محبة لـيـن ذربة من القلب تكساك محبة لين صدق الهوى

part 37

الساعة ٨:١١ الصبح
الكل جلس نايم ماعاد رواف اللي ماقدر ينام وخايف على حبيبة القلب وجلس بغرفته يقلب بجواله
وجوان كانت بالحديقة تفكر
-
محمد ابو الماس قدر انه يهرب من السجن وركب سيارته متجه لبيتهم وكان كل اللي بباله يخطف الماس عشانها صفقته كف ويتوعد فيها اما باقي بناته يفكر بخطة ثانية وياخذهم كلهم
صحى سليمان بتعب ومو قادر ينسى وفاة امه وطاح على ركبه يبكي بصمت وجلس سليمان على ذا الحال وماقام من القهر اللي حاس فيه
ودخلت جوان وشافت سليمان وخافت وقربت ونطقت: سلومي
سليمان ناظرها بتعب وبعيون باكيه ونطق: عيوني شفيك صاحيه
ناظرت عيونه جوان وحضنته وبادلها الحين وبكى زيادة بدون مايطلع صوت وحست فيه جوان ودمعت على حال حبيبها وخطيبها وكُل شيء بالنسبه لها وهمست له: سلوم تجي معي لغرفتي
سليمان قام ومد يده لها ومسكت يده ومشوا اتجهوا لغرفة جوان ودخل ودخلت معه وقفلت الباب وراحت تفرش أسنانها ورجعت تشوف سليمان انسدح بسريرها وراحت تنام معه وناظرها ونطق: جوان
جوان: لبيه ياقلبها
سليمان: يمدي انام بحضنك
جوان قربت منه وقام سليمان ونام بحضنها ونام على طول بعد تعب ولعبت بشعره ولامست يدينه ووجهه وغطته بلحافها ونامت معه..
-
-عند أبطالنا-
لين كانت بالحمام تشوف بطنها كيف بدأ يكبر وهي فرحانه وخايفه من الولاده بنفس الوقت
وتركي كان جالس بالعربيه
قام تركي واستغرب انه ماحس ف الم ولا شيء وانبسط وحس انه رجله تشافت ورجله ماعاد صارت مكسوره
وطلعت لين ناظرته قايم وصارخت ونطقت: يتبنن رجلك بتعورك
ضحك تركي ومد يدينه لها واستوعبت لين وركضت تحضنه وبادلها تركي الحضن
تركي: لا عاد تركضين هالمره بمشيها لك
لين: ماراح يصير شيء شادها انت
تركي: الا بيصير اسكتي ولا تركضين
لين: سم
تركي: المهم
لين: وش
تركي: ف الشهر كم انتِ
لين: ماتدري أنا ف الشهر كم
تركي: مع الحادث والتعب راح عن بالي احسب كم شهر مر
لين: بعذرك هالمره المهم لي شهرين
تركي بفرحة: باقي شهر ونروح نشوف وشو بنت ولا ولد
لين وهي بحضنه جالسه: لو طلعت بنت عادي
تركي: طبعاً عادي بنت ولا ولد اللي يجي من الله حياه اهم شيء بخير وحب عمري تطلع بخير وبالسلامة
لين ابتسمت له ونطقت: احبك
تركي باس مبسمها وقبلها بكل حُب وبكل شوق لها
-
محمد وصل لبيتهم وقدر يدخل بدون محد يحس والكل كان نايم ماعاد رواف بغرفته
وتركي لين بغرفتهم..
دخل محمد يدور غرفة الماس من بين الغرف ويحاول مايطلع صوت
ودعس دبدوب بالغلط والدبدوب حق لورين ويطلع صوت
- نرجع عند أبطالنا -
لين: سمعت صوت
تركي: صوت الدبدوب حق لورين تعرفينها ترمي ألعابها بالبيت
لين: اي بس مين صاحي الكل نايم
تركي قام وفتح الباب يشوف مين صحى وتخبي محمد ورجع تركي وقفل الباب
تركي: ليني مافيه احد صاحي
لين: غريب الحين قول لي كيف رجلك ماعاد تحس ف الم؟
تركي: لا يعيوني بخير صرت
لين: جعله بضلوعي عنك
تركي: ماسمععع؟
لين: اقصد بعدوينك
تركي: ادب
لين: يلا تعال ننام
تركي: يلا تعالي بحضني
تقدمت لين وطفت اللمبه وشغلتها بنفس الوقت
تركي: شفيك
لين: بروح اجيب مويا عطشانه تبي؟
تركي: أنا بجيب خليك
لين: لا عادي بجيب أنا
تركي: لا انتي بتركضين
لين: لا والله بمشي عادي تكفى
تركي: يلا بس جيبي بارده
لين: تم
راحت لين للمطبخ وفتحت الثلاجة واخذت ٢ مويا لها ولتركي ولمحت في شخص وهمست بينها وبين نفسها: يمه شكلي أتوهم وراحت لين رجعت لغرفتها وقفلت الباب برعب
تركي: شفيك بسم الله عليك
لين: والله لمحت في شخص
تركي: تعالي قاعده تتوهمين
لين: مدري والله
فتح يدينه لها وتقدمت لين بحضنه وشربوا المويا وطفوا اللمبه وناموا أبطالنا ..
محمد شاف غرفة مفتوحه وشاف الماس وعرف انها هي ودخل عليها وغطي فمها وقامت إلماس مفجوعه وتناظره وبغت تصارخ بس ماقدرت لانه مغطي فمها
محمد بهمس: تحسبيني بطوف الكف اللي جاني منك والله اربيك
مسكها بقوه وسحبها برا غرفتها وكانت تدعي احد يطلع ويشوفها معه قبل لا ياخذها وتبكي
وسحبها وركبها السيارة ودفها بقوه وركب يسوق بسرعة جنونيه
-
قام رواف يتطمن على الماس وشاف باب غرفتها مفتوحه ودخل وناداها وماردت عليه وطق باب الحمام "الله يكرمكم"
ومافي اي رد وفتح باب الحمام ومالقاها وطلع برا الغرفه يدورها ويصحي البنات ويسألهم
رواف: صبا قومي وين اختك
صبا قامت وفتحت الباب ونطقت: بغرفتها شفيك
رواف: مالقيتها لقيت الباب مفتوح ودورتها بالحديقة وبكل مكان مالقيتها
صبا بخوف: وين راحت ذي تعال ندورها بالدور الثاني
تقدم رواف مع اخت الماس يدورونها ولكن للاسف مالقوها
صبا بشك: ليكون طلع من السجن وخطفها
رواف بتوتر: مين
صبا: مين غيره ابوي
رواف: لا لا الله لا يقولها ذا محكوم عليه اعدام واليوم نروح عشان نشهد ويسألونكم إذا بتسامحون ابوكم ولا لا!
صبا بضيق وخوف على اختها: ذا مريض نفسي يقدر يهرب من السجن ومجرم
رواف طلع لغرفته وغير لبسه وطلع برا البيت
صبا بصراخ: وين بتروح
رواف: ادورهاااا
ركب سيارته رواف وبلغ عشان الماس مو ف البيت وجلس يدورها
-
صبا ببكى وصراخ: قومووا الكل يقوم يشوف لي اختي وينها تكفون
طلع الجد متعب من غرفته ونطق: شفيك يابنتي
صبا ببكى: الماس مو موجوده ياجدي
الجد متعب: كيف مو موجوده تلقونها بالحديقه
صبا: لاا دورناها بكل مكان اكيد خطفها اكيد
الجد متعب بصراخ: ياعيال قوموا
قام فيصل وسعود وباقي العيال
فيصل: اشفيي
الجد متعب: الماس مو موجوده بسرعه قوموا بدلوا معي يلااا
ركض فيصل ولحقته العنوود يغير لبسه تنطق برجفه: فيصل
فيصل: شفيك ترجفين
العنود: تتوقع خذاها بيسوي فيها شيء نفس امها يعني يقتلها
مسك يدينها ونطق: لا بسم الله عليها لا تقولين كذا يخسي يسويها اهدي لا ترجفين بدخل اغير لبسي الحين واطلع معهم ونلقاها بإذن الله ماراح يروح الزفت مكان
العنود: طيب يلا استعجل
دخل فيصل لغرفته وفرش اسنانه على السريع وغير لبسه وطلع
العنود: وطمني تكفى فيصل
فيصل باس خدها وركض وهو ينطق: ابشري
وطلع ورا العيال مع الجد متعب يدورونها
الجد متعب: واحد منكم يدق على رواف ماهو موجود بعد
فيصل بخوف: وش ذا كلهم مو موجودين
الجد متعب بصراخ: دقق
طلع جواله ودق على رواف وبعد مده رد ومد الجوال للجد متعب
الجد متعب: وينك انت
رواف: ادورها
الجد متعب: مالقيتها؟
رواف: لا
الجد متعب: كمل دورها احنا طلعنا وراك
قفل رواف ورمى جواله بقوه وبقهرعلى الماس ويدعي انه مايصيرلها شيء ووقف بمحطه يعبي بانزين
رواف: استعججلل
دفع رواف وساق بسرعه يكمل يدور على الماس
-
قاموا الحريم ببكاء على الماس ويدعون انه مايصيرلها شيء ويهدون بعض
المها: خلاص بسم الله عليها ماراح يصيرلها شيء ادعوا لها وان شاءالله يلقونها وبعد رواف قال انه بلغ
جلسوا الكل يدعي لالماس يرجعها بالسلامة ويبكون
-
رواف تذكر انه عنده رقم محمد ودق عليه ومارد
ودق للمره الثانية وناظرت الماس انه في رقم بس مو مسجل
ومحمد برا وحابسها بالسيارة وبعد مده قدرت تسحب الجوال الماس وترد ببكى: مين
رواف: المااس وينكك وينك
الماس: روافف كنت عارفه ماراح تخليني تكفى مدري ويني بمكان يخوف تكفى رواف لا تخليه يسوي فيني شيء لا تتركني
رواف: انتي بوجهي والله ماخليه يأذيك ارسليلي اللوكيشن ولا شوفي وش في قريب منك بقاله محل سريع
الماس: اعرف رمز جواله برسلك اللوكيشن وبحذف ادخل الواتس
رواف: يلا سريع
فتحت جوال ابوها بصعوبة ورسلتله اللوكيشن وحذفت المحادثات وجاء ابوها وخبت الجوال بتوتر وركب
محمد: وش تبيني اسوي فيك مثل ماسويت ف امك
الماس: تدري انك مريض؟ الحين صدق انت اب! قتلت امي بكل برود ياظالم ياويلك من الله ياوصخ
لف محمد عليها بقوه وعطاها كف بقوه وشد شعرها ونطق: مين الوصخ
الماس بكت وسكتت
محمد: مين الوصخ اخلصي
طنشته الماس بخوف وبكى وكمل يضربها الين أغمى عليها من ضربه لها وقساوته
وصل رواف ووقف السيارة بقوه وناظر سياره واقفه ونزل وشاف محمد وتضارب معه
رواف بعصبيه: وين الماس
محمد بنكران: مو معي ماخذيتها
رواف بصراخ: اقولك الماس وين
فتح جواله رواف ودق على الشرطه وبعد مده وصلت الشرطه واخذوه وفتح رواف سيارة ولقاها مغمي عليها والدم يسيح من راسها وخشمها وشالها متجهين للمستشفى وهو يرجف ويدعي
-
الجد متعب بحسره وقهر: وينها وين بنتي وين
سند: بنلقاها ياجدي اصبر لا تفقد الامل
الجد متعب: دق على رواف
دق سند على رواف وبعد مده رد ونطق: هلا سنود هلا
سند: شصار معك
رواف: لقيتها ومتجه للمستشفى
سند: ومحمد وينه
رواف: اخذوه الشرطه
سند: هي معك الحين
رواف: ايه ووصلت مستشفى **** تعالوا
سند قفل ونطق: لقاها وأخذها لمستشفى **** فصول اسرع
فيصل سرع متجهين للمستشفى اللي رايحين فيه رواف
بعد مده وصل رواف وهو شايلها ويطلب المساعدة واخذوها والدمعه بعين رواف خايف يخسرها وينكسر ظهره فيها
بعد مرور ساعة ونص .. طلعت الدكتوره
الدكتوره اسمها Daisy "اجنبيه"
Daisy: What happened to her?
رواف: ?Is she okay, doctor
Daisy: Yes, don't worry.
رواف: ?Can I see her now
مشت الدكتوره متجهه تطلع ونطقت: yes, but you have to wait
هز راسه رواف وانتظر شوي ورجعت الدكتوره داخل لعند الماس وشافتها صحت وطلعت ونطقت لرواف: Okay now you can see her
رواف دخل لعندها وناظرها وهمس: الماس
ناظرته ألماس ومدت يدها له واتجه لعندها ومسك يدها ونطق: شلونك الحين
الماس: بخير لو مارجعت لعنده
رواف: وعد والله ماياخذك مره ثانية ولا يضرك بس قوليلي شسوا فيك
الماس ببكى: جلس يضربني بس وراسي يعورني
باس راسها رواف ونطق: جعله فيني ولا فيك
الماس: بسم الله عليك يزق بعيد الشر
رواف: شلونك الحين طمنيني كيف تحسين بخير ؟
الماس: اي الحمدلله بس خلك معي
رواف: من عيوني
الماس: متى بطلع
رواف: مادري ماقالوا إذا بتطلعين ولا تجلسين نشوف بعد شوي ولو قالوا تجلسين راح تجلسين لين تطيبين
الماس: مابي ياكرهي للمستشفيات رجعني البيت
رواف: لا اصبري خليك ماراح تطلعين
غمضت عيونها الماس ونطق: شفيك يعورك شيء؟
الماس: اي راسي واحس بكتمه
نادى الدكتوره رواف وقالها اللي حست فيه وحطت لها اكسجين
ومسح رواف على شعرها بحنيه وبكل حُب لها وجلس يناظرها
الماس: شفيك تناظرني كذا وخر عيونك لا افقعها لك
رواف بضحك: اشتقت اتهاوش معك واحارشك
الماس: مافيني انتف شعرك خلني اقوم بس واقطعه لك قليل ادب
رواف بضحك: فداك شعري وكلي
ألماس ابتسمت له ولفت وجهها ورجع لف وجهها وفك الاكسجين وباس مبسمها على السريع ورجع لها الأكسجين ونطق بضحك: مايحتاج الاكسجين كذا خلاص رجعتي تتنفسين زين والكتمه راحت
الماس: قسم بالله لا اوريك بس خلني ارجع البيت والله لا اذبحك
رواف بضحك: لا خلاص توبه
الماس: انطم
رواف بضحك: ابشري ، تقدرين قومي
قامت الماس وعدل لها المخده تتكي عليها ومسكت شعره تشده الماس كـ العادة سلاحها الوحيد والبسيط هو الشعر😭😭
-
رواف بكذب وضحك: الدكتورههه جتتت
فكت يدها سريع وناظرت مافي احد وعطته كف خفيف وضحك عليها
رواف: بعدي شوي
الماس: تبي تجلس جنبي صح احلم خلك واقف عقاب
رواف: عشاني ظهري والله يعورني من الوقفه بعدي شوي
الماس بعناد: ماافي
دق جواله رواف وناظر فيصل وبعد مده رد ونطق: هلا فصول
فيصل: وينك ف اي غرفه
رواف: ١٠٩
فيصل: يلا جايين
قفل رواف ونطقت الماس: مين
رواف: فصول
الماس: بيجون؟
رواف: اي
جلس رواف ف الارض ينتظرهم وناظرته الماس ونطقت: خلاص رحمتك تعال اجلس جنبي
رواف: غصب عنك جلست ف الارض عشان تقولين تعال وخري سريع
الماس: صدق انك مطيري نذل أوريك اعلمك النذاله بعدين
رواف قام وجلس جنبها ونطق بضحك: محد يقدر علي أنا ونذالتي
الماس: اقول اسكت ولا تسوي شيء الحين بيجون
رواف قرب منها بعناد
الماس: فيييصل
رواف بعد وناظر مافي احد جاء ونطق: مسويه تردينها فيني طيب يالسوسه
ضحكت الماس ودخل فيصل والجد متعب والعيال كلهم
الجد متعب تقدم ومسك يدها: كيفك يابنتي
إلماس بغصه: بخير ياجدي
الجد متعب ناظر رواف وضربه على راسه ونطق: قوممم محشور جنبها ياللي ماتستحي قومم
قام رواف وضحك ونطق: راسي ابيه طيب
الماس: اي بالله ياجدي صفقه زيادة برد قلبي فيه
تقدم رواف بخبث وهمس لجده: لو تحبني وتعتبرني حفيدك اسألها إذا موافقه علي
الجد متعب بضحك: ماسألتك
الماس: وش همس لك ياجدي لا تصدقه
الجد متعب بضحك: موافقه على رواف
الماس: لاا
رواف بخبث: جدي والله كذابه لسه قريب قبل كم يوم قالت انها تحبني يعني موافقه بس تكابر ماعليك منها
الجد متعب: اح صدق قلتي له
الماس بتوتر: كنت اسلك له ياجدي
رواف بخبث: كذابه شوفها كيف توترت
الجد متعب: خلاص فليتها اسكت
رواف بضحك: سم
فيصل: شلونك الماس
الماس: الحمدلله
تقدموا العيال يسألونها كيف حالها وهي ترد بـ "الحمدلله أنا بخير"
وجلسوا معها وسولفوا مع بعض ونسوها وفاة امها وواسوها
دخل سليمان وناظر اخته ونطق: جعله فيني ياعيون اخوك
الماس: بعيد الشر عنك يخويي ماعليك لا تتضايق مافيني شيء الحين والله بخير
سليمان: مد يده الوصخ صح لكن أنا اربيه
الجد متعب: لا تسب ابوك
سليمان بعصبيه: ماهو ابوي ولا يستاهل يكون اب قتل امي وضرب اختي بعنف يخسى يكون ابوي وعساه بالموت
سكت الجد متعب بقل حيله وحزن على احفاده وعلى وفاة هيوفه ومانطق شيء
رواف بهمس: سلوم خلاص اهدأ لا تعصب هنا وابوك محكوم عليه اعدام والكل بيحضر ..
سليمان تضايق وسكت ومسك يد اخته الماس وشد عليها وباس راسها ونطق: والله بعد وفاة امي بعيوني أخليكم انتِ وباقي اخواتي لا تشيلون هم الدنيا حطوا همكم كله على كتفي وأشيله أنا يعين اخوك
ناظرته إلماس وتقدم تحضنه وبادلها الحضن وابتسم ..
رواف بمزح عشان يضحكهم: لو سمحت وخر عن زوجتي المستقبلية اغار
سلوم ناظره ونطق رواف بضحك: امزح كمل حضنك لها
ضحكوا الكل عليهم وانبسط رواف انهم ضحكوا وضحك معهم
الماس بضحك: ماعليك منه ثقيل دم
رواف: لو ثقيل دم ماضحكتي
الماس: اقول اذلف
غمز لها رواف وناظرته وتهدده بالاشاره بيدها وهو يضحك عليها
بعد مده دخلت الدكتوره وقالت انها تقدر تطلع الماس وانبسطت الماس وقامت ولبست عبايتها وطلعوا الكل مع بعض
سليمان: شوي شوي امشي
الماس: ماعليك أنا بخير بس تكفى لا يرجع ياخذني
سليمان: علي بالحرام ماياخذك لا تخافين وبتنامين معي بغرفتي
رواف بمزح: لا بغرفتي
سليمان: شكلك تبي تتصفق انت
رواف بضحك: لا والله امزح
الماس بضحك: يمزح معك طنشه
فتح جواله رواف وناظر رسايل تركي ورد عليه
وتقدموا الكل وطلعوا برا المستشفى وركبوا السيارات متجهين للبيت
-
-عند أبطالنا-
لين: مارجعت الماس للحين
تركي: لقاها رواف وراجعين الحين كلمني ف الواتس
لين بفرحه: صدق؟
تركي: ايه
لين: يعني مافيها شيء
تركي: كدمات خفيفه من الضرب
لين بعصبيه: جعل يده الكسر
تركي بضحك: واه يحلوك وانتِ معصبه وكرشتك النتفه طالعه
لين: كلزق مو كرشتي ذي بنتك مدري ولدك اه ياخوفي يخرب جسمي بصيح
تركي بضحك: ماعليك حتى لو خرب جسمك ابيك
لين: كلزقق ماراح يخرب لو خرب صفقتك انت واللي ف بطني
ضحكت لين على كلامها وضحك تركي معها وتقدم وباس بطنها
لين: اشوفك تبوسه كثير تراك اشغلتنا
تركي بضحك: ليه غرتي
لين: أنا اغار؟ من زينكم وخر عني
سحبها من خصرها وباس مبسمها ونطق: ها للحين تغارين
لين: ماغار نشوف انت لما يكون بحضني شيصير
تركي: منجدك اغار من بزر؟ لا مستحيل
لين: واضح نشوف خلني اولد بس
-
وصلوا العيال والماس وتطمنوا على الماس وانبسطوا انها بخير ويتحمدون لها بالسلامه وعدموا الاب "محمد" بحكم انه قتل امهم وتوفى ودفنوه ..
-
"تسريع احداث بعد مرور ٦ اشهر"..
لين: اهخ يابطني ثقيله ثقيله مقدر بنات ليتني ماتزوجت حسبي الله على تركي
العنود بضحك: وقلبسسس بنات شوفوا بطنها وهي منفوخه لا وبعد قصيره شوفوا الكياته
الماس بضحك: هاتي هاتي جوالي اصورها
لين: تطقطقون انتوا ووجوهكم نهايتكم بتحملون والله اخذكم محتوى ياوصخات هذا بدال ماتساعدوني
العنود بضحك: بالله لينو نساعدك بوشو
ساره: خليها الخبله طنشيها
لين: طيب بيجيكم يوم بتأكلون خرا فيه اوريكم خلوني اقوم اصحي تركي يذلف للدوام
لين كانت منفسه من اثار الحمل ومو طايقه نفسها وطلعت للدرج لغرفتها
العنود بصراخ: انتبهي اطلعي بشويش
طنشتها لين وطلعت وفتحت الباب ونطقت: قوم انت الثاني لا افجر فيك
تركي بنعاس: انتبهي تطفين المكيف
تقدمت لين تطفي المكيف ونطقت: قوم وراك دوام اذلف للشركه افتك منك قوم
طنشها تركي وكمل نومه ودخلت للحمام لين "الله يكرمكم" وطلعت تجهز له ملابسه وعطرتهم له
لين بصراخ: قووووم
تقدمت تسحب اللحاف على تركي
تركي: خليني انام بس ساعه
لين: بتقوم ولا افجر الغرفه فيك
تركي بضحك: خلاص بقوم روحي
لين: الحين قدامي تذلف للحمام اخلص
قام تركي وباسها ونطقت: وخر عني
تركي: افا ليني افا
لين ببكى: نفسيتي خرا من الحمل وخر عني أنا ليه تزوجت وحملت
حضنها تركي ونطق: ليني لا تقولين كذا تزعليني
لين: تعب والله تعب احس بثقل والله
باس راسها وبعد ومسح دموعها ونطق: وش تبين اسوي لك من عيوني بس لا تبكين وتنزل دموعك يويلك
لين: متى اولد وافتك من هالثقل والله ماحمل مره ثانية تحلم تحلم
تركي بضحك: خلاص ابشري مايصير بخاطرك الا اللي تبينه وهانت باقي شهر بس شهر اصبري وتولدين ولك عيوني
لين ابتسمت له ونطقت: خلاص روح للحمام والبس عشان تداوم
تركي: بوسيني واروح
تقدمت لين وباسته ونطق: خلاص يعني مو زعلانه اروح للشركة وانا متطمن ؟
لين: اي ماعليك
تركي: احلفي
لين بضحك: والله يلا روح
تركي: والله ايش؟
لين ببتسامه: والله مو زعلانه
دخل تركي للحمام "الله يكرمكم" وفرش اسنانه وتروش وخلص ولف المنشفه على خصره وطلع وناظر جواله
لين: تبي فطور
تركي كان جوعان بس مايبي يتعبها زيادة بحكم انها حامل ونطق: لا يعيوني بفطر برا
لين: لا ليه برا أنا بروح اسويلك
تركي: لا لا تسوين ارتاحي معليك ماراح افطر الحين مالي نفس
لين: متأكد؟
تركي: اي
لين: احلف مو جوعان
تركي بكذب عشان مايتعبها ولا يبيها تتعب: والله
تقدمت لين تطلع وهمس بينه وبين نفسه: استغفرالله يارب سامحني مابي هالخبله تتعب
عطر نفسه تركي ومشط شعره وطلع برا وسلم على البنات: سلام عليكم
البنات: وعليكم السلام
ناظر لين تبي تنزل من الدرج ببطيء وضحك وتقدم لها وشالها ونزلها
لين: ماعندي رجول يعني
تركي بضحك: اخاف ماتشوفين من كبر بطنك
لين بضحك: كلزق روح للشركة لا اصفقكك
تركي بضحك: ابشري
ضحكوا البنات عليهم
-
تقدم تركي لغرفة فيصل وطق الباب ودخل ونطق: اجهز يلا
فيصل: وين
تركي: للمريخ وين يعني بالله للشركة
فيصل: والله مافيني روح وحدك أنا عندي قضيه أحلها
تقدم تركي ومسكه من تيشيرته ونطق: بتجي ولا ادفنك هنا
مشعل بصراخ: يعيال
تركي: هلا عمي
تركي: بشوفه واجيك لو جيت وانت مو جاهز صدقني بنحرك
دفه تركي وفيصل تغطي باللحاف وغطي وجهه
تركي: هلا
مشعل: يلا سريع كل واحد لشغله
تركي: سم ياعم بس باخذ فيصل معي
مشعل: معه قضيه
تركي: مالي دخل والله ماروح وحدي
مشعل: أنا بجي معك يلا
تركي: لا لاا مايحتاج تتعب ارتاح أنا بسحب الزق طرق
تقدم تركي مره ثانية لغرفة فيصل ونطق بصراخ: فيصل
فيصل: نعم
تركي: نعامه ترفسك ان شاءالله قوم
فيصل: ماقدر
تركي تقدم يسحب اللحاف من وجهه: بتقوم ولا اذبحك
فيصل: بعد ماخلص القضيه واجيك
تركي: قوم الااان خلصها وتعال
فيصل قام وتجهز ولبس لبسه وتعطر وطلع يركض
تركي بصراخ: قسم بالله لو ماجيت للشركة لا اربيك
فيصل: تعقب تربيني
تركي بعصبيه: فيصل
فيصل بضحك: خلاص تمام بجيك ماعليك
تركي تقدم يطلع وركب سيارته متجه للشركة ويكمل شغله
جاه اتصال من السكرتيرة وناظر تركي ورد: هلا
السكرتيرة خلود: بقولك شيء بس لا تعصب
تركي: وش مهببه وش ضيعتي بعد
خلود: الملف اللي تبيه مالقيته
تركي: تستهبلين أنا خليتك سكرتيرتي عشان تضيعين اغراضي ماهي حاله ترى كل شوي تضيعين شيء
خلود: والله حطيته فوق الطاوله وتوي دخلت مكتبك بشوفه مالقيته
تركي: وليه تحطينه فوق الطاوله انتِ عارفه انه هالملف فيه اوراق مهمه اوصل للشركة القاه موجود لو سمحتي دوريه واسألي الموظفين لو احد شافه
خلود: تمام
قفل تركي ونطق وهو منفس: يالله صباح خير بس
بعد مده وصل تركي ووقف سيارته ودخل وسلم على الموجودين
تركي: تلعبون انتوا بسرعه كل واحد على شغله
محمد: خذ ذي الاوراق مخلصها من بدري ويبيلها توقيعك
اخذها تركي ونطق: تعال بعد ساعة لمكتبي
توجه تركي ودخل للمكتب وبدأ بشغله وجاه اتصال وناظر وكان مكتوب عليه "my everything ❤️❤️"
ورد ونطق: هلا عيوني
لين: تحبني صح
تركي: اعشقكك بس ليه وش مهببه انتِ الثانية
لين بضحك: بقولك شيء
تركي: قولي ياليني قولي
لين: دقت علي خلود وقالت مالقت الملف انتبه تعصب ركز على قولونك حرام عليك البنت تخاف منك
تركي: يصير خير
لين: عشاني؟ دوره انت بدون عصبيه
تركي: من عيوني خلاص تمام
لين: احلف
تركي: والله
لين: يلا انتبه لنفسك
تركي: وانتي بعد ونامي لا تسهرين خليني ارجع من الدوام والقاك سهرانه ياويلك
لين: بعد شوي وانام
تركي: تمام يلا ف امان الله
قفل تركي من لين وقام يدور الملف ونادى خلود ودخلت خلود للمكتب
خلود: سم
تركي: اسأليهم مين شافه ابيه ضروري
خلود: تمام ابشر
نزلت خلود لتحت وسألت كل الموظفين عن الملف
محمد: تعالي
خلود تقدمت له ونطقت: وش
محمد: تقصدين ذا
شافته ونطقت براحه: اي أنقذتني الله يسعدك
وركضت خلود لمكتب تركي وضحك عليها محمد
طقت الباب
تركي: تفضل
دخلت خلود ونطقت: هذا هو
تركي: وين كان
خلود: مع محمد
تركي: وش يسوي معه ذا
خلود: والله مدري
تركي: اسمعي راقبيه بدون لا يحس اي شيء يسويه كلميني ذا مسوي شيء اكيد ليه اخذ الملف واصلاً متى دخل مكتبي بدون لا تشوفينه انتِ
خلود: مادري والله أنا حطيت الملف فوق طاولتك وطلعت على طول
تركي: المهم انتي راقبيه وبس لو اكتشفتي شيء تعالي قوليلي بدون لا تكلمينه وبدون لا يحس انتبهي
خلود: ابشر
تركي: يلا تفضلي كملي شغلك
تقدمت خلود وطلعت وقفلت الباب وبدأ الكل يشتغل بشغله
وبعد مرور ٤ ساعات ناظر تركي الساعة ودق على فيصل وبعد مده رد
فيصل: هلا
تركي: خلصت؟
فيصل بكذب عشان لا يجي للشركة: لا
تركي: عارف انك كذاب والله لو ماجيت اليوم موتك على يدي
فيصل: ياخي خلني بشغلي مابي اجي والله تعب
تركي: أنا قلتلك لو ماجيت موتك اليوم على يدي
فيصل: يالليل خلاص وجع بجي الحين انقلع
تركي: اخلص ولا تطول عندنا شغل مهم وابيك تساعدني
فيصل: طيب خلاص مع السلامه
قفل تركي من فيصل واخذ بريك علبال يوصل فيصل
-
-عند عائلة ال فهاد-
بهاج: يُمه
معالي: هلا بهوج جيت من دوامك
بهاج: ايه وجوعااان بالحيل الغداء جاهز؟
معالي: ايه باقيله شوي ويجهز روح بدل
بهاج: يلا ببدل واجيكم
طلع بهاج لغرفته وبدل لبسه ولبس بجامته ونزل
شادن: بهوج كم حماسك لزواجك من ١٠
بهاج: مايبيلها سؤال أكيد مليون من مليون مو من ١٠
شادن بضحك: خفيف صير ثقيل
بهاج بضحك: عند ساره؟ ماقدر مستحيل
ضحكوا عليه خواته واخوه وتقدموا يجهزون الغداء
تاضي: واحد فيكم يجيب بيبسي
قام بهاج ونطق: بجيب أنا بس لاحد يأكل
شادن: حتى لو اكلنا تراه بنبقي لك
بهاج: لا مالي اكل وحدي لاحد يأكل
شادن بضحك: خلاص تمام روح وتعال
معالي: اذلف أنا بأكل عشان أدويتي
بهاج: انتِ يُمه بالعافيه بس الباقي لا
تقدم بهاج للبقاله واشترى بيبسي ودفع وخلص ورجع للبيت وبدأ يأكل مع خواته واخوه ويسولفون..
-
عند - فيصل -
تقدم فيصل يطلع لسيارته متجه للشركة وسرع وشغل اغاني وبدأ يدخن وينفثه وصور محتوى للستريك ورسله ..
-
-عند البنات-
العنود: لييييين
لين: وصمه وجع أذني لا تصارخين
العنود: شرأيك نتغدا برا بدال مايطبخون الشغالات
لين: والله مافيني ماتشوفين بطني يلا أنا أقوم للغرفه اطلع اتغدا اطلبي من مرسول اريح لي
العنود: ياغبيه قومي نتمشى واصلاً حلو لك المشي وانتِ حامل
لين: مافيني مافيني وخري عني
العنود: لين تبين كف ترى انتِ ف الشهر الثامن بلا دلع
لين: العنود
العنود: لبيه
لين: ممكن تنقلعين
العنود: اذلفي أنا بطلع اجيب غدا وارجع
لين: لا تتأخرين
العنود: عطيني مفتاح سيارة تركي الثانية
لين: روحي تلقينه بالغرفه
طلعت العنود للغرفه تدور المفتاح ولقته ودخلت غرفتها ولبست عبايتها وطلعت وركبت السيارة وبدأت تسوق متجهه للمطعم تشتري غدا للكل ..
ساره: وين العنود الحيوانه اخذت سماعتي ومارجعتها
لين: راحت
ساره: وين ذلفت
لين: تجيب غدا
ساره: تمام
لين: تعالي تعالي
ساره: وشو
لين: الحين كيف يطاوعك قلبك
ساره: وش سويت
لين: زواجك بعد شهر وبكون بالشهر التاسع كيف ترضين اجي زواجك وانا بطني كذا كيف برقص بالله تستهبلين واخاف اولد
ساره بضحك: عاد دبري نفسك
لين مثلت الزعل: تكفين ساره خليها الين اولد عشان ارقص بزواجك واعرف ارقص عشاني
ساره: لعيونك تم بكلم بهاج
لين: احلفي
ساره بضحك: والله
لين: قربي ابوسك مافيني اقوم قربي سريع
تقدمت ساره وهي تضحك وباست خدها لين ونطقت: جعلني مانحرم ياشيخه
ساره: اجحديها
لين: لا ليش اجحدها اجليها تعالي اشجعك على ليلتك
ساره فتحت عيونها بصدمة ونطقت: كليتبن ياحيوانه على اساس انتِ كنتِ مستعده وشجاعه جلستي تبكين
لين: بس شفت الموضوع سهل الله يعينك انتِ
ساره بتوتر: لا تخوفيني ياوصخه
لين بخبث: بتشوفين الويل الله يعينك حبيبتي
ساره: حيوانه خلاص مابأجل زواجي
لين بضحك: لا لا خلاص امزح
وضحكت لين على تعابير وجه ساره وهي متوتره
وطلبت العنود الغدا ودفعت واستلمت طلبها وركبت السياره وبدأت تسوق متجهه للبيت ..
بعد مده وصلت العنود وجهزوا الغدا والمشروبات الغازيه
لين: أنا مالي نفس والله بالعافيه عليكم
العنود: تستهبلين
لين: كان لي نفس الحين لا معدتي قالبه فوق تحت
المها: فعايل الحمل معليك شوي وتأكلين
لين: اهخ ياعمه لما يجي ولدك اتفلي عليه تكفين
المها بضحك: ليش
لين: ماتوقعت الحمل كذا والله بطني ثقيله مو قادره اقوم ولا اعرف أتقلب لما انام ابداً ماخذ راحتي وكل شوي يرفس يعورر
ضحكوا عليها كلهم ونطقت المها بضحك: ابشري مابخليها بخاطرك بتفل عليه لما يرجع من الدوام
لين بضحك: قوليلي اجهز جوالي عشان اصور محتواي
المها بضحك: تم
العنود: إلا بسألك لينو
لين: هاا
العنود: مارحتي تشوفين ولد ولا بنت
لين: قسم بالله نسييييتتت خلاص بشوف اليوم بقوله نروح
العنود: غبيه انتِ
لين: بروح اليوم ومابقوله وبنسوي حفله بنفس اليوم واشتري اساور لون ازرق ووردي والكل يختار لون واحد شرأيكم؟ احلى فعاليه
العنود بحماس: تممم تعالي نجهز
تقدمت لين مع العنود بحماس وسحبوا على الغدا وجهزوا كل شيء البلالين والأساور اللي لونها ازرق ووردي عشان يختارون الكل
العنود بضحك: أشوفك تمشين وتتحركين الحين
لين: متحمله التعب والثقل اللي احس فيه لاني متحمسه انطمي وكملي
جووا العيال ودخلوا يشوفون التجهيزات
تركي: لوش ذا كله
لين: مالك دخل اطلع فوق وخذ شور وغير لبسك وانزل
تركي بضحك: للحين نفسيتك ماش
لين: لا روقت بتعرف ليش روقت يلا روح لفوق
العنود: تركي تعال اقولك وش بتسوي
ناظرتها لين بنظرات حقد وناظرتها العنود ونطقت بضحك: لا خلاص يمههه حتى نظراتها تغيرت بوقت الحمل
ضحكوا العيال
فيصل تقدم وجلس بنص الصاله ونطق: الغدااااا وينه الجوع الففف
العنود: قوم بدل طيب
فيصل: بأكل بالاول
تقدم تركي وسحبه من رجوله وطلع لفوق
فيصل: ياخرررا اترك رجولي بطلع اانااا
تركه تركي وركض للغرفه وركض وراه فيصل يتهاوشون والكل يضحك عليهم
وبدلوا العيال كلهم وتجمعوا واكلوا وسولفوا وضحكوا مع بعض ولعبوا كود
قامت لين وسحبت يد تركي من بينهم
تركي ناظرها ونطق: وشو
لين: ابي المستشفى
تركي: بتولديييين؟
لين: تستهبل كيف اولد وانا ماصرخت من الالم ولا وصل صوتي لاخر الدنيا قوم ياحمار بشوف بنت ولا ولد
تركي قام بحماس وبدل لبسه
لين بصراخ: جبلي العباااايه
فتح تركي الدولاب واخذ عبايتها وطرحتها
ونزل وطاح
لين بضحك: بشويش بشويش وش ذا الحماس ترى بالنهاية ماراح اقولك
تركي: وربي بعرف على هالطيحه قدامي يلا
رمى لها العبايه ف وجهها وضحكت عليه ولبست العبايه وطرحتها ومشت قبله
تركي: تعالي تعالي
لين: امشي اخلص متحمسه
مشى وراها تركي متجهين للسيارة وركبت لين وبدأ يسوق تركي
لين: شغل شيء نسمعه
تركي: نسيييت جوالي بالغرفه يالللييلل
لين: عادي عادي راجعين بالنهاية للبيت شغل يلا
شغل تركي اغاني وجلست لين تصور ستريك وكالعادة تركي يستهبل بوقت التصوير وسرع شوي
لين بصراخ: وققفففف قاعد يرفسس مدري قاعده ترفسس
تركي: بسم الله مين
لين: مين يعني بالله مين تستهبل انت
تركي: لا والله صدق مين
لين اخذت يده وحطتها ببطنها وجلس يحس بحركات النونو وابتسم
لين: بعد يدك يلا
تركي: لا خليها بحس ف الحركات
وصل تركي للمستشفى ونطق: يلا يروحي
نزلت لين ووقف السيارة وقفل الباب
تركي: ليين بابكك قفلييه
لين: قفله أنت
ضحك تركي واتجه للباب الثاني يقفله ولحقها ودخل للمستشفى
تركي: ذي وين طارت كأنها هي الوحيده اللي حملت
"لين كانت متخبيه" وتناظره وهو يعرف حركاتها 😂😭
تركي وقف دكتوره وسألها بصوت عالي عشان تطلع له: شفتي وحده كرشتها مترين لقدام
طلعت له لين وضربته بكتفه وتقدمت تمشي قدامه
وضحك تركي وماقدر يوقف ضحك ولحقها
تركي بضحك: تعااالي
لين: اجل كرشتي مترين لقدام طيب اوريك
تركي بضحك: تعالي امزح والله
لين: كلتبن
تركي بضحك: تعالي لا تفضحينا
تقدمت لين لدكتورتها وابتسمت لها ودخل تركي معها
لين: بالله اطرديه تكفين يادكتوره اطرديه برا
الدكتوره بضحك: ليييه شو عمل لك
لين: يقول انه كرشتي مترين لقدام اطردييه
الدكتوره بضحك: تقدر تتفضل
تركي: منجدك تصدقينها اقول شوفي جنس الجنين سريع متحمس
لين: والله ماتعرف اطلع برا
طلع تركي برا وقفلت الدكتوره بالمفتاح وحط أذنه بالباب عشان يسمع
وجاء الأمن وناظره ومسكه ونطق: خير يبوي تتجسس على الناس
تركي بضحك: لا ولله العظيم ماتجسس مرتي داخل وطردتني عشان ماعرف بوش حامل بنت ولا ولد
الأمن: وش دليلك
تركي: الحين بتطلع واسألها
الأمن انتظر جنب تركي وخلصت لين وعرفت وش اللي ببطنها وسلمت على الدكتوره وطلعت وصدمت ف تركي ونطقت: بسم الله ماتعرف توقف بعيد
الأمن: لو سمحتي ذا زوجك
لين ف استغراب: اي ليه
الأمن: لا بس اتأكد يلا ف امان الله
لين: تعال خذههه مو زوجي ولا اعرفه
تركي غطى فمها وهمس: تبين تنكبينا انتِ امشي قدامي
مشى تركي وهو مغطي فمها وناظره الأمن وابتسم له تركي
تركي بهمس: قاعد يناظر لو صدقكك واخذني والله بتشوفين شيء مايعجبك
لين: خله ياخذك عشان تتأدب
رجع غطي فمها وطلعوا برا المستشفى وركبوا السيارة ومسكته من تيشيرته ونطقت: اجل كرشتي مترين وربي ماعديها لك
تركي بضحك: ياخي امزح يزق
لين: سوق وانت ساكت
تركي تقدم وباسها ونطق بضحك: خلاص وش يرضيك
لين: تتأدب وتجيبلي سبانش لاتيه
تركي بضحك: من عيوني
تقدم تركي لستار بوكس وطلب له ولها ودفع واستلم الطلب ورجع للسياره ومالقاها
تركي بصوت عالي: لييين اطلعي يالين بلا استهبال
ركب السيارة وحط القهوه ورجعت لين وركبت
تركي: خير وين كنتي
لين: رحت اتمشى
تركي: تمشيتي ثانيتين ورجعتي؟
لين: اي مو عاجبك؟
تركي: لبى المعصب بس
لين: انطم وين قهوتي
تركي: ماجبتها
لين: وليه
تركي: مابي اجيبلك جبت لنفسي بس
لين بزعل: طيب
تركي بضحك: غبيه انتي شوفيها قدامك
ضحكت لين واخذتها ونطقت: ركزت بس سويت نفسي غبيه
تركي بضحك: والله كذابه ماركزتي
ضحكت عليه ولين وشربت من قهوتها وبدأ تركي يسوق متجهين للبيت وبعد مدة وصلوا ونزلوا ووقف السيارة وقفل الباب
والعنود جهزت الباقي كل شيء
لين: كل شيء جاهز؟
العنود: ايه وين الأساور حطيتيها
لين: شوفيها بدولاب المطبخ
دخلت العنود المطبخ وجابت الاساور وطلعت ومدتها لـ لين
لين: يلا الكل يجي
الجد متعب: اشفي
لين: حفلة جنس الجنين
الجد متعب بضحك: يلا وش بتسوين
لين: كل واحد يختار اسواره يا ازرق يا وردي عارفين انتوا الازرق ولد والوردي بنت
فيصل بحماس: يلا يلا هاتي بختار
لين: اصبر اصبر
تجمعوا الكل وجلسوا جنب بعض ومدت لين الاساور للجد متعب ونطقت: يلا اختار
الجد متعب: ازرق
لين: خذها والبسها
اخذها الجد متعب ولبسها ومررت الأساور للباقي والكل اختار
اللي اختار لون وردي واللي اختار لون ازرق ..
تركي: ياخي وش اختار
لين: بسرعه اختار
تركي اخذ اللون الازرق ولبسها
لين بهمس: بعدين ابيك بموضوع بذبحك فيه
تركي كتم ضحكته وكملت لين تسوي فعاليتها
وصارخت: مستعدين
الكل: اييييه
لين بصراخ وبضحك: ولد واللي خسروا موتكم على يدي
ضحكوا عليها والكل يدعون لها بالسلامة وانه يكون بار فيهم ..
تركي قام وباسها بخدها وهمست: مو قدامهم
تركي عاند وباسها مره ثانية والكل مستانس على علاقتهم وحب تركي لـ لينه ويدعون لهم بإن الله يديمهم ويحفظهم لبعض
فيصل: لين لا اوصيك على اسمي
لين: اسمك قديم
فيصل: احح وانا قلت لما نتزوج انا والعنود ونجيب بنت نسميها على اسمك بس طيب هين
لين: مابي ، سُميه ببطنها ولد وبنت البنت على اسمي صح سُميه
سُميه بضحك: من عيوني
فيصل: على تراب بس اوريك
تركي: لا اسمك ولا اسم غيرك بسميه انا دامه ولد
لين لفت لتركي ونطقت: ايه انا وتركي اتفقنا كذا لو طلع ولد يكون عليه ولو بنت تكون علي
فيصل: وش بتسميه
تركي: يزن
فيصل: يزن بن تركي ***** الله قسم بالله حلو
الكل عجبه الاسم واتفق الكل عليه وسولفوا واكلوا من الكيكه وضحكوا وصوروا وطقطقوا على بعض والفرحة مُش سايعتهم
فيصل: تركي بمناسبة انه يزن بيجي بالطريق قوم نطلع نفحط
الجد متعب: لا ياقليل الأصل قدامي تتكلم بعد ماتستحي على وجهك
فيصل نسى انه جده موجود وركض وقام الجد متعب يلاحقه بالخيزرانه وضربه بظهره
فيصل بكذب: اححح يجدي قسم بالله تعورر خلاص ياخي نمزححح
الجد متعب كمل يضربه وتركي مشى وهو يضحك ووقف الجد متعب ونطق: خلاص ياجدي خله ظهره بينكسر من ضربك
وناظر تركي الجد متعب
تركي: شفيك؟ بتحول علي !
عطاه لسعه بظهره وصارخ تركي ونطق: شدخلنييي
الجد متعب: لانك تفحط معه
ضحكوا الكل عليهم والعنود طبعاً محتوى صورتهم ورسلته ستريك وكملوا سواليفهم وطلع فيصل بدون مايدري الجد متعب وسحب تركي معه وراحوا يفحطون بالموستنج وصوروا ومر يومهم اللي استانسوا فيه وانبسطوا وضحكوا ..

معليش على التأخير بس انتوا تعرفون وضعي ف الجامعة زق وماعندي وقت ✋🏻💔💔 اجحدوها اكتبلكم حتى وانا بالجامعة والله ماتلقون مثلي وضيفوني انستا لا نزعل من بعض
واجحدوها ٥٠٨٨ كلمه كتبت لكم