محبة لـيـن ذربة من القلب تكساك محبة لين صدق الهوى

part 6

-رجعو تركي وفيصل الصاله عند الأهل وهم مبتسمين-
الجد متعب:اجلسو يعيالي
تركي:سم
ساره:بنات امشو احس إذا خططو متى الخطبه مكان لين غلط ويبين إنها موافقه!!بيشكون بعدين
لين:اي اي صح امشو
قامو البنات فوق
الجد متعب:ها تركي متى ناوي تخطب رسمي
تركي:جدي أنا ودي بالشاليه صراحه
عبدالله:ليه بالشاليه يولدي خله بكره
متعب:لا ياعبدالله بدري مره خلوه بالشاليه ما ورانا شي
عبدالله:ابشر بالشاليه اجل
هيفاء:طيب اي يوم !؟
تركي ببتسامه:الثاني
هيفاء:ياعساه مبروك يعيوني
تركي:الله يبارك فيك عمه
الهنوف بهمس لهند:بروح للبنات تعالي وراي ونادي هيفاء وألمها
هند:طيب
قامو واشرت هند لهيفاء وألمها وكلهم راحو
المها:ها شفيكم
الهنوف:امشو نروح عند البنات نشوفهم
هيفاء:يلا اجل
-عند البنات بالغرفه-
لين:مو طبيعي بنات صار كل شي فجأة!!
الحين حتى مدري متى الخطبه
دخلو الهنوف وألمها وهند وهيفاء
العنود:هلا هلا
الهنوف بضحك:جينا نبي نجلس عندكم
لين:اجلسو صراحه ابي اعرف وش صار تحت
جلسو
الهنوف:حددو الخطبه
لين:متى
ألمها:ثاني يوم شاليه
قامو البنات يهلهلون(يزغرطون)ويصارخون
هيفاء بضحك:وجع صوتكم
ابتهال:الحماس الففف!!
لين: وفسسسستاني متى الحق اجهز جدي الله يهديه شفيه مستعجل محنا طايرين
المها ضحكت ونطقت: مو جدك زوجك المستعجل
لين بضحك: مسرع صار زوجي وهُو حتى مالبسني الدبله
المها: خلاص بيصير زوجك
الجوهره: من الحين بقولكم أنا اللي برتب زفتهم
العنود: والله إنها أنا اسري
الجوهره بمزح:أنا اللي قلت قبلك لو سمحتي يعني
العنود: خلاص كلنا مع بعض
الجوهره: خلاص تم نجهز زفتهم من بدري
العنود: تمم
المها:ياويلي بناتي مهبَّلات!!مطول العرس باقي ماحددنا حتى
لين بضحك:ياخاله متحمسين
المها بضحك:كلنا بس مب كذا
العنود:بعدين الجوهره انتي ماوراك زوج !!حتى نوره وين زوجك عنك!!من بداية الاجازه قاعدين كيف كذا ما شاء الله!!؟
الجوهره:أنا منزمان ماجيتكم ووافق اني اجلس آخر مره كلمته امس قال بجيك بعد يومين بس بعدها صارت خطبة لين وتركي فجأة وبكلمه عشان اجلس وبعد خطبتهم امشي وبعدين شدخلك لو اجلس شهر عادي
لين:نوره وأنتي؟
نوره:أنا صراحه ما اتفقنا على رجعتي يعني بس يوم كلمته سألني متى ناويه ترجعين وكذا قلت له بجلس أسبوع زياده ووافق وقال يجيني بعد أسبوع يعني برضو بعد الخطبه بمشي
العنود: اذلفوا عند ازواجكم
نوره: خليك بس تتزوجين والله نطردك
العنود: مين قالكم أنا اتزوج ماراح اتزوج
لين بضحك: وليش أنا تنكبيني مع اخوك
العنود: انتِ الحُب عماك
لين بضحك: انطمي
العنود:سمي
الهنوف:جلستهم طفش امشو تحت عند عمي
هند:ايوالله صادقه
لين بمزح وميانه وضحك:حاصله لكم قعدتنا
المها:يازين قعدة عمي بس يلا نروح سوالفهم خايسه
العنود بضحك: يُمه مردوده
ضحكت المها وطلعو
-تسريع احداث-
-بعد اسبوع"٤ ايام-
كأنو نايمين البنات كلهم بغرفهم:
لين والعنود
ووجد وليان وريم
ونوره والجوهره وعيالهم
وساره وجوان ونجد
ونجلاء مع زوجها"تميم"
وسميه مع زوجها"سند"
وعيالهم
قام كل البيت تجمع على السفره:
الجد متعب:بكرا الشاليه جهزو أغراضكم حق ٣ أيام والرابع الساعه 2 الظهر نمشي
لين:جدي ما شرينا فساتين نبي المول
الجد متعب:بسيطه يبنتي روحوا مع واحد من العيال تركي تقدر توديهم؟
تركي:اي جدي اقدر خلاص تجهزو عشان بعد الفطور نروح
العنود:تمام
-بعد الفطور-
طلعت لين من الغرفه ونزلت تحت بعبايه سودا وحجاب بدون نقاب وشافها الجد متعب وكان قاعد تركي من بين الموجودين
الجد متعب:لين بنتي وين نقابك
لين:اي يبه فوق
الجد متعب:التزمي بنقابك يابنتي انتي وخواتك"يقصد البنات"ولا تعصون كلمتي
تركي كتم ضحكته لأنه يدري أنها ما تلبس نقاب من ورا الجد متعب
لين:محشوم ياجدي والله نقابي فوق الحين البسه ابشر
الجد متعب:الله يحفظكم ويبعد عنكم عيال الحرام
لين:امين يارب
راحت لين عند المرايا تضبط نقابها
تركي ببتسامه:ها خلصتوا؟
لين بخجل:اي خلصنا بنادي البنات
تركي:اصبري
لين:هلا شبغيت
تركي:حلو عليك النقاب دايم البسي
لين ببتسامه:صراحه دايم البس بس ذيك المره مالبست وكم مره ومعليك ماعاد انزله
تركي:كفو عليك روحي نادي البنات
لين:كفوك الطيب ، سم
-عند البنات بالغرفه-
لين بحزن:تخيلو بنات جدي شافني بدون نقاب وقال التزمو بنقابكم ولا تعصون كلمتي ودعا ان الله يبعد عننا عيال الحرام وحسيت اني خلاص بلتزم يعيوني هو
الجوهره:أنا ونوره الحمدلله ملتزمين
لين:بصير معكم
صبا:وربي من بعد كلامه ماراح انزل نقابي احس مدري
العنود:اقول امشو لا يعصب تركي مالنا خلق والنقاب عاد صدق لازم نلتزم فيه
لين: يلا يلا أنا خلصت
نزلو البنات كلهم وراحو السياره:
ركبت البنات كلهم والعنود ركبت قدام وشغلت اغاني وقعدت تصور نفسها وتصور البنات وصورت اخوها تُركي وهو يستهبل ويسوي حركات بوجهه
-وصلوا البنات للمول-
لين: أنا بروح أشوف الفساتين
العنود: لين احب ذوقكك اختاريلي فستان انتِ وانا بشتري ميكب
تُركي: غرفتك نصها ميكب والله ماتشترين
العنود: بشتري يعني بشتري
تُركي: لا يعني لا
العنود: مالك دخل
تُركي: حرام عندك كثير وش بتسوين ف اللي تشترينهم ولا ترى عادي عندي تشترين اي شيء تبينه
العنود: عادي بشتري
تُركي: يعني تشترين بس كذا
العنود: اي كذا
تُركي: بكيفك
العنود: اصلاً ليش جيت
تُركي: يعني تبين لحالكم؟
العنود: اي ناخذ راحتنا ولا جاي عشان لين
تُركي: جاي عشان اغراض وعشانها برضو ، لين سوت نفسها ماتسمع ومبتسمه تحت النقاب
العنود: اي اغراض ياخفيف؟؟
تُركي: شدخلك اغراض وبس
العنود: اذلف يلا خلنا نختار
تُركي: لأ أنا بختار لـ لين ، لين ثقي بذوقي ترى والله حلو اعرف اختار
العنود: من ناحية الذوق لين ماقدر اكذبه وهو صدق ذوقه حلو
لين بخجل وبضحك: يلا نشوف ذوقه اختارلي اشوف
تُركي بحماس: تمام دقيقه
لين: يلا انتظر
العنود: عششششتو شف الابتسامه واضحه من تحت النقاب
لين بضحك: حرام ابتسم ابتسم كذا بدون سبب
العنود: سمعت ياتُركي قاعده تكذب تقول بدون سبب الحُب باين انتوا مفضوحين
تُركي: أنا ثقيل
العنود: واضضضحح لو ثقيل ماكان رحت قلت لامي انك حابها
تُركي: امي كذا تفضح الواحد ماتعرف تستر
لين بخجل: الفسستان وينه
تُركي بضحك: اي شوفيه ذا حلو وبيطلع احلى عليك
العنود بضحك: ويع خل اطلع احسن
ضحكوا كلهم
لين:حلو مررره يجنن
تركي:لا تجاملين لو ما عجبك خذي غيره
لين:وربي ما أجامل صدق بلبسه الحين تعال نختار فستان لـ نودي
تركي:مين نودي؟
لين بضحك:العنود
تركي:الله وأكبر نودي
لين:شدعوه حلو عليها نودي
تركي ببتسامه :مدري مدري اختاري الحين
-عند العنود بـ سيفورا-
راحت عند قسم الأرواج والقلوسات:
اختارت قلوس سيفورا وروجين وكونسيلر وبلشر كريمي وحاسبت وطلعت وراحت لكيكو
أخذت مسكرة رموش وطلعت
-دقت على ليان-
العنود:الو
ليان:هلا
العنود:وينك
قاعده أدور لي فستان بمحل *****
العنود:ومين معك؟جايتكم أنا
ليان:كل البنات ما عدا لين أشوفها مع تركي بالمحل اللي جنبنا محل ***** انتي وينك؟
العنود:رحت سيفورا أخذت لي قلوس وروجين وكونسيلر وبلشر كريمي وبعدها رحت كيكو أخذت مسكارا يمدحون حقتهم
ليان:تمام يلا ننتظرك
قفلو الخط
-عند البنات-
الجوهره أخذت فستان عنابي ضيق
نوره فستان بيج على بيبي بيك ضيق وطويل
وألماس فستان ليموني تقريباً وطويل وضيق بدون اكمام
جوان فستان فوشي ضيق من فوق وواسع من تحت
فستان نجد موف ضيق
نجلاء فستان اسود بدون اكمام وضيق
سُميه فستان فوشي ضيق وبوسطه ورود مره حلو
ساره فستان رمادي فاااتح وفيه من فوق كرستال
صبا فستان اسود بدون اكمام وقفازات بدون كف
ابتهال فستان رصاصي فاتح مايل للابيض مع أكمام طويله
العنود فستان بنفسجي فاتح قصير ضيق(من ذوق لين)
لين(عروستنا) فستان ازرق فاتح على غامق بدون اكمام
—
عند تركي ولين
تركي:يلا نروح
لين:يلا
-بالمحل عند البنات-
طلعو تركي ولين من المحل وشافو العنود جايه ودخلو مع بعض
العنود:ها لين وش اخترتي لي؟
لين:تركي عطني الكيس
هذا شرايك فيه؟
العنود انهبلت عليه:يجننن شكككرررراً وربي
لين:عفواً يرووحيي
الجوهره:تركي كلنا خلصنا بس نبي سيفورا
تركي:وش ذا
الجوهره بضحك:محل مكياج
تركي:يلا طيب
-خلصو من سيفورا وراحو السياره-
العنود: مو على اساس تشتري لك اغراض
تُركي: اوووههه نسييتتتت يلا ماعليه مره ثانية
لين ضحكت ، وسمعها تُركي وقال بينه وبين نفسه: لبى هالضحكة بس
العنود: أنا ادري انك كذاب عشان تقعد مع لين
تُركي ضحك
-عند العيال-
فيصل: ياعيال تدرون اني انبسطت ان تُركي بياخذ لين اختي
نايف: عسى ربي يوفقهم يارب اي والله كلنا انبسطنا أحسهم مناسبين لبعض
سليمان: ربي يوفقهم بقول لتُركي اول ولد على اسمي ولا ماراح يصير خير
فيصل: يلا بس اول ولد على اسمي
نايف: لا اسمك ولا اسمه ان شاء الله اول وحده تطلع بنت البنات فيهم خير
فيصل: نايف احسك مو على بعضك شعندك وش وراك
تميم: شكله يحب
نايف: اي حُب اي بطيخ مين بيحب
تميم: بكرا الايام تبين
فيصل بضحك وتذكر الاغنية وكملها: مين قاسي ومين حنين
تميم: وساعتها هتعرفوني
فيصل: لما الايام تبييين
تُركي: السلام عليييكم
فيصل: اهلاً بعريسناااا هلا والله بزوج اختي
تُركي ابتسمله: وسلم عليه ، وعلى باقي العيال
تميم: اي وش شعورك دامك بتتزوج
تُركي: بتزوج وافتك منكم واشتريلي بيت واعيش لوحدي أنا ومرتي بعيد عنكم
فيصل: وانا معهم تفتك مني!
تُركي: لا انت غير
تميم وسليمان بصوت واحد: على تراب
تميم: وين باقي العيال
تُركي: دق عليهم خل نلعب بلاستيشن شوي

تفاعلكم ❤️‍🔥
انستا
j8e2i