اتجهت الماس للصاله بعد ما جهزت سريرها مع الشغالات ونطقت:لين يعيوني يلا قومي معي لسريرك
المها:هاو الماس ليه تتعبين نفسك الله يهديك
هند:الشغالات موجودين هم يرتبونه
الماس:لا شدعوه مافي تعب وعادي ماسويت شيء ترى لازم نساعد لين
الهنوف:ياجعل هاليدين ماتمسه الناس ياحياتي
لين:اخخ يلوموني بحبك
الماس:يلا لين تعالي
اتجهت هند مع الماس وقوموا لين بعد معاناة من الم الولاده
الهنوف:الله يهديك يالين توك والده وتطلعين من المستشفى لو انفكت الخيوط بسم الله عليك؟
لين:يمه معليك أنا بخير الا متى يجون الضيوف؟
ساره: بكره
المها:صادقه امك لو ارتحتي بالمستشفى يومين ثلاث ايام احسن
لين:لا خلاص طلعت قالوا بنفس اليوم عادي
اتجهوا للصاله المسكره عشان تاخد راحتها فيها وانسدحت على السرير ، سمعت الهنوف اتصال من "معالي" وردت عليها ونطقت:هلا هلا ارحبي
معالي:هلابتس البقى شلونتس
الهنوف:الحمدلله بخير يابعدي وانتي؟
معالي:الحمدلله بخير مبروك ما جاكم
الهنوف:الله يبارك فيك ياحياتي انتي
معالي:يتربى بعزهم ان شاء الله وش سموه
الهنوف:امين يعيوني سموه يزن
معالي:ما شاء الله الله يجعلوه من المواليد الصالحين البارين بأمَهَم وابوهَم ، إلا وش صار على سميه؟
الهنوف:يابعد عيني امين
بدت تضحك ونطقت: سميه والله هي اللي حملت قبل لين بس ماندري وش صار لين ولدت ببداية الشهر التاسع وسميه الحين بنص الشهر التاسع وماندري متى تولد
سمعتها سميه والكل وقاموا يضحكون
معالي بضحك:عادي تصير تصير
الهنوف:تولد بالسلامه عاد
معالي:امين يارب يلا عادي مابي اطول عليتس يعيوني اكيد مشغوله
الهنوف:خذي راحتك ياحياتي
معالي:ياقلبي انتي
الهنوف:يلا فأمان الله
معالي:الله معك
سميه بضحك:أخ بطني يمشي معاي ومدري متى أولد تعبت المفروض صار لي ٣ أسابيع والده
المها بضحك:عادي عادي نهاية هذا التعب فرحه
كملوا سوالف وضحك ، وصلها إشعار من "نايف❤️"
مكتوب فيه:تعالي فوق ابي أكلمك
نجد:وين فوق؟
نايف:بغرفتي
نجد:لا مستحيل اخاف احد يشوفنا
نايف: لا تستهبلين تراني خطيبك
نجد:نايف انت قلتها خطيبي مب زوجي
نابف:يعني وين نتقابل؟
نجد:تكلم هنا
نايف:اشتقت لك بشوفك
نجد:أنا بوجهك ٢٤ ساعه كيف تشتاق لي
نايف:اقول اقول تعالي ولا اجي بنفسي أخذك؟
نجد:ماتقدر
نايف:اقدر
نجد:نايف!!
نايف:نجد تعالي
نجد: خلاص جب طيب
قامت تبي تروح له
ابتهال:على وين
نجد:لا بس بروح ارتاح فوق شوي مواصله عشان كذا
ابتهال:تمام
اتجهت نجد لغرفة نايف ، تقدمت تطق الباب وفتحه
نجد:بسم الله خرشتني باقي ماطقيت الباب ترا
نايف:سمعت صوت شبشبك
نجد:سليبر قصدك؟
نايف:اي كله واحد
بدأ السكوت بينهم لمده ونطقت:ماراح تدخلني ؟
نايف بعد عن الباب ونطق:ادخلي
جلسوا وبدأ يطالعها ويبتسم
نجد:شفيك تطالعني وتبتسم؟شايف شيء جديد فيني
نايف:لا بس مشتاق لك
نجد ببتسامه:شسالفتك
قرب منها ومسك يدينها ونطق:ترى طولنا مره
نجد:بوش
نايف:زواجنا بوشو يعني
نجد بخجل:اوف منك نايف جايبني هنا عشان السوالف ذي
قامت تبي تطلع وسحبها من يدها رجعت ورا ونطقت:فكني
قرب منها ونطق:وش بتسوين لو مافكيت؟
نجد:بذبحك وخر لا احد يشوفنا
نايف بخبث:الباب مقفل
نجد:طيب وخر
قرب منها زياده وباس مبسمها وبدأ يتلذذ ، شجعت نفسها وبادلته وابتسم من حس فيها ، وخر عنها بعد مده طويييييله يتنفس ونطقت بخجل:أنا بطلع بس امسح الروج اللي على فمك تمام؟ لا تفضحناا
نايف ببتسامه:تمام
طلعت وسكرت الباب وراها وركضت لغرفتها وانسدحت على سريرها وحضنت المخده من الوناسه ونامت ..
~ بالصاله ~
دخل الجد متعب وبدا يسولف معهم ونطق:متى تبون نسوي التمايم إذا ولدت سُميه مع بعض ولا لين اول بعدين سُميه؟
الهنوف:والله ياعمي اللي يريحك
الجد متعب:شكلنا نسوي تمايم يزن اول وبعدين تمايم عيال سند
المها:اللي ودك فيه عاد
الجد متعب:اجل خلاص بعد ولادة سُميه يكون التمايم
المها:ابشر
الجد متعب:الله يبشرك بالخير يابنتي
كملوا سوالف وضحك وجوا الرجال وكملت جلستهم العائليه ، تقدمت للمطبخ تجيب الكيكه اللي مسويتها عشان قهوة العصر ، تقدم فيصل للمطبخ بعد ما شافها دخلت المطبخ ونطق:السلام عليكم يامزه
العنود:خير شتبي
فيصل:افا زعلانه مني؟
العنود:لا مين قال
فيصل:ابي رزقي
العنود:شتقول انت اي رزق
فيصل:رزقي !!
العنود:وش رزقه
فيصل:رزقي ماغيره اللي صار له شهور ما تم لمتى؟
فهمت عليه العنود ونطقت:ياحمار لاحد يسمعك حسبي عليك فضحتنا
فيصل:خلينا نقدم زواجنا تأخرنا مره
العنود تقدمت تطلع من المطبخ وسحبها من يدها ينطق:ما امزح
العنود:أحسبك تستهبل تصدق؟مو طبيعي انت تدري يافيصل
فيصل:وليه تراني صادق ليه استهبل خلينا نقدم زواجنا ونتزوج بسرعه !
العنود:اول شي لين توها ولدت وباقي ماطلعت من الأربعين وثاني شيء سُميه باقي ماولدت عشان نتزوج الحين وهي بالشهر التاسع يعني ما يمدي وثالث شي حنا محددين زواجنا بعد نايف ونجد وبهاج وساره وجوان وسليمان ف سكر فمك
فيصل:يالليل ياذا الوالدات والمملكين!! انتي خلي نايف ونجد وجوان وسليمان يملكون اول بعدين يتزوجون
العنود:عاد زواجهم قبل زواجنا
فيصل:ترا نقد..
دخلت ليان ونطقت:شعندكم هنا كنها قعدة حش بنص العزيمه
العنود بضحك وخبث:لا بس الحيوان قال يبي رزقه
طالع فيها بصدمه يأشر لها بيده
ليان بأستغراب وعدم فهم:شرزقه خلاص عنده رزق
العنود:اي اي بس هو يبي رزق زياده
ليان:لا لا يافيصل اللي عندك يكفيك لاتخرب على نفسك
فيصل بتوتر:صادقه صادقه
تقدم فيصل لـ العنود وهمس: فضحتيني اوريك هين
ليان أخذت مويه بصينيه ونطقت:يلا أنا طالعه تعالو بالصاله لا يفصل عليكم جدي
فيصل والعنود:تمام
طلعت وتوترت من نظرات سعود الغريبه لها اللي عجزت تفسرها هي نظرات حب ولا كره ولا نقد ؟
بدت توزع المويه على الكل وجلست جنب لين ، لين بضحك وبهمس:ليان شفيك متوتره شدعوه ترا عادي
ليان:من وش بتوتر يعني على تراب
لين:علينا؟من نظرات سعود بياكلك بنظراته
ليان:اي ولا كلمه تتخيلين انتي بس
لين بضحك:اي يمكن ماندري
كملوا سوالف وضحك
~ ببيت فارس التومان ~
الجوهره:بنات طفش خلونا نطلع نتقهوى
رسيل:تم ومليون تم معتس بكل مكان تروحينوه
وسن:حتى لجهنم؟
رسيل:ياربي لا تسخط علينا
الجوهره بضحك:شدخل بعد
رسيل:اقول بس يلا خلونا نطلع
وسن:خلاص جوجو كنسلت ماتبي تطلع صح؟
الجوهره: صح
رسيل:اقول خل نطلع يلا
الجوهره:وسن اقول ذي ماينفع معها يلا البسي عبايتك
وسن:الاحسن لراسي
رسيل:شقصدتس؟
وسن:سلامتتس
رسيل: الله يسلمتس
الجوهره:شبلاكم انتم يلا !!
رسيل:هاو خلينا نشوف امي بالأول
الجوهره بفهاوه:ايي صح ماشفت فّهاد موافق ولا لا
وسن:اجل احنا بنروح لامي وانتي فّهاد
الجوهره:تمام يلا وقولو لها تجي معنا
رسيل:تم
دخلت غرفتها ونطقت:فّهاد حبيبي عادي طلب؟
فّهاد:سمي
الجوهره:سم الله عدوك
فّهاد:شبغيتي
الجوهره:ابي اطلع مع البنات نتقهوى عادي؟
فّهاد:اي شدعوه عادي وخذي البطاقه حقتي بالدرج واسحبي اللي تبين منه
الجوهره:يلوووموني بحببك ياخي تعال ابوسكك
فهاد: قربي
الجوهره ضحكت عليه
فّهاد ببتسامه:امي تروح ولا لا؟
الجوهره:بيقولون لها البنات عاد مدري تجي ولا لا
فّهاد:تمام بالبطاقه تقهووا على حسابي
الجوهره:فدييت قلبببك ياشيييخ
فّهاد:قلبي
الجوهره:يلا أنا بطلع انتبه للبنات تمام؟
فّهاد:معليتس حبي انتي روحي استانسي
الجوهره:حبيبيي
طلعت من الغرفه واتجهت لغرفة جيهان
رسيل:يلا يُمه امشي معنا تكفين
جيهان:والله مالي خلق
الجوهره:اقول خاله منزمان ماطلعتي معنا قومي يلا
جيهان:تمام تمام اجل البسوا عباياتكم وانتظروني
وسن:مين يودينا
الجوهره: دقي على السواق يلا
جيهان:يلا دقي شتنتظرين؟
وسن:سمي يُمه
جيهان:سم الله عدوتس
دقت على امين السواق ونطقت:الو امين تعال بيت ** يبغى يروح كوفي سر
امين:تمام
وسن:كم يبي لك؟
امين:١٠ دقيقه
وسن:تمام ، يبي له ١٠ دقايق
الجوهره:يووه
رسيل:يلا عادي ما ورانا شيء ننتظر بس أنا متأكده بيخليه بدال العشره عشرين دقيقه لو داقه على سواقه ابرك
وسن:وين ألقالتس سواقه حضرتتس؟
جيهان:بس بس خلاص اجلسوا انتظروا السواق شوي ويجي
الجوهره:خاله شرايك ندق على نوره وخوالها؟
جيهان:اي والله فكره بدال لا نجلس لحالنا دقي عليهن
الجوهره:ابشري
دقت على نوره ونطقت:الو نوره شلونك
نوره:الحمدلله بخير وانتي ؟
الجوهره:الحمدلله بخير ماتطلعين انتي وخوالك معنا الكوفي؟
نوره:والله مدري ما اتوقع بس بشوفهم
الجوهره:تمام يلا وردي لي خبر ترى حنا دقينا على السواق
نوره:تمام وش اسم الكوفي؟
الجوهره:كوفي سر**
نوره:بشوفهم دقايق ارد لك خبر
الجوهره:تمام
~ ببيت صقر بن تميم ~
نزلت نوره ل الصاله ونطقت: خاله الجوهره دقت علي تقول نبي نطلع الكوفي اطلعوا معنا
لولوه:تبن تطلعن انتن؟
نوره:أنا عادي والله ودي
فهده:تمام اي نبي نطلع بجيب عبايتي ومفتاح السياره
فهده: تمام
البندري: عندي شغل؟
نوره:خلاص إذا رجعنا تكملينه
البندري: تمام
وافقوا كلهم يطلعون ودقت نوره على الجوهره وعطتها خبر أنهم جايين
بعد مدة راحوا للكوفي وسلموا على بعض وراحوا فهده ووسن يطلبون طالعت فهده وسن ونطقت بضحك من شافت توترها:شفيتس متوتره كذا يمه
وسن:الرجال مليانين هنا يخرررش يابنت
فهده:لااا عادي ازعل ترى ؟ يشيخه بحريقه شدخلنا فيهم
وسن:مدري وربي خلاص امشي نجلس
فهده:تمام
راحوا وجلسوا ينتظرون الطلب يخلص ..
~ ببيت متعب آل سويلم ~
دخلوا فيصل وتركي للبيت ونطق فيصل:العنووود يالعنوود
ماسمع اي جواب او رد منها والبيت فاضي ونطق:رزقي وينك يارزقي
طالعه تركي بصدمه يشوفه يكرر كلمة""رزقي"" وسكر فمه ونطق بضحك: اععقبببب يازفتت
نزلت العنود ونطقت:وجع شفيكم
تركي:رزقه اجل؟
العنود طالعت بفيصل وبققت عيونها مصدومه من جراءته يوم يقول رزقي قدام تركي
"يقصد فيها ليلتهم بختصار"
تركي:حيوان ما احترمني تشوفين يالعنود
العنود:فيصللل ما احترمني حتى أنا مايستحي انقلع بس انقلع
رجعت لغرفتها وكانت معصبه منه لأنه ناداها قدام تركي كذا وفشلها
سمعت صوت دق الباب ونطقت:مين
فيصل:أنا عادي ادخل؟
العنود:لا مو عادي ياويلك تدخل امعط شوشتك جرب ادخل بس
فيصل:تسوينها فيني ؟
العنود: اي اسويها
دخل فيصل ونطق:تعالي سويها
العنود:اطلع برا مابي
تقدم يجلس على السرير ونطق:مابي اطلع خلاص بسولف معك وبلا دلع كنت امزح وانتِ عارفه تركي ماعصب ولا شيء
العنود:اووف منك طيب يلا سولف
مسك جواله ونطق:ثواني
وبدا يكتب ونطقت:تراسل مين انت ؟جاي عندي عشان كذا !
فيصل:دقيقه والله اكلم وحده جتني
العنود بحده:تكلم وحده؟الله يهنيكم اجل اطلع برا
فيصل:بسم الله شوضعك انتي قاعده توريني شمسوي زوجها رفعت قضيه وقاعد اشوف الادله قلت لها سعد خويي بيساعدك لانه انا ماخذ اجازه
العنود:معليش كنت امزح بس مين سعد
فيصل بضحك:واضح تمزحين سعد خويي
العنود بضحك:شمسوي زوجها
فيصل:يضربها ويهددها
العنود: وكسر ان شاءالله تنكسر يدينه
فيصل:خلاص رفعنا القضيه عليه وبياخذ جزاته والجلسه بكرا ان شاء الله يبين كل شيء
العنود بمزح:حركات محامي وكذا ، لا تصدق نفسك
فيصل بضحك:لو قلبي قاسي رفعت عليك قضيه اهخ بس
العنود بدلع:ماتقدر ترفع علي قضيه حتى لو قلبك قاسي
تخرفن الأخ ونطق بضحك:وربي لو قاسي ارفع
العنود:اعرفك ياشيخ ماتسويها
فيصل بضحك:حماره وربي
ضحكوا وكملوا سوالف .. فتحت جوالها العنود ودخلت الانستا واستقبلها إعلان مكتوب فيه"جلب الحبيب الدفع بعد النتيجه"
ورت فيصل ونطقت:بجلب حبيبي السري ضروري أتواصل معهم
فيصل بضحك:على تراب بس احمدي ربك انه المحامي فيصل معك والف بنت تتمناه
العنود: اذلف
فيصل:اح خلاص بطلع صار فيه تجريح كثير
العنود:اعرفك تتقبل كل شي حبي
ارسلت له قبله بالهواء ونطق:يووويل حاااالي ابيها من قريب بعد
تقدمت له تطلعه من الغرفه
فيصل: دزيها تحسبيني خفيف؟
العنود: اي خفيف توك تخرفنت
طلع وبدت تضحك عليه
~
دخلت غرفتها ودقت على صديقتها رغد ، واقرب صديقه لها ردت ونطقت:ياهلا ياهلا يامرحبا ومسهلا الشووووق الففف
جوان:يعيووونييي انتتتي يلوووموووني بحبببك البققققى البقققى
رغد:ماودك تداومين ياحيوانه؟اشتقت لك مرررره
جوان:وربي اكثر بس شكلي بداوم من يوم الاحد
رغد:حلو داومي لانك زودتيها
جوان: معليك ، إلا وش صار على البنات
رغد:مين البنات
جوان:تستهبلين؟صايره فاهيه اقصد ريناد وغدير ومهره شصار عليهم رغد:والله طيبين ويسألون عنك
جوان:ورا ما ارسلوا لي طيب
رغد:مدري عنهم بس غدير جابت طاريك وقالوا إنهم مشتاقين لك مره جوان:أخ وربي احبببكم
رغد: نعشقك يلا توصين على شيء
جوان:سلامتك يعيوني
رغد: ف امان الله
جوان:الله معك
سكروا من المكالمه وراحت جوان لغرفة ساره ، طقت الباب ونطقت:ساره
ساره:هلا
جوان:تعالي يلا حطوا الغدا
ساره:تمام جايه بس قاعده البس توني تروشت
جوان:تمام
نزلت وشافتهم يتغدون وجلست جنب البنات تنتظر يفضى مكان ..
نزلت ساره وبعدها بمده قلطوا البنات وبدوا يتعشون وسمعت صوت مكالمة جوالها من "عشيييري❤️"، اتجهت للمقلط وردت
بهاج :ياهلا ياهلا ياهلا بدنيتي شخبارتس عساتس بخير
ساره:هلا فيك يعيوني الحمدلله بخير وانت شخبارك؟
بهاج:الحمدلله بخير
ساره:دوم حبيبي
بهاج:تدومين لي يابعد حيي
ساره: ما اعرف ارد وش اقول
بهاج:يازين اللي يستحون بس
ساره:طيب قول لي وش تبي يلا
بهاج:ابي نطلع مع بعض
ساره:متى
بهاج:اليوم
ساره:يعني الساعه كم؟
بهاج:خلينا الحين نطلع أمرتس ونروح نتمشى
ساره:مدري
بهاج:يلا حبيبتي خلينا نروح ننبسط ونسولف منزمان عنتس اشتقت لتس والله
ساره:طيب مرني
بهاج:يلا جهزي نفستس
ساره:ابشر
بهاج:تبشرين بالجنه
ساره:يلا انتظرك حبيبي
بهاج:تمام حياتي
قفلوا من بعض وراحت للهنوف ونطقت:يُمه بطلع مع بهاج تبين شي؟
الهنوف:لا سلامتك يابعدي روحي استانسي
تقدمت تحب راس الهنوف وطلعت لغرفتها تلبس ، بعد مده دقت على بهاج ونطقت:حبيبي وين راح نروح؟
بهاج:شرايتس نروح لشقتنا نقعد فيها ونتابع فيلم ونطلب عشاء ؟
ساره:تمام حلو بس خلاص إذا جيت اجلس مع العيال الين ما اخلص
بهاج:أنا الحين بدوامي شوي وبطلع بعد نص ساعه ولبسي معي بالسياره يعني جاهز
ساره:اجل تمام دق علي إذا وصلت وبطلع لك
بهاج:سمي
ساره:سم الله عدوك
سكروا من المكالمه وبدت تسوي شعرها ستريت وحطت ميكب ولبست بنطلون اوفر سايز وبلوزه كت وتعطرت من مِس لافيرن ، بعدها بمده دق عليها ونطق:يلا حبيبي أنا برا تعالي
ساره:تمام جايتك
~ عند بهاج ~
نزل من شافها جت ونطق ببتسامه:يامرحبا يامرحبا
تقدمت تحضنه ونطق:شلونتس ياعيني انتي
ساره ببتسامه:الحمدلله بخير وانت؟
بهاج ببتسامه:بخير بشوفتتس
ساره:حبيبي انت
تقدم يفتح لها الباب وركبت السياره ومشوا
ساره:حبيبي خلصت كل تعديلات الشقه صح؟
بهاج:اي كلها خلصت الحمدلله
ساره:الله يبارك لنا
بهاج:امين يارب
مسك يدها ونطق:وش تبين نشغل
ساره:مدري انت حط اللي تبي
بهاج:بحط لتس اهداء
ساره ببتسامه:تمام يلا
بهاج:اهم شي جوتس شيلات ولا اغاني عشان اختار عدل؟
ساره بضحك:كلهم احبهم عادي
بهاج بضحك :تمام
بدأ يغني مع الشيله وكأنه هو بنفسه يقول لها كلمات الشيله ويقصدها بكل كلمه .. بدت تصوره وهو يغني وماسك يدها ومتحمس بالشيله
~
" اعشقيني واملكيني واتركيني هايماً بعيونتس الثنتين كلي
دامي احبتس ودامتس تعشقيني وش ابي بالناس هذي وانتِ خلي؟
~
من عيون الناس ياساره اسرقيني *مالي ومال البشر وانتِ هلاً لي*
اتركي صمت المشاعر واحضنيني واعشقيني يابعد كّلي ومّلي
وغازلي قلبي وبعده غازليني قلبي لياشاف زولتس مسفهلي"...
❤️❤️❤️❤️❤️❤️❤️❤️❤️❤️❤️❤️❤️❤️❤️
وبعد مده خلصت الاغنيه ونطق:يابعد كلي وملي انتي !
ساره:احبببك وربي احبببك
بهاج:وانا اعشقققتس واموووت عليتس يزيين الصدف اللي جمعتنا
ساره بضحك:اول ماشفتك ماحبيتك صراحه
بهاج:شعور متبادل
ساره بضحك :بهاااججي خلك قدها
بهاج بضحك:امزح امزح
ساره بضحك:حتى أنا أمزح
بهاج:حلو من بدايتها متفاهمين
اكتفت بالضحك وعدم الرد
بهاج:وصلنا ياعيني يلا انزلي
نزلت معه ومسكوا يدين بعض واتجهوا لشقتهم
دخلت ونزلت عبايتها ونقابها وحجابها وانصدمت بالتغييرات الحلوه اللي صارت لانها فتره طويله ما جت للشقه بس تختار وبهاج يتأملها ويتأمل جمالها
ساره:الله بهااااجي تجنن الشقه مره ما شاء الله
بهاج:عاد هذا ذوقتس
تقدمت تبوسه من الوناسه وولدنا تخرفن فوق ما هو متخرفن من كشختها ، طالع فيها وابتسم من شافها استحت ، قرب منها بزياده ولصقت على الجدار ونطق:شهالزين؟
ابتسمت بخجل ونطق:استحيتي ؟ لا صدق شهالزين ؟ كل مره اشوفتس كذا وانتي كاشخه ولا تجيني فرصه اقرب منتس حتى
ساره بخجل وتوتر:امسح الروج اللي على خدك
بهاج:بعدين ؟
ساره:بهاااج ابعد خلاص
بهاج ببتسامة خبث:وش العيب ؟ تراتس زوجتي حلالي
ساره:ادري بس الحين نبي نتابع فيلم ونسولف وكذا مب وقته
قرب شفته لشفتها وبدأ يتلذذ بشفايفها وحط حرة كل الشهووور اللي ماقرب منها فيها ، حاولت تدفه ولكن ماقدرت وما استسلمت ، بدأ يقبلها وعضها وتأوهت بألم وبادلته ، بعد مده فكها يسترجع نفسه وحس بأنتصار وكانت الفرحه مب سايعته ، ابتسمت من اللي صار وكيف هو مستانس ونطقت:بروح اعدل مكياجي والبس بجامه جبتها معي احتياط اللبس ضايقني
بهاج:ومين قال لتس خلصنا؟
ساره بخجل:بهاج الحين انت جايبني عشان كذا !
بهاج:لا طبعاً بس طبيعي دامنا لحالنا بيصير الشيء ذا وعلى كشختتس ذي ما اقدر اطوفتس كل مره اطوف لاني ما اقدر اسوي شي والحريم والرجال موجودين
ساره:طيب حبيبي خله بعدين
بهاج:لمتى يعني؟
ساره:لمن نتزوج
بهاج:ساره
ساره:عيوني
بهاج:عادي تسكتين؟لو بس مره خليني اسوي شيء
ساره: طيب خليتك
بهاج:شفتي اللي سويته قبل شوي؟
ساره:اي؟
بهاج ببتسامه خبث وتوعد:بديلها اضعاف إذا تزوجنا
ساره:اهم شي إذا تزوجنا
بهاج:شالفرق؟بالنهايه انتي زوجتي
ساره:مدري بروح ابدل
وخر عنها واتجهت للغرفه ولبست بجامه مبينه مفاتن جسمها وعدلت شكلها بالمرايه واستوعبت ان البجامه مرره عاريه ، نطقت بينها وبين نفسها:اوووف ياربي كيف بطلع كذا ؟غبيه غبيه
تقدمت بترجع على لبسها اللي كانت لابسته ودخل بهاج ينطق:ساره يل..
غطت صدرها بيدينها ونطقت:بهاااج اطلللع
سكر الباب وقرب منها وبدأ يتلذذ بطعم شفايفها وبدأ ينزل لعنقها وصدرها بدت تتأوه بألم وتحاول تبعده ودق الجوال من"شادن اختي❤️"
فكها ونطق:يالليل مايخلون الواحد يسوي شيء
رد ونطق:هلا
شادن:بهاج متى بترجع؟
بهاج:أنا طالع مع ساره مب الحين راجع مطول
شادن:تمام
بهاج:ليه؟
شادن:لا بس امي تسأل
بهاج:تمام لاعاد تدقين إلا إذا فيه شيء
شادن:تمام
قفل من شادن ونطقت ساره:بهاااج ببدل عادي تطلع
بهاج:تمام لا تغيرين ذي البجامه ماباكلتس
ساره بضحك:أكلتني وخلصت
بهاج بضحك:شسوي ماقدرت أتحمل عاد نفس ماقلت لتس لا تبدلين
ساره:تمام يلا جايتك بس برتب الاغراض
بهاج:تمام
طلع للصاله وبدت ترتب الاغراض اللي حاستها ، اتجهت للمرايه تعدل شكلها وانصدمت من الاثار الكثيره الموجوده برقبتها وصدرها ونطقت:اووف منك يابهاج ، طلعت الفونديشن وبدت تحط على الأثار عشان ما يبين شيء حتى قدامه بسبب خجلها
حطت شال كشميري على كتفها وصدرها وطلعت له تنسدح بحضنه
ساره:حلو متى جهزت السناكات
بهاج:توني كل هذا لعيونتس تشوفييين
ساره ببتسامه:يلومووني بحبك
بهاج:يابعدددي والله ، بردانه؟
ساره:لا
بهاج:ليه حاطه الشال طيب؟
ساره:مدري بس كذا
بهاج فهم عليها ونطق بضحك:تمام إذا بردانه أنا ادفيتس قربي
قربت منه ونطقت:مب برد مره عادي
بهاج:يدينتس بارده مره وين ريموت المكيف
ساره:حبيبي عادي خل المكيف مب مره برد
بهاج:دقيقه بجيب البطانيه من الغرفه
ساره:بقوم أنا انتظر
بهاج:تمام ياعيني انتظرتس
جابت البطانيه وانسدحت بحضنه وحضنها من ورا وشبك رجلينه برجلينها ويدينه بيدينها وكملوا الفيلم ، بعد مده طلبوا العشاء وبدوا ياكلون
بهاج:ساره اليوم خلينا ننام هنا بالشقه
بققت عيونها بصدمه تنطق:بهاج تستهبل ترى باقي ما أعرسنا؟
بهاج:شغلي مختس تراتس صرتي حلالي!!وماراح يصير شيء اللهم بنفس الغرفه
ساره:ونفس السرير؟؟؟؟؟؟؟
بهاج ببتسامه:اي وش رايتس
ساره:بهاج لا تستهبل
بهاج:ما استهبل عادي مافيها شي ترى
ساره:يمكن اهلي مايرضون واستحي اقول لهم
بهاج:يرضون بس انتي دلوعه وماتبين وعادي في مليون عذر
ساره:طيب خلاص بقول لامي بس وش ؟
بهاج:قولي قاعدين يشتغلون بديكور الغرفه باقي وبننام بالشقه عشان نشوف العمال وش يسوون ونعلمهم وش نبي
ساره:تمام
~ ببيت متعب آل سويلم ~
سمعت صوت مكالمة جوالها من"قليبي سارونتي🧡.."وردت
الهنوف:هلا ساره
ساره:يُمه اليوم ماراح اجي البيت بنام بالشقه عشان العمال قاعدين يشتغلون بديكور الغرفه ونبي نشوف وش يسوون
الهنوف:تمام ياعيوني اهم شي بهاج معك؟
ساره:اي يمه معليك معي
الهنوف:اجل تمام عادي
ساره:يلا مع السلامه أشوفك بكرا
الهنوف:الله معك
سكروا من المكالمه
~ نرجع لشقة بهاج وساره ~
ساره:وافقت
بهاج:حلو
ساره:بس ماجبت معي لبس زياده!
بهاج:وهذي البجامه وش ؟ خلاص تكفي
ساره:مدري
بهاج بضحك:ياربي ياساره
ساره:كمل أكلك أحمد ربك وافقت وكذبت عليها ولا ماودي أضل وولا ودي اكذب على احد
بهاج:عادي ياشيخه شدعوه
ساره:بكرا العصر نرجع بيوتنا
بهاج:تمام نفطر ونطلع
ساره:تمام
بهاج:نطلع نتقهوى؟
ساره:لا حبيبي احس خلاص يكفي بيوم ثاني تعب بنام قاعده من الساعه ٩ الصباح
بهاج:تمام حياتي
خلصوا أكلهم ونظفت وبخرت
ساره:بروح انام تبي شيء؟
بهاج:تمام نوم العوافي بس لا تقفلين الغرفه
ساره:ليه عشان تدخل؟
بهاج:ومين قال اني ماراح انام بغرفتنا؟
ساره:أنا
بهاج:وليه؟
ساره:لأني أنا مابي
بهاج:وليه انتي جالسه الحين بحضني؟
بققت عيونها ونطقت:شقصدك
بهاج:ماني مسوي شيء بس تعالي بحضني
ساره:افكر
بهاج:لا تفكرين امشي حتى أنا بنام
ساره بضحك:طيب طيب امش
انسدح وتقدمت تنسدح بحضنه وبدأ يلعب بشعرها ، باس رأسها وناموا ..
~ تسريع احداث ~
قامت من حست بألم ونطقت:سند سند قوم
سند:ها
سُميه:بطني قاعده تألمني
فز بسرعه ونطق:بتولدييين لايكون بتووولدين قومي قومي
سُميه:مافيني شيء اهدأ اهدأ وترتني خلاص
تقدم يشوف ونطق:نزلت موووية الراااس امشي بسرعه امشي
سُميه بتوتر جيب عبايتي بسرعه
اخذ عبايتها ولبسها وراحوا للمستشفى .. بدأ يزيد الألم بالطريق وبدت تصارخ بأعلى صوتها من الألم
سند بخوف:ياعيني انتي اهدي اهدي مافي شيء خلاص وصلنا وصلنا مشى وشالها وهو يصارخ: زوووجتي بتووولد بسررعه بسرررعه
جابو العربيه واخذوها لغرفة الولاده ، قعد ينتظرها لمدة ٤ ساعات وبعدها طلعت الدكتوره .. تقدم له بسرعه ونطق:ها يادكتوره بشري
الدكتوره سوزان:الحمدلله ولدت والأطفال امورهم تمام بس نزفت كثير وتحتاج متبرع دم فصيلة A+
سند:أنا أنا بتبرع لها فصيلة دمي A+
الدكتوره سوزان:تمام تفضل للغرفه ذيك وبيسحبون منك دم
سَند:تمام
تبرع لها بالدم واخذوها للغرفه ورسل بقروب العائله صوت يتكلم فيه ببتسامه:الحمدلله الحمدلله سُميه ولدت وكلهم الثلاث بصحه وسلامه مافيهم شيء صرررت اببب للمررره الثالثه صااار عندددي بنت صااار وصااارر لراااكان اخ واخت ياعسى يطلعون نفس اطباع خواتي واخواني "البنات كلهم والعيال كلهم" ان شاء الله ، ماحبينا نزعجكم ونقعدكم من النوم عاد من تقعدون تسمعون ذا الصوت ، بعد ما سجل الأصوات اتجه لغرفة سُميه ونام على الكنب ..
~ اليوم الثاني الساعه ١ الظهر تحديداً بمدرسة البنات ~
ليان:اووف وينه راجو شموووس وحر
ريم:كل مره كذا يسوي فينا
وجد:دقي على اي احد يجينا
ليان:اوووف كشختي بتخرب ماصورت
الماس:مو طبيعي ليان بالعالم الموازي
صبا:اقول بس بدق على سعود يجينا
ليان:بس راجو بيجي ليه سعود
الماس:يعني ننتظر راجو طول الوقت؟خليه يجي وما يلاقي احد يستاهل
ليان:حرام عليكم بنات
وجد:خلاص نكلم راجو من جوال سعود
دقت على سعود صبا ورد:هلا
صبا:سعود راجو ما جانا صار لنا ساعه بالشموس
سعود بصدمه:باقي مارجعوا البيت !! الساعه ١ ونص
صبا:راجو ما جانا تعال احترينا
سعود:طيب جايكم يلا قريب أنا من المدرسه اساساً
ليان:أنا بدخل المدرسه على المكيفات
وجد:يمكن قفلوها
ليان:لا استاذه بيان موجوده
وجد:تمام اجلسي قريب عشان نناديك إذا جاء سعود
ليان:تمام
دخلت عند المرايات وبدت تعدل شعرها ومكياجها ونطقت بينها وبين نفسها:أنا برجع البيت ليه قاعده اعدل شكلي؟لا ياليان لا توهمين نفسك انك تحبينه وتبين يشوفك بشكل حلو !! لا لا مجرد وهم استغفر الله ، بعد مده نطقت
ريم:ليااان يلا تعالي سعود وصل
طلعت مع ريم وكاشفه وجهها والعيال كلهم موجودين ينادون خواتهم ، طالعها ونطق بحده من غيرته عليها:ليان تغطي تغطي ماتشوفين فيه رجال عيونهم زايغه!!
ليان:غاضين البصر محد شايفني وبعدين ماني كاشخه عشان يطالعون فيني بعد ماقعدت بذي الشموس والحر
سعود: ذا كله ومب كاشخه؟رايحه عرس ما شاء الله من بكرا أشوفك لابسه نقاب فاهمه ؟ مب عشان انتي معي امشيها لا طبعاً
زعلت من تصرفه ليان ونطقت وهي خانقتها العبره:طيب خلاص مالك دخل انت اساساً دايم احنا مع راجو
صبا:شفيك عليها سعود !!
الماس:ترا ما قلنا لك تعال وهاوش
سعود:لا ماهاوشت بس عشان ثاني مره ما تطلع قدام الرجال كذا
ليان والدمعه شوي وتطلع من عينها:وين الرجال بالموضوع كلهم بزارين اكبر واحد فيهم ثانوي
سعود:تسوي الغلط وتبين نفسها صح يالليل يالليل
ليان ببكاء:شفيك علي انت صار لي ساعه ساكته
ريم:ياقلبببي لا تصيحين خلاص معليك منه
طالع فيها ونطق:معليش ماكان قصدي أزعلك وابكيك بس لاني اعتبرك نفس صبا والماس واخاف عليك صارخت كذا وآخر مره ماعاد تنعاد اوعدك
الماس:سعووود!!!لا تستهبل حسابك مع جدي وخوالي بالبيت هين بعد ما صيحتها تقول كذا بعد وش؟
سعود:مالك دخل ، ليان معليش مب قصدي والله
ليان بمجامله:طيب خلاص عادي ماصار شيء
حس انها تجامل وباقي زعلانه وحس بتأنيب الضمير واكتفى بعدم الرد وصلوا البيت ونزلت بسرعه وراحت تطلع فوق غرفتها
دخلوا البنات ..
المها:شفيها !!
الماس:سعود هاوشها عشانها طالعه كاشفه وجهها قدام الرجال وزعلت المها:ياربي منها عادي اخوها ويبي مصلحتها
صبا:خاله بعد سعود غلطان شدخله فيها والرجال مب مطالعين كلهم مشغولين
المها:لا ياصبا هذا اخوك لا تقولين كذا
صبا:سمي
نزل تركي بسرعه ونطق:ماتدرروووون!!
الهنوف:وش
تركي بصراخ:سننند جااااه بنت وولد تؤااااام
"الكل كان يعرف إلا اللي بالمدراس"
قاموا يباركون بالقروب واستأنسوا مره ، مع الضجه هذي اتجه سعود لغرفة ليان ودق الباب ونطقت بزعل:مين
سعود:أنا سعود
ليان:شبغيت
سعود:بقول لك شيء عادي ادخل ؟
مسحت دموعها ونطقت:ادخل
دخل ونطق:صح زعلتك بس والله مب قصدي لاني اخاف عليك سويت كذا !!
ليان:طيب خاف علي بس مب بهواش فشلتني قدام بنات المدرسه بعد
سعود:خلاص وش يرضيك
ليان:مايرضيني شيء
سعود:تدرين انه اخوك جاه ولد وبنت امس؟
ليان:بسم الله مين لا تكذب
سعود ببتسامه:شوفي القروب
شافت القروب وسمعت الأصوات حقت سند وبدت تصيح من الفرحه ومن كلامه
سعود:شفيك تصيحين
ليان:كلامه يصييييح جاننني بنت اخو وولد أخوو اخخ
سعود بضحك: شرايك بالمفاجئه سامحتيني؟
ليان:أفكر
سعود:وش تفكرين اقول بس
ليان بضحك:امزح خلاص رضيت
سعود:ترضين بسرعه ماتوقعت بس حلو
ليان:المشكله قلبي طيبب
سعود:لبى قلبك
ليان: ها؟؟
سعود:ولا شيء يلا أنا طالع
ليان بتوتر: تمام
سعود:انتبهي لنفسك
ليان:تمام وانت
طلع ونطقت بينها وبين نفسها:غريب ليه ! ياخي وش ذا الشعور اللي احس فيه اففف ليانن انطمي
ردت بالقروب
"مبرووك يا احسسسن اخخ بالدنيا كككلها يتربون بعزكككم🧡!!"
وقفلت جوالها ..
~ عند ساره وبهاج ~
بهاج:يلا ياساره حبيبتي تأخرنا
ساره:يلا حبيبي جايتك ما ورانا شيء ليه مستعجل
بهاج:عندي شغل الساعه ٦ المغرب لازم اروح
ساره:طيب توها الساعه ٣ ونص يمدي يلا نطلع
بهاج:تمام يلا حبيبي اسبقيني بقفل الباب
ساره:تمام يعيوني
نزلت للسياره وقفل الباب ونزل وراها
اتجهوا لكوفي يفطرون فيه ، سمعت صوت مكالمة جوالها من "mammi🩵" ردت ونطقت:هلا يمه شلونك
الهنوف:الحمدلله انتي شلونك؟
ساره:الحمدلله بخير
الهنوف:متى بتجين؟
ساره:يمه بس بفطر بعدها بجي
الهنوف:تمام عوافي
ساره:الله يعافيك
الهنوف:الله معك
سكروا من المكالمه وبعدها بمده وصلوا بهاج وساره للكوفي ..
~ بالمستشفى عند سند وسُميه ~
سَند:ترى كلهم بيجون بعد شوي
سُميه:الساعه كم حبيبي؟
سَند:الساعه أربعه وثمن دقايق
سُميه:تمام متى بيجون المفروض جايين الحين؟
سَند:امي قالت يجون ٥ ونص ولا ٦
سُميه:تمام عطني الشنطه اللي على الدرج
سَند:سمي ، خذي
سُميه:عطني المرايه بالشنطه اللي جابها سعود قبل شوي
سَند:امسكي ، شبتسوين
سُميه:بتمكيج وبجهز وأبيك تستشور شعري مبلل
سَند:تمام حبيبتي
سُميه:حبي راكان بيجي؟
سَند:لا قلت لهم بكرا أنا اجي أخذه عشانك تعبانه
سُميه:لا عادي كان خليته
سَند:انتي تعبانه بكرا يجي خلاص
سُميه:تمام اللي يريحك
~ بعدها بمده ~
جو الكل إلا العنود مع لين تساعدها ، والكل قعد يبارك ومنبسط
هند:سَند وش بتسمون البيبي
سَند:خلونا نسوي قرعه لأنه فيه أسامي كثير نبيها
الهنوف:اجل يلا جيب فيصل من الاستقبال ورق
فيصل:سمي
جابهم ونطق سند:الأسماء اللي نبيها اول اسم للبنت والولد قولي
سُميه:البنت ديم والولد هَتان
سَند:أنا البنت هَيام والولد هَتان
فيصل:خيانه ما حطوا أسامينا جعلكم اسهال أن شاءالله
سند: انطم اسمك قديم
فيصل: سم
سَند بضحك:امزح وربي محشوم
فيصل بضحك:عادي عادي ماعندكم خانة جبر الخواطر عاذركم
الكل ضحك
ونطق فيصل:كمل يلا بسرعه عندي قضيه احلها
سَند:كتبت الأسامي فيصل خلط عشان ما يقولون غش
فيصل:تمام ، يلا جاهزين الأسماء هي؟
فتح الورق ونطق:البنت هَيام
صفقوا الكل لأنه ودهم فيه
فيصل:والولد هَتان مافي غيره
سُميه بضحك:يلا عادي حلو هَيام
رواف:راكَان بن سَند وهَتان بن سَند وهَيام بنت سَند واوو اسطوريي
ضحكوا الكل على رواف وحماسه..
عند "أبطالنا" اليوم الثاني من ولادة لين..
"سُميه لها استقبال ثاني لوحدها"
وصلوا التباريك لـ لين والهدايا بكل حُب لها والناس ..
دخل تركي ركض للغرفه وقفل الباب
لين: وش جابك يلا اذلف للمجلس عند الرجال
تركي: لا
لين: تستهبل؟ الحريم بيجوني للغرفه
تركي: ماعندهم بيوت؟
لين: لا تستهبل قم انقلع
تقدم تركي وأخذ يزن من حضن لين ونطق: بدينا يكون بحضنك سارق مكاني ينقلع بسريره ينام
لين بضحك: امانه تغار من نقطه؟
تركي: لا ماغار بس حضنك لي شيبي ذا
لين بضحك: بعدين أتفاهم معك وين بتاخذه
تركي: للمجلس شوي وارجعه تعالي شوفيلي طريق
لين: مافيني أقوم والله حيلي مهدود بدق على العنود تجي
تركي: يلا يعيوني
مدت يدها لين تدق على العنود تطلع للغرفه وتركي جلس يبوس يزن
جت العنود وناظرتهم ونطقت: وشو شتبون
لين: وين الحريم
العنود: تحت
لين: شوفي له طريق بيروح للمجلس
العنود: ولدي خير معك هاته
تركي: اقول انقلعي لا آعطيك بكوعي الحين شوفيلي طريق
العنود بضحك: سم
لين: صار ولدك أنا اللي شفت الموت وتعبت عليه
العنود: مايهم انتِ تولدين وأنا اخذته منك
لين بضحك: لا ياشيخه
تركي: العنود
العنود: هااا
تركي: شقلت؟
تقدمت تنزل العنود تكلم الحريم يطلعون الحديقه ويجلسون فيها وفعلاً طلعوا الكل وسووا جلسه وجلسوا يسولفون ويضحكون
تقدم تركي يطلع من غرفته ومعه يزون متجه للمجلس ووصل
فيصل: شوفوا ولدددي جااء
تركي: لو مابعدت رفستك
قاموا الرجال بضحك ويباركون ويشوفون يزن وهم مستانسين
محمد: ماشاءالله يحلوه والله مايشبهك شكله جاء على زوجتك نسخ لصق
تركي: شكلكم تبوني ادعي عليكم كلكم
فيصل: ليه الزعل مسوي حساس اي صدق مايشبهه يشبه زوجته بكثير بعد ولا كأنه ولده
تركي بهمس: حسابك معي بعدين قسم بالله بتتصفق مني
فيصل بضحك: يحلوه يهمس لي ويقول انه يعزني ويحترمني حبيبي والله
ضحكوا الكل وفهموه وجلسوا يسولفون
دقت لين على تركي وبعد مده رد ونطق بهمس: لبيه
لين: هات يزون الحريم يبون يشوفونه
تركي: يلا تعالي بطلع لك بقفل الباب تاخذينه
لين: يلا بجيك اطلع
تركي: يلا بسرعه
قام تركي متجه للباب وطلع وقفل وراه الباب ولين جت
تركي: ها خذيه
لين تقدمت تاخذ يزن ومشت
تركي: تعالي تعالي
لين: مو وقتك بعدين ولاحد يطلع بالحديقه لانهم موجودين
تركي: قدها
لين بعناد وضحك: اي
تركي بضحك: هين ياليني
دخل تركي للمجلس ورجع للرجال
فيصل بهمس: طلعني ابي ادخن
تركي: الحريم كلهم بالحديقه انثبر
فيصل: احلف
تركي: والله
فيصل: ابلش
جابوا العشاء للحريم وللرجال
وتقدموا الرجال يأكلون ويجهزون
والحريم نفس الشيء
المها: لين
لين: لبيه
المها: لبى عيونك متى رايحين تطعمون يزون
لين: والله شكله بكره
المها: لا روحوا اليوم الموعد لا تفوتونه
لين: سمي بكلم تركي
المها: سم الله عدوك يلا كلي لانك ماكليتي شيء
لين: والله مالي نفس بس لعيونك
المها ببتسامه: بالعافيه
لين: الله يعافيك
-
كلوا الكل ورجعوا الحريم لبيوتهم والرجال بعد
ساره: مشينا نطلع
لين: تستهبلين كيف نطلع أنا نفاااس كيف تطلعون بدوني ماقدر تعبانه
ساره: مشكلتك مين قالك تحملين وتولدين
لين: أنا لي دخل بالموضوع؟ مالي دخل ياتبن والله ماتطلعون بدوني
العنود: طنشيها ذي صارت من ضمن الامهات مشينا نطلع
لين: حسيبك الله يالعنود بوريك بعد النفاس
تقدمت لين تطلع الغرفه
العنود بضحك: خلاص يازعوله ماراح نطلع بدونك
لين: كليزق بنام ابرك
-
دخل تركي وفيصل للصاله
فيصل: العنود مشينا نروح ستار بكس ونسحب عليهم
تركي: قليل ادب ماتستحي قدامي بعد؟
فيصل: العنود انتظرك برا
العنود بكذب: لا مايحتاج طلبنا لنا كلنا
ساره بهمس: متى طلبتي
العنود بنفس الهمس: اكذب لانه يوتر ذا الفيصل
ساره: حسستيني بيخطفك
العنود: جب
فيصل: يعني ماراح تطلعين معي
العنود: اي
تقدم فيصل طلع لفوق ودخل غرفته وطلع تركي وهو يضحك ونطق: مسوي زعلان طنشيه العنود
دخل تركي لغرفته وناظر لين ترضع يزن
لين غطت صدرها ونطقت: لا تناظر
تركي: اقول خليه يرضع وارميه بسريره
لين بضحك مدت جوالها تصوره ونطقت: عيد وش قلت
تركي غير لبسه ولبس بجامته ونطق: اقولك ارميه ف سريره حضنك لي مو له
لين بضحك: شوفوا يغار من بزر
تركي لف عليها ونطق: وانا اقول مين معنا بالغرفه طلعتي تصوريني يازق
لين بضحك: واحلى محتوى
تركي بضحك: وصخه والله هين مردوده
تقدم تركي يناظر يزن ونطق: مو كأنه زودها
لين: بسم الله عليه شفيك قاعد يرضع وش بيقعد جوعان مثلاً
تركي: بالعافيه عليه بس ماخذ صدرك وهو لي
لين دفته ونطقت: اقول اذلف مسوي يغار حتى لو تغار صدق تستاهل انت خليتني احمل بدري وفداه بنومه بحضني
تركي ضحك وتقدم وباس خدها ونطق: لا والله ينقلع بسريره
لين: لا
تركي ناظر يزن نايم وشبع ونطق: حطيه بيننا بالنص
حطته لين وشاله تركي يحطه بسريره
لين: يعني كذبت علي عشان تشيله
تركي: اي
لين: تفو عليك
تركي بضحك: تحسبيني مطيري عبث؟ لا والله ماني مطيري عبث
لين: مطيري وصخ اذلف
تركي حط يزن وعدل له المخده الصغيره وباسه وتقدم لـ لين ونطق: تعالي
لين: انسدحت وطفت اللمبه وضحك تركي وتقدم وحضنها ونطق: اسف خلاص
دفته لين وناظرها ونطق: قدها
لين: وقدود
ابتسم وباسها ونطق: يعني ماودك تنامين بحضني
لين: لا
بعد عنها ونطق: بكيفك انتِ الخسرانه اجل بتزوج الثانيه
تقدمت لين بحضنه ونطقت: كلزق انت والثانيه جرب بس تزوج وربي مرتك على يدي
تركي بضحك: قلت كذا عشان تجين وجيتي واخسي اتزوج والله انتِ زوجاتي الأربع كلهم
لين ببتسامه: ادب
تركي بضحك: سوسه
لين: نام وراك دوام
تركي: ومين قال اني بدوام
لين: أنا وراح تداوم
تركي: ماراح اداوم انخمدي
غطاها تركي باللحاف وبعدته ونطق: خير
لين: حر لا تغطيني
تركي: نسيت اوخر يزن من قدام المكيف دقيقه
قام تركي ودف السرير للجهه الثانية عن المكيف وبكى
تركي: مو وقتك تصيح خلني انام ف حضن امك يورع
لين ضحكت وقامت واخذته وحضنته وباسته وسكت
تركي: ويع سكت عشانه يشبهك مالت عليكم الاثنين بروح انام ابرك
لين بضحك: حتى انت اعترفت انه يشبهني يالبيييه
تركي غطى وجهه باللحاف ونطق: جب
حطت لين يزن بسريره وتقدمت لتركي سحبت اللحاف وناظرها ونطق: نعم
لين: ماودك بحضني يعني
تركي: لا
لين بضحك: مسوي تردها فيني
تركي سحب يدها وانسدح بحضنها ونطق: تدرين
لين: وشو
تركي: اني احبك
لين ببتسامه: ماعندك سالفه
تركي ناظرها: انا ماعندي سالفه
لين: لا امزح اعشقك
تركي: لا تعشقيني زوجتي الثانيه بتعشقني
قامت لين ودفته وسحب يدها ونطق بضحك: امزح قسم امزح
لين: لا بالله شكلك ناوي تتزوج اعترف عشان امحيك من الحياة
تركي بضحك: لا والله العظيم ولا فكرت
لين: انت فكر بس وشوف وش يجيك
تركي: ماراح أفكر انتِ تكفيني واحبك ولو تبين رحت شريت ثلاث خواتم تقدمت لك المره الاولى باقي ثلاث مرات عشان تلبسينهم
لين: بعدين وتنقلع تشتري والماس بعد
تركي بضحك: من عيوني كم عندي لين
لين: وحده وطرق عن خشمك
تركي تقدم وباس عنقها "رقبتها" ونطق: المهم لا تزعلين قاعد امزح
لين ببتسامه: خلاص رضيت
تركي بادلها الابتسامه ونطق: يلا العبي بشعري
بدأت تلعب لين بشعره ونامت قبله وناظرها وضحك ضحكه خفيفه ونطق بهمس: جعله عافيه
طفى النور وناموا أبطالنا ..
عند "فيصل بغرفته"
طقت العنود الباب ونطق: ها
العنود: تسمحلي ادخل
فيصل بعناد: لا
العنود: تمام بروح انام
فيصل تقدم للباب وفتحه ونطق:. امزح ادخلي
دخلت العنود وناظرته ونطقت: ليه عيونك احمر
فيصل: لاني مانمت زين
العنود: ليكون تصيح
فيصل ناظرها بصدمه وضحك ونطق: اصيح؟ تستهبلين اصيح ليه
العنود: لاني زعلتك
فيصل بضحك: لا ماعليك مازعلت منك ولا صحت أنا كذا لو مانمت زين عيوني تصير احمر
العنود: اجل بروح انام وانا متطمنه يلا اذلف
فيصل: خير
العنود: وشو بعد
فيصل: تعالي
العنود: وين اجي
فيصل: تعالي
تقدمت العنود تجلس جنبه وقرب وباس خدها ونطق: متى نتزوج
العنود بضحك: كنت حاسه والله
فيصل: صدق متى
العنود: اصبر وبنتزوج يلا اذلف بنام
فيصل بضحك: عافيه شغلي المكيف على طريقكك وانتِ طالعه
تقدمت العنود تطلع وقبل لا تطلع شغلت المكيف له وطلعت وقفلت الباب وراها وراحت لغرفتها وفرشت اسنانها وراحت لسريرها متجهه تنام
وفيصل نفس الشيء فرش اسنانه وانسدح بسريره ..
-
دخلت ساره للبيت وشافت انه البيت هادي وماسمعت حس لهم ودخلت لغرفتها تبدل لبسها ولبست بجامتها ومسحت الميكب وفرشت اسنانها وتقدمت تنام معهم ..
- عند ابطالنا -
قام تركي وناظر لين نايمه وباسها وقام متجه للحمام "الله يكرمكم" يتوضى عشان يصلي الوتر..
خلص وضوءه وتقدم يفرش السجاده وبدأ يصلي وصلي وخلص ورفع السجاده وناظر يزن نايم وباسه وتقدم لحضن لين مره ثانية وغطاها وغطى نفسه باللحاف وحست فيه وحضنته وناموا أبطالنا..
-
"عند رواف والماس"
الماس: لا تصير غشاش يازفت
روف بضحك: ماغشيت انتِ ماتعرفين تلعبين شسويلكم
الماس: وربي انك تغش اقص يدي إذا ماتغش
رواف: شوفي طيب إذا أغش ولا لا
"كان يغش"
كملوا لعبهم وقفطته الماس وصارخت وغطى فمها ونطق: الكل نايم فضحتينا
الماس: بالغلط المهم شفتك غشيت
رواف بنكران: متى غشيت؟
الماس: كلزق توبه العب معك
رواف بضحك: خلاص توبه
الماس: كمل بدون غش تكفى
رواف: من عيوني
"كانوا يلعبون لودو بجوال واحد وهو كل شوي يسحب الجوال يفوت الوقت عشان ماتلعب بدورها" اتمنى فهمتوا 🥰
كملوا لعبوا وفازت الماس واخيراً ونطقت بضحك: بروح غرفتي يلا سلام بنام تبي شيء
رواف بضحك: ياشيخه أنا اللي خليتك تفوزين لا تنبسطين
الماس: لا حبيبي فزت بذكائي مو مثلك حمار وتغش بعد
رواف بضحك: اقول روحي نامي وراك جامعة
الماس شهقت وركضت تنام بغرفتها وناظرها وضحك عليها وتقدم يقفل الباب وشغل المكيف وفرش اسنانه وانسدح بسريره وبعد مده نام ..
صحى الجد متعب ونطق بصراخ: صلاة الفجر يلا
قاموا العيال والحريم والبنات واللي عليها الدوره وكملت نومها
توضوا الحريم وبدأو يصلون والعيال توضوا واتجهوا للمسجد
الجد متعب: وين تركي
سند: باقي نايم شكله
تقدم طلع الجد متعب لغرفته وطق الباب ونطق: الصلااااة تركي
صحى تركي ورد عليه ونطق: سم سم ماحسيت كنت نايم يلا قايم
قام تركي وتوضى وراح للمسجد وبدوا الرجال يصلون ويدعون ويقرون قرآن وخلصوا ورجعوا بيوتهم وكملوا نومهم واللي سهر واللي جلس يلعب كود واللي فطر وفرش اسنانه ورجع كمل نومه ..
-
-عند فيصل-
دق جواله وناظره بنعاس ورد: هلا
"لمار": المحامي فيصل ******؟
فيصل: اي هو اسلمي وكم عمرك صوتك صغير
لمار: ١٤
فيصل: شعندك شتبين يروحي
لمار: ابي اقابلك ضروري قبل لا انقفط بالجوال اخذت رقمك من وحده وقالتلي انك محامي وبتساعدني بقضيتي
فيصل: ابشري وينك انتِ
لمار بضيقه: انا عند خالي وخالي يجلس يضربني وجسمي كله كدمات
فيصل: وين امك وابوك؟
لمار: متوفين
فيصل: طيب اسمعي وين ساكنه؟
لمار بخوف: بتجي؟
فيصل: اي بجيك خالك معك بنفس البيت؟
لمار: اي معي
فيصل: حلو اسمعي ارسليلي رقمه وبخلي الشرطه تمسكه بس لا تقولين انتِ انتبهي سوي نفسك كأنك مارفعتي قضيه عليه عشان لا يهرب او يسوي فيك شيء تمام؟
لمار بخوف: هذا رقمه اصلاً دقيت من جواله وخايفه يجي
فيصل: لا تخافين ولا شيء وين ساكنه انتِ؟
لمار: أتوقع بحي **** نسيت
فيصل: خلاص أنا أعرف اطلع لوكيشن بيتكم اهم شيء لا تخافين ورجعي الجوال الحين
لمار: تكفى لا تتركني تعبت كرهت حياتي بسببه
فيصل: ماراح اتركك واعتبريني اخوك الكبير اي شيء تبينه ابشري به تمام؟ ولا تتضايقين بفكك منه وباخذ علومك لما اجيك تقولين لي كل شيء
لمار بتوتر: تمام ابشر بس عادي تقول لي متى تجي
فيصل: الحين وبعد الحين برفع لك القضيه
لمار: صدق؟
فيصل: اي يلا قفلي واحذفي المكالمه عشان لا يشوفه ويشك بطلع لوكيشن بيتكم من رقمه وكل معلوماته واجيك ومعي الشرطه
لمار: تمام شكراً
فيصل: مابيننا يلا استودعتك الله
لمار قفلت ورجعت الجوال مكانه وراحت تسوي نفسها نايمه وتنتظر فيصل والشرطه يجون عشان تفتك من ضرب خالها لها وحياتها معه ..
-
اسفه طولت بس صارت مشاكل بسيطه 🥲💔 وتفاعلوا وماعاد تنعاد 🥺 ، في بارت ثاني اطول بخلصه وانزله وقلت براضيكم وانا قدها 💋
ضيفوني انستا لا تنسون
"فيصل وتركي ولين واقع" باقي الشخصيات خيال وفي احداث واقع وفي خيال اتمنى الكل يعرف لانه كثير يسألون واحبكم ❤️..
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
