محبة لـيـن ذربة من القلب تكساك محبة لين صدق الهوى

Part 41

-بالمستشفى-
لين: اوف متى دورنا اكره انتظر
تركي: اصبري اهم شيء موعد يزون لا يفوت
لين: جوعانه
تركي: يلا الحين نخلص ونطلع نأكل
جاء دورهم وقامت لين وانبسطت وضحك عليها تركي وقام وراها وطعموا يزن بعد بكاء واخذه تركي يهديه ومشوا متجهين للسياره وركبوا ومد يزن لـ لين وبدأ يسوق ونطق: وش تبين
لين: مدري اي شيء اهم شيء اكل
تركي: كنتاكي؟
لين: اي شيء
تركي: خلاص كنتاكي بطلب
لين: تم وبيبسي من الحين اقولك ابي اشرب نفسي فيه
تركي: ابشري
لين: احلف بتخليني اشربه
تركي: والله بتشربين ماعليك
لين: شاطر يلا انطلاققق لكنتاكي
مسك يدها وباسها وكمل طريقه متجهين لكنتاكي ودق فيصل وبعد مده رد تركي ونطق: ها
فيصل: مابتجي للملعب
تركي: شرأيك تخليها آخر الليل احسن
فيصل: وليه
تركي: مدري بس احس اخر الليل احلى
فيصل: اجل انا بمشي بطلع مع العنود
تركي: على وين ان شاءالله
فيصل: مالك دخل حبيبي يلا انقلع
تركي: اح قفل بوجهي
لين: مين
تركي: فيصل الزق
لين بضحك: ردها فيك ياكم قفلت بوجهه
تركي بضحك: هين بردها
لين: اقول اسرع شوي جوعانه
تركي: كليني اعتبريني كنتاكي
لين بضحك: مو وقتك
تركي: شفيك انسيك الجوع
لين: اسسرع
تركي: متأكده اسرع؟
لين: اي
سرع تركي وصارخت لين وضحك عليها ونطق: وصلنا يلا انزلي
لين: لا اطلب وتعال
تركي: ووين نأكل ! تعالي نأكل داخل
لين: ووين احط يزن ماجبت العربيه حقته
تركي: بيكون بحضني ماعليك يلا هاتيه وتعالي
لين: ها خذه
اخذه تركي وقفل باب السياره وطفاها ومشوا داخل يطلبون اكلهم ويأكلون..
-
"ف البيت"
~عند الماس و رواف ~
رواف: بووووووو
الماس:بسم الله من وين جيت !!!
رواف: جيت من الباب المهم شرايك نسوي قهوه ؟
الماس: انت تسوي قهوه؟ يلا نجرب
~في المطبخ ~
الماس: انت جيب البن من الدرج وانا اجهز الباقي
رواف: سمي يعيوني
جاب البن وحطه وقعد يساعدها بترتيب القهوه
سوو مع بعض القهوه ونزلوا للحديقه وقعدو وشربوا قهوه
الماس: والله اني مصدومه اليوم اول مره اشوفك مؤدب وماتعاندني زي قبل الحمدلله
رواف: لا معليك مؤدب معك بس انتي اما الباقي لا
ناظرته بنظره بومباستك وسكتت
رواف: ان شاءالله متى
الماس: متى وش
رواف: أخطبك رسمي
الماس: مابيك ماتفهم
رواف: اجل بروح اشوف بنت ثانيه اتزوجها
الماس: تخسي كلم جدي خلاص انقلع
رواف ناظرها بضحك ونطق: خلاص لا تكابرين
الماس: جب بس جب
رواف: اقول اسمعي
الماس: نعم
رواف: قولي عيوني
الماس: ماتستاهل عيوني
رواف قرب منها ونطق: بتقولين ولا ؟
الماس: ولا وش مسوي تهدد تعقب وخر بس
رواف: ولااا
الماس: ولا اصف..
ماكملت كلامها الا وباس مبسمها على السريع وبعد عنها
الماس: قدها
رواف: وقدود شبتسوين
الماس: والله لاكب القهوه فوقكك
رواف بضحك: قومي قومي
الماس: وخر لا تمسكني
رواف: زعلتي
الماس: وخر
قامت الماس ومشت وسحبها من يدها ونطق: خير
الماس: وخر تراك توتر
رواف: زعلتي؟
الماس: لا
رواف: احلفي
الماس: والله وخر
رواف: روحي البسي عبايتك وتعالي
الماس: شتبي
رواف: نطلع
طلعت العنود الحديقه وشهقت ونطقت: شتسوي ماسك يدها كذا ياراسي
رواف: لا عشان لا تهرب مني
العنود: لا ياشيخ الماس تعالي تجين معي البقاله ولا انتِ تروحين
رواف: لا ليه تروح هي انا اروح
العنود: انثبر هنا
رواف: سمي
الماس: اي كفو عطيه بوجهه اللي مايستحي والمهم انا بروح يلا شتبون
ناظرها رواف وفك يدها وهمس لها: ماراح تروحين وحدك
الماس: مالك دخل بروح
رواف رجع وراه وجلس ع المرجيحه ونطق: اجل روحي
قالت العنود الاغراض اللي يبونها وراحت تجهز الماس ولبست عبايتها وناظرها رواف ومثل انه مطنشها وناظرته وراحت ولحقها بدون ماتحس ودخلت البقاله وبدأت تاخذ الاغراض اللي تبيهم ومسك يدها ونطقت: وجع خرشتني متى جيت انت مو على اساس مايهمك
رواف: الا يهمني ونص ابي اكون معك دايم لاني احبك
الماس: لانك وش؟
رواف: احبك
الماس عطته ظهرها وابتسمت ابتسامه خفيفه وكملت تشتري وخلصت وراحت للمحاسب وحلف رواف هو يدفع وبعد مضاربات خفيفه بينهم دفع هو وشال الاغراض معها وطلعت تمشي للبيت وسحبها للسياره وركبها وقفل الباب ومشى وبدأ يسوق
الماس: والزق وين بنروح
رواف: نتمشى
الماس: على كيفك؟ لا انا زوجتك ولا خطيبتك حتى
رواف: بإذن الله بكرا بكلم جدي خلاص بتقدملك
الماس: شف ولا اخذ رأيي
رواف: اعرفه مايحتاج
الماس: واثق يعني؟
رواف: الحمدلله
الماس: انا قلت ماني موافقه
رواف بضحك: بكيفك المهم بتقدم
الماس: وليه تضحك
رواف: لاني عارف
الماس: وش
رواف بضحك: ولا شيء الحين وين تبين نروح
الماس: ولا مكان رجعني البيت نطلع كلنا مع الاهل عشان محد يشك
رواف: تقولينها؟
الماس: اي
لف رواف لاتجاه البيت ووقف عند الباب ونزل ونزلت معه
ودخلوا للبيت ولقتهم العنود واخذت الاغراض معها وقبل لا يطلعون لفوق يسهرون نطق
الجد متعب: وش جبتوا عطوني معكم شبس بالجبنه لو شريتوا
الماس: اي جبت ياجدي خذ بالعافيه
الجد متعب: يعافيك يابنتي
رواف: خير انتي وياها تعالوا برا بالحديقه كلنا نسهر
العنود: ها الماس نعطيهم وجه
الماس: اي حرام يلا وانت ناد العيال كلهم
جاء فيصل وتزحلق بالشراريب "عرفتوا الحركه اكيد" ونطق الجد متعب: متى تعقل انت
فيصل ناظر العنود بمعنى انها ليه "مو جاهزه" ونطق: ماراح اعقل
طلع الخيزرانه الجد متعب ونطق: كذا بتعقل؟
فيصل: لا خلاص توبه توبه تكفى
الجد متعب: وين تركي
فيصل: طلع مع مرته يطعمون ولدهم
لورين: فصول نبي من البقاله
فيصل: عطيني بوسه واوديك البقاله
لورين: واذا كذبت؟ عمو تركي يقول انك نصاب
"لورين بنت سُميه صغيره"
فيصل: متى قالك عشان اذبحه
ضحكوا الكل عليهم ونطق فيصل: مايضحك بتشوفون موته اليوم على يدي هالتركي يشوه سمعتي بين البزران وانا طيوب
لورين: لو طيوب يلا ودني البقاله
فيصل بكذب: امشي يلا بس دقيقه اكلم خويي
ركض فيصل عند العنود وشافها ونطق: يزق مابنطلع ون
العنود: جدك هنا تبيه يذبحنا؟ يلا استعد
فيصل: مابيدري ماعليك تجهزي بودي لولو للبقاله واجيك
العنود: لا خلها بكرا والله يخوف تخيل لو درا يمههه
فيصل بتقليد: يمههه خوافه اذلفي مردوده بكرا بسحب عليك
العنود غمزت له ونطقت: قلبك مايطاوعك
ناظرها فيصل ونطقت العنود بضحك: لا تقرب
فيصل: ومين قال بقرب شايفتني خفيف؟
العنود: طيب فيصل اسمع
فيصل: عيوني
العنود بضحك: منت خفيف؟ إلا خفيف ونص
فيصل بضحك: انقلعي بس
طلع فيصل وناظرته العنود وضحكت عليه واخذت مويا وطلعت لفوق غرفتها ونطقت: بنات تعالوا لغرفتي
الماس: لا يغبيه نسيتي بنتجمع بالحديقه
العنود: يالليل يلا خلاص جايه
فيصل: شفيه
الماس: بنتجمع وانتوا معنا بالحديقه ويع نشبه
رواف: لا ياشيخه
الماس بضحك: امزحح
فيصل: تعال رواف اقولك شيء
تقدم رواف لفيصل وهمس فيصل لرواف: تحبها الحين الماس؟
رواف: اي والله شوي بأكلها بالله ماهي كيوت بس لا تجاوب اغار
فيصل: دزها انت وهي خفيف توقعتك ثقيل
رواف: علمنا الثقل يافيصل؟
فيصل: امشي اعلمك
الماس: وش تتهامسون فيه من اول
فيصل: مالك دخل
رواف: سوالف بين رجال
الماس: رواف
لف لها رواف وناظرها ونطق: وش
إلماس بتمثيل البراءة: قول لي
فيصل: إذا قلتلها اثبت لي انك خروف مو خفيف
رواف: اسف الماسي مابقول
الماس بتمثيل زعل: طيب
طلعت الماس للحديقه وناظرها رواف وصفق فيصل بكتفه
فيصل: خير
رواف: ولا كلمه
لحق الماس للحديقه ونطق: المااس تعالي بقولك
الماس: لا خلاص
رواف بضحك: سألني إذا احبك ولا لا قلتله لا
الماس: على أساس أنا اطيقكك مصدق نفسك تراك
رواف بضحك: امزح يزق قلتله اي شدعوه ماحبك والله اني اموت فيك
الماس: دزها
رواف: الين متى تكابرين
الماس: لما تقوم القيامه دزها
رواف بضحك: خلاص تعالي جنبي
الماس: شتبي يويلك تجلس جنبي وخر
تقدم رواف وجلس جنبها ونطق: جلست شبتسوين الحين بسألك
الماس: وش
رواف: مو على اساس بتداومون للجامعه شصار
الماس: مدري قالوا في مشكله بالجامعة ف مددوا الاجازه شوي وبنرجع نداوم
رواف: طيب شرأيك نتفق كلنا ونروح للطايف؟
الماس: مدري كلم جدي ولو وافق نروح
رواف: تم بشوفه
الماس: قم يلا
رواف: لا تعالي نتسابق ف المراجيح
الماس: مابتفوز علي..
تسابقوا وطاح رواف وضحكت الماس واخذته محتوى وصورته
رواف: هين والله اردها اصبري علي بس
الماس بضحك: وااااااقق شوفوا روافي طاح
رواف: روافك؟
الماس: اقصد رواف الزفت
ضحك رواف عليها وقام وركض وراها وركضت داخل تصارخ وتضحك..
-
~عند أبطالنا~
تركي: اي شتبين اطلبلك
لين: تويستر
تركي: يلا وانا نفسك انتظري هنا
لين: تعال وين بتاخذه يزون هاته
تركي: ماعليك خليه معي
لين: يلا انتبه له
طلع تركي لتحت يطلب له ولين وانتظر يجيه طلبه وبعد مده دفع للطلب واستلم وطلع فوق عند لينه
جت وحده لتركي وقفته نقول اسمها "اماني" ونطقت: تكفى عطني ياه ببوسه
تركي: شتبين
اماني: الولد شفيك مفهي
مد تركي لها يزن وباسته البنت ونطقت: بسم الله علييه عادي اصوره؟
تركي: لا معليش يختي
اماني: سم خذه
اخذه تركي منها ودخل عند لين ونطق تركي: ليني
لين: لبيه جيت
تركي: اي في وحده اخذت يزن مني وباسته وقالت تصوره
لين: ووافقت؟
تركي: لا
لين: اي شاطر
اخذت لين الطلب وجلس تركي وبحضنه يزن ونطق: سمي بالله هاك كلي وبالعافيه
لين: يعافيك يلا وانت بعد
تركي: ابشري
بدوا يأكلون أبطالنا وصاح يزن واخذته لين ورضعته برضاعته وكملوا اكلهم وسوالفهم وبعد مده خلصوا ونظفوا مكانهم وطلعوا متجهين للسياره راجعين البيت وركبوا السياره وبدأ تركي يسوق وشغل اغاني وصوروا مع بعض
وبعد مده وصلوا للبيت
لين: بنات؟؟
-
~عند الجد متعب والبنات~
الماس: يجدي والله نفسنا نروح الطايف نبي نتونس ياخي
رواف: ماتفقنا كذا تسحبين علي انا اللي بقوله
الماس: جب
رواف: خطتييي طيب
الماس: جب
رواف بضحك: سمي
العنود: اي والله يجدي وش ذا ملل مافي اكشن !
الجد متعب: والله اللي عنده جامعه ودوامات كيف بيروحون ولا لا؟
ساره: اجازه كلنا عندنا اجازه نبي نطلع ملل كان في دوام بس مدري شصار بالجامعة ومددوها الاجازه
نجد: اي بالله ياجدي تكفى ملل حيل
الجد متعب: خلاص ابشروا بس الي عنده دوامات مايروح
الماس: الله يعني رواف ما يجي
نجد: حاطه عينك عليه
الماس: لا وع بسم الله علي
نجد: يالله انتي كل شوي تكابرين اقول ترى واضح انك طايحه ومحد سمى عليك
الماس: نجد انطمي خلاص
ساره: تتهامسون وما تعلموني اوريكم
نجد: والله اختنا الفاضله طاحت ومحد سمى عليها
الماس: نجججد خلاص اسكتي ماحب احد أنا احب نفسي
العنود: اسكتي يا خبله فضحتينا بعدين تراك واضحه انك تحبينه يعني اص الله وبيكون زواج عندنا يوننننننس
سكتت الماس ولا نطقت بحرف وطنشتهم
دخلت لين عندهم ونطقت لين: السلام عليكم
الكل:عليكم السلام
العنود: اقعدي عندي ابي اكلمك عن الماس
الماس: ابي اسألكم انتوا مشتغلين اخبار؟
ضحكوا البنات عليها
لين: اشتقت لقعدة قبل
العنود: اي والله كان فله كنا سناقل
لين: اي والله كان أجوائنا فله
تركي: شقصدك لين؟؟
لين بضحك: لا ماقصد شيء ماعليك
تركي: عبالييي
جاء فيصل وناظر تركي وناظره وفهم تركي انه بيتصفق منه وركض ولحقه فيصل وجلسوا يركضون ورا بعض والبنات يضحكون عليهم واللي تصورهم
فيصل بعد مده من الركض مسك تركي من ثوبه ونطق: مين النصاب
لورين تقدمت لفيصل ونطقت: انت
فيصل: قليلة ادب ماتحترميني
لورين: صادق تركي نصاب ماوديتنا البقاله
فيصل: نسسييت يلا تعالي أوديك
لورين: لا خلاص تركي عادي تودينا
تركي: ابشري من عيوني
فيصل: مين النصاب جاوب مسوي حنون اخلص
تركي: شصار اصلاً
لورين: قلتله انك قايل انه نصاب يوم قلتله يودينا البقاله ماودانا
تركي بضحك: صدقتيني الحين
لورين: اي
فيصل: كلوا تبن وانتي تعالي
صفق فيصل تركي براسه ونطق تركي: قدها
فيصل: وقدود
لحقه تركي وصفقه وركض ونطق الجد متعب: بسسسس بزران وانت ولا كأنك متزوج وعندك ولد اعققللل
تركي: يعني لو تزوجت بعقل مثلاً جوي المجانين صح فيصل
فيصل: اي والله المؤدبين احس وراهم مصايب والله صدق
الجد متعب: المصايب انتوا والله لعنبوكم
تركي بضحك: جدي عليك فيه اصفقه بخيزرانتك
فيصل: وش سويت
الجد متعب: ببدأ فيك
تركي: لا عيب المفروض تحترمني انا متزوج وقدامي زوجتي وولدي عيب ماتفقنا
الجد متعب: ها لين اصفقه
لين: خذ راحتك فيه
تركي: لينننن أنا زوجككك
لسع تركي بظهره وصارخ وشال فيصل لورين وركض لبرا متجه للبقاله وضحكوا
تركي: طيب يالين
الجد متعب: ولا كلمه لا تخلني ازيد
تركي: وربي ظلم ليه ماتلسع فيصل
الجد متعب: خله يرجع وابشر
تركي: اخخ ياظهري احلف انك بتلسعه
الجد متعب: تكذبني يعني
تركي: لا لاا بس اخاف تسحب علي
الجد متعب: قايلك خله يرجع
تركي: وربي انتظر هنا
-
عند فيصل ولورين بالبقاله
فيصل: يلا خذي اللي تبينه
لورين تقدمت تاخذ حلويات واللي يعجبها وبعد مده خلصت ونطقت: ها ابي ذول
فيصل: شريتي لكم كلكم؟
لورين: اي
فيصل: يلا بدفع انتظريني لا تطلعين
حاسب فيصل الاغراض ودفع وشالها ومسك يد لورين وطلع متجه للبيت وبعد مده وصل هو ولورين
ودخل على لسعة الجد متعب وصارخ فيصل ونطق: وش سسسويتتت
الجد متعب: وعدت تروك تكونون متعادلين وعطيتك لسعه
فيصل بتكشير: اها يعني تعادل بالظلم صح
الجد متعب: ولا كلمه يلا قدامي اجلسوا
فيصل: تركي تعال نفحط
ناظره الجد متعب
فيصل: محد يمزح؟ امزحح
لين قامت ومسكت تركي من ثوبه ونطقت: تفحطون؟ أوريكم
تركي: تراه كذاب كنت قبل افحط الحين لا
لين: امشي قدامي للغرفه
تركي: يزن وين
لين: امشي وانت ساكت
تركي شالها وصارخت لين ونطقت: نزلني
تركي: لا نشوف شتسوين
ركض تركي لفوق متجهين لغرفتهم ودخل ونزلها وقفل الباب
لين: عندك مقاطع وانت تفحط؟؟
تركي: اكيد عندي بس ليه
لين: لا بكل بجاحه يعترف
تركي بضحك: اجل تبين اكذب عليك مثلاً
لين: تخسي ورني المقاطع
طلع تركي جواله من جيبه ومده لها ونطق: ادخلي الالبوم تلقين اخذت لين جواله وبدأت تدور بالمقاطع والصور ولقتهم وبدأت تشوف وشهقت ونطقت: ذا وش
تركي: تفحيط
لين بضيق: لا ياشيخ
تركي: والله لي زمان مافحطت مع الدلخ
دمعت لين وطنشته وناظرها ونطق: شفيك ليه صحتي
لين: انقلع لو صارلك شيء انت والزق فيصل وش ذا التفحيط
تركي قرب منها ومسك يدها ونطق: والله العظيم من زمان مافحطت أتوقع لي ٤ شهور زي كذا
لين: ومابتفحط اصلاً
تركي قرب منها ومسح دموعها: خلاص من عيوني مابفحط بس لا تصيحين
لين: اوعدني عشان اصدقكك
تركي بضحك: وعد
لين: وعد ايش
تركي: وعد مابرجع افحط
لين: احلف بعد
تركي: والله
لين: لا اقين مع الوعد
تركي: وعد ووالله مابرجع افحط
لين: خلني اعرف انك فحطت والله مارضى وبزعل وبطول زعلي
تركي قرب وباس مبسمها وبعد ونطق: لا كل شيء ولا زعل ليني
لين: ادب
تركي ببتسامة: يلا دوري
لين: دورك وش
تركي قرب منها وانسدح بحضنها ونطق: كل الوقت يزن ينام بحضنك سارق مكاني اللي مايستحي
لين بضحك: تستهبل قوم قوم بس
تركي: والله ماقوم خليني والعبي ف شعري
بدأت لين تلعب بشعره الين غفى وبعدت عنه
تركي: مامداني اغفى لا قولي بتجيبين يزن بحضنك وانا بحريقه
لين بضحك: رايحه اجيبه ينام بسريره وانت ماعليك بحضني بتكون
تركي: اييي عبالي بس ماراح انام الحين تعالي خليه هنا ونسهر معهم تحت
لين: يلا
تركي قام وغير لبسه ولبس بجامه وطلع ورا لين وسووا جلستهم وجلسوا يسولفون وفيصل وتركي كالعاده يعاندون بعض ويتهاوشون
ولين اخذت يزن فوق يكمل نومه بسريره ورجعت تنزل تسولف مع البنات ويخططون شيسوون بالطايف
ساره: مادريتي بنروح الطايف
لين: متى
ساره بضحك: العنود كان كذب عليها ماتوقعنا اننا صدق بنروح
العنود بضحك: اييي بس الحمدلله نروح ننبسط
لين: يوصخات يعني كنتوا تكذبون
العنود بضحك: اي بس والله الحين بنروح صارت الكذبه حقيقه
قاموا العيال يلعبون كوره ودخل سند ورد السلام وردوا عليه
وكملوا لعب وسوالف ..

ضيفوني انستا
j8e2i
تفاعلوا
إللي بيسأل مين الواقع ومين الخيال
الواقع
"تركي ، لين ، فيصل"
وفي احداث لامي كتبتها وبعد لام لين لكن اساميهم غير
والباقي خيال
وبس احبكم 💋