محبة لـيـن ذربة من القلب تكساك محبة لين صدق الهوى

part 40

صحوا الكل ماعاد الماس كملت نومها
المها: يلا الغدا باقي له شوي ويجهز
رواف: الجووووعع
المها: شوفوا النصاب
رواف: نصبت بوشو
المها: مو جوعان تمثل
رواف بضحك: افا تعالي اسمعك صوت معدتي
المها: اقول اذلف قول للعيال يجون
رواف: ابشري من عيوني
العنود: يُمه لين نايمه للحين؟
المها: لا شفتها صحت شكلها بغرفتها الحين
العنود ركضت لغرفة لين وطقت الباب
تركي: نعم
العنود: انت نشبه ليه
تركي: وين اجلس تستهبلين بغرفتي انا وزوجتي شتبين
العنود: وخر عن الباب بس
تركي: لين تغير لبسها
لين بصراخ: كذاب وربي ادخلي العنود ذا مايستحي اصلاً مابدل قدامه
تركي ناظرها ونطق بهمس: هين
لين بضحك: انطم
دخلت العنود وناظرت تركي وشمقت
تركي: تراني مو مأكل اكلك
العنود اتجهت ليزن وشالته وباسته ونطقت: واه حبيب امه
تركي: وابوه؟
العنود: وابوه ولا تزعل
تركي: عبالي تقولين بس امه
العنود بضحك: لا لا ماعليك حبيبكم كلكم
لين: اي شبغيتي
العنود: نطلع قولي تم
لين: ماقدر تعبانه ماقدر
العنود: بلا دلع!
لين: ما تدلع قسم بالله تعبانه للحين من اثار الولاده كله بسبب اللي وراك
تركي كتم ضحكته ونطق: شدخلني
لين: لا ياشيخ تجحد الحين انطم
العنود: شكلي دخلت غرفتكم بالغلط صدق يلا سلام
اتجهت العنود تطلع ومعها يزن ونطقت لين: وين وين ماخذته هاتي ارضعه
العنود: اخس حركات صرنا نرضع
لين: اي عقبالك
العنود: لا حبيبتي شايفتني مثلك احمل بدري انا حبيبي بحمل بعد ٣ سنوات ٤
لين: نشوف
تركي: تقدرين تتفضلين بغير لبسي
العنود: ترى بنطلع قلتلك
تركي: اطلعوا
العنود: مابتجي معنا
تركي: لا قلبي مايطاوعني اخلي ليني وحدها ف البيت
لين: اطلع اطلع معهم ماعليك
تركي: مابي ويلا العنود تفضلي برا
طلعت العنود ومعها يزن
ساره: تكفين هاتيه
العنود: انقلعي انا خذيته قبلك
ساره: عشاني يازق
العنود مدت لها يزن واخذته ساره وباسته ونطقت: يقلبس انا لبى الفم النتفه
العنود: يوصخه بستيه بفمه
ساره: ولو يمدي كان اكلته
العنود: رجعيه لها ترضعه
ساره: الا وين فيصل
العنود: مدري بغرفته نايم شكله
ساره: والماس
العنود: بغرفتها بعد
ساره: اكياس نوم ذول بروح اصحي الماس
العنود: انتبهي
ساره: انتبه من وش
العنود: تطيحين معك يزن
ساره: بزره انا؟
العنود: اي
ساره: كليزق
العنود بضحك: ابشري
راحت ساره لغرفة الماس وطقت الباب
الماس بنعاس: ها
ساره: كيسس نوم قومي
الماس: مابي
ساره: شوفي وش جايبه معي
الماس: وش
ساره: التفتي وشوفي
لفت الماس وشافت ساره شايله يزن ونطقت: عطيني ياه
ساره: قومي واعطيك
الماس: تعالي خلاص بقوم بس عطيني
قربت ساره تعطي الماس يزون وباسته
ساره: انا بطلع رجعيه لامه بعدين ترضعه وقومي لا تنامين
طلعت ساره من غرفة الماس والماس نامت وبحضنها يزون
-
"عند أبطالنا"
لين: روح جيبه برضعه
تركي: مايصيح خليه
لين: حرام جوعان
تركي: والله أنا الجوعان
لين: طفل عمره ٢٤
تركي: اي انا طفل اهم شيء حضنك لا ياخذه حضنك لي لا يسرق شيء مو له
لين: تركي
تركي: عيوني
لين: منجدك تتكلم؟ تغار من نتفه نقطه
تركي: لا ماغار بس حضنك لي خلاص اص
لين: ماتغار؟ وذا وش يعتبر
تركي قرب ومسك يدينها وباس مبسمها ونطق بضحك: غيره
لين بضحك: توكل وروح جيبه
تركي: سمي بس بتروش بالاول
لين: مطول يعني
تركي بعناد: يمكن
طنشته لين واتجهت تفتح الباب وطلعت ونادت ف صوت عالي شوي: العنود
العنود بصراخ: هااا
المها: وصمههه قصري حسك
العنود: شفيك عشان تسمع
المها: لا ياشيخه سمعتيها هي ونادتك بصوت وسط
العنود: أنا بعيده هي قريب
المها: ماشاءالله رقعتي الموضوع انقلعي شوفيها وش تبي
العنود بضحك: ابشري
لين: العنود ياتبن
العنود ركضت اتجهت لها ونطقت: هاا
لين: وين الولد
العنود: اي ولد
لين: تستهبلين ولدي وينه
العنود: مع ساره
لين: خليها تجيبه
العنود: سارهه
ساره كانت تكلم بهاج ونطقت: هلا ، بهاج بعدين اكلمك يلا قفل
بهاج: لا خليتس على الخط
ساره: بهاج
بهاج: عيونه
ساره: قفل ولا أنا بقفل شوي ارجع اتصل عليك
بهاج: متى!
ساره: مدري بس شوي
بهاج: شويي وادق هذاني علمتس
ساره: تمام يلا قفل
بهاج: انتبهي لنفتس
ساره: ابشر وانت بعد يلا قفل
بهاج: عناد مابقفل
قفلت ساره بوجهه ودخلت واتس وارسلت له"احبك لا تزعل بس قفلت عشان البنات"
ناظر بهاج الرساله ورد" زعلت"
ساره:"اراضيك لما اشوفك"
بهاج:"بشنو؟"
ساره:"لما أشوفك تعرف يلا باي باي"
العنود: مو وقتك انتِ وحبيب القلب وين يزن
ساره: مع الماس
العنود: روحي جيبيه
لين: انثبري انتِ وهي
اتجهت لين لغرفة الماس وطقت الباب ودخلت وشافتها نايمه وقربت واخذت يزن ونطقت: قومي ياحيوانه مخليته قدام المكيف
الماس: غطيته خلاص خذيه وقفلي الباب بكمل نومي
لين: ماتشبعين
الماس: لا
لين: بجيبلك رواف
الماس: لا لا خلاص بقوم
لين: يلا قومي
طلعت لين من غرفتها وقفلت الباب وكالعاده الماس رجعت تنام وطنشتها
-
الجد متعب: وين فيصل
العنود: مدري ياجدي شكله نايم
الجد متعب: روحي صحيه
العنود: جدي؟
الجد متعب: روحي صحيه
اتجهت العنود لغرفة فيصل وطقت الباب ودخلت ولقته مو موجود ورجعت نزلت لتحت ونطقت: مو موجود ياجدي
الجد متعب: وينه ذا
العنود: يمكن راح يحل قضيه
الجد متعب: خلاص نادوا العيال والبنات وخليهم يغرفون الغدا لنا
العنود: سم
-
لين: تركي خلاص اطلع من الحمام
تركي: خلاص خلاص هذاني خلصت
طلع تركي بمنشفته ونطق: وين يزن جبتيه
لين ناظرته ونطقت: اي اذلف البس
ركضت تدخل للحمام وناظرها وضحك وعرف انها استحت وطلع ثوبه من الدولاب ونشف شعره وطلعت لين وناظرته ونطقت: البس اخلص وقوم نودي يزن
تركي: وين
لين: شفيك نسيت
تركي: اوه خلاص تذكرت اجل نتغدا برا يلا تجهزي
لين: لا حرام كثروا غدا!
تركي: بيخيبونه او يعطونه الجيران ماعليك تجهزي
لين: انت اللي تجهز أنا بلبس العبايه بس
تركي: مابتغيرين لبسك؟
لين اتجهت لباب الحمام وعطته ظهرها ونطقت: لا
تركي: خير
لين: وش
تركي: معطيتني ظهرك ليه
لين: عشان تلبس
تركي: لا ياشيخه
لين: اي البس بسرعه
تركي: لفي
لين: تركي البس
تركي: ماراح البس لفي
لين: ماراح الف
تركي: ماراح تلفين؟
لين: لا والبس سريع
تركي: شوفي يزن ماد بوزه
لين: لانك قليل ادب لاف المنشفه على خصرك قدامي بدون تيشيرت
تركي: لين
لين: ها
تركي: لفي بقولك شيء
لين: احلف انك مو منزل المنشفه
تركي: والله مانزلت
لين: ماثق
تركي: ماتثقين فيني؟
لين: اي لانك خسيس
تركي: قدها؟
لين: وقدود البس خلصني
تركي قرب منها وسحبها ونطق: مين اللي قدامك
لين: تركي
تركي: لا غير اسمي
لين بضحك: زوجي
تركي: اجل جب ولا عاد تعطيني ظهرك
لين: ياخي تركي
تركي: ادري تستحين خلاص بس لا تعطيني ظهرك
تقدم تركي ياخذ الثوب ولفت لين وعطته ظهرها وناظرها وضحك ولبس وتعطر ومشط شعره ونطق: خلصت لفي
لين: كذاب ماصدق اكيد مفصخ
تركي بضحك: لفي وشوفي لو مفصخ لك اللي تبينه
لين بتوتر: تركي لو طلعت مفصخ عيب تكذب
تركي بضحك: وجع لفي انا زوجك مو واحد غريب لفي وبس
لفت لين وناظرته وركضت تحضنه وبادلها الحضن بضحك ونطق: لا عاد اشوفك تعطيني ظهرك
لين: بعطيك الين اتعود عليك
تركي: تخسين متعوده علي خلاص
لين:اقول يلا يلا نلحق على الموعد
تركي: على الموعد اللي بيننا جيتلك ملهوف
لين انسدحت بسريرهم ونطقت: اهخ ياصوتك وانت تغني كمل
تركي بضحك: قومي بغنيلك بالطريق
لين: لا تنزل
تركي: وين
لين: خلك هنا انتظرني لا تنزل تحت بتروش بالاول
تركي: مطوله يعني
لين: بتروش بسرعه واطلع
تركي: يلا
ركضت لين للحمام "الله يكرمكم" عشان تتروش وتركي ناظر يزن واخذه وجلس يلعبه ويبوسه
تركي: ليين يلاا الجوع الف
لين: يلا بطلع بس غض البصر
تركي: غضيت يلا
طلعت لين وناظرته ونطقت: ادري انك نصاب هالمرا بمشيها المرا الجايه اصفقك
تركي بضحك: يلا يلا بس البسي انا زوجك
لين: لا مابي لف
تركي: تراني جوعان
لين: كلنا جوعانين لف
بكى يزن وابتسم تركي بخبث ونطق: يصيح رضعيه
لين: لف البس وارضعه
تركي: لا خلاص بغطي ها
لين: تغطي وش
تركي: عيوني
لين: يلا
اخذت لين يزن وجلست ع الارض وبدأت ترضعه وتركي مغمض عيونه
"كذاب" 🥰
لين: ماتناظر
تركي بضحك: لا
لين: تضحك ليه
تركي: بس كذا
-
"عند البنات"
العنود: بنات ياخي خلونا نطلع ونقول للزق لين
ساره: قالت انها تعبانه ماتقدر
العنود: دلع
ساره: تعالي نحاول فيها
العنود قامت ومدت يدها لساره ونطقت: مشينا
ركضوا كلهم لفوق لغرفتها وطقوا الباب ونطقوا بصوت واحد: لييين
لين: هاااا
العنود: افتحي نبيك بموضوع
لين: تركي افتح
تركي: البسي طيب
لين: اوه صح يلا انتظروا بنات بلبس
العنود: تلبسين قدام زوجككك ماتستحين
لين: لا طبعاً بلبس بالحمام
تركي: والطقعه فيك يالعنود اوريك والله لاوريك
العنود بضحك: امزح
تركي: كليتراب
لين: ليه ليه الزعل
تركي: مازعلت اخلصي البسي
ضحكت لين وغمزت
تركي: اصبري خليك صابره
لين بضحك: شقصدك
تركي بضحك: لا ولاشيء
ركضت للحمام لبست ونشفت شعرها وطلعت من الحمام "الله يكرمكم" وطلعت عبايتها من الدولاب ولبستها
لين: غيرله
تركي: اغير؟
لين: ليزن
تركي: والله ماغير حبيبتي هذا شغلك شوفيه يلا سلام انتظرك تحت يعيوني
لين: غيرله قلت
فتح الباب تركي وحط رجله ونزل يطلع برا ينتظرها ونطقت: أوريك ياتركي
العنود: شصار ليكون تهاوشتوا بسببي
لين بضحك: لا عشاني قلت غير ليزن فحط وانا اصلاً مغيره له لبسه وكل شيء بس قلت اختبره وفشل بالاختبار مالت عليه
العنود بضحك: المرا الجايه امسكيه
لين: ماعليك اوريه
العنود وساره: وين رايحين
لين: بالعين راديو انتوا شفيكم مع بعض تتكلمون
ساره: متفقين المهم بنطلع تجين معنا
لين: أفكر لو المكان حلو تم
ساره: حلو اكيد نفكر نروح الطايف
العنود بهمس: من متى فكرنا
ساره بنفس الهمس: خلينا نكذب عليها عشان تجي
العنود: يلا تم
لين: من متى مخططين وانا تو ادري
ساره: لنا يومين بس قلنا ننتظرك
لين اخذت يزن وطلعت ونطقت: افكر الحين بروح لموعد يزن انقلعي انتِ وهي
العنود: ساره شفتي الوصخه احسها ماصدقت
ساره: لا لا ماعليك صدقت لين غبيه مثلك الحين انقلعي بروح اطلع مع بهاجي
العنود: ويع مالت عليكم
ساره: لفي وراك
لفت وناظرت فيصل وابتسمت له ونطقت: جيييت خلصت شغلك؟
ساره: مالت علينا اجل وابتسامتك شقت وجهك
العنود: اقول انقلعي لبهاجك يلا
ناظر ساره فيصل بعد ماراحت وسحب يدها ونطق: هذي هي بتروح مع بهاجها وانتِ ماودك تروحين مع فيصلك
العنود بضحك: افكر
فيصل: يلا عاد بس مرا ع الاقل نطلع ماتشوفين تركي؟ كان يزرف لين ايام الخطبه
العنود بضحك: أقنعتني يلا بروح اتجهز
فيصل ببتسامه: احلفي
العنود: والله
فيصل: يلا بغير لبسي وانتظرك
العنود: تم
دخلت العنود لغرفتها وفيصل لغرفته
-
-عند معالي وبناتها-
معالي: شادن
شادن: سمي يُمه
معالي: يلا الغدا قومي اخوانتس
شادن بصراخ: سعد بهااااج
بهاج: قصري حستس
سعد: ترانا نسمع مو لازم صراخ
شادن: اقول يلا بس الغدا
بهاج: في بيبسي ولا خلص
شادن: خلص شربته
بهاج: عافيه بروح اجيب
شادن: يلا استعجل جوعانييين
بهاج: سمي
طلع بهاج للبقاله يشتري بيبسي
وشادن وباقي أخواتها يجهزون الغدا وبعد مده قصيره جاء بهاج ومعه البيبسي وسموا بالله وبدأو يأكلون
-
رواف: وين الماسوهه
ساره: مخموده
رواف: كيس نوم ذي
طلع رواف متجه لغرفتها ونطقت ساره: وين وين
رواف: بصحيها
ساره: لا خلك
رواف: دزيها
راح لغرفتها ودخل ونطق: قومي وش ذا النوم
الماس: شدخلك مين سمحلك تدخل
رواف: أنا سمحت لنفسي تراك وحشتيني قومي
الماس: اذلف رواف بنام
رواف: تعبانه انتِ؟
الماس: لا بس ابي انام
تقدم رواف لها وسحبها وطلعوا برا الغرفه ونطق: صحيتها لكم استلموها
ناظرته الماس وضحك من نظرتها له
ساره: يلا دزيها توك تصحين بروح لبهاج
الماس: والطقعه فيك وفيه
رواف: اثقلي صيري ثقيله مثلي
الماس: انت ثقيل؟ افضحك!
رواف: لا خلاص خفيف بس الا الفضيحه
ضحكوا الكل وطلعت ساره لبهاج
والباقي جلسوا يسولفون وينتظرون لين متى تجي ..
-
عند أبطالنا
لين: لا تسرع لا ادخل اصبعي بعينك
تركي: اسمعي اسمعي الطرب
لين: طربوا راسك قل اًمين لا تسرعع
تركي بضحك: اًمين
تركي: الا ماقلتلك
لين: وشو
تركي: قولي عيوني واقولك
لين: عيوني وقلبي
تقدم يبوس خدها ونطق: بعد الرد نسيت وش كنت بقول
لين: ركز على طريقك بس مو وقت رومانسيتك
تركي: انتِ طريقي ماعليك اعرف ادله
لين: تركي
تركي: عيوني
لين: تحبني
تركي: اموت فيك
لين: ركز ف طريقك لا تناظرني والزق
تركي بضحك: سمي
لين: يلا قول
تركي: اقول وش
لين: اللي بتقوله
تركي: ماعندي شيء اجذب عليك
لين: مالت عليك خليت الفضول يحرقني
تركي: الا في
لين: وش
تركي: نستأجر شاليه شرأيك
لين: الله نفسي اسبح
تركي: تم ابشري لو تبين اصيرلك مسبح صرت
لين: صير اشوف
اخذ المويا تركي وفتحها ورش لين ونطق: ها صرت
لين: قدها
تركي بضحك: والله امزح
لين بضحك: وربي اوريك مردوده
تركي: بوقت النوم لا وانا صاحي اي فدا
لين: والله لاوريك بس اصبر علي
تركي بضحك: منجدك؟
لين: هين بس
تركي: وريني بالمسبح ساعتها
لين: جب
تركي: احبك يلا وصلنا شيلي هالورع انتِ
لين: ليه انا
تركي: لانه زارف حضنك خلاص يكملها
لين بضحك: اقول شيله خذ
تركي اخذه وباسه ونطق: قفلي الباب وطفي السياره
لين: تم
قفلت الابواب لين وطفتها ومشت مع تركي ومد يده لها ومسكتها ودخلوا للمستشفى عشان تطعيم ولدهم الاول والفرحه الاولى لهم
دق جواله تركي وطلعه من جيبه يشوف وطلع "فيصل"
تركي: يالليل مو وقتك
رد عليه تركي ونطق: ها
فيصل: وينك
تركي: بطيبة قلبك
فيصل: قليل ادب وينك
تركي: بالمستشفى
فيصل: سلامات مين مات
تركي: سلامات؟ ومين مات ياخي انقلع
فيصل بضحك: لا امزح والله المهم بعد ماتخلص تعال للملعب
تركي: مخلص قضيتك انت؟
فيصل: اي
تركي: شصار على البنت طيب
فيصل: لمار؟
تركي: اي
فيصل: تعال الملعب واحكيك
تركي: يلا اخلص واجيك
فيصل: لا تطول
تركي: مالك دخل قفل
فيصل: سم
قفل تركي ورجع جواله بجيبه وراحوا يكملون سالفة ولدهم ..
-
محمد: ها فيصل كلمت تركي
فيصل: اي
محمد: بيجي قال؟
فيصل: قال بيجي الله واعلم يمكن يسحب لانه خسيس اعرفه
محمد: تكفى لا يسحب خله يجي من زمان عنه
فيصل: ماعليك
قام فيصل على جنب ودق على العنود وبعد مده رد ونطق: العنودي
العنود: لبيه
فيصل: لباك اخلص واجيك ونطلع تم؟
العنود: تم انتظرك بس لا تتأخر لاني معدله نومي
فيصل: ابشري خليك جاهزه بس بغرفتك
العنود: تم
فيصل:. يلا ف امان الله
العنود: الله معك ..
قفل فيصل ورجع لمحمد وكملوا سواليفهم وحكيهم اللي مايخلص وضحكوا وصوروا ..
-
-عند الحريم-
المها: شرأيكم نروح عند معالي
العنود: مدري كلميهم ولو اتفقتوا كلموني اجهز
الهنوف: اي نروح ليه لا نستانس ونسلم عليها وعلى بناتها ولا احنا نعزمهم وحده من الثنتين
المها: خلاص اكلمها ونشوف
الهنوف: تم العنود روحي للبنات
العنود: لا بجلس بغرفتي اقرأ
الهنوف: تقرين وش
العنود: روايه
الهنوف: انثبري عند البنات
العنود: ابشري
جلست العنود مع البنات وبدأت سواليفهم وضحكهم وخبالهم ومزحهم لبعض وطلبوا حلا ومشروبات لهم وللحريم..

اخ تراني وحدي اكتب والله تعب اسفه احبكم ادري قصير شوي بس اهم شيء نزلت لكم
تعالوا انستا j8e2i
وتفاعلوا 💋💋
لو في تكليجات مشووها 🥰