محبة لـيـن ذربة من القلب تكساك محبة لين صدق الهوى

part 19

حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
—————————————————————

وصلوا البنات للكوفي وجلسوا وطلبوا قهوتهم وشربوها وصوروا ستريك وسولفوا وضحكوا
-عند العيال-
فيصل: اووه تركي شوف بهاج
تركي نادى بهاج بصوت عالي ولف عليه ونطق: يامرحبااا
بهاج: يا اهليين وسهلين وينكَم غايبين
فيصل: والله حنا موجودين انتم اللي غايبين الاهل عندكم بالبيت
بهاج: اي شفتهم البنات طلعوا كلهم لكوفي
فيصل: بنات عمي وخواتي؟
بهاج: اي
فيصل: ذول ماعمري شفتهم جلسوا بالبيت لازم يطلعون
بهاج: خلهم يرجال ينبسطون شلونكَم انتَوا
تركي: وانا سحبتوا علي تراني واقف هنا وش قلة الادب ذي
بهاج بضحك: انت تكبرت من يوم مازرفت اخت فيصل ، فيصل: شفت قليل ادب بيخطف اختي مني
تركي: وهو بيزرف اختي بعد نصاب ذا
بهاج: صدق فيصل بتخطب!!
فيصل ببتسامه: اي ان شاء الله
بهاج: الله يوفقكم يارب اول ولد على اسمي انت وياه
تركي: بهاج اسم قديم اذلف
بهاج: حاصل لَك شوف اسمَك تركي وش هذا
تركي: يحلو اسمي الكل يحبه صح فيصل
فيصل: لا
تركي: خرا عليك
ضحكوا كلهم
-عند الحريم-
الهنوف: الوصخات البنات تأخروا يمه قلبي لا يكون صارلهم شيء
معالي بخوف عليهم: لا لا ماصار شيء ان شاءالله
المها:مايردون الحيوانات بدق على تركي يروح لهم
معالي: دقي وخليه يرجعهم للبيت
المها دقت على تركي وبعد مده رد ونطق: هلا يُمه
المها: كلمتك لين؟
تركي: لا يُمه ليش
المها: البنات طلعوا ومارجعوا للحين طولوا
تركي: يُمه تلقينهم يلفلفون بالشوارع
المها: روح روح الكوفي اللي هم فيه ورجعهم الحين
تركي:بأي كوفي؟
المها تنطق للحريم:اي كوفي؟
هند:لاب**
تركي: يلا رايح أنا وبهاج وفيصل
المها: يلا روح وطمني
تركي قفل جواله ونطق: يلا يعيال نشوف البنات وينهم
بهاج: شقالت امك
تركي: تقول انهم طولوا مارجعوا للحين وهي خافت عليهم
بهاج: يلا يلا مشينا
فيصل: أنا بروح بسيارتي
بهاج: وانا بسيارتي
تركي: يلا روحوا
توجه الكل بسيارته وركبوا متجهين للكوفي اللي فيه البنات ، -عند البنات-
وصلوا الكوفي
ساره:اوووف كتمه النقاب ذا بضل بحجابي وانزله انخنقت
العنود:ساره لا احد يشوفنا
ساره:واذا احد شافنا
العنود:يعني يشوفونك بدون نقاب وعادي
ساره:محد شايفني
تاضي:ياشيخه عادي محد بيشوف
-بعد مده وهم جالسين يسولفون ويضحكون-
وصلوا ودخلوا ودوروهم وتركي لقى لين وركض لها
تركي: بوو
لين: بسم الله وش جابك
تركي: امي خافت عليكم وقالتلي أجيكم يلا امشي
لين: لاا البنات بروح معهم
تركي: وش تدورين
لين: مدري وين حطيت جوالي ياخي
تركي: تستهبلين تضيعين جوالك
لين: ياخي تركي حطيته فوق الطاوله
تركي راح يسأل الرجال اللي كانوا متجمعين ونطق: سلام عليكم
نصار: وعليكم السلام شبغيت امر
تركي: مايأمر عليك عدو بس بغيت اسألكم شفتوا جوال ١٤ برو ماكس لونه ازرق
نصار: إلا والله واحد جاء وسأل جوال مين ذا وطلع برا الكوفي يسأل
تركي: كيف شكله سريع
نصار: بجي معك تعال
تركي راح لـ لين وهمس: بروح ادور جوالك خليك هنا اجلسي لا تتحركين انتي والبنات
لين: تمام
طلع نصار وتركي برا الكوفي يدورون الرجال اللي معه جوال لين وشافه نصار ونطق لتركي: هذا هو شوفه يسأل الناس
ركض تركي ونطق: سلام عليكم
علي: عليكم السلام
تركي: عطني الجوال اللي معك حقي ذا
علي: وش يثبت
تركي: عطني بفتح الرمز
عطاه علي تركي الجوال وفتح تركي الرمز ونطق: ها شفت
علي: يلا كويس لقيته انتبه مره ثانية
تركي: الله يعطيك العافيه تسلم والله
علي: ابد بالخدمه يلا سلام
تركي: الله معك
نصار: والله كويس انه رجال وقعد يدور حق مين لو غيره كان سرقه
تركي: اي والله الله يسعده شكراً لك برضو
نصار: ابد والله مابيننا والحمدلله لقيته
تركي: ربي يسعدك يلا ف امان الله
نصار: ف امان الله
تركي رجع للكوفي وشاف البنات حوالين لين واشر بيده لها
لين: ها لقيته
تركي مد لها الجوال ونطق: مره ثانية خذي شنطه وحطيه بشنطتك لا طراق
شادن بهمس للبنات: ذا تركي؟
العنود: شفيك نسيتيه شفتيه بالشاليه
شادن: والله شكله تغير
العنود بضحك: مسرع
شادن: والله صدق
تركي: يلا امشي انتِ والبنات
فيصل طالع بساره ونطق بحده:ليه مب لابسه نقابك
ساره:اختنقت ونزلته
فيصل:الله وأكبر اختنقي بس لاعاد تنزلينه فاهمه
ساره:دزها
ناظرت ساره بهاج وكشرت ونطقت بهمس:مالت
ساره: يلا بنات
شادن: بهاج وش جابك
بهاج: كنت مع تركي وفيصل وجيت معهَم امي وخالاتي كانوا يسألون عنكن
شادن: يلا نرجع البيت
تركي سحب لين من يدها
فيصل بمزح: خل اختي اقول بتجي معي
تركي: مافي صارت حقتي مو حقتكم
فيصل بضحك: ابلش
لين بهمس: وين سيارتك
تركي: موقفها على اليمين روحي اركبي
لين: تمام
العنود: تركي
تركي: بعدين بعدين روحي اركبي السيارة
العنود: لا الحين
تركي: شتبين
العنود: ابي البقاله
تركي: خلاص روحي السيارة
تركي: يلا بهاج خذ اختك ونرجعهم لبيتكم وتعال معنا أنا وفيصل
بهاج: وين بنروح
فيصل: تعال معنا بنلفلف ونشوف وين بنروح
بهاج: يلا تم
الكل ركب السيارة وساقوا متجهين لبيت "عائلة صالح ال فهاد"
ألمها دقت على تركي ورد عليها ونطق: هلا يُمه مافيهم شيء ترى لقيتهم بالكوفي
ألمها: الحمدلله
تركي: قط بسبع ارواح يُمه ماعليك
المها: قول ماشاء الله ياتبن
تركي ضحك وقال: ماشاءالله
المها: يلا احتريهم وصلهم لعندنا
تركي: متى بترجعون البيت
المها: الفجر
تركي: يلا تمام
المها: ف امان الله
فيصل: تركي نتسابق
تركي بحماس: يلا
العنود: وش اللي تتسابقون منجدكم
تركي: راح يعجبك شوفي
سرع تركي عشان يسابق فيصل
-عند بهاج بالسياره-
بهاج بصدمه من العيال:شوضعَهم هذولا
ساره بخوف:بدق على فيصل التراب
سمع صوت جواله من "اختي ساره❤️❤️"رد عليها ونطق:هلا
ساره:تستهبل هد سرعتك وقول لتركي خلاص
فيصل:قاعدين نتسابق مابيصير شيء ياما تسابقنا
ساره والدمعه شوي وتطلع من عينها:فيصل لا تستهبل هد سرعتك خلاص البنات معكم برضو
فيصل بضحك:مستانسين خلاص بقفل سبقني تركي
ساره نطقت ببكاء:والله اعلم ابوي هدو سرعتكم
فيصل بلخمه:تبكين!
سمع صوت بكاها وقاموا البنات يهدونها
ساره:اكيييد ببكي تخيل يصير لكم شيء وقف وقف بسرعه وكلم تركي يوقف
فيصل:خلاص والله اشرت لتركي ماراح نتسابق لا تبكين هذا أنا وقفت على جنب معليك خلي بهاج يوقف
، ساره:عادي توقف ورا سيارة اخوي فيصل؟
هز راسه بالموافقه ووقف وراه
نزل فيصل يتوجه لسيارة بهاج يناظرها يتقدم يحضنها بحنيه ويسمع صوت بكاها
فيصل:وش فيك يانظر عيني والله ماعاد أعيدها والله
ساره:ليه تسوي كذا خوفتني عليكم حتى البنات معكم
فيصل:توبه أسرع خلاص لا تبكين يزق
ساره:إذا ذا قدامي كيف من وراي
فيصل:خلاص تعالي معي وامسحي دموعك
ساره:توعدني ماعاد تسويها؟
فيصل:وعد والله وعد رضيتي الحين؟
ابتسمت ساره وحضنته مره ثانيه ونطقت:اختنقت كله منك
فيصل:بسم الله عليك وش فيك
ساره:مدري صايره اختنق من النقاااب
فيصل نزل لها النقاب ونطق:تعالي معي خلاص لا تلبسينه الحين
فيصل ينطق لـ بهاج من الدريشه: خلاص الله معكم ساره بتجي معي
عرف اسمها وعرف أنها أخت فيصل وحس بفرحه
بهاج ببتسامه:لااا تسرررع مره ثانيه حرام عليك تخوف اهلك
فيصل:علينا يابهاج علينا نصاب
بققت عيونها شادن هي وتاضي يتوعدون ببهاج
اتجهوا ساره وفيصل للسياره وبهاج يتأملها بكل حب وينطق بينه وبين نفسه:خذت عقلي وطلعت أخت خويي ياربي مب قصدي شيء والله اني أبيها بالحلال
كان يهوجس وصرخت تاضي تنطق:بهااااج
بهاج بحده:شفيك شفيك
تاضي:انت تسرع؟
بهاج:لا مين قال
شادن بحده:لا تستهبل واللي قاله فيصل
بهاج:دزيها أنا اساساً ما احب السرعه
شادن:هين هين أنا اعلم امي
بهاج:تكفين لا تسوين سوالف مالي خلق أنا اخر واحد يسرع
تاضي:امش بس امش صارلك ساعه تهوجس مدري وش وراك!
بهاج طالع الشباك ونطق بهمس:والله اهوجس باللي اخذت قلبي شفتها
سمعت شادن ونطقت بصدمه وضحك:وووششش
بهاج:وشو
شادن بضحك:ميين اللي اخذت قلبك؟
بهاج:ما قلت شيء أنا
شادن ضحكت وطالعت تاضي اللي تطالعهم بصدمه ونطقت:اخخ بهاج انت خقيت على ساره يوونس
بهاج بنكران:مين ساره اصلاً
غمزت ونطقت:اخخ اللي شفتها وهي طالعه من غرفتي
واللي تو حضنت فيصل هي ساره
بهاج بتوتر:مسرع احبها سلامات
تاضي:بهاج طالع بعيوني؟
طالع فيها بتوتر وعرفت الاجابه ونطقت وهي تهز راسها وتضحك: اخس اخس بهاج طاح بالحب
شادن بضحك:امااانه
تاضي:انااا اعرفه إذا ككذب يشيخه
هلهلت"زغرطت" شادن تنطق:عاااشو عندنا عرس قريب ، بهاج مشى ونطق:كلوا تراب مدري من وين تجيبون ذي السوالف اللي مالها داعي
تاضي:ياخي بهاج اعترف
بهاج:مب متأكد خلاااص
شادن ببتسامه:مب متأكد من ايش؟
بهاج:اني احبها توني شفتها مجرد وهم يمكن
شادن:ترا ساره بنت كامله والكامل الله مستوره ما شاء الله وجميله وكل شيء وانت وصلت لسن الزواج ترا وهي برضو بكرا احد يخطبها وتوافق وياخذها غيرك توكل على الله اخطبها
بهاج:شادن تستهبلين اقول لك ماني متأكد إذا احبها ولا لا اساساً أنا مابي أتزوج الحين
تاضي:توكل على الله وكلم امي وربي بتحبها فوق ما إنها هي جميله ما شاء الله
بهاج:كم عمرها؟
تاضي:كبري ٢٢ بس عادي اخطبها يعني أحجزها من الحين وألسنه الجايه تزوجها يصير عمرها ٢٣ وإنت ٢٧ ، بهاج:تبوني أتزوج قبل سعد كيف كذا
شادن:ياخي عادي سعد مايبي يتزوج الحين انت تزوج من بدري
بهاج:أفكر خلاص قفلوا الموضوع وصلنا البيت
شادن:تمام بس نقول لك يعني أحجزها قبل تروح منك ، بهاج:تمام تمام انزلي الحين
-عند الحريم والبنات-
توجهت ساره الطاوله تاخذ ترمز القهوه تقهوي الحريم وجيرانهم الباقي
اسماء جارتهم:ما شاء الله يابنتي انتي بنت من
ساره ببتسامه:بنت الهنوف ياخاله وبنت مشعل
أسماء ببتسامه:ما شاء الله تهبلين وانا اقول طالعه على منو إلا طالعه على أمك الله يطول بعمرها
الهنوف:ياقلبي يا أسماء
معالي:ما شاء الله كل حفيدات متعب يهبلون بسم الله عليهم
ساره:ياحياتي ياخاله وربي انتم اللي تهبلون
وردو عليها البنات الباقي بردود مختفله
دخلوا شادن وتاضي ببتسامه