محبة لـيـن ذربة من القلب تكساك محبة لين صدق الهوى

part 33

معالي: يلا بنات نرجع للبيت يلا يلا بهاج برا ينتظرنا
شادن: يمه ماشبعت من البنات
معالي: مره ثانيه نشوفهم بنعزمهم عندنا
ابتسمت لين لمعالي
معالي: كيف الزواج لين
لين ببتسامه: مع الشخص الصح حياتي زينه
معالي: ربي يوفقكَم ويسعدكَم
لين: اللهم اًمين يارب وياكم
قاموا البنات وسلموا على بعض وطلعوا
لين: يلا دام راحوا أنا بروح انااام طفيت عشان نصحى نتجهز لخطبة فصول ونايف
ساره: يوه يالحماس كلهم مع بعض بيكونون
لين: اي بننبسط
العنود: انا بروح انام بعد
لين: نوم العوافي وأنتوا روحوا ناموا عشان نصحى بدري كلنا ونروح للمشغل لان صراحه مافيني اسوي شيء
الماس: مايحتاج مشغل
لين: براحتكم انا بخلي تروك يوديني
ساره: خلاص روحي إنتي واحنا نجهز ف البيت
لين: براحتكم يلا طالعه بنام
طلعت لين الغرفه وفتحت باب الغرفه ودخلت شافته نايم ودخلت الحمام ~ يكرم القارئ ~فرشت اسنانها وبدلت ملابسها ولبست بجامتها
وراحت تنسدح تنام وغطت تركي باللحاف وكان غرقان بنومه
ونامت بعده حس فيها تركي وناظر الساعة وكان باقي دقيقتين لصلاة الفجر قام وتوضى وفرش اسنانه وطلع يتوجه للمجلس يقعد العيال عشان صلاة الفجر ويروحون يصلون بالمسجد جماعه
تركي بصراخ: قوم اذلف أنت وياه للمسجد الحين بيأذن الفجر
قاموا العيال وتوضوا ماعاد فيصل كان ناايم وسحب اللحاف عليه تركي
تركي: قوم ياتبن الصلاة لا تروح عليك
حس فيصل فيه وقام ودخل للحمام "الله يكرمكم" وتوضى وفرش اسنانه
وطلع ورا تركي وراحوا المسجد وأذن الفجر وبدأو يصلون وخلصوا ورجعوا للبيت ودخل تركي البيت بيدخل لغرفته ينام
فيصل: تروك تروك
تركي لف عليه ونطق: ها
فيصل: تبي فطور
تركي: لا برجع انام بالعافيه عليك ونام لا تسهر عشان خطبتك اليوم
فيصل: يعافيك اجل نوم العوافي
دخل تركي لغرفته وقفل الباب وراح ينسدح وسحب لين لحضنه وغطاها وحست فيه وحضنته وباس رأسها وكملوا نوم ابطالنا
~تسريع احداث الساعه 12 الظهر ~
~ عند بيت صالح آل فهاد ~
شادن: يمه متى بنروح لخطبة نجد والعنود؟
معالي: الساعه 2 تقريباً نروح نساعدهم بعد
شادن: حمااااس
معالي: قومي قعدي خواتتس الهنوف قالت إنتَم تعالوا بدري نجهز مع بعض
شادن بحماس: سمي
راحت شدون تصحي اخواتها وقاموا يفرشون أسنانهم ولبسوا عباياتهم ونزلوا لتحت
معالي: يلا بجهز ووحده منكم تصحي بهوج
ركضوا اخوات بهاج لعنده وطقوا الباب عليه مع بعض
بهاج: هااااا
شادن: قومممم يلا نروح الحين
بهاج ناظر الساعة ونطق: توه بدري
شادن: أمي قالت إنهم قالوا لنا نروح بدري
بهاج: يلا قايم
قام بهاج ودق جواله وناظر الجوال ورد عليه ونطق: هلا
العسكري محمد: بهاج تعال خذ حق خطيبتك الفلوس وإذا تبي تعفي عنهم هي قول لنا عشان ندري
بهاج: يمدي أجيك اخر الليل؟ الحين ماقدر والله
محمد: خذ راحتك حياك اخر الليل
بهاج: الله يسعدك مشكور على وقفتك معنا
محمد: ابد هذا واجبنا يلا سلام
بهاج: الله معك
قفل محمد من بهاج وقام بهاج يفرش اسنانه ولبس ثوبه وطلع برا الغرفه
بهاج: الحقوني للسياره
ركضوا البنات قبله
بهاج: يمه ذول شفيهم
معالي بضحك: خبلات متحمسات يلا نروح
بهاج: يلا
طلع بهاج وأمه متجهين للسياره وناظر شادن اخته قدام بتسوق
بهاج: اذلفي ورا
شادن: لا تكفى بسوق
بهاج: أقول اذلفي ورا
شادن: علمتني لين السواقه خلني أسوق
بهاج: شفتي الرصيف ذا؟
شادن ف استغراب: أي
بهاج بضحك: بندخل فيه ما أثق انقلعي ورا
شادن: وربي أسوق
ركب بهاج ورا ونطق: تشهدوا
معالي: بس أنت وياها خلونا نروح بدري
شغلت شادن السياره وبدأت تسوق وفعلاً عرفت تسوق واتجهت لعند البنات
صحت لين وقامت تفرش اسنانها وخلصت
لين: تركي يلا قوم بهاج بيجي بعد شوي عيب تخلونه بالمجلس وحده قوم
تركي بنعاس: بيجي الحين؟
لين: ايي الحين بيجي هو واهله بدري
تركي قام وتمغط وراح يفرش اسنانه
تركي: بنزل عند أمي وانتِ طلعي ثوبي من الكبت "الدولاب"
لين: من عينيا
تركي: ابوس عيونك ياشيخه
ابتسمت له لين وطلع تركي برا الغرفه وصارخ: يُمه
المها: وصمههه شعندك تصارخ
تركي بضحك: عشان تسمعيني
المها: اسمع بصوت هادي قول شتبي
تركي: جوعان طبختوا شيء
المها: طلعوا العيال يجيبون أكل لنا ولمعالي وبناتها يتغدون عندنا
تركي: بهوج الحين الحين بيجي صح ماراح يطول
المها: أي الحين بيجون روح تجهز أنت وخلك بالمجلس حق الرجال معه والأكل بيجيكم بعد مايجون
تركي: سمي
العنود: يُمه
المها: هلا يعيون امها
تركي: خيير هي ياعيون أمها وأنا وصمه طيب يايمه
المها بضحك: وصمه اذلف تجهز
العنود: يالليل انت خلك على مرتك غار عليها اذلف
تركي بضحك: حيوانه
ضحكت العنود
وراح تركي لغرفته وناظر لين جهزت عبايتها
تركي: وين
لين: أبي توديني الصالون
تركي: يعني ماراح تجهزين مع البنات
لين: لا والله مافيني متكاسله
تركي ببتسامه: لو تقولين أبي اروح المريخ وديتك عيوني لك
لين بضحك: يلا ودني للمريخ
تركي شالها ورفعها لفوق ونطق: يلا انقلعي فوق
ضحكت لين ونطقت: والله انك خبل
نزلها تركي وقرب منها وسند يدينه بالتسريحة "يعني حاط يدينه بالتسريحة متكي عليها ولين قباله"
تركي: متى متى تروح
لين: وش
تركي: لا تستهبلين الدوره مين يعني أمي
ضحكت لين ونطقت: باقي ٦
تركي: مالت عليها مخربه كل شيء
لين ببتسامه: أقول تأخرنا البس ثوبك وماعليك بتروح
تركي ابتسم لها وأخذ ثوبه ولبسه ونزلت لين تشوف البنات والحريم
العنود: تعالي كلي ورق عنب حامضض
تقدمت لين تأكل مع العنود
تركي نزل وناظرته أمه ونطقت: يلا تراهم جووا والحين معالي وبناتها يدخلون روح اجلس مع بهاج بالمجلس
تركي: دقيقه أبي ورق عنب قبل لا اروح
أخذ حبه واكلها وركض للمجلس
بهاج كان على الجوال
تركي: ارحححب وأنا أقول ليش بيتنا منور
بهاج ببتسامه قام وسلم عليه ونطق: حبيبي والله بنورك يالخوي
تركي: آي شخبارك شمسوي
بهاج: الحمدلله وأنت شلونك ابد والله مو مسوي شيء
تركي: الحمدلله
بهاج: أي كيف الزواج
تركي: حلو حلو بكثير
ضحك بهاج عليه ونطق: ربي يوفقكك عاد نبيك تصير اب واشوف ضناك بحضنك
تركي بضحك: تونا متزوجين اصبر وماعليك ان شاءالله خير ويرزقنا ربك
بهاج: الله يرزقكم الذرية الصالحه
تركي ببتسامه ونطق من قلبه: اللهم اًميييين يارب
ضحك عليه بهاج
جاء فيصل ودخل سلم على بهوج وجاب الأكل وأخذ الأكل لامه للحريم
فيصل: يُمه في احد
الهنوف: في في لا تجي جبت الأكل؟
فيصل: أي جبته تعالي خذيه
الهنوف: الماس قومي خذي الأكل ولا العنود
غمزت الماس لالعنود ونطقت لها بهمس: روحي لحبيبك
العنود: راح اصفقكك بعدين
قامت العنود ونطقت: احد عندك بجي أخذ الأكل
فيصل راح وقفل باب المجلس ورجع ونطق ببتسامه: لا تعالي
راحت العنود ومدت يدها تاخذ الكيس وسحبها فيصل وقربها منه
العنود أخذت الكيس وضحكت ونطقت: فكني
فيصل بعناد: لا
العنود سحبت الكيس وبعدته عنها وركضت
فيصل: هين هين يالعنود
ضحكت العنود وسمعها فيصل ودخل رجع للمجلس
فيصل: حي الله بهاجنا
بهاج: حي الله فصفصنا
فيصل بضحك: فصفصنا بعينك
ضحك بهاج عليه
فيصل: يلا حياك تعال تغدي
فيصل قرب وجهز الأكل
فيصل: أقولكم امشوا نتغدا بالحديقه
تركي: لا لا هنا لأنه الحريم بيجون
فيصل: يالليل مانبي غير خالتي معالي خلي الباقي ينقلعون
تركي: أقول تسمم وأنت ساكت خطبتك اليوم وماتبي احد يجي
بهاج: لا لا تتضاربون كلوا كلوا
تركي بضحك: انتف شعره الحين البزر
فيصل: كلزق وكل بروح أقولهم نبي مويا
تركي: باااارده
فيصل: سم
طلع فيصل ونطق: يُمه نبي مويا بارده
الهنوف: روح المطبخ مافيه احد
ركض فيصل للمطبخ من الجهة الثانية فتح الثلاجه وأخذ له وللعيال وطلع
الهنوف: وين العيال الباقيين
فيصل: بيجون بعد شوي
الهنوف: يلا بالعافيه
ركض فيصل ونطق: يعافيك
وراحت الهنوف تجهز الأكل وحطته على الطاوله وجهزت السلطه
وتقدموا يأكلون
خلص تركي أكله وقام ونطق: يلا استأذنك بأخذ زوجتي للصالون وارجعلكم
بهاج: الله معك
فيصل: بهوج اسحب عليه تعال نلعب كود
بهاج: خطبتك ياحمار اليوم
فيصل بضحك: طيب ماراح اسوي ميكب تراني بس بلبس ثوب وشماغ
بهاج بضحك: يلا ادخل
دخل فيصل الكود ولعبوا مع بعض
وجلسوا البنات يتجهزون وتركي أخذ لين ووداها للصالون وبعد مده وصلوا وطلع فلوس من جيبه ونطق: خذي خذي
أخذت لين الفلوس ودخلت للصالون عشان تجهز دق عليها تركي وردت على طول عليه ونطقت: هلا تروك
تركي: انتظرك برا ولا امشي
لين: انتظرني
تركي: من عيوني
قفل تركي وجلس يتفرج بجواله علبال ماتخلص لين
وبعد مده خلصت وطلعت له وركبت السيارة وناظرها
تركي: لين قلتلك بميكب تنقبي
لين: والله نسيت أخذ النقاب والله والله
تركي: خلاص حصل خير ارمي رميه ف الطرحه
لين: ابشر
رمتها لين الطرحه على وجهها
تركي: اهخ بس الدوره عليك حسافه اليوم بشوف كشختك على الفاضي  يالليل القهر صدق
لين بضحك: ماعليك تروح وترجعلك الكشخه
تركي ببتسامه: صدق
لين: غمازاتتتككك احبها
تركي قرب ونطق: بوسيها دام تحبينها
لين استحت وضحكت عليه وباسته
تركي ببتسامه وبكل حُب نطق: اسمعي اسمعي بس هالاغنية
شغل تركي الأغنية وناظرته لين وابتسمت وقرب وباس خدها
لين: يزققق ركز ف طريقكك
تركي ناظرها ونطق: انتِ طريقي واتجاهاتي ماراح يصير شيء
لين: تغزل وعيونك قدام
تركي ضحك وناظر طريقه ونطق: سمي
لين: اسرع اسرع باقي شوي على حفلتهم
تركي سرع بقوه
لين بصراخ: صدققتتت وقفففف
طنشها تركي وكمل سرعته وبعد مده وصلوا
تركي: يلا
لين: خليك قد سرعتك
تركي: شبتسوين يعني
لين: خليك قدها وبس
تركي غمز ونطق: عاقبيني بعد ٥ ايام بطريقتك
لين فهمت عليه ونطقت بضحك: اذلفف
تركي مسك يدها ونطق: يلا نذلف داخل بس لا تفكين الطرحه على طول عشان لو بهاج قريب من باب الحديقه مايشوفك ولأنه يحب حديقتنا ويطلع يدخن
لين: تم
دخلوا داخل ولقى بهاج وبعد يدها ونطق: يلا ادخلي
بهاج ببتسامه: خلصتوا
تركي: أي خلاص جهزتوا إنتوا
بهاج: باقي لهم شوي
تركي: الحريم الباقي جوو
بهاج: يوه ماشاءالله جووا كثير
تركي: حياهم الله
طلع فيصل مروق ويدخن والابتسامه شاقه وجهه شق
تركي: أشوفك مبسوط اليوم
فيصل: لا شكلي عادي وحبيت ابتسم
تركي بضحك: أي واضح
فيصل: شايفني خفيف مثلك
تركي بضحك: انا خفيف؟؟
فيصل: بقوه لدرجة ان الحُب يطلع من عيونك
تركي: بالله انا خفيف يابهاج
بهاج بضحك: إي شفتك وأنت داخل ماسك يدها بعدها فكيتها عرفت انك خفيف
تركي: نشوف لما تتزوجون إنتوا
فيصل: لعبتي الثقل حتى ماراح أناظرها من قوة الثقل اللي فيني
تركي: اصدق اليهودي ولا اصدقكك أنت اخر واحد يتكلم عن الثقل
بهاج: انا احم احم ثقيل من يومي
تركي بضحك: أقول جب أنت وياه اكبر كذابين
ضحكوا وطفى فيصل الدخان ودخلوا داخل
ألمها: يلا اولاً خطبة نايف ونجد تبدأ
لين: نجد حبيبي تعالي
نجد راحت لها ونطقت: لبيه
لين: الرموش انفكت بسويها لك
نجد: تم
سوت لين الرموش لـنجد وعدلتها ياها ونطقت: قمر بسم الله على نجودي
ابتسمت لها نجد وباستها بخدها
لين: يلا المصوره بتصورك وحدك كم صوره بعدها يدخل نايف ويلبسك الدبله
نجد ببتسامه: تم
المصوره: قربي من الكيكه
قربت نجد من الكيكه وبدأت المصوره تصورها كم صوره
المصوره: خلصت يلا خليه يدخل خطيبك ويطلب يدك عشان أصور
المها: البسوا عباياتكم
قاموا الكل يلبسون عباياتهم
دقت المها على تركي
تركي: هلا يُمه يطلع؟
المها: اي
تركي: يلا نيوف
طلع نايف متجه لصالة الحريم ودخل ناظر نجد وابتسم لها وردت له الابتسامه
المصوره: امسك يدها ولبسها الخاتم بصور عددة صور
الكل صارخ بفرحه لهم ومسك يدها ولبسها الدبله وناظرها بكل حُب كأنه يقولها بنظراته لها الحمدلله انك لي صرتي بالنهاية وراح أحطك بعيوني
المصوره: يلا يانجوده نفس الشيء
مسكت يده ولبسته الخاتم برضو والمصوره بدأت تصورهم مع بعض
والكل يغني ورا الاغنيه بفرحه وجلس نايف شوي وبعدها طلع
نجد ببتسامه: العنود تعالي مكاني
العنود بتوتر: يلا جايه
راحت العنود واخذت نفس
ودخل نايف للرجال
تركي: حركات أشوف الخاتم
نايف ببتسامه مد يده: ها كيففف
تركي: مين قدك ياعريسسس
تركي ناظر فيصل يتصور وسحب الجوال ونطق: قوم اذلف دورك تلبسها الخاتم وهي تلبسك
فيصل بفرحه وبضحك: يلا يلا سلام
ناظره تركي ونطق: ويقول لعبتي الثقل
ضحكوا عليه وعلى كلامه
بهاج: ربي يوفقهم
الكل: اًمين يارب
طلع فيصل واتجه جنب العنود
المصوره: امسك يدها ولبسها الخاتم وهي بعدك نفس الشيء
فيصل ناظرها وابتسم ومسك يدها والعنود كانت ترجف "طبعاً من التوتر"
فيصل بهمس: شفيك ترجفين اهدي
العنود: من التوتررر
فيصل: وليه متوتره عادي اشربي مويا واهدي
مد لها فيصل المويا وشربت العنود وصورتهم المصوره والبنات برضو
بعدها طلع فيصل وفصخوا عباياتهم واللي رجعوا بيوتهم وقعدوا يرقصون البنت بفرحه وروقان مع بعض واكلوا واستانسوا وانبسطوا وصوروا وضحكوا
دق جوال لين وطلع من " everything❤️"
العنود ببتسامه: بنات شوفوا الاسم
لين بضحك سحبت الجوال وردت: هلا والله
تركي: اطلعي اطلعي لفوق بشوف الفستان وانتِ لابسته
لين ببتسامه: يلا جايتك
لين قامت وسحبت صحن الورق عنب وركضت لفوق
العنود: شفتوا الحراميه بتعطيه تركي عشانه أكل حبه بس
ساره بضحك: يروحي الحُب طالع من عيونها له
الماس بضحك: خفيفه
ساره: اي نشوف ثقلك مع رواف
الماس بدلع: ماتشوفوني دايم اسفل فيه تعلموا مني الثقل ياخفيفات مالت عليكم بس
ساره بضحك: كليتبن بس
راحوا الحريم كلهم رجعوا لبيتوهم إلا معالي وبناتها وعائلة فارس التومان وعائلة فاطمه وعائلة صقر بن تميم يبون يباتون عندهم"ينامون عندهم"
رهف:فهده توها الساعه 1 خلونا نطلع بسيارتك
فهده بضحك: رهوف تستهبلين نطلع الفجر
ساره:ياشيخه عادي خلونا نروح نفرفر
فهده:طيب ماتكفينا سياره وحده
سُميه:خلاص خلونا نتقسم لسيارتين ونطلع اي مكان
نوره:هقوتكم يوافقون نطلع بذا الوقت؟
لين:بنات مدري احس لا
العنود:إلا بنات خلاص قوموا نروح كوفي ونرجع محد داري فينا
البندري:بنات لا تستهبلون مستحيل نطلع من دون علم أهالينا لو صار لنا شيء وش بيسوون؟
فهده بمزح:يالليل يالاخت المؤدبه خلاص لا تخافين نعلم امهاتنا وبس
جُمان:طيب يلا وش تنتظرون امشوا نلبس عباياتنا
وجد:طيب وين نروح؟
نجد:شرايكم نروح هاف مليون؟
الجوهره:المشكله زحمه يابنات
ريم:طيب خلونا نروح اي كوفي ثاني
نجلاء:شرايكم نروح كوفي Aim
سُلاف:يلا طيب خلاص امشوا
مِيلا: اايييي حلو يلا
عطوا امهاتهم خبر وتوجهوا نصهم بسياره ساره ونصهم بسيارة فهده
~ بسيارة فهدة ~
فهدة:الحين عاد بيجيكم طررب
نوره:عاااد انتتي فهده جوي بكل شيء
فهدة:لبببى حماتي
ضحكوا كل البنات وشغلت الاغنيه وبدوا يغنون بكل حماس ورقه ..
~❤️❤️❤️❤️❤️~
~زاد حماسهم بذا البارت ~
إنت ما شفت الخناجر في دواعجك السواهي
لين لجت وإستلجت وأستبدت موت أحمر
داخل باالله عليها منها ولا في جاهي
وين أودي قلبي الهيمان لا قامت تخنجر
إنت يا لافت رجاي وهقوتيني وإنتباهي
يا إعذابي ومعذبي يا الأسهل اللي كنه أخطر
جيت من جفن الغرام بدون كيف وكنت ساهي