محبة لـيـن ذربة من القلب تكساك محبة لين صدق الهوى

part 34

~عند عائلة صالح آل فهاد ~
بَّهاج: وين ودكن نروح قررن
تاضي:شرايكَم نروح لكوفي؟
شادن:لا لا طفشنا من الكوفيهات
بهاج:اجل وين تبون يعني؟
معالي:خلاص خلونا نروح البوليفارد
شادن:يمه مانبي كل مره نروح له خلونا نغير
بهاج:اقول بس خلاص نروح نتقهوى وبعدها نتعشى
تاضي:اي حلو
شادن:تم
معالي:توكل على الله اجل
بهاج:تمام بوديكم كوفي رايق على ذوقي
شادن:بيودينا كوفي دفعه 89 وربي اعرف
بهاج:يافاااهممني
شادن:نمشيها لك دامه حلو
بهاج:تم
~ببيت متعب آل سويلم~
تغدوا الكل وبدوا الحريم والبنات يشيلون السفره وينظفون
~ بالمطبخ عند البنات "الماس والعنود ولين" ~
لين:اخخ راسي مصدععع احس بدوخه
العنود:بسم الله عليك شفيك
الماس:بسم الله عليك اصبري اجيب لك بندول ومويه
لين:لا لا مابي كليت
الماس بأستغراب:تمام دقيقه اشوف عليك حراره ولا لا
قربت تحس جبهتها
العنود:ها فيه حراره؟
لين: بروح استفرغ معدتي قالبه فوق تحت ماقدررر
ركضت لين لاقرب حمام واستفرغت "الله يكرمكم" وبعد مده خلصت
ورجعت لين عند البنات
الماس ناظرتها ونطقت:تعالي انسدحي بغرفتك ارتاحي
لين:احس بدوخه قويه احس بيغمى علي
العنود بخوف:بسم الله عليك وشو إغماء مابيصير لك الا العافيه
الماس:مافيك شيء يعيوني انتي مافيك شيء بجيب لك مويه العنود اممسكيها
العنود مسكتها وركضت الماس تجيب مويه ، طاحت لين على الأرض وفقدت الوعي وصرخوا البنات بنفس الوقت
العنود:لييين شفييك
الماس:لين ياقلبي قومي قومي
ركضت الماس تناديهم من الحوش تنطق:لين اغمى عليها فجأه الحقونا
ركض تركي بخوف على لين وأول مره يحس ان الدنيا غشاش بعيونه خاف عليها مره وسمع أصوات الكل وراه تقدموا من عنده يتجمعون عليها ويحاولون يصحونها وركض ينطق بخوف:وخروا وخروا بشوفها بشوفها
ركضت جوان تنطق:اعرف الإسعافات الاوليه ابعدوا عنها ، عيال اطلعوا برا بشيل الجلال عنها عشان ماتختنق اطلعوا كلكم اطلعوا عشان مايصير المكان زحمه وتحتر وتختنق
طلعوا العيال برا وبقى تركي والعنود والهنوف وألمها وهند وهيفاء
لفتها على ظهرها ونطقت:جيبوا لي مركه سريع
ركضت العنود تجيب لها المركه "تكايه"
وسندوها على التكايه
جوان:اطلعوا كلكم بس خلوا تركي اطلعوا مايصير تزحمونها كذا
طلعوا الكل إلا تركي وكملت الإسعافات الاوليه
فكت جوان ازارير بجامة لين من عند رقبتها عشان ماتختنق"كانت لابسه جلال فوقها ونزلوه عنها"
جوان:ارفع المكيف تركي
رفعه سريع سريع ونطق: يختي خليني اخذها المستشفى
ماردت عليه وحطت يدها على رقبتها تشوف النبض من الشريان السباتي وبدت تحط المويه على وجهها وبدأت تدخل المويه بفمها على شوي شوي تشرب
بدت تفتح عيونها شوي شوي بتعب ونطقت:وش صار
ركض لها تركي ينطق:الحمدلله على سلامتك يعيوني وباسها جاهل جوان الموجوده
جوان:الحمدلله على سلامتك ياقلبي انتي يلا قومي روحي المستشفى مع تركي
لين:وش صار
تركي:اغمى عليك وش تحسين فيه؟
لين:بخير مافيني شيء
تركي:يلا قومي نروح المستشفى
لين:خلاص مابي أنا بخير
تركي: قومي بتروحين يعني بتروحين قومي
اكتفت بهز رأسها بالموافقه
جوان:بروح اجيب عبايتها
الهنوف بخوف:قامت؟
جوان:اي قامت بس اكيد مالها خلق الزحمه إذا رجعت من المستشفى نتطمن عليها كلنا احسن
الهنوف تنهدت ونطقت: تمام
ركضت جوان تجيب عباية لين وعطتها ونطقت:لا تشدين حول رقبتك مره مب زين ترى
لين:ابشري ويعطيك العافيه يقلبي
جوان:الله يعافيك واجب
تركي:ياعسى هالايدين ما تمسها النار وانا اخوك
جوان:اهم شي لين بخير الحين
تركي ببتسامه:اي يلا اجل بنروح
جوان:تمام الله معكم
لين:مع السلامه
~ عند معالي وعيالها ~
دق على سعد ينطق:ها تجي؟
سعد:اي وين رايحين اي كوفي لاحقكَم
بهاج:كوفي دفعه ٨٩
سعد:يالليل ياذا الكوفي اللي ابلشتنا فيه
بهاج:على بعر بس يلا الحقنا
سعد بمزح:احترم اخوك الكبير ياحيوان
بهاج بضحك:اقول بس دزها
سعد بضحك:سم يلا أنا لاحقكَم
بهاج:تمام
وصلوا الكوفي وجلسوا
بهاج:وش تبون اطلب لكم
تاضي: أنا v60
شادن:ماتشا
بهاج:يع
شادن:احسن من وجهك
بهاج:دزي ، يمه وش تبين
معالي:v60
بهاج:اكيد سعد بعد v60
معالي:اي
راح يطلب وتوجه يرجع لهم ينطق:وش تبون حلا
شادن:يمه وش تبين
معالي:عادي كيفكم
تاضي:فريتش توست اهم شيء اطلبه
شادن:وتشيز كيك
بهاج:طيب بس عطوني حلا زياده يمه وش تبين
معالي:حط كيكة المكسرات بعد
بهاج:تم
وصل سعد وتقدم يجلس وينطق:طلبتوا؟
بهاج:اي بس بطلب الحلا الحين
سعد:تمام ، وش طلبت لي قهوه؟
بهاج:v60
سعد:تم
تقدم بهاج يطلب الحلا ودفع ورجع لهم وبدوا يسولفون ينتظرون الطلب ، بدأ يرن الجهاز وتقدموا سعد وبهاج يجيبونه
شادن:اصبروا لا تأكلون بصور
تاضي وشادن بدوا يصورون وخلصوا ونطقت شادن:يلا
بدت تاضي توزع الملاعق وبدوا يأكلون ويسولفون وكانوا مره مستأنسين جلسه مافيها نفس ثقيله ، بعد مده خلصوا
ونطقت معالي:كثر الله خيرك
وكلام مختلف من شادن وتاضي وسعد وتوجهوا للعليا يتمشون قدام فندق نارسيس ويصورون وبعدها جلسوا
~ بالمستشفى عند تركي ولين ~
الدكتوره:لازم تتغذا كتير منيح هيك يأثر عليها وعلى البيبي
لين وتركي بأستغراب بصوت واحد:اي بيبي!!
الدكتوره بضحك وصدمه:مابتعرفو؟ يااااي
لين:وش
تركي:حامل؟
الدكتوره:اي وصار الها شهر بالضبط
تركي: دكتوره حامل حامل صدق؟ ولا مقلب
الدكتوره بضحك: لكك شوو بك مو عم تصدقني عم بقولك حامل والها شهر
فز تركي وتقدم يحضنها وبادلته متجاهلين الدكتوره الموجوده
تركي بفرحه: واهههه الحمدلله
لين اكتفت بالابتسامه كان داخلها ميت فرح بس ماتدري وش تسوي وهي بذا العمر وخاصه إنها باقي تدرس جامعه وكيف بتدرس وهي حامل
تركي:يعطيك العافيه دكتوره
الدكتوره:الله يعافيك بس راح نحولكن على دكتوره سناء بكره تجي تراجع كل شيء مع لين كتير شاطره ما شاء الله عليها
تركي:تمام تسلمين ماقصرتي
طلعوا تركي ولين وتوجهوا للسياره وكان بيتكلم تركي
وبدت تبكي لين بخوف وبدا يطالعها بصدمه وينطق:شفيك ليني!
لين:توني صغيره ياتركي الجامعه ما خلصتها وبعدين خايفه
تركي:عادي ياعيون تركي خايفه من وش ياقلبه من الولاده؟ سهالات كل شيء بيد ربي خلاك تحملين في غيرك يتمنى وبعدين عادي لو جاء واحد نتفه يعني ماتبين نجيب ثمرة حبنا؟ ووعد مني بوقف معك من اول شهر الين نهايته والله احطك بعيوني
ابتسمت لين تحضنه وتنطق:خلاص طيب بس واحد الين بعد سنتين تمام؟
تركي ببتسامه: من عيوني ماعليك ولا عاد اشوفك تصيحين
لين:بنعلمهم؟
تركي:لا بعدين بس اسمعي لا تشتغلين ابد طيب؟ماتشربين قهوه ومشروبات غازيه بعد ياويلك بس عصير طبيعي وكثري من الفيتامينات عشان صحتكم
لين بضحك:ابشر
وصلوا البيت ونزل بسرعه يفتح لها الباب ويمسك يدها ويمشي معها بشويش ولا تركضين اعرفك مهبوله
لين بضحك:تركي شفيك
تركي:سلامتكم عندي مهم يعني ماخاف عليكم؟
لين ببتسامه: الا بس تركي ترى توك عرفت يعني هذي بدايتها!
تركي:اقول اص بس وامشي معي
دخلوا البيت وكلهم قاموا يسألونها ويتطمنون عليها
لين:انا ح..
قفل فمها ونطق بهمس:نخليه سبرايز بعدين اص اص اص
لين بضحك: تمام
الهنوف:شفيكم قولو شفيها
تركي:طلع سوء تغذيه بنتك ماتاكل والحين بصفقها عشان تأكل
كلهم قاموا ينصحونها وقامت تضحك وترد عليهم كلهم
قامت لين تتوجه للمطبخ وفز تركي يمسكها عشان ما تطيح
والكل لاحظ بس تجاهلو ذا الشي وتكرر بعدها اكثر من مره ونطقت المها:وليدي تركي شفيك اليوم مب طبيعي اي شي تسويه لين تمسكها وتروح وراها فيكم شيء؟
تركي:لا لا مافي شيء يمه سلامتك
هيفاء:مشكوك بوضعكم وانا عمتك
تركي بضحك:معليك بس خايف عليها عشان سوء التغذيه اللي فيها
هند بضحك ومزح:الله يعينك يالين
الهنوف بضحك:اي والله
كلهم ضحكوا وكملوا سوالف
العنود:بروح اسوي v60 منو يبي؟
البنات كلهم ومن ضمنهم لين:أنا
تركي بحده:لين وش قلنا مافيه قهوه لا تسوون لها
المها بحده:شفيك عليها انت كل شي صار ممنوع فجأه؟؟
تركي: يُمه تقول الدكتوره مايصير تشرب قهوه ومشروبات غازيه لازم بس عصاير طبيعيه وبعدين فيها نقص فيتامين يعني يُمه اكيد بهتم فيها
المها:تركي تستهبل؟ماله دخل يويلي
تركي:يمه عاد الدكتوره قالت لي مالي دخل أنا والله والا دام فيها نقص فيتامين
المها:لين حياتي ماعليك من تركي هو خبل اشربي اللي تبين
تركي: لااا لين لاا
لين:خلاص خاله ماراح اشرب ابلشني
العنود:شتبي فيها وجع
تركي:العنود مالك دخل اسكتي
الجد متعب:الله يهديك ياوليدي خل البنت براحتها
تركي تنهد ونطق:ابشر جدي
تركي:خلاص اشربي مره وحده بس
لين ببتسامه:تمام
راحوا البنات يسوون قهوه للكل ووزعوا كل كوب لكل شخص
اعتلت أصوات ضحكهم وكانت جلسه حلوه وفيها سوالف زمان
الجد متعب بضحك:عاد يا اني كنت كارف عيالي كرف كنت اخلي اللي ما يسمع الكلام ولا يسوي شيء يطلع برا بالشمس بدون نعول وعلى الأرض 15 دقيقه وأحسبها عدل عشان ما انقص وولا أزيد المشكله كنت اقول حرام اخليهم زياده وانا يوم كنت أرجعهم إلا رجلينهم محترقه
عبدالله بضحك:اي والله إنها التربيه الحديثه شوفنا الحين رجال
مشعل:الله يجزآكم خير على هالتربيه الحلوه يامي وابوي
عبدالرحمن:اي والله صح كنا نتعذب بس بالنهايه طلعنا رجال
الجد متعب:عيالكم وبناتكم بعد طلعوا رجال
حصل صمت وطالعوا البنات بجدهم بصدمه وبدا يضحك بقوه وينطق:امزح امزح عليكم بشوف ردة فعلكم
الكل قام يضحك ونطقوا العيال:اهم شيء حنا رجال صح جدي؟
الجد متعب:اي والله إنكم رجال وعيال رجال أنا انفداكم
سَند:الله يطول بعماركم
تميم:ياعيني ياعسى هالاصوات ما ينطفي حسها
واختلفت الردود من الكل
~عند عائلة صالح آل فهاد ~
بهاج:ها يلا نروح نتعشى؟ وين تبون
معالي:شادن تعرف تختار خلها تختار
شادن:نبي مطعم A*******
بهاج:تم يلا اجل خلونا نروح انت سعد الحقنا بسيارتك
سعد:تم
وصلوا المطعم بعد مده وطلبوا كل شيء
مثال : ربيان ، فوتشيني ، سلطة ، كرات الجبن ، بيتزا ، ديناميت دجاج ، وميني برجر
معالي:هالمره الحساب علي منزمان ماعشيتكم
سعد:لا والله الحساب علي قبل شوي بهاج الحين أنا الرجال يدفعون
معالي:شدعوه اقول بس لا تخليني ازعل منك
سعد: يُمه !!
معالي:المره الجايه انت تدفع خلاص
سعد: سمي
وصل الطلب وبدوا يأكلون وبعدها خلصوا وكلهم بدوا يشكرونها ويدعون لها وتوجهوا للبيت
~ ببيت فارس التومان ~
~ تحديداً بغرفة الجوهره وفَّهاد ~
طلعت من الحمام~ يكرم القارئ ~ ولبست ونشفت شعرها ورتبته وربطته ، وتقدمت تروح تلبس جلالها تبي تنزل ودخل فَّهاد ، تقدم يحضنها بشوق ينطق:اشتقت لتس يابعد حيي وميتي
الجوهره ببتسامه:يعيوني انت بس تراك الساعه 10 الصباح شايفني
فَّهاد:والحين الساعه كم طيب؟
الجوهره بضحك:10 الليل
فَّهاد:وانا معتس اشتاق لتس شلون لو غبت عنتس ساعات؟ما اصبر بدونتس انتي تسوين لي شيء حلو بيومي
الجوهره:حبيبي انت جعلني مانحرم منك
فَّهاد:ما اشتقتي لي طيب؟
الجوهره وهي تكابر:لا
فَّهاد:من يوم يومتس تكابرين يابنت مشعل ماتتغيرين
الجوهره:امزح امزح اشتقت لك مره صدق حاول تغير نظام وقتك دوامك عشان تقعد معنا لأنك تجي وتتعشي وتنام حتى ماتقعد مع اهلك
فَّهاد ببتسامه:ابشري بحاول لعيونتس ، إلا وين البنات
الجوهره: جعلني فدا عيونك ، البنات نومتهم توني والحين بنزل لخالتي
فَّهاد:تمام ياعيني
الجوهره:تبي اكل؟
فَّهاد ببتسامه :أبيتس انتي
الجوهره ببتسامه وخجل:فَّهاد خلاص استحي صدق والله تبي اكل؟
فَّهاد ببتسامه وهو مستانس على خجلها:اي اي حطي لي
الجوهره:تمام يعيوني
بأسها من عنقها"رقبتها" واكتفت بالابتسامه ولبست جلالها تنزل للمطبخ تحط العشاء لفَّهاد
جيهان:ياعيني الجوهره تعبتي نفستس كل شوي تشتغلين اجلسي عادي البنات وميري "الشغاله"موجودين وبعد وراتس تجهيز للبنات عشان يداومون اليوم
الجوهره:شدعوه ياخاله اتعب عادي حتى البنات رسيل ووسن وميري قاعدين يساعدوني مب لحالي أنا واساساً احب اشتغل وبالنسبه لبناتي ترا بس البسهم وأضبطهم وياكلون ما يبي لهم شيء
جيهان:ياقلبي انتي ، بكلمتس بموضوع بعد ماتحطين عشاء فَّهاد تعالي لي وبقول لتس وأبيتس تساعديني
الجوهره:ابشري بي ماطلبتي شيء
جيهان بضحك:لبى كبدتس ياعيني
الجوهره بضحك:لبى خشمتس
جيهان:يازين لهجة شمر منتس
الجوهره بضحك:يعمري انتِ
ابتسمت جيهان واكتفت بعدم الرد
~ تسريع احداث الساعه 5 الفجر ~
قاموا اهل المدارس ببيت متعب آل سويلم وبدوا يجهزون تجمعوا كلهم على الفطور ياكلون
ليان ثاني ثانوي
ريم ثالث ثانوي آخر سنه
وجد ثاني ثانوي
صبا ثاني ثانوي
الماس ثالث ثانوي
"كلهم بنفس المدرسه"
وشلتهم:الجوري تبلغ من العمر 18 طيبه مره ومحبوبه ، ملاك وملك اخوات ، ملك تبلغ من العمر 17 وملاك تبلغ من العمر 18 وطيبين برضو والكل يحبهم ، الماسة تبلغ من العمر 18 ، غادة تبلغ من العمر 17 ،"""""" اللي أعمارهم 18 صديقات ريم وعرفتهم على ليان ووجد وصاروا شله ، واللي أعمارهم 17 صديقات ليان ووجد وعرفوهم على ريم وصديقاتها وصاروا شله وحده كلهم
عدد الشلة 10 وكلهم متفاهمين ويحبون بعض وفله ويفزعون لبعض دايم ، بدأ اول يوم دوام للبنات وهم مشتاقين مره لصديقاتهم ويدعون أنهم بنفس الفصل ، لمحوا غادة والماسة يمشون مع بعض وركضوا لهم وحضنوا بعض
الماسة:اشتقنا لكم ياحيواناتتتت
غادة:اخخ الشوق ملياراااات
وجد:يعيوني انتوا مزمااان عنننننكم الشوق فاااق تحملي
ليان:متحمسه للمدرسه عشانكم وربي
ريم بضحك:ليان متحمسه عشان البنات ولا عشان مصايبنا؟
ليان بضحك: كلهم
ضحكوا البنات
ونطقت وجد:ملك وملاك والجوري جو؟
غادة:لا ما اتوقع ما شفناهم
الماسة:اكيد اول مايجون بيجونا ماراح ينتظرون بالفصل
لمحوا البنات ملك وملاك وبرضو تقدموا لهم يحضنونهم وبدوا يعبرون عن شوقهم ، وبعدها بمده جت الجوري وحضنوها وقعدوا يعبرون عن شوقهم ، تقدموا يجلسون ويبدون يسولفون بكل حماس
الماسة:بنات ببرد حيلكم بمرام تخيلوا وش صار فيها ووش صار لريما وجد:تكفين قولي ان ريما أخذت حقها
الماسة:أخذت حقها ونص ومرام طلعت الحمدلله
البنات:الحمدلله
~نرجع لاحداث سابقه قبل 5 شهور تحديداً بالمدرسه عند البنات~
الماسة:الوضع مره مكهرب بالبيت يابنات مو طبيعي زوجات اخواني اللي كانوا الروح بالروح بدت تصير بينهم مشاكل
ريم:ليه عسى ماشر
الماسة:غيره وبس وانا اشوف مرام الغلطانه ريما مسكينه الشيء اللي سوته إنها بس تساعد امي وتاخذ عنها كل شيء وشايله البيت معنا أنا وخواتي وامي تمدحها ، صدق تمدح مرام برضو بس اكثر ريما يعني كيف أقولكم يعني ريما لأنها طول الوقت تشتغل وتجي امي تدعي لها وتمدحها وبدت مرام تغار من ريما وذاك اليوم عاد مدري تقول مرام ذهبها ضاع وشاكه ب ريما تخيلوا كل ذا من الغيره عاد بشوف بعد كم يوم وش يصير واقول لكم
غادة:اعوذ بالله منها حقوده وحسوده
الماسة:مره ماتوقعت إنها كذا
كل البنات بدوا يتكلمون بالموضوع
~ بعدها بيوم ~
ملك:شصار على مرام وريما قولي
الماسة:امس مرام سوت مشكله قالت إنها ريما اللي مأخذه الذهب حقها وتخيلوا الغبيه مرام مأخذه الذهب حقها وحاطته بمكان ذهب ريما واساساً ريما محد يعرف مكان ذهبها وين تحطه بالسقف فيه زي الفتحه وتحط شنطة ذهبها فيها والغبيه مرام اول ما دخلت مع عبد العزيز اخوي راحت للسقف وطلعت ذهبها والكل عرف أنها تكذب الحمدلله ماصار شي لريما الغبيه هي تفشلت
ريم:طيب وش سوى عبد العزيز لمرام؟
الماسة:كان مره متفشل من عبدالله وريما وأهلي وكان بيوديها بيت أهلها بس حلف عليه عبدالله ما يوديها مايبي يخرب بيت عبدالعزيز
غادة:مين عبدالله؟
ألماسه:زوج ريما اخوي الكبير
الجوري:هو يستهبل ذا عبدالله؟لو ضرتها زياده طيب ؟
ألماسه:مدري وربي عنهم
ليان:الله يحفظها منها
البنات:امين
~ نرجع للحاضر ~
ليان:طيب وش صار يعني طلقها ولا وش؟
الماسة:اي طلقها لأنها تمادت وبدت الحين تتضارب معاها وتمد يدها وصارت ريما ماتسكت لها وزاد الهواش بالبيت وعبدالله قال خلاص كيفك تبي تطلقها طلقها تبي تأخذها لبيت لحالكم خذها ، عاد صدق الحين يابنات ارتحنا البيت صار هدوء
كل البنات ضحكوا ونطقت وجد:طيب حرام عندهم عيال؟وش ذنبهم
الماسة:لا مرام ماتحمل كانت تعالج واخوي صبر عليها لأنه يحبها ومحد ضغط عليه وقال له تزوج بس خيره إنها ماحملت
ملاك:اي والله خيره والحين ريما كيفها؟
الماسة:عسل ماتغيرت علينا للحين هي نفسها وعبدالعزيز مايبي يتزوج الحين يقول بعد كم سنه
وجد:الله يرزقه بالزوجه الصالحه
دعوا له البنات كلهم
الماسة:امين يعيوني انتوا
بعد مده رن الجرس وتوجهوا للفصل يطلعون كتبهم وبدت الحصه
لاحظت المعلمه غادة بفمها علك ونطقت بحده:غاده ارمي العلك
غادة:سمي
ريم بهمس:شدخلها غريبه ماتكلمتي
غادة:تراها تهبل بس يلا عادي ذي المره بطوفها
ريم بضحك: تمام
~ الساعه 8 الصباح بيت متعب آل سويلم ~
صحوا كل المتوظفين والجامعيين وبدوا يتجهزون
العنود ثاني جامعه تخصص قانون
ساره ثالث جامعه تخصص طب اسنان
لين ثاني جامعه تخصص طب اسنان
نجد رابع جامعه تخصص امن معلومات
جوان اول جامعه طب جراحه
-
سَند يشتغل بشركة الجد متعب ومعتمدين عليه بكل شي ماسكينها احفاده وعياله ، تميم يشتغل برضو بشركة الجد متعب ومعتمدين عليه مع سند بكل شي ، تركي يشتغل برضو بشركة الجد متعب ومعتمدين عليه بكل شيء ، نايف يشتغل بشركة عمه عبد الرحمن وماسك نص الشغل ، فيصل يشتغل مع تروك وماسك النص الثاني للشغل ، راين محامي وبرضو معتمدين عليه بنص الأشياء ومعروف انه افضل محامي بالمدينه ، رواف يشتغل بشركة ارامكو ، سليمان يشتغل بشركة سابك ، سعود يشتغل ب شركة Ma*****
نزلو البنات بحماس وبدوا يحفزونهم اهلهم وسووا لهم قهوه بعد الفطور واخذوها وطلعوا وبرضو العيال سوو قهوتهم وطلعوا لدواماتهم
~ ببيت صالح آل فهاد ~
برضو تجهزوا للدوامات وجلسوا يفطرون مع بعض
سعد متوظف ب شركه Cre***** ***
بهاج متوظف بشركة ارامكو
شادن رابع جامعه تخصص طيران
تاضي ثالث جامعه تخصص العلوم الجنائيه
~ بعدها بمده خلصوا وتوجهوا لدواماتهم ~
~ ببيت فاطمه ام فهد ~
فهَد صيدلي
نواف ثالث جامعه تخصص هندسة الطيران
سُلاف ثاني جامعه تخصص التمريض
جُمان أولى جامعه تخصص إدارة اعمال
مِيلا ثاني ثانوي
-
~ ببيت صقر بن تميم ~
بدوا يفطرون عشان يروحون دواماتهم
صقر:الله يوفقهم بعيالي
ردوا عليه كلهم بردود مختلفه وكملوا فطورهم كان الكل مفتخر بعياله ونجاحهم وجهدهم اللي ماراح عبث
سلطان يشتغل بشركة سابك ، زوجته هَيام مب متوظفه
سعد "زوج نوره أخت بطلتنا"يشتغل برضو بسابك ، نوره مب متوظفه ، سلمان رابع جامعه تخصص امن الشبكات
البندري ثاني جامعه التخصصات الصحيه
فهدة ثاني جامعه تخصص إدارة اعمال
رهف ثالث ثانوي
جود ثاني ثانوي
-
-
كلهم راحوا لدواماتهم
~ ببيت متعب آل فهاد ~
الجد متعب:بنتي هيفاء سوي لي شاهي أنا وأخوانك
هيفاء:ابشر
الهنوف:خالي اليوم متى تبون الغدا الساعه كم؟
متعب:خلوه الساعه 4 يابنتي والعشاء 10 ولا 9
الهنوف:ابشر
~ تسريع احداث بعد 4 ايام ~
~ اليوم المنتظر ~
~ ملكة بهاج وساره ~
"كانوا نايمين عندهم الكل عائلة فاطمه وعائلة صقر بن تميم وعائلة معالي وعائلة فارس التومان"
قعدوا الساعه 12 الظهر بحماس وبدوا يجهزون
لين:بنات شرايكم بشعري ضابط؟
العنود:يجنن مره حلو ما شاء الله
الماس:حلو وانتي حليتيه زياده
وردود مختلفه من كل البنات
لين: احم احم
ضحكوا البنات عليها
الماس:بنات يلا بطلب من ستاربكس مين تبي
نجد:كلنا
لين كان ودها تشرب بس تذكرت تركي انه رافض بوقت حملها ونطقت: أنا مابي مالي نفس
ساره: احسبوني
العنود:اي احسبينا
الماس:طيب صبر
بدت تعد ونطقت:26
ابتهال:ما شاء الله طيب حطي كلنا نفس بعض ايس وايت موكا
الماس:تمام
دخلت جُمان ونطقت:بنات من عندها صمغ اظافر؟
نجد والماس وإبتهال بنفس الوقت:أنا
ضحكوا البنات ونطقت جُمان بضحك: اي وحده تعطيني يلا
نجد:هذا حقي خذيه
جُمان:كفو
نجد:كفوك الطيب
جت بتطلع ورجعت تنطق:طلبتوا القهوه؟
ابتهال:اي
جُمان:تم
دخلت العنود الغرفه تشوف ساره ونطقت:ها وش باقي لك؟
ساره:الحين تبي تبدّا تسوي الميكب
العنود:فستانك وصل؟
ساره:تستهبلين؟منزمان
العنود:لا اقصد وصل من الكواي؟
ساره:اهاا اي وصل
العنود:تمام حبيبي إذا احتجتي شي ناديني
ساره:اصبري
العنود:وش
ساره:قهوتي إذا جت جيبوها لي وانتي كم باقي لك وتخلصين؟
العنود:بس المكياج واللبس سويت أظافري وشعري
ساره:تم
طلعت العنود وبدت الميكب ارتست تسوي لها المكياج
~تسريع احداث بعد كم ساعه ~
~ عند العيال بالسياره بعد مارجعوا من الحلاق ~
تركي:بمر الكواي اخذ ثوبي اصبروا
فيصل:اخرتنا ياشيخ
سعود:لاحقين لاحقين توها الساعه 4
فيصل:طيب يلا استعجل تروك
نزل تركي وأخذ ثوبه وطلع وتوجهوا للبيت
كل واحد توجه لغرفته يلبس وخلصوا كلهم والبنات برضو خلصوا
طالعت جوالها جتها رساله من تركي
لين: لبيه
تركي:بشوفك
لين:لا بعدين مب وقته الحين مشغوله
تركي: تمام
لين:لا تزعل
تركي:إلا بزعل
لين:تركي يعيوني عشاني والله مشغوله أشوفك بالسياره
تركي:أنا بشوف كشختك وبكحل عيوني دقي كام سناب مالي دخل
ابتسمت لين ودقت ونطقت:هلا
تركي:بشوفك يعني وش !!
لين:حبيبي خلاص بالشاليه هناك
تركي:ماراح اقدر والحريم؟
لين:خلاص إذا رجعنا البيت ولا إذا راحوا الحريم واحنا نبي نرجع
تركي:لا مابي ابي الحين
لين: طيب طيب ياسوسه تعال غرفتنا
تركي:أنا فيها
لين:جايتك
تقدمت تدخل غرفتهم ، وقف مصنم يوم شافها وشاف جمالها ، بلع ريقه يتقدم لها ويدفن وجهه بعنقها"رقبتها"ويستنشق ريحة عطرها الفواحه اللي دوخه
ابتسمت له تحضنه
تركي ببتسامه:ماودك؟
لين: وش
تركي: ابوسك
لين مدت له خدها ونطقت ببتسامه: بوس
تركي باسها ونطق:بس ماكان قصدي الخد قصدي غمز لها وكمل:قصدي مكان ثاني
لين بضحك:تركي
تركي ببتسامه:عيونه
لين:روجي بيروح
تركي:عادي أنا اعدله لك
لين:مب روجي روج من الميكب ارتست وراحت
تركي:عندك روج احمر عدلي عليه
لين بعناد:لا بيخرب وانا ابي هاللون عاجبني
ماقدر يصبر وثبتها ولامس شفتها بقوه من الروج الأحمر وكشختها اللي دوخته ، بدأ يتلذذ بطعم شفايفها وحاولت تبعده لكن ماقدرت ورضت بالأمر الواقع وبادلته ...❤️❤️❤️❤️❤️❤️❤️
فكها بعد مده يتنفس ويخليها برضو تتنفس
ابتسمت ونطقت:تررركيي
تركي ببتسامه وهو يلهث بشويش:عيونه
لين بضحك:فيه روج على فمك امسحه لا تفضحنا
تركي:سمي
لين بضحك:تراه ثابت
تركي:اقول بس
تقدم يغسل فمه بالمغسله وماراح ، طقت الباب تنطق بضحك:ها راح؟ تركي بصراخ:لا كيفففف يروححح!
تقدمت تاخد قطن وغسول ميكب ، دقت الباب ونطقت:افتح الباب
فتح لها الباب وتكتف ينطق:يلا شيليه
لين:قرب
تركي:قربت
رفعت نفسها وما وصلت له ونطقت:ما اعرف امسح كذا لازم أكون اطول منك مره
تركي بضحك:شالفرق يعني؟قولي انك ماتوصلين لي
لين بضحك:كل تراب
تركي بضحك: سمي
وقفت على الكرسي وبدت تمسح له الروج
لين:خلصنا
تركي شاف الروج راح بالمرايه ونطق:الحمدلله يارب توبه اسويها
لين بخبث ومزح:احسن لي ولك وفكه يونس
تركي:تخسين بسويها وبسويها وبسويها
لين بضحك: انقلع
تقدمت تحط روج احمر من عندها وجلس على السرير يتأملها بحب
توترت من نظراته وتجاهلتها
لفت عليه ونطقت:تعال نتصور
تركي:تمام يلا جيبي جوالك ولا جوالي
لين:جوالي تصويره احلى جوالي اطلق تعال
تركي: نصابه اعرف اصور احسن منك
ابتسمت لين له
قربت منه وصوروا مع بعض
لين:عندي فكره لصوره تعال
تركي:تمام
تقدمت للمرايه الطويله وهو وراها
لين:يلا كذا
تركي:اصبري بزيد حركه من عندي
لين:أشوفها
قرب منها زياده وحضنها من ورا ودفن راسه بعنقها "رقبتها"ونطق:يلا
لين ببتسامه:يجي منك
تركي:افا عليك
صوروا مع بعض وطلعت الصوره تجنن وحطتها لين خلفية من كثر ماعجبتها
تركي: واذا احد شافها
لين: عادي ماراح يقولون شيء
تركي: ارسليها لي
لين: سم
لين:يلا أنا بروح أساعدهم تبي شيء؟
تركي ببتسامه:أبيك
لين ابتسمت ووضح عليها الخجل من وجهها
تركي بضحك:أبوس خجلك ياشيخه
لين ببتسامه:خلاص أنا بروح يلا دزها
تركي:الله معك بس عندي طلب
لين:وش
تركي:بوسيني ولا ماراح تروحين
لين:خد؟
تركي:شرايك رقبه؟
لين فهمت حركته الخبيثه ونطقت: حيوان مافي
تركي بكذب:قلنا بوسه مب شيء ثاني انتي نيتك وصخه
لين بضحك:تركي حط عينك بعيني؟
تركي:هاه؟
لين:اقول لك حط عينك بعيني
تركي:ليه؟
لين:بس كذا
تركي طالع بعيونها ونشتت انظاره وبدا يضحك
لين بضحك:ادري والله ادري كذاب انقلع
تركي:خلاص بس ابي بوسه بخدك
لين ببتسامه:تمام
قربت منه وتقدم يبوس خدها ومسك رأسها يثبته وشد عليها وبعد مده تركها
لين ابتسمت ونطقت: ليه يانصاب
تركي ببتسامه:لا بس ودي فيك
لين بضحك:وجع توبه اسمع كلامك
تركي:يعني تبينها بالغصب مب بالطيب؟
لين:اي
تركي:متأكده؟
لين:اي
تركي:تقدرين تغيرين كلامك متأكده؟
لين:متأكده ونص
عطاها النظره الخبيثه وعرفت وش راح يسوي وركضت تطلع بسرعه
تركي:حيوانه خليتيها بخاطري
لين بضحك: انت نذل وانا انذل
تركي بضحك:طيب يالين
نزل تركي للعيال وطلعوا للشاليه
~ بعد مده ~
وصلت قهوة البنات وراحوا الشاليه ، بدوا يجهزون الاستقبال وكل شيء صار حلو وبيرفكت ، بعد مده الساعه 7:43 وصلوا نص الضيوف وبدت حفلتهم
~ بعد مده ~
نزلت ساره بفستانها البيبي بينك وابهرت الكل وبدا صياح البنات والحريم يوم شافوها
نوره:اخخ خواتي متى كبروووا كلهم بيتزوجون
وجد ببكي:عندك اثنين انطمي
ريم بدت تضحك بنص بكاها يوم شافت وجد ترد على نوره وهي تبكي
وجد ببكي:وش يضحك كليزق أختنا صارت عروس
ريم بدت تضحك على وجد زياده بس بعدها لفت على ساره ورجعت تبكي
لين ناظرت وجد تبكي وضحكت ودمعت:يعيوني هي الله يوفقها
راحوا يسلمون عليها ويحضنونها
~عند الرجال~
بهاج:متوتر مدري ليه
تركي:عادي يشيخ أنا وفيصل توترنا نفسك وعدت على خير
بهاج:الحين بدخل صح؟
تركي:اي
بهاج:طيب قول لهَم خل يتغطون عشان ادخل
تركي:طيب الحين اكلم لين
توجه يدق عليها وردت تنطق: شو بدك
تركي بضحك: اثرت عليك الدكتوره اقول تغطوا بيدخل بهوج الحين
لين بضحك: سم
تقدم تركي لبهاج
بهاج:تكفى تعال معي
تركي:تستهبل لا مايصير لازم انت لحالك
بهاج:طيب اذلف
~عند الحريم~
تقدمت لين لامها الهنوف تنطق:يمه بهاج بيدخل يلا نتغطى
الهنوف:اصبري اقول لحقت الدي جي
لين:تمام
قالت لها وقالت للحضور بالمايك ، الكل يتغطي ودقت لين على تركي ونطقت:يلا خله يدخل
تركي:تمام ، بهاج يلا ادخل
بهاج:تمام
شغلوا الاغنيه وبعدها دخل بهاج وانبهر بجمالها وماكان مصدق أنها صارت حلاله خلاص ، ناظرها وابتسم ومسك يدها والكل قام يصفق واكلوا بعض من الكيك والعصير ووقعوا ، قام وحضنها وبدا يبكي من فرحته وقاموا الكل يصورونهم ، مسح دموعه وتقدموا خالاته يسلمون عليهم
بعدها بمده دخل داخل وبقت ساره تطالع رقصهم ، تقدمت لها معالي تمسك يدينها وترقص معها وكان الكل مستانس على ملكتهم
~ الساعه 10 الليل ~
الهنوف بصوت مرتفع:يلا حياكم على العشاء حياكم
الردود:الله يحييك ، الله يكثر خيركم ، ومنها ردود مختلفه
تقدموا يتعشون وتقدمت لين لساره تنطق:امشي الصاله الفاضيه نروح ناكل فيها أنا وانتي والبنات عشان تأخذين راحتك
ساره:تمام
راحوا للصاله وبدوا يأكلون ويسولفون وبنص قعدتهم قاموا يصيحون لين ونوره ووجد وريم وصاحوا الباقي معهم
"يحسبون البكاء ترند😂"
شادن:وجع بنات جينا نسولف ونضحك مب نصيح
ابتهال قامت تضحك وهي تبكي ونطقت:خلاص ماراح اصيح صح إنها حلوة البيت وكذا بس عاد شنسوي بالنهايه كلنا بنتزوج
مسحوا دموعهم وكملوا اكل وضحك
~بعد مده~
توجهوا للصاله وبدوا يكملون رقص وشاشوا مع تعزيز الموجودين
وكل وحده تعزز للثانيه والحفله مره كانت تجنن والكل يسأل عنها
جوا المضيفات يوزعون كابتشينوا وشاي وقهوة وبدوا يصورون وبعدها مروا على كل الحريم
~عند الرجال~
بدوا بهاج وسعد وعيال فارس التومان وقرايبهم يرقصون عرضة شمر بكل احترافيه
""""""""""""""""""""""""""""""""
كتبت الشعر لعيونك
وصار الشعر بك مسرور
اجل ماتنتبه للي وفالك ساعة الشده
أنا من كثر حبي لَك
نسيت الخوف والمحضور
نسيت اني ولد شمَر وجداني هَل الرده
أنا من كثر حبي لَك
نسيت الخوف والمحضور
نسيت اني ولد شمَر وجداني هَل الرده
🤍🤍🤍🤍🤍🤍🤍🤍🤍🤍
خلصت الشيله والكل قام يصفق ويعزز لهم
تركي:عشتوا عشتوا
سعود:والنعم وسبعة انعام اي والله
وكلمات كثيره مختلفه
~ بعد مده ~
راحوا الرجال والحريم وكلهم مسكوا خط عشان يرجعون بيوتهم
رجعوا البيت مع معالي وبناتها وطلبوا من ماك
الماس:ياخي تعبت كل شوي أنا اطلب مين تطلب بدالي؟
ساره:أنا جاهز طالبين علي مبلغ عشاني كنسلت الطلب مقدر
الماس:أعطيك جوالي واطلبي فيه تكفين
ساره:تمام تمام يلا عطوني طلباتكم
سُميه:الأطفال خلونا نطلب لهم من جوال واحنا من جوال لان بيجي بارد وميبس إذا حنا بطلب واحد وكثار
الماس:اي احسن سُميه خلينا نطلب بجوالك طالبين عليك مبلغ ولا؟
سُميه:اي برنامج توصيل قصدك؟
الماس:جاهز
سُميه:لا مب طالبين
شادن:اجل حنا من جوال الماس والأطفال من جوال سُميه وكل وحده تحول حسابها
الماس:اي احسن كذا عشان ما ننحاس
~ بعد مده ~
جاء الطلب حق الأطفال ووزعوا لهم واكلوا بالمطبخ ، وبعدها طلب البنات وصل وبدوا يأكلون بالصاله
العنود:صدق ان طلبنا واجد بس ضابطينه اليوم ما شاء الله مب من عاداتهم دايم إذا الطلب كثير يا ينقصون او ميبس وبارد
تاضي:منجد
نجد:عطوني الصوص حقي
شادن:امسكي
لين: الحمدلله شبعت خلاص
ساره:الحياه مره وحده اسمني نشوفك وانتِ دب
لين: كليتبن مابي اخرب جسمي
تذكرت لين انها حامل وخايفه الحمل يخرب جسمها وشهقت
ساره: شفيك
لين: لا لا ولا شيء بس نسيت شغله
تاضي بضحك:ساره انتي الأمور كلها عندك سهالات ترا النحف مب بذي السهوله تتعاجزين
ساره:أنا عن نفسي ما أتعاجز
تاضي:حبي تدرين ليه؟لأنك ببداية النادي أنا كنت نفسك وبعدها شهر طفشت منه وماعاد صرت ابي اروح بس يعطي نتيجه حلوه
ساره:صار لي شهرين ونص وولا طفشت يونس وربي
تاضي:ما شاء الله عليك أنا طفشت من اول شهر
نجلاء:لاتجيبون طاري النادي واحنا قاعدين ناكل بيجي أقوى تأنيب ضميييير يابنات اخخخ
ساره بضحك:عاد نجلاء انتي توك انتضمتي بس الحياه مره وحده
نجلاء:لا تذكروني أكلت جراند تشيكن كامله اخخ قلبي
ضحكوا البنات وقاموا يغسلون وشالو السفره ونضفوا المكان
راحوا البنات وكل وحده توجهت تنام
~ بالغرفه عند لين ~
دخلت ولقته نايم ومسحت مكياجها وسوت السكن كير حقها وفكت شعرها ولبست قميص نوم وتوجهت على السرير تنام ، حاولت تنام وماقدرت وبعدها قربت منه وانسدحت بحضنه تحاول تنام ، حس فيها وابتسم وحضنها وكمل نومته وناظرته وهمست: تركي
تركي بنعاس: عيوني
لين: متى نقولهم
تركي: وشو نقول
لين: تستهبل مسرع نسيت
تركي: اهاا حملك صح خليها بعدين ماعليك نسوي سبرايز خفيف بضبط الموضوع بعدين
لين: طيب تدري
تركي: وشو
لين: شايله هم ثقل بطني لما يكبر كيف بدرس براحتي
تركي: ماعليك أنا بشوفلك موضوعه
لين: شلون
تركي: اكيد في حلول كثيره
لين: طيب ممكن طلب
تركي قام وناظرها ونطق: خذي عيوني لو تبين هاتي طلبك
لين بضحك: قمت ليه تعال ارجع
تركي رجع يحضنها وبضحك: مدري والله
لين: ابيك بوقت ولادتي تدخل غصب عنهم معي والله خايفه سمعت عن الولاده كثير انه الم مو طبيعي
تركي مسح على شعرها ولعب فيه: من عيوني كم عندي لين هي وحده بس ابشري والله ادخل معك وبوقف معك بكل شيء تبينه
لين: جعلني ابوسك
تركي قرب منها ونطق: ها تقدرين يلا
لين بضحك: سوسه مطيري نذل
تركي: اخلصي
لين قربت وباسته وابتسم لها وردت الابتسامه ونطقت: ودي انتف غمازاتك
تركي بضحك: فداك نتفي ابوها
لين مسكت خده وفعصتها
تركي بضحك: يزق بشويش يدك صغيره وتسوي كل ذا
لين بضحك: كلزق يدي مو صغيره
تركي: مدي يدك لفوق
مدت يدها وبعدها تركي وحط يده جنب يدها ونطق: وقلببسسسس شوفي كيف صغيره جنب يدي ولو مسكتها تختفي
لين بضحك: تجرح ولا تبالي
تركي بضحك: شدعوه اجرح احب يدك النتفه بعدين مو بس يدك انتِ بكبرك نتفه
لين: يلا بس قال نتفه احترم نفسك
تركي بضحك: والله نتفه
لين: بس تحبني وانا كذا
تركي: اموت فيك
قامت لين وناظرته وابتسمت وبادلها الابتسامه ونطق: شفيك
لين: ابد مروقه وانا اناظرك
تركي بضحك: عاجبك
لين: وجداً
تركي: الا ماقلتلك
لين: وشو
تركي: وش تحسين بنت ولا ولد
لين: يارب بنت عشان اسويلها شعرها واطقم معها
تركي: يارب ولد
لين: بنتت
تركي: ولد
لين: قلت بنت
تركي: قلت ولد يعني ولد
لين رفعت يدينها ونطقت: يارب اسألك ياكريم انه لو كان ولد تخليه بنت يارب نفسي بالبنات وقلبي يحب البنات
تركي رفع يدينه مثلها ونطق: يارب اسألك ياكريم انه لو كانت بنت خلها ولد يارب نفسي بالعيال وقلبي يحب العيال
لين بضحك: ويعع تقلد
تركي ضحك ونطق: اقول تعالي يلا نوم
لين: مافيني والله نوم نفسي اسوي شيء جديد
تركي: الشيء الجديد بعدين نسوي لهم سبرايز
لين: ماعندي صبر شرأيك الحين
تركي: كلهم نايمين تستهبلين
لين: هالمره بس عادي اصحيهم
تركي: يلا قومي نجرب
لين قامت بحماس وركضت
تركي بصراخ: ليين
لين: ماعليك مابيصير شيء
تركي بحده: تستهبلين لا تركضينن
لين: خلاص تمام تعال معي
سحبته لين من يده وطلعت الهنوف ونطقت: شفيكم تصارخون
لين: يُمه خلي الكل يصحى
الهنوف: وليش ان شاءالله
لين: ابي نسهر مع بعض
الهنوف: انقلعي نامي اقول
لين: يُمه ضروري
الهنوف: بروح انام
لين: يُمه!
طنشتها امها ودخلت الغرفه وصارخت لين وهي تنطق: الكل يقوم ضروري
قام رواف ونطق: مافي احترام للنايم
تركي: انت اسكت كنت تلعب كود
رواف بضحك: كيف عرفت
تركي: واضح انك مانمت
رواف: وش عندكم طيب
طلع فيصل وبنعاس: ها لين هاا
لين: الكل يقوم ضروريييي
تركي بدأ يطبل ويغني عشان الكل يقوم
لين ناظرته ونطقت: يحيوان
تركي بضحك: شفيك
لين: من متى صوتك حلو توي ادري خير
تركي: من زمان كيف بس عجبك
لين: كمل كمل غناء والله صوتك حلو طلع وتوي ادري والله انك زق أنا زوجتك ومادريت أوريك ياتركي
تركي بضحك: والله ماجاء على بالي بس يلا غني معي
لين: يلا وش نغني
طلع الجد متعب ونطق بحده: انقلعوا ناموا
لين: لو سمحت يالقائد الكبير نبيكم بسالفة
الجد متعب: وشو
لين: صحي الكل وبس
اتجه الجد متعب يصحي الحريم والبنات وباقي العيال
طلعت إلماس ونطقت: وشو جدي توه بدري شفيك
الجد متعب: نشوف وش ورا هاللين تبينا نصحى
الماس: اسحب عليها ارجع نام وارتاح ياجدي خلها تذلف
الجد متعب: لا جاني فضول يلا قوموا
ناظرها رواف وغمز لها وناظرته الماس واشرت له بيدها "تهدده" وتهمس بشفايفها: والله أوريك على حركتك ذي
رواف ناظر شفايفها وناظرته وهمست: كلزق
كتم ضحكته رواف واتجه للحديقه
لين: الكل ورا رواف
لحقته الماس وركضت لعنده وكانت بتشد شعره بس ناظرها وفتح يدينه لها وراحت تحضنه ودار فيها
واستوعبت الماس وشدت شعره ونطقت: نزلني الحين جدي بيجي
ضحك رواف ونزلها ونطق: فكي شعري
فكته الماس وطلع بعدهم الجد متعب وجلس على الكرسي
وبعد مده الكل صحى وتجمع ولين كانت واقفه وتركي جلس
وقام جنبها ونطق: في موضوع بنقوله
الهنوف: وش عندكم
"طبعاً الكل محد شك لانه توهم متزوجين مالهم ثلاث شهور ولا راح يجي ببالهم انها حامل"
تركي: مستعدين نقووول
لين: يلا نعد
تركي ولين بصوت واحد: ٣ ، ٢ ، ١
رواف: اخلص انت وياها ثقيلين دم
تركي: بجي اتوطى ف بطنك انطم واصبر الكل ماتكلم الا انت
الجد متعب: بسسس كملوا وش وراكم
ألماس مشت ونطقت: ماعندكم ماعند جدتي ارجع انام ابرك
العنود: جايه معك
مشوا يتجهون لداخل وقبل لا يدخلون نطق تركي: بكيفكم انتوا الخسرانين بس اللي بنقوله ان لين حامل
لفوا ورا وناظروا لين وضحكت لين على اشكالهم
وركضت العنود والماس مع بعض يحضنونها بفرحه
الهنوف بفرحه: احلفف
تركي بضحك: والله
الهنوف استوعبت ونطقت: تركككي بدري خير
تركي حك راسه ونطق: قدر الله وماشاء فعل
المها: وانا اقوول ليش يمنعها من القهوه انا ليه مافكرتتت ولا جاء ببالي والله اني غبيه
تركي بضحك: محشومه يُمه
باركوا لهم الكل بفرحه
وفيصل: لين ماوصيك ها على اسمي
تركي: اقول انقلع ياطماع لا اسمك ولا اسم غيرك انا بختار له اسم
لين: لا انت ولا هو اللي ببطني بنت واسكتوا
تركي بضحك: شدراك توه نقطه باقي مو مبين
لين: احساسي مايخيب
توجه الجد متعب يبوس راسها وبارك لها
رواف ناظر الماس ونطق: عقبالي ابشركم بحمل زوجتي
الجد متعب: ومين زوجتك ان شاءالله
رواف بتوتر: وش دراني ياجدي قلت عقبالي ابشركم بحمل زوجتي بس ماني داري مين هي بتكون
الجد متعب: وش قلتوا
المها: وشو
الجد متعب: نزوجه
الهنوف ببتسامه ونطقت: لو يبي تم بنفرح
الجد متعب: تبي انت
رواف: اكيد ابي بالله مين يرفض زواج على بركة الله زوجني ياجدي موافق
الهنوف: اشوف ان الماس مناسبه له
رواف بهمس بينه وبين نفسه: يسسس جابوا سيرتها
ناظره تركي وضحك وفهم
الجد متعب: ها الماس تبينه
الماس بخبث: لا جدي شبي فيه خله ينقلع
الجد متعب بضحك: ليش
الماس بكذب: كسر عطري المُفضل ياجدي
رواف: كذابه جدي ماسويت شيء لها
الجد متعب: غصب عنك تشتريلها عطر ثاني تسمع
رواف بضحك: اليوم يجيها واحد جديد
وغمز لها بدون محد يحس وكشرت
الجد متعب: يلا انبسطنا بخبر حمل بنتنا نرجع ننام وانتِ يا الماس بنتي استخيري وردي خبر
الماس بتوتر: تمام جدي يصير خير
توجه الكل ينام ورواف جلس بالحديقه والماس تقدمت تلحقهم بالاخير وقام وسحبها وصارت مقابل وجهها وقرب منها ونطق: ترفضيني ليش
الماس بخبث: لاني مابيك غصب هو يلا وخر عني
رواف: اعلمك كيف تبيني
الماس: لا شكراً خلني اروح انام
رواف قبل شفايفها بقوه وحاولت تبعده وماقدرت وبادلته ولامس وجههاا وفكها ونطق: غصب عنك توافقين
الماس: خلاص موافقه يلا خلني انام
رواف: ادب
ألماس ضحكت ودفته وراح تدخل لغرفتها وناموا الكل بسابع نومه..
عند -بهاج- كانوا اهله نايمين ماعاد هو
كان صاحي وفكر يدق على ساره وبعد تفكير دق عليها وردت عليه بصوت ناعس: هلا
بهاج: ابي اشوفتس الحين
ساره: تستهبل ابي انام خلها بعدين
بهاج: لا الحين يلا جايك قومي
ساره: ضروري
بهاج: اي مشتاق
ساره ببتسامه: يلا قايمه قفل
قفل بهاج وقام بسرعه ولبس ثوب وتعطر وضبط شعره
وطلع متجه لسيارته وبدأ يسوق
وقامت ساره وفرشت أسنانها وغسلت وجهها وسوت ميكب خفييفف
وبعد مده وصل ودق عليها ونطق: أنا تحت وين نتقابل
ساره: ادخل للحديقه محد بيقول شيء دامنا ملكنا
بهاج: يلا
نزل من سيارته بهاج وطف سيارته ودخل وطق الباب وفتحت له ساره وناظرها وقفل الباب وراه ومسكها من خصرها وقبل شفايفها بكل حُب.. وجلسوا مع بعض وسولفوا وضحكوا وخططوا لاسامي عيالهم بالمستقبل وصوروا مع بعض
بهاج: نسييت
ساره: وشو
بهاج خليك دقيقه بجيب من السيارة شغله واجيك
ساره: لا تتأخر
طلع بهاج وركض يجيب فلوسها "تعويض عن اللي صار لها بسبب خالد وخويتها" ومهرها بنفس الوقت
ورجع ومد يده. ونطق: هذا تعويض من اللي صار لتس ، وهذا مهرتس
ناظرته ساره وابتسمت ونطقت: مشكور
بهاج: ولا كلمه لا تشكريني مابيننا ابداً شكر
بهاج: يلا الساعة ٤ الفجر بصلي وبعدها انام انتبهي لعمرتس
ساره: ابشر نوم العوافي
طلع بهاج وركب سيارته متجهه لبيتهم وبعد مده وصل وتوضى وراح للمسجد صلي ونام..
- عند أبطالنا -
لين: قوم تروك صل الفجر
وماقام وجابت لين مويا ورشته وقام ونطق: كم مره قلتلك اكره هالحركه
لين: عشان ماقمت مالي الا المويا
تركي ببتسامه: الساعة كم
لين: ٤:٤٤ قوم يلا
تركي: ابشري
قام تركي وفرش اسنانه وتوضى ونزل يصحي العيال وطلع للمسجد تركي يصلي والعيال قاموا وتوضوا ولحقوه
الجد متعب: وين العيال
العنود: راحوا ياجدي يصلون
الجد متعب: كويس يلا رايح اصلي صلي يابنتي
العنود: صليت
الجد متعب: تقبل الله
العنود: منا ومنكم صالح الأعمال
طلع الجد متعب للمسجد عشان يصلي
وصحوا البنات والحريم يتوضون للصلاة وصلوا ودعوا وسولفوا شوي ورجعوا ينامون
رجع تركي والعيال وراه وراح لغرفته وناظرها تقول التشهد وابتسم وباس راسها ورجع ينسدح
خلصت لين وفصخت شرشف الصلاة ورجعت تنام وسحبها لحضنه ونطق: لا تنامين بعيد عن حضني طراق بيجيك
لين بضحك: ابشر
وناموا أبطالنا وتركي حاضنها وغطاها باللحاف وباس راسها ولعب بشعرها وحاول ينام ولكن النوم طار ولين رجعت تنام
وناظرها وابتسم ومسك يدها اللي بينت صغيره تجاه يده وبدأ يلامسها لين قامت وناظرته
لين: شفيك تلعب بيدي انخمد
تركي بضحك: ماجاني نوم والله
لين: حاولت طيب؟
تركي: اي فجأة النوم طار من عيوني
لين قامت وتعدلت ونطقت: تبي فطور
تركي: عاد أنا جوعااان بالحيل والله
لين: قوم نسوي لنا
تركي: يلا
قاموا واتجهوا للمطبخ وبدأو يطبخون لبعض..

ضيفوني انستا: j8e2i
وتفاعلوا الله الله بالنجوم
أشوفكم ببارت 35 يوم الجمعة بإذن الله
"لين وتركي واقعيين ومتزوجين صدق"
احبكم ❤️❤️