حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
—————————————————————
خلصت لين اكلها وركضت لعند تركي وهو يضحك عليها
تركي: كأنك اول مره تطلعين شفيك كذا متحمسه
لين: والله طفشانه بروح اتجهز وانت انقلع تجهز
تركي: سمي بس لا تتأخرين
لين: ماعليك مابتأخر
تركي: يلا ببدل لبسي وبنتظرك
لين طلعت لغرفتها تاخذ شور
تركي راح لغرفته يبدل لبسه ومشط شعره ولبس الكاب وسوي من عطره المُفضل
رواف بصراخ: فييصل
فيصل: وجع اذني
رواف: شرأيك نمقلب تركي وراين اخوي وسند ونايف
فيصل بضحك: الحمدلله اني معك
رواف ضحك ونطق: يلا نمقلبهم
فيصل: تم وش المقلب
رواف: قبل مانجهز المقلب لازم اثبت الجوال بمكان عشان اصور
فيصل: تعال اوريك وين تثبته
رواف: بطيبة قلبك
فيصل: تعال يازفت
مشى مع رواف "فيصل كانت نيته خبيثه بتعرفون وش بيسوي"
مشوا للحديقة الخارجيه والحديقة شكلها جداً حلوه ومرتبه والمهم فيها مسبح مشوا وجاء فيصل ورا رواف ودفه للمسبح
رواف: أنا اعلمك غدرت فيني والله لا اوريك طيب يافيصل
فيصل ضحك عليه ورجع يدخل داخل
طلع رواف من المسبح وطلعت الماس تناظره وتخبت عشان مايشوفها
فصخ رواف التيشيرت وتذكر جواله كان بجيبه ورجع نزل للمسبح يشوف جواله ولقاه وطلع وصارخ: فيييصل
فيصل ركض يلبس ثوبه عشان يطلع يجيب سيارته من عند خويه قبل لا يجيه رواف
العنود: ليين
قعدت تدور لين من بين الغرف ومالقتها وشافت فيصل
فيصل: تعالي تعالي
العنود: وش
فيصل: قولي انك وافقتي عشان اكلم ابوك"مع الأشياء اللي صارت بالعائله ما حب يزعجها ويسأل كثير"
العنود: استخرت ووافقت
وركضت العنود وفيصل ضحك عليها وطلع من الغرفه متجه يجيب سيارته
رواف: تعال تعال وين رايح جوالي يازفت راح فيها
فيصل ركض ورواف وراه
فيصل بضحك: لاحد يشوفك كذا مفصخ ارجع للبيت
رواف: وين بتنقلع
فيصل: اجيب سيارتي
رواف: يمين بالله إذا مارجعت ومعك جوال جديد صدقني بنحرك ايفون ١٤ برو ماكس يجيي وانت جاي ولا بنحرك
فيصل: خلاص فكني بجيب بجيب
رواف: نشوف
رواف فكه ودخل يغير لبسه وانتبه على الماس انها تناظره وقرب منها
الماس: الله يخرشك طيحت قلبي خير شتبي وخر
رواف: ليه تناظريني
الماس: ماناظر تخبيت لانك مفصخ كذا وانا ابي اقعد بالحديقة
رواف: علينا؟
الماس: شبي فيك اناظر مصدق نفسك
رواف قرب منها زيادة
الماس: وخر عني لا الحين اعطيك بكوعي
ضحك رواف ونطق: مسويه جون سينا
الماس: اقول وخر مسوي تنكت وخر ابي اروح
رواف: مافي
الماس: على كيفك مافي بروح وخر عني
رواف قرب منها وهي متوتره وشتت أنظارها عنه
الماس:لاحد يشوفنا وانت مفصخ تطير نيته
رواف: اي وذا يعني
الماس: وخرررر لاحد يجيي
رواف:طيب طيب
مشت الماس وتركته
-عند لين وتركي-
طلعت لين بعد ماخذت شور
وتقدمت تنشف شعرها وحطت ميكب خفيف
ولبست بلوزه بيضاء وبنطلون فلير اسود
تقدمت تتعطر من عطرها المفضل وسوت شعرها وفكته ، عند تركي دخل الغرفه ونطق يلا يالين طولتي ، لاحظ جمالها وتقدم منها يشم ريحتها وعطرها الفواح ، وقرب منها ومسكها من عند خصرها وقبل شفايفها وبادلته ، قطعهم صوت العنود وهي تصرخ بصوت عالي:يافضحي فك البنت لو شافتك أمي بتذبحك
تركي: حلالي حلالي كيفي
العنود:اي درينا حلالك وخر
لين بخجل: طيب يلا يلا خل ننزل ونروح تاخرنا
تركي بهمس: خرا عليها خربت علي
لين ضحكت ومشت
لين: يلا نطلع بلبس عبايتي واجي
تركي سبقها نزل للسيارة ينتظرها
ونزلت لين وركبت السيارة
تركي: ياخي ودي احضنك العمر كله لكن خربت العنود البزر
لين ابتسمت ونطقت: قريب قريب
تركي: يربي متى يصير هالقريب وانام في حضنك واصبح في وجهك واتأملك بدون لا تخرب علي العنود!! ،
لين ببتسامه: مافيك صبر ابداً انت
تركي: ابددداً
لين: اقول سوق يلا وين بنروح
تركي: بنفل امها مو قلتي لي انك طفشانه
لين: اي مره والله
تركي: بنروح مكان تنبسطين فيه
لين: وين
تركي: نوصل وتعرفين
لين بفضول: ياخي قول لي
تركي: ابلعي لسانك وانتظري
لين بضحك: سم
-عند فيصل-
راح فيصل لاحمد يأخذ السياره وسلم عليه
احمد: حلفت تقلط عندي
فيصل: يرجال خلها مره ثانية
احمد: لا الحين والله لا تخليها بخاطري
فيصل: ابشر
دخل فيصل لبيت احمد وانبسطوا وسولفوا
احمد: متى اقول تتزوج
فيصل ببتسامه: بخطب بنت عمي قريب ان شاء الله
احمد: ماشاءالله الله خويي بيتزوج عاد أعزمني
فيصل: ماعليك انت اول المعزومين يالخوي
احمد: جعل ربي يوفقكم ويهنيكم ويسعدكم يارب
فيصل: اللهم اًمين تكفى ادعيلي دايم
احمد: من عيوني خويي من يوم ماكنا صغار وعاشرنا بعض وما ادعيلك!!كذا أنا دلخ الله يوفقك بحياتك
فيصل: ياجعلني مانحرم منك
احمد ابتسم ونطق:امين ولا منك
قام يجيب مفتاح سيارة فيصل من غرفته ونطق: هذا مفتاحك يالعشير
فيصل: إذا تحتاجها عادي ترى خذه بروح مع عيال عمي
احمد: لا خلصت أشغالي فيها إذا بغيتها كلمتك
فيصل: ابد اي يوم تبيها كلمني وابشر
احمد: تبشر بالخير ياوجه الخير
فيصل: يلا أنا استأذنك
احمد: الله معك انتبه لنفسك
فيصل: وانت بعد يالخوي يلا سلام
احمد: سلام
طلع فيصل من بيت خويه متجه لبيتهم
المها " ام تركي": وين الحمار تركي
العنود: طلع يُمه
المها: مع لين؟
العنود: اي
المها: وين بيروحون
العنود: مدري والله نسيت اسأل لين
المها: لما ترجع اسأليها
العنود: سمي يُمه
المها: يلا قومي سوي العشاء
العنود: ماراح اسوي بطلب من برا والله ماسوي
وصل فيصل وسلم على عمته
فيصل: سلام عليكم
العنود وامها بصوت واحد: وعليكم السلام
المها: وين كنت فصول شفت تركي
فيصل: والله ماشفته رحت اجيب مفتاح سيارتي من عند خويي كان معه
المها: دق عليه دق
فيصل: ابشري
دق فيصل على تركي
تركي: يمه بطني مغصص
لين: شفيك
تركي: فيصل يدق وش اقوله مستحيل اقوله اني معك وربي استحي واخاف يزعل
لين: ماراح يقولك شيء رد
تركي: متأكده؟
لين: اي ماعليك
رد عليه تركي
فيصل: وينك
تركي: برا
فيصل: وين طيب
تركي: الصراحه أنا مع لين قسم بالله بنروح العثيم ننبسط بس والله العظيم
فيصل ضحك ونطق: شفيك خايف طيب
تركي: يمكن تقول ماخذها عشان اسوي شيء
فيصل: لا لا ماعليك انبسطوا وصورلي فعالياتكم
لين جتها لحظة ادراك وضحكت
قفل تركي وناظرها ف استغرب
تركي: وش
لين: بنروح ألعاب العثيم
تركي نسى انه لين جنبه ونطق: مالت عليك وعلى اخوك
لين ضحكت
تركي: ياجعلني ابوس هالضحكة
لين: حمار انت كيف تبوس ضحكه
تركي بضحك: مالك دخل انطمي بتغزل وانتي ردي رد حلو ولا سدي حلقك
لين بضحك: ابشر يلا تغزل
تركي: لبى العيون بس ناظريني
ناظرته لين وقرب تركي باسها
لين: وجع تسوق ركز بطريقكك
تركي جلس يناظرها وهو يسوق
لين: تركي إذا تحبني ناظر للطريق تكفى
تركي: ماعليك إذا ناظرتك راح اعرف اسوق زيادة
لين: ترى والله بزعل
تركي ناظر لطريقه ونطق:لا خلاص كل شيء ولا زعلك
لين: ادب
تركي ضحك عليها وبعد مدة وصلوا للعثيم يلعبون ووقف تركي ، لين نزلت بحماس وسحبت على تركي
تركي: يزقق لين
ضحك عليها وركض وراها ودفع حق الدخول ونطقت الموظفه: ذي دخلت بدون ماتدفع
تركي: خطيبتي ماعليك دفعت لي ولها لشخصين
الموظفه: لا عاد تعيدها لا يمسكونها
تركي: معليش يا اختي
الموظفه: حصل خير
ركض تركي لـ لين ومسكها
لين: وخر
تركي بخبث: كنتي بتنسجنين
لين: يُمه والله ماسويت شيء ليه
تركي: لانك دخلتي على طول
لين: قسم نسيت من حماسي بروح اكلمها
تركي ضحك ونطق: لا خلاص دفعت حق شخصين لي ولك وكلمتها انك معي
لين: يلا زين تعال
راحوا يحجزون ونطقت لين: تعال نركب ذي اللعبه
تركي: والله ما اركبها
لين: منجد تخاف
تركي: منجدك قطار الموت يلا انقلعي لحالك اركبيه
لين: بكيفك
وراحت لين تركب ولا همها وناظرها تركي كيف هي شجاعه كذا وماتخاف ابد
تركي تشجع وراح معها
لين: مو تخاف شعندك جاي
تركي بكذب: كنت اكذب ولا أنا ماخاف وركبته مليون مره
لين: يلا نشوف
تركي نادي الموظف وهمس بكذب: اسمع لا تخليه سريع خفف السرعة مو عشاني عشان خطيبتي تراها تتعب من هالالعاب بس صملت تركب
الموظف: تمام
تركي ضحك لانه كذب على لين وعليه بنفس الوقت
لين: شفيك
تركي: لا بس متحمس
لين ف استغراب: تمام
جلس تركي يسمي من داخله ويدعي ان الله يحفظهم
بدأت اللعبة تشتغل وتمشي وغمض عيونه
وناظرته لين ونطقت: ماتخاف ها
تركي: ماخاف بس هذا استعداد
ماتت ضحك لين عليه وعلى كذبته
تركي: جب لا تضحكين بصوت عالي هالزفت يناظرك قسم بالله لو ماوخر عيونه يمين بالله انزله
لين مسكته: لا خلاص مابضحك خلك
تركي: يناظر ابن ال**** يمين بالله لا اوريه
لين: لا تركي تكفى احنا جايين ننبسط
بدأ قطار الموت يمشي ويسرع وغمض عيونه تركي
ولين تصارخ بحماس وتركي مافتح عيونه من الخوف وبعد مدة وقف
لين ناظرت تركي للحين مغمض وضحكت عليه ونطقت: تركي
تركي: اي اخاف بس خليه يوقف كل شوي يوقف ويرجع
لين بضحك: خلاص هالمره وقف
تركي فتح عيونه وناظرها ونطق: ماخفت
لين بضحك: اقول تعال امش ياكذاب
نزلوا وتركي ناظر ف اللي يناظر بلين ومستمر وتقدم مسكه من التيشيرت ونطق: شعند ام امك تناظر
لين: تركي فكه
تركي بتهديد: قسم بالله لو ماشلت عيونك وربي افقعها لك ، وفكه تركي
مسك يدها ومشى وهو معصب
لين: تركي ليه
تركي: لين خلاص غيري الموضوع
لين زعلت واكتفت بعدم الرد
تركي:تبين ذي اللعبة
لين ماردت عليه
وناظرها ونطق: ياخي غرت غرت ماقدرت اتحمل كان يناظرك وماشال عيونه لين حسي فيني غرت والغيره توجع
لين: ماقصد شيء بس جينا ننبسط مو جينا نتضارب
تركي: ادري بس ذا ماشال عيونه لو شال ماكان رحت له بس لما نزلنا والله كان يناظر بس ماشفتي انتي
لين: خلاص حصل خير تعال نلعب
تركي: يعني خلاص مو زعلانه
لين: ياغبي ماني زعلانه عليه خل يولي أنا خفت عليك لا يبلغ عليك
تركي: يخسي ينقلع
لين: خلاص انسى السالفة وتعال ننبسط
تركي ابتسم وقعد يصور وحطت يدها لين تخرب عليه التصوير
-عند عائلة صالح ال فهاد-
شادن:يممه
معالي: شفيتس تصارخين
شادن: يمه وحشوني البنات والله خلينا نروح لهم ولا هم يجونا
معالي: بكلم المها وبعزمها عندنا هالمره عيب عزمتنا بخطبة ولدها وماعزمناها
شادن: اي يمه اعزميهن مع بناتهن
معالي: روحي جيبي جوالي من غرفتي
شادن بحماس ركضت لغرفة معالي تجيب جوالها
رجعت شادن ونطقت:سمي يمه
معالي:سم الله عدوك
ودقت على المها وبعد مده ردت ونطقت:هلا والله
معالي: هلا بتس ياعيوني اخباركم
المها: والله حنا بخير انتوا كيفكم وكيف البنات والعيال
معالي: بخير اللهم لك الحمد كيفكم عساكم طيبين
ألمها: والله بخيير عساك بخير
معالي: إلا ماقلتلس شصار عليكم اختفيتوا فجأة
المها:ياويلي ماتدرين
معالي بأستغراب:شسالفه خير ان شاء الله
المها:نقلنا لبيت عبدالرحمن واثثناه واستقرينا فيه
معالي:وانا توني ادري اهم شيء قريب؟؟
المها:لا قريب يبعد عن بيتنا القديم ٧ حارات
معالي:المهم عازمتكم اليوم ببيتي حياكن
شادن بهمس: يمه قوليلها تجيب البنات كلهم تكفين
سمعتها المها وابتسمت ونطقت: قوليلها ماعليها بيجوون كلهم البنات تبشر
شادن ابتسمت ونطقت: حياكم كلكن والله البيت بيتكن
المها: يابعد روحي انتي الله يحييك
معالي: يلا ننتظركم انتي والبنات كلكن تعالن ننبسط مع بعض ونسولف تكفين لا ترديني
المها: ابشري معليك تم
معالي: تبشرين بالجنه يلا استودعتكم الله
المها: الله معكم
هيفاء: مين تكلمين
المها: معالي بكره عازمتنا كلنا حنا وبناتنا على بيتها
هيفاء ببتسامه: والله انها عسل ياحلوها
المها: اي والله طيبه حيل ربي يحفظها
هيفاء: اللهم اًمين عاد نروح ولا؟
المها: اكيد قالتلي ماردها ونروح ننبسط ونستانس من زمان ماشفناهم
هيفاء: خلاص تم بكره من بدري نصحى ونجهز
-بمجلس الرجال-
قام فيصل يتوجه لابوه وينطق له بهمس:يبه شصار على العنود
مشعل:تم خلاص تتكلم انت ولا أنا؟
فيصل : أنا
مشعل:توكل على الله
رجع مكانه ونطق:عمّي عبدالله
لف عليه عبدلله ونطق:سم
فيصل بتوتر:شخبارك
عبدالله بضحك:الحمدلله بخير وأنت؟
فيصل:الحمدلله بخير
كل اللي بالمجلس ضحكوا على فيصل
فيصل:عمي عندي طلب
مشعل:شفيك ياولدي ماهو حلاوه ترى خلني أتكلم أنا أحسن
فيصل:تكلم يبه تكلم
مشعل:اخوي عبدالله ما شاء الله عيالنا ربو مع بعض وضحكوا وكلوا ولعبوا وسوو كل شي مع بعض
عبدالله:اي
مشعل:طالبين القرب منكم
عبدالله ابتسم والكل ابتسموا ، طالع فيصل ونطق:والله هذي الساعه المباركه بس من تبون؟
فيصل : العنود ياعمّي
عبدالله ببتسامه:ابشر والله بكلمها وارد لك خبر ماراح نلقى احسن منك زوج وسند لبنيتي العنود
فيصل ببتسامه:تبشر بالجنه وخذوا راحتكم
عبدالله اكتفى بالابتسامه وقاموا العيال يباركون لأنهم يدرون ان العنود وافقت
فيصل: الله يبارك فيكم كلكم
سند بمزح "لانه سند متزوج سُميه": حمستوني اتزوج
كلهم ضحكوا على سند
سُميه: ترى اسمع وربي بتنذبح
فيصل دق على لين اخته مبسوط وبعد مده ردت: هلا
فيصل: مادريتي
لين: وش
فيصل: بخطب العنود
لين بفرحه: احلففف يمين بالله انك تحلفف
فيصل بضحك: قسم بالله
لين ودها تصارخ من الفرحه ونطق تركي: شفيك
لين بضحك: فيصل بيزرف منك العنود
تركي بضحك: يعني عشاني اخذتك بياخذ اختي
فيصل: قوليله جب
لين ضحكت وقالت يقولك: جب
تركي بضحك قوليله: خذها وفكني منها وبالتوفيق
لين: سمعت ولا اعيد
فيصل: سمعت سمعت لا يقل ادبه ولا برجعك ويحلم فيك
تركي بمزح: يخسى انتي لي خلاص
فيصل: وينكم
لين: بالعثيم
فيصل: تتهنون يلا سلام
لين: سلام
تركي: يحلوه مع العنود أحسهم مناسبين نفس جو بعض
لين: انبسطتتت لازم نرجع البيت
تركي: باقي فيها البطاقه
لين: خلها مره ثانية نلعب فيها كلنا نروح
تركي: من عيوني تم يلا تعالي
مسك يدها واتجهوا يمشون عند السيارة
ضيفوني انستا j8e2i لا تنسون ❤️
تفاعلوا والله الله بالنجوم
احبكم ومعليش طولت 🥹🥹🥹🥹🥹🥹
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
