عند جوان قاعده تتألم ودمعت من يدها من يوم مامسكها سليمان بيدها بقوه "لف يدها بدون قصد ولواها"
سليمان مر من عند غرفه وسمع فيها صوت بنت وطق الباب ونطق: مين اللي تصيح
جوان ماعطته اي وجه او رد ، ورجع كرر كلامه: مين اللي تصيح
وجوان: مافي شيء روح قاعده اجهز
سليمان: جوان؟إلا سمعت تصيحين شفيك
جوان: مافي شيء مو قاعده اصيح
دخل سليمان الغرفه وناظر عيونها الباكيه والمسكرا السايحه على عيونها ونطق: شفيك
جوان: لا بس الم بسيط وبيخف
سليمان قرب يمسح دموعها وقال: اي الم
جوان: روح لاحد يجي ويفهمنا غلط
سليمان: محد بيجي الكل نزل قاعدين ننتظرك
جوان: طيب بعدل المسكرا وبجي
سليمان: قوليلي شفيك للحين زعلانه مني؟
جوان: لا
سليمان: طيب وش اللي يعورك
جوان: يدي
سليمان: احلفي
جوان: والله تعورني وماخف الالم للحين
سليمان حس بتأنيب ضمير ونطق: أوديك المستشفى طيب
جوان: لا خلاص مايحتاج تسلم وعطته ظهرها
سليمان رجع لفها لوجهه ومسح بقايا دموعها: اسف والله مو قصدي لا تشيلين بقلبك علي قوليلي وش يرضيك ترى والله مامد يدي على بنت بس بدون وعي مسكت يدك بقوه والله اسف
جوان: شدعوه اشيل بقلبي خلاص حصل خير
سليمان: تعالي نطلع من الباب الخلفي
جوان بـ استغراب: ليه؟
سليمان: بوديك المستشفى مايهون علي اخليك تتألمين واسكت
جوان: لاا ينتظرونا وش بنقولهم
سليمان: عادي نقولهم اني وديتك المستشفى عشان يدك وبقولهم اني جيت واعتذرت لك
جوان: لا سليمان لا بيفهمونا غلط والله
سليمان: انتي بوجهي ماعليك البسي عبايتك
جوان بخوف: تمام الحين البس بس ترا مافيها شي ألم بسيط وبيخف
سليمان: لا عادي امشي يلا ولا تخافين ماعليك ماراح يصير شي
لبست جوان عبايتها وتجهوا للباب الخلفي
-
عند الجد "ابو متعب"
الجد: وينهم سليمان وجوان تُركي تراني قاعد ادق على سليمان مايرد روح شوفه لا نتأخر
تُركي: ابشر ياجدي طالع اشوفه الحين
طلع تركي يدوره بين الغرف وشافهم مع بعض
تُركي: شتسوون هنا من اول ننتظركم
جوان: تُركي لا تفهم غلط قسم بالله يدي تعورني وهو صمل يوديني المستشفى
تُركي: بسم الله ماعليك شفيك خفتي والله مافكرت بشيء تطمني سليمان مايسويها
سليمان: بوديها المستشفى وانت قولهم اني بوديها عشان يدها تعورها توي شايفها تصيح
جوان: مايحتاج مستشفى والله ماتوصل الم بسيط وبيخف
سليمان: اص وامشي
تركي:طيب يلا روحو انا بقول لهم
-اتجه تركي عند الصاله-
الجد: وينهم
تُركي: بيروحون المستشفى
الجد متعب بخوف: ليش وش في شصار
تُركي: ماعليك مافي شيء يد جوان تعورها
الجد: بسبب وش
تُركي: ماصار شيء ياجدي كذا فجأة
العنود: كذاب ياجدي سليمان مسك يدها بقوه
الجد بعصبيه: تكذب علي!!
تُركي: ياجدي استهدي بالله ماصار شيء انت لا تعصب عشان القولون استهدي بالله
الجد متعب بعصبيه وصراخ: بسرعة الححقهم
تُركي: أنا اوريك يالعنود
الجد متعب:لا ياشيخ تهدد بنتي قدامي ماتستحي
لين: جدي اذكر الله ماراح يصير إلا كل خير بس انت لا تعصب
الجد: اسكتي
لين سكتت ورجعت راسها لورا وزعلت من تصرف جدها وصراخه عليها واشر لها تُركي انها ماتزعل وتمشيها
ونزل متعب معصب متجه لسليمان ونطق:ليه مديت يدك على جوان!!
سليمان :جدي خلني أفهمك
واتجه متعب لجوان ونطق: شفيك يابنتي وش يعورك هاتي اشوف يدك
جوان:جدي ما ضربني ليه تهاوشه
الجد: ويدك ليش تعوركك
جوان بزعل على سليمان: هو كان يمزح وبالغلط يدي انلوت لورا واصلاً كلنا كنا نلعب صراحة وجراءة والله ماضربني
الجد متعب:لا تكذبين تدافعين عليه !!
جوان: والله العظيم تراك ظلمته ياجدي
سليمان ركب سيارته ومشى وخلاهم وناظرته جوان وتنهدت بضيق ونطقت: خلاص خلونا نمشي
الجد متعب:والمستشفى
جوان بزعل: مافيها شيء يدي خلاص
مشوا الكل وركبوا سياراتهم متجهين للشاليه
المها دقت على معالي وقالتلها: ها بتجين اللوكيشن رسلته لك بالواتس
معالي: اي ياعيوني جايتتس أنا وبناتي
المها: حياكم والله تنورون
معالي:بنورتس ياقلبي
المها.يلا ننتظركم مع السلامة
معالي:الله معك
وقفلو الخط
عبدالله ابو تُركي: مين اللي بيجي
المها: عزمت الجيران عشان ينبسطون معنا
عبدالله: عائلة صالح آل فهاد؟
المها: ايي
عبدالله: حياهم الله
لورين: متى نوصل ابغا اتسبح
ضحك عبدالله ونطق: الحين بنوصل بعد شوي بس ماراح تسبحين على طول
لورين:ليش
عبدالله ببتسامة: امزح معك راح تسبحين ونسبح كلنا
-تسريع احداث-
وصلوا البنات وراحوا للغرفه يشوفون الميكب ويعدلونه وجوان كل تفكيرها بسليمان شايله همه وفتحت جوالها تفكر ترسله ولا لا وبعد تفكير رسلتله بالواتس
جوان: سليمان وينك؟ وصلنا الشاليه وانت مو موجود
سليمان: قريب منها بس موقف السيارة
جوان: ليه؟
سليمان: مقهور
جوان: اسفه تعال تكفى خلنا ننبسط كلنا وماعليك بيراضيك والله
سليمان: افكر
جوان: لا تفوت هاللحظة!
سليمان: طيب زعلانه انتِ للحين مني؟
جوان: لو أنا زعلانه ماكان رسلتلك ماعليك مو زعلانه يلا تعال وخلك طبيعي انتبه تعصب
سليمان: تمام يلا جاي
جوان بفرحه قامت تعدل الميكب وتشوف شكلها
العنود: بسم الله توها كانت زعلانه ذي
جوان: بسم الله علي خلاص الحين روقت
العنود: يدك للحين تعورك؟
جوان: لا خف الحمدلله ماعليكم تعالوا نتصور ونخليها ذكرى فجأة جوال جوان دق وشافت العنود الاسم ونطقت: سليمان؟ بينكم شيء انتوا سريع عشان نخلي خطبتكم مع اخوي ولين
جوان بضحك: لا أنا قلتله يجي دقيقه برد عليه
ردت عليه جوان: هلا سليمان
سليمان: الباب مقفل تعالي افتحيه لي
جوان: يلا بقول لرواف يفتحه
سليمان: لا تعالي انتي
جوان بتوتر وهمس:تمام بدور عبايتي واجيك
سليمان: سريع من الباب الخلفي
جوان:تمام بس الباب الثاني اقرب لك لان الخلفي ورا الشاليه
سليمان:عادي يلا
وقفلوا الخط وقعدت تدور عبايتها ومالقتها وحطت الطرحه على راسها وطلعت تفتح الباب
سليمان ناظرها بجمالها واناقتها وشعرها اللي يطير مع الهوى "الطرحه انفكت من قوة الهوى" والفستان اللي لابسته وبلع ريقه وقفل الباب ومسك يدها
جوان: هييي شتسوي !!يويلي لاحد يشوفنا
سليمان مسك يدها الثانية
جوان: سليمان وخر
سليمان ببتسامه:ماينفع اراضيك؟ وادري انك تحبيني من نظراتك لي دايم
جوان خفت الفرحه اللي حست فيها ونطقت: ماحبك مابيني وبينك شيء
سليمان: علينا؟ لا تخبين ترى حتى أنا احبك والله
جوان بلعت ريقها: طيب وخر لاحد يجي ترى البنات قلتلهم اني بفتحلك الباب
سليمان: اراضيك طيب وأوخر
جوان: تمام راضيني بس بعد شوي
سليمان: لو قلت بتقدملك بتوافقين علي؟
جوان: مو وقته الحين بعد شوي لاحد يجي
سمعوا صوت احد جاي
جوان بخوف:ابعد ابعد في احد جاي
سليمان: ماعليك محد شاف بسرعة بسرعة ارفعي صوتك وقولي زعلان من جدي
جوان بتوتر:سليمان باقي زعلان من جدي لا تزعل ولا تلومه خاف علي
سليمان: لا يابنت الناس ماصار إلا كل خير الحين خلينا ندخل
دخلوا كلهم مع بعض
رواف: وينك جوان
جوان بلعت ريقها بخوف: فتحت لسليمان الباب وجينا
رواف: وليش مو حاطه الطرحه على راسك؟
جوان: والله كنت حاطه وطارت من الهوى لانه قوي مرا كمان طارت لفوق ابشرك
رواف: يلا حصل خير بشتريلك غيرها ، سليمان شفيك واقف
سليمان: احسبك بتفهم غلط لاني شفت اختك بدون عبايه وبذا الفستان
رواف: لا واثق فيك لا تقول كذا يلا تعالوا ندخل ، انتبهي جدي يشوفك روحي عند البنات على طول وترى بنات الجيران موجودين
جوان: تمام
دخلت جوان مسرعه وقلبها يدق بسرعة وتركض للبنات
لين: بسم الله عليك شفيك
جوان بتوتر ولخمه:لا مافي شيء حسبت انكم بديتوا تشوفون الخواتم وتحطونها وكذا وينها
لين: تحت موجوده جنب الكيكه والأغراض ،
لين مسكت جوان على جنب ونطقت بهمس: شفيك
جوان بلعت ريقها: وش
لين: شافك احد؟
جوان: اي فتحت الباب لسليمان وقالي لو بتقدملك بتوافقين ومدري وش
لين: ماعليك لا تخافين ماراح اقول لاحد عدلي ميكبك وتعالي ننزل تحت عند الحريم
جوان: تمام ياعيوني
لين مشت وهي تغمز لجوان ونطقت جوان بضحك: انطمي يزق
لين ضحكت ونزلت ونزلوا معها البنات وجوان تعدل روجها وهي من داخلها بتطير من الفرحه ونزلت
-عند سليمان بالمغاسل-
سمع أشعار من جواله"Joan❤️❤️"
دخل على الرساله المكتوب فيها من جوان:سليمان وربي مالك داعي الشيء اللي سويته مايرضي ربي ولا يرضيني
سليمان:وربي عجبني شكلك ، وليه ما يرضيك
جوان:لو تبيني اطلبني من ابوي بالحلال تفهم ومايرضيني لانه حرام تشوفني فهالمنظر
سليمان:اسف والله اسف ووعد مني بخطبك
جوان:خلاص مابي اكثر كلام مع السلامة عندنا حريم
سليمان:تمام استودعتك الله
ابتسمت جوان واكتفت بعدم الرد
-عند البنات وهم قاعدين جنب بعض عند الحريم-
جت جوان ونطقت لشادن وتاضي ببتسامه:هلا هلا هلا وربي الشوق ألف لكم ياحيوانات
ابتسمت شادن وسلمت عليها وحضنتها ونطقت:انتم اللي ساحبين والله بس صدق مشتاقين لكم ، تاضي بعدها سلمت على جوان وحضنتها برضو ونطقت:صادقه اختي انتم ساحبين صايرين ما تجون علينا
جوان:جلست ونطقت:والله مدري مين اللي ساحب احنا ولا انتم بس منجد اشتقت لكم ولسوالفكم
الماس:كلنا اشتقنا وربي منزمان
نوره:زين شفناكم بنمشي أنا والجوهره قريب
تاضي:افا ليه تمشون!!
الجوهره:شنسوي كل وحده وزوجها الشكوى لله
شادن:يعيوني انتوا
لمحت الجوهره بنتها غيم وهي تركض لعند الماس وتنطق كلام مب مفهوم مره وتسحب الماس من يدها:خاله تعالي
الماس:وش تبين يقلبي
غيم:طلال يضربني
الماس قامت تنطق:وينه طلال
نوره بضحك:كلب طلال
-عند الرجال تحديداً عند طلال وتركي وجنبهم رواف-
طلال:خالي تعال على غيم
تركي:ليه
طلال:قاعده تاخذ مني المرجيحه وانا أبيها!
تركي بعجز:والله مالي خلق أقوم وانا خالك خلي رواف يروح معك
طلال:طيب
رواف:امش
-عند المرجيحه والبزران-
ينطق رواف:غيم وينها غيم
طلعت الماس بكامل زينتها جاهله رواف الواقف وتنطق:هذي غيم طلال ليه ما تخليها تلعب
رواف صنم وقام يتأملها وحس على نفسه ونطق:لا تستهبلين الماس طلال اللي بيركب غيم خليها تروح مع البنات
الماس:سلامات ذا قسم الحريم أخذت غيم متجهه للمرجيحه تركبها وتدفها
رواف ضحك ونزل يجلس يتكلم مع طلال ينطق:حبيبي طلال تعال معنا خلاص'وهمس له :تعرف البنات دلوعات ودلعهم ما ينطاق يزعجونا الحين
ضحك طلال ونطق:اي يلا خلاص بروح
الماس عقدت حواجبها ونطقت:وش تتكلمون عنه
طلال:مالك دخل
رواف:لا عيب هذي خالتك
طلال:مابيها تصير خالتي الدلوعه
وراح
الماس:وجع لسانك طويل
رواف:شدعوه بس قال دلوعه إذا انتي ما تدلعتي مين يحق له يتدلع؟
الماس حست بلخمه ماتدري هو يتغزل ولا يسب:شتقول انت
رواف عطاها ظهره وضحك ونطق:لا ولا شيء بروح للرجال
الماس:حبيبتي غيم أنا بدخل طيب؟
غيم:دفيني بقوه وروحي
الماس:تمام
دفتها ودخلت تجلس وتنطق للبنات:مب طبيعيين
نوره:ها من فاز
الماس بضحك:غيم
نوره بضحك:مسكين ولدي
ضحكو كلهم وهمست الماس لوجد تنطق:طلال قال انه مايبيني اصير خالته لأني دلوعه
وجد بضحك:طيب عادي كلنا يقول لنا البزر ذا
الماس:هو عادي بس أنا عصبت ورواف قال إذا انتي ماتدلعتي من يحق له يتدلع انلخمت ذي سبه ولا مدحه؟
وجد ضحكت وغمزت ونطقت:مدحه وعلى مستوى بعد
الماس:وجع طيب اسكتي لا يلاحظون
وجد ببتسامه:تمام
كملو ضحك وسوالف الين الساعه ١ الفجر ومشو الجيران
لين:بنات يلا ننام لازم نقعد بدري اليوم مافي سهر لاحقين على السهر
ريم:أنا مع لين برضو بنام
العنود:وانا بعد
كلهم راحوا ينامون
-الساعه ١ الظهر-
-على الفطور كل العائله متجمعه من رجال وحريم-
الجد متعب ناظر سليمان ونطق:اعتذر لك ياولدي قدامهم كلهم على اللي صار امس
سليمان:عادي يجدي تمون تمون
وقام سليمان يحب راسه ورجع مكانه وكانت جوان قدامه
ابتسمت له وبادلها الابتسامه
قاموا البنات وحده وحده ورا بعض من الاكل إلا جوان ما لاحظت أنهم قاموا مع إنها تستحي تبقى لحالها مع الرجال
الجد متعب ناظر جوان ونطق: روحي تجهزي مع البنات إذا خلصتي
جوان: سم ياجدي
الجد متعب ببتسامه: بنتي كملي اكلك بعدين قومي
جوان:لا خلاص شبعت الحمدلله
سليمان: يلا استأذنكم بروح اشوف العريس
-عند تُركي بالغرفه لبس ثوبه وكان يعدل الشماغ-
سليمان: اخسس مين قدك ياعريس
تُركي ببتسامه: ماتتخيل قد ايش أنا مبسوط كنت اخاف انها ترفض والله
سليمان بغمزه: يعني تحبها؟
تُركي: اي والله احبها الحمدلله انها بتصير لي وملكي أنا بسس
سليمان بضحك: سوي لي فلوق بليلتك
تُركي فصخ شوزه ورماه عليه ونطق: ياتراب عيب عليك ماتتوب من سوالفك الوصخه هذي
سليمان بضحك:امزح معك المهم يلا اخلص أنا بروح اجهز
تركي ببتسامه :تمام
-عند البنات-
لين:يُمه بنات متوتره بطني قاعده تمغصني
العنود:عادي ياشيخه هي شوفه بس يشوفك وعلى طول تطلعين
الجوهره بضحك:اخخ العنود تستهبلين لا لازم يقعدون مع بعض ويصورون
العنود:يوه التصوير عادي بس يسولفون؟؟اجل يحق لك تنمغصين
نوره تقدمت تحضن لين وتنطق:اوووف اختتتي متتتى كبببرررتي!!
دمعوا البنات ونوره ضحكت تنطق:خلاص بنات شدعوه تراها شوفه باقي مب زواج
صبا:مجنونات حنا وربي
ضحكوا كلهم ووصلو الميكب ارتست والهير ستايل
وخلصوا كل البنات وتجهزوا
نزل تُركي يدور امه
تُركي شاف العنود اخته ونطق: ياحلوو اختي بسم الله عليك باقيلك العريس
العنود: كان كل شيء تمام إلا العريس مابيه خله لجوان
تُركي بضحك: ليه بيجيها عريس
العنود: واضح قريب بتعرف مين هو
تُركي ببتسامه: وين امي
العنود: عند الحريم
تركي: روحي.. ماكمل كلامه إلا وطلعت له لين وناظرها بكامل زينتها وشعرها اللي خلته ويفي وفستانها الضيق ومن تحت مفتوح شوي ولونه ازرق وهو انبهر بجمالها وأناقتها
العنود: اشوفك نسيت امي
تركي كان وده يحضنها بس اخته موجوده ونطق: العنود بكلم لين اذلفي روحي نادي امي
لين فتحت عيونها بصدمه فهمت عليه ونطقت له بهمس: قسم بالله اذبحك
تركي ضحك وكذب عليها: بكلمك بموضوع صار
العنود: وش هالموضوع بعرف
تركي: مالك دخل روحي نادي امي
لين: العنود تكفين لا تتركيني معه
العنود: ليه ماراح ياكلك قال بيكلمك بموضوع
لين: كذاب العنود ، وجاء تركي غطى فمها بيدها واشر لـ العنود اخته تروح
لين: وش الموضوع قول لي بروح عند الحريم اخلص
تركي قرب منها وهمس: شهالزين بسم الله عليك
وبعد شوي عنها وتذكر كلمات اغنيه ونطق: عذبيني ياحلو منك العذاب ياحلو تجريح قلبي والنوى..
ابتسمت لين وابتسم لها تركي بعد شوي عنها وقال: متى متى الزواج عذبتيني بجمالك
لين بصدمه:شقصدك
تركي بضحك: ابي زواجنا يجي بسرعة
لين فتحت عيونها بخجل ونطقت: جبب
تركي: لبى اللي يستحي احبك ورب البيت احبك
لين ابتسمت بخجل وسكتت
وجات العنود مع امها شافت اخوها تركي مقرب منها مرا ونطقت: هذا موضوعك ياللي ماتستحي طاردني عشان كذا
تركي بعد عنها بسرعة وحط يده على الجدار وتخصر بيده الثانيه ونطق: هلا يُمه ، وحب راسها
المها: تركي باقي مو حلالك ليه
تركي: ماسويت شيء يُمه بس قربت منها
المها: تضحك على مين ادخل بس ادخل، لين كانت ودها الارض تنشق وتبلعها
ألمها: لين ليه خليتيه يالين
لين بتوتر: ماسوا شيء كان بيسوي بس ماخليته
المها: بصدقك لاني اثق فيك أنا بروح أشوف وش يبي وترا بعد شوي بنبدأ خليك جاهزه
لين: من عيوني
المها: ابوووس عيووونك ياشيخه
ابتسمت لها لين وبغت تروح بس مسكتها العنود ونطقت: وربي الحين تقولين لي
لين: وش اقولك؟
العنود: سوي شيء!!
لين تمثل انها مصدومه ونطقت: لا لا ماراح يسويها وحتى لو فكر فيها ماخليه
العنود: متأكده؟
لين: اي
العنود: واضح قبل ماروح ترى شفتكم وصورتكم برضو خقيت عليكم
لين بصدمه: احلفي
العنود بضحك: امزززح
لين بضحك:معتوووهه
العنود:برسل له بشوف وش يقول
لين بضحك: يلا ارسلي اشوف وش يقول تكفين
العنود دخلت الواتس ترسله وشاف اشعار من اخته وبغا يفتح جواله يشوف إلا وجت المها ونطقت: لا اشوفك مقرب منها هالكثر باقي مو حلالك حرام تركي
تركي: اسف يُمه ابشري
المها: وش تبي العنود ازعجتني مليون مره قالت تركي يبيك
تركي بضحك:لا ولا شي شكلها حلمانه
المها:مجانين
وراحت
فتح رسالة العنود المكتوب فيها:
"صورتكم انت ولين 🤣😭😭"
تركي:تستهبلين!
العنود:لا شدعوه استهبل
تركي:اساساً ليه تطالعين أنا قلت لك روحي!!وفوقها تصورين ليه احترمي طيب قلنا ميانه بس مب لدرجة تصورينا وتطااالعينن
العنود سجلت صوت تتكلم فيه:ياتراب هد لا يطق لك عرق ماصورتكم وولا طالعت هذي لين جنبي نبي نشوف ردة فعلك
ضربتها لين ونطقت:ليه تقولين له اني بشوف ردة فعله!
العنود:دزيها انتي وهو عادي ترى
شافت رساله تركي المكتوب فيها:
"الله يعيني عليكم بس ههههههههههههههههههههههههه"
العنود:دزها خلني اروح عند الحريم ابرك
تركي:قولي لـ لين تتجهز ها؟
العنود:تم..
تفاعلكم
البارتات الجايه احلى ❤️🔥❤️🔥❤️🔥❤️🔥
انستا
j8e2i
تيك
j.i1x_
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
