابي السبرايز يخرب خليه بوقتها
جوان: على الاقل قول لي متى
سليمان بكذب عليها: بعد اسبوع
جوان: كثير اسبوع ماقدر اصبر قول لي
سليمان: لا ماراح اقول وروحي يلا عند الحريم لاحد يشك
جوان: اوريك طيب طيب
ضحك عليها سليمان وطلعت جوان برا المجلس وناظرها الين راحت
طلع فيصل من عند الرجال متجه للمطبخ يجيب الحلا للرجال
ودخل وشاف العنود وشافها كيف متزينه وجميلة وشعرها اللي لامته والفستان الضيق على جسمها وراسم جسمها رسسمم
بلع ريقه
العنود وهي تشرب مويه حست بوجود شخص بالمطبخ التفتت تصنمت مكانها من وجود فيصل جلس يناظرها يستوعب الجمال كله قدامه تحمحم واستوعبت على نفسها وغطت صدرها وقالت بصوت عالي شوي: فيصل صد
فيصل صد ودخل ونطق: وين الحلا حق الرجال لانه بعد شوي بيمشون عيب يمشون بدون مايحلون
العنود بتوتر: خلك صاد انا بعطيك ياه
فيصل: ابشري
العنود فتحت الثلاجة وطلعت الحلا ومدته له ونطقت: انتبه لا يطيح
فيصل لف عليها وناظرها واخذ الحلا ولامس يدها وناظرته وبادلوا نظرات بعض
فيصل: بسم الله عليك حصني نفسك
وراح فيصل لعند الرجال وهو يفكر بجمالها وجمال جسمها
العنود توترت زيادة وغطت فمها على يدها بتوتر وهمست بينها وبين نفسها: يالله شفيك توترتي العنود خلاص انسي حصل خير
اخذت العنود الحلا حق الحريم وجهزته لهم وراحت توزع للحريم الحلا
شافتها وحده "ام محمد" ونطقت: ماشاءالله عليك جميلة ربي يحفظك
العنود ببتسامه: تسلمين ياخاله انتي الأجمل
ام محمد: شرأيك اخذك لولدي لمحمد
سمعتها لين وجت ونطقت لها: مخطوبه لاخوي
ام محمد: وانتي يارب مو مخطوبه
لين: بكره ملكتي ومعزومه عليها حياك
العنود كتمت ضحكتها وبدأت تكمل تعطي الحريم الحلا
ولين مشت وراها ونطقت: دريت انك غبيه مابتردين وبتخافين وادري تبين فصول
العنود بضحك: حيوانه بس والله كفو احبك
لين بضحك: اعشقكك بروح امقلب فيصل واقوله العنود راحت عليك
العنود: تكفين بيزعل
لين: ماعليك بعد مايدري انه مقلب بيضحك
رسلت لفيصل اخوها وكتبت فيها "العنود راحت عليك وبياخذها محمد"
شاف فيصل اشعار اخته وعقد حواجبه ورسل: تستهبلين قلتلك اني بخطبها انا رسمي بعد خطبة جوان وسليمان شصار الحين
لين: والله جت وحده وزرفتها لولدها راحت عليك خلاص
فيصل طلع من عند الرجال ونطق: لين
سمعت صوت فيصل وتوترت ونطقت: ياويلي لا يجي لهنا يافضحي انا غبيه
وركضت لعنده ونطقت: تستهبل تنادي بصوت عالي
فيصل: لا ترفعين ضغطي وش اللي بتروح مني تستهبلين انا ابيهاا والله ماخليه ياخذها
لين بضحك: امزح معك ياغبي جت وحده كانت تبيها بعد ماقلتلها انها مخطوبه وكذبت عليها حولت علي وقلتلها بكره ملكتي وحياك معزومه
فيصل تنهد: الحمدلله ياتبن والله حرام عليك
لين: بسم الله عليك شوي كنت بتموت
فيصل: كنت بنجنن
وضحك فيصل ونطق: خلاص انقلعي ولا تنسين تقولين لامي عشان تقول لابوي
لين بضحك: ابشر
تركي طلع من عند الرجال وناظرها وابتسم ونطق: فيصل تعال نسلم على الرجال بيروحون
وطلع بهاج ووقفه تركي ونطق: دقيقه خلك هنا شوي
بهاج: ابشر
تركي همس لـ لين بإنها تروح وراحت لين
تركي: يلا تعال بهاج وش تبي
بهاج: ابي الحمام الله يكرمك
تركي: روح هنا قدام ولف على يمينك
بهاج: تسلم
راح بهاج للحمام"الله يكرمكم" يغسل يده وبعد ماخلص طلع واخذ مناديل ونشف يده ورجع للرجال وبدأو يسلمون على الرجال ويودعوهم
بهاج دق على امه وبعد مدة رسلت ونطقت: هلا بهوج
بهاج: يُمه نروح الحين ولا بتجلسون
معالي: اي نروح خلك لا تروح
المها: حلفت انك تسهرون عندنا
معالي: لا مانبي نزعجكم
المها: شدعوه اي ازعاج يامعالي لا تخليني ازعل منك قوليله يروح يطلع مع العيال وخليك اسهري وقومي نسلم على الحريم
قامت معالي تسلم على الحريم وبدوا يلبسون عباياتهم وسلموا على الحريم والبنات وراحوا
معالي: خلاص ياولدي بنروح الفجر
بهاج: تتهنون يُمه يلا ف امان الله
معالي: الله معك انتبه لنفسك
بهاج: ابشري يُمه
نزلت ساره من الدرج ولمحها وعرف انها ساره
فيصل: يلا بهاج
بهاج بكذب: اطلعوا أنا بروح الحمام
تركي: انا باخذ اختي العنود ولين يشترون اغراض للملكه ف امان الله
فيصل: الله معكم
دخل بهاج الحمام وقفل الباب وقعد يناظر الرجال لين طلعوا وقفلوا الباب وتأكد انهم راحوا وطلع من الحمام يراقب ساره
ساره: لين نفسي نرقص تعالي
لين: يلا ارقصي وانا بصورك بقعد معك شوي لاني رايحه مع تركي انا والعنود
ساره: ليه وين بتروحون
لين: نشتري اغراض لملكتي
ساره: لا تنسونا
لين: ابشري
لين شغلت الاغنية بالسماعة الكبيره ورمت لها حزام الرقص ولفته ساره على خصرها وبدأت ترقص وتستهبل بالكعب وطاحت وضحكت ولين تصورها محتوى
وقامت ساره تكمل وبهاج يناظرها ويتأمل وهمس بينه وبين نفسه: قسم لا اخذها يويلي وش هالجمال ماشاءالله عليها والله ماتروح لغيري بكلم امي ف اسرع وقت
وشاف رسالة من فيصل: شفيك تأخرت اخلص قاعد انتظرك برا
بهاج: يلا يلا خلصت قاعد انشف يدي
بهاج ناظرها ولمحته ساره وتخبت وهمست بينها وبين نفسها: ياويلي من متى يناظر انا كيف ماركزت عليه يارب ماناظرني وانا ارقص
لين: يلا انا بروح
ساره: الله معكم
راحت لين وبدلت ملابسها ولبست عبايتها ونادت العنود: تجهزي العنود
دق تركي على لين وبعد مده ردت عليه: هلا تركي
تركي: لين
لين: عيونها
تركي ببتسامه: عيديها بناديك وقولي عيوني
لين بضحك: يلا
تركي: لين
لين: قلبها
تركي: ياويلل حاالي جعلني ابوس عيونها وقلبها
لين ببتسامه: ها وينك
تركي: قاعد برا انتظرك
لين: يلا الحين تلبس اختك العبايه ونجيك
طلع بهاج من بيتهم وناظره تركي وشك انه في شيء وسلم عليه من بعيد
بعد مده طلعت لين والعنود وهم يتسابقون على قدام
لين: انقلعي ورا
العنود: لا انتي اللي انقلعي
لين: لا انتي
تركي: بسسس خلونا نلحق وحده منكم تذلف ورا
لين تمثل البراءة: تركي
تركي: ياعيونه وقلبه العنود اذلفي ورا
العنود: خفييف وبعدين متى تعلمني السواقه
تركي ضحك ونطق: يلا نتقضي ونأخذ الاغراض وبعدها نروح مكان مافيه احد وأعلمك
العنود بحماس: يلا يلا
وركبت لين قدام والعنود ورا ولين جلست تعاند العنود ونطقت: مين اللي راكب ورا
العنود: عادي رضيت عشان بيعلمني السواقه
لين بضحك: وجع كنت ابي اقهرك ومانقهرتي تفو
العنود ضحكت عليها وبدأ تركي يسوق ..
ضيفوني انستا ولا بزعل j8e2i
تفاعلوا الله الله بالنجوم
احبكم ❤️
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
