حسابي أنستا: j8e2i
"الروايه مو خياليه " تركي ولين موجودين بالواقع وصدق متزوجين"
—————————————————————-
راحوا الجد متعب وفيصل ونايف للمستشفى ووصلوا
الجد متعب: وين ماجد
فيصل: تعال يجدي نسأل الدكتور
فيصل: السلام عليكم
الدكتور خالد: عليكم السلام
فيصل: صقر **** موجود عندكم؟
الدكتور خالد: اي الله يرحمه خلاص بننقله بعد شوي
فيصل: اقدر اشوفه
الدكتور خالد: تفضل
فيصل: يلا جدي
دخلوا للغرفه اللي فيها صقر وكشفوا على وجهه وشافوه ودمع فيصل
وشافه الجد متعب مصدوم يحس كأنه بحلم
وراح يشوف الجد ماجد "خويه" وشافه نايم
الجد متعب بضيق: الله يرحمك ياصقر
-عند العيال-
رواف: بهمس لسند الحين نايف بيتزوج نجد بعد وفاة صقر
سند: احس اي لانها تحب نايف ونايف يحبها
رواف: متى اصلاً حبت اختي نايف!! بس والله لو تزوجت نايف برتاح اكثر لانه والنعم فيه نيوف
سند: الله يوفقهم يارب عقبالك
رواف ابتسم من تذكر الماس
سند: ابتسمت ليه وراك بلا
رواف: ها لا ماوراي الا الخير
سند: راح يبين كل شيء وبصبر
رواف ضحك وقام ونطق: تعال نسوي لنا اكل
سند: والله مافيني اطلب من برا
رواف: مابي أنا حاب اليوم اطبخ
سند: اجل روح يالشيف اطبخ لي ولك
رواف: يلا الحين بسوي وبتأكل أصابعك بعد ماتذوق طبخي
سند بضحك: اخاف اتسمم
رواف: نشوف
اتجه رواف للمطبخ وشاف الماس تسوي القهوة وقعد يتأملها ولفت عليه
الماس: خير شعندك تناظر
رواف: ابد كذا
الماس بجراءه:وش وراك انت حتى يوم أصور تطالع
رواف عطاها ظهره يطلع الصحون ونطق: يعني مايحق لي اتأمل
الماس: مسوي تتغزل انت ووجهك
رواف لف عليها وناظرها وابتسم ونطق:
لا نظيرُ لها في الحسُن مليحتي
تغري القمر من حسن محياها
كأنها ضوء ينير فالليل عتمتي
وتزهر الصحراء بمحظِ رؤياها
وكمل يسوي الاندومي وناظرته الماس وابتسمت بلخمه وطلعت
وطلعت للحديقة تشرب قهوتها وتفكر بالموضوع
-عند الحريم-
هند:لا إله إلا الله ربي يصبر قلب اخوانه ويرحمه
الهنوف:لا حول ولا قوة الا بالله قبل اسبوع هو موصل نجد عندنا الله يرحمه ويجعل مثواه الجنه
هيفاء : الله يعوض شبابه بالجنه بس
المها:الله يرحمه بس وش بيصير بنجد
هند تنهدت ونطقت بحيره:مدري وربي
هيفاء:وين البنات؟
الهنوف:كلهم فوق اما لين ونجد بالطريق توني كلمت تركي
هيفاء طلعت عند البنات تجلس معاهم
ولين وتركي ونجد ونايف والجد متعب وفيصل وصلوا ودخلوا البيت
هند: شصار
نايف: ماصار شيء مانقول غير الله يرحمه
هند: الله يرحمه
-
-بعد شهر ونص-
طلعت نجد عند البنات ولين وراها
وهمسوا البنات لنجد: ترى مسوين حفلة بسيطة لـ لين عشان عيد ميلادها
نجد: تم شريتوا الاغراض
لين: اي اغراض
نجد: مالك دخل
لين استغربت من ردة فعل نجد وسووا الكل نفسهم متجاهلينها عشان يفاجئونها
ونزلت لين ولا نادوها البنات
نجد: حرامم تحسب أننا مانبيها
الجوهره:عادي خلينا نتجاهلها بالبدايه عشان نقدر نحط الاغراض ونسوي لها سبراايز
-
لين قعدت تدور تركي ونادته: تركي
تركي: عيوني أنا بالمطبخ تعالي
راحت لين لعنده وناظرته بحزن وناظرها وفهم انه فيها شيء
تركي: شفيك ليه وجهك كذا
لين: البنات تجاهلوني
تركي: تجاهلوك ؟ شلون
لين: مدري والله دخلت عندهم وسمعت نجد تقول شريتوا الاغراض قلت اي اغراض قالتلي مالك دخل ماسويت شيء والله
تركي فتح جواله ورسل لاخته العنود
تركي: خير شفيكم على لين
العنود شافت وردت: وش
تركي: ليه نجد ردت عليها ف اسلوب مو تمام
العنود فهمت وردت عليه وقالت: مافي شيء قاعدين نجهز لحفلة عيد ميلادها نبي نخليها ننبسط وسوينا نفسنا نتجاهلها
تركي: تمام حلو بس مو كذا حرام عليكم باقي شوي والدمعه تطلع من عيونها
العنود: خلها تنبسط شوي ونناديها
تركي قفل جواله ونطقت لين: مين كلمت
تركي: خويي عشان شيء
لين: وشو
تركي: سبرايز
لين: لمين
تركي: لك
لين ابتسمتله وبادلها الابتسامه ونطق: لا تزعلين
لين: مستغربه أنا مدري ليه عاملوني كذا الحين
تركي: شوي تنبسطين
لين: على وش
تركي: ماعليك بتدرين بعد شوي
لين: تمام سولي قهوه معك
تركي: خذي قهوتي مابيها
لين اخذت كاسته وبدأت تشرب وكشرت ونطقت: حيوان عشان كذا ماتبي قهوتك ماعرفت تسويها
ضحك تركي ونطق: ياخي ماعرفت أسويها
لين ببتسامه: أنا بسوي وخر
وخر تركي وبدأت لين تسوي القهوه ونطق: وحشتيني
ضحكت لين ونطقت: اذلف تونا راجعين مع بعض
تركي: اي عادي توحشيني كل شوي عندك مانع
لين: عندي
تركي: خير
لين: روح جيب الكاسه بذا الدولاب عشان ماكسرها على راسك
تركي ضحك ونطق: ابشري
جابلها الكاسه واخذتها
تركي: يزق وهالكاسه ماتبينها
لين: ماحبها ابي كاستي ذي
تركي: دلعع
لين: دلع بعينك
اخذ الكاسه تركي وسوي نفسه بيكسرها
لين: لا تركي تكفى تركيي تكفى
تركي: بكسرها إذا ماقلتي لي ليه متعلقه فيها هالكثر وتحبين تشربين منها
لين: ياخي من صديقتي اللي توفت هديه
تركي رجعها مكانها ونطق: كنت اسوي نفسي بكسرها ولا أنا ماراح اسويها ماني حقير
لين: اوف لو سويتها كان عطيتك كفوف
ضحك تركي وقرب منها ونطق: قلبك يطاوعك؟
لين بعدت عنه ونطقت: اي ولا تتقرب لاحد يجي
تركي عاند وقرب
لين: عناد يعني
تركي بخبث: اي
لين:بتجي خالتي وخر
تركي:اشتقتتت لك مره
لين:مب وقت شوقك ابد
قرب منها زياده ونطق:مشتاق لك افهميها
ابتسمت من فهمت قصده ونطقت:امس شبعت طيب
دخلت ليان وهي ميته ضحك ومدمعه وضحكت زياده من يوم شافتهم بذي الوضعيه ، توترت لين ونطقت بهمس لتركي:وجع عجبك الحين؟
تركي بخبث:اي
ليان بضحك:بطلع الحين كملوا رومنسيتكم
-عند البنات-
بدو يجهزون وجابوا كيكه لـ لين وبلونات وورد وكل وحده جابت هديتها وجهزوا الجوال اللي بيصورون فيه ، -عند تركي ولين-
جت عندهم العنود بعد مده تنطق:لين حبيبي تعالي نبيك بموضوع
لين طالعت بتركي واشر لها بموافقه أنها تروح
راحت معها واتجهت العنود قبلها بسرعه ترجع ورا خلف جوان ويفقعون"ذاك اللي فيه ورق ملون مدري وش اسمه😭😭"
وانلخمت وبنفس الوقت استانست ، بدو يغنون لها بكل حب ووناسه وبدو احتفالهم مع بعض وبالآخير جو العيال وبعد مده من الاحتفال ، جلسوا يلعبوون برا السالفه واللي هم:"
الماس|سعود
جوان|رواف
ساره|فيصل
ليان|تركي
أعطوا الجوال لتركي ..
أخذ الجوال تركي وقرا "انت داخل في السالفه واللي هي حصان"
أعطوا الجوال لفيصل ..
أخذ الجوال فيصل وقرا "انت داخل في السالفه واللي هي حصان"
أعطوا الجوال لرواف ..
أخذ الجوال رواف وقرا "انت اللي برا السالفه واللي هي حصان"
أعطوا الجوال لسعود ..
أخذ الجوال سعود وقرا "انت داخل في السالفه واللي هي حصان"
أعطوا الجوال لليان ..
أخذت الجوال ليات وقرت"انت داخل في السالفه واللي هي حصان"
أعطوا الجوال ساره ..
أخذت الجوال ليان وقرت "انت داخل في السالفه واللي هي حصان"
أعطوا الجوال جوان ..
أخذت الجوال جوان وقرت"انت داخل في السالفه واللي هي حصان"
أعطوا الجوال الماس ..
أخذت الجوال الماس وقرت"انت داخل في السالفه واللي هي حصان"
وقت الاسئله..
تركي اسأل ساره سؤال متعلق بالسالفه:
تركي:هل له ٤ ارجل ولا ٢؟
ساره بضحكه:٤
فيصل اسأل سعود سؤال متعلق بالسالفه:
فيصل:له عدة ألوان ولا بس لون واحد؟
سعود:له عدة ألوان
رواف اسأل فيصل سؤال متعلق بالسالفه:
توتر رواف وقام يضحك ونطق:عملاق ولا صغير؟
ضحك فيصل وشك برواف وكلهم شكوا ونطق:وسط
سعود اسأل رواف سؤال متعلق بالسالفه:
سعود:ياكل من وين
ضحك رواف ونطق:من وين يعني من طيبة قلبه فمه فمه
سعود:سؤالي سهل بس يلا عادي
ليان اسألي جوان سؤال متعلق بالسالفه:
ليان:كله نفس الحجم ولا فيه اكثر من حجم له؟
جوان:اكثر من حجم
ساره اسألي ليان سؤال متعلق بالسالفه
ساره:مفترس ولا أليف؟
ليان:مفترس
جوان اسألي تركي سؤال متعلق بالسالفه:
جوان:وين يعيش
تركي:بالبر
ليان اسألي سعود سؤال متعلق بالسالفه:
ليان:وش اكثر لون معروف فيه
سعود:بني وابيض
تصويت:
الكل صوت ان اللي برا السالفه "رواف"
تركي قام وسحب رواف ونطق: اجل عملاق ولا صغير ها قوم قامت عليك الكلاب
ضحكوا على تركي ورواف
رواف: شفيكم ماعرف للعبة تراني بريء
تركي: كذاب كم مره لعبناها
-قاموا يلعبون كل العيال والبنات الباقي-
طلعت ألمها للحديقة وناظرت البنات ونطقت: ياوصخات مو متحجبات
لين تخبت تحت الطاوله وشافها تركي وفيصل وماتوا ضحك
المها: حفلة وش ذي
تركي: عيد ميلاد لين
المها: ووينها خطيبتك
تركي غمز لامه أنها تحت الطاوله وضحك
وراحت المها للطاوله وقالت اوه في كيكه هنا وحركات ونزلت فجأة تشوف لين ونطقت وهي تضحك: ليه تخبيتي
لين: أنا اتحجب هم اللي مايتحجبون
البنات صرخوا وهم يضحكون
العنود: يُمه كذابه
راحت العنود تسحبها من تحت الطاوله ونطقت: اطلعي ياكذابه
ضحكت لين وقالت: خالتي بتصدقني
المها بضحك: الحين أنتي متحجبه كذا
لين: خلاص توبه مابنعيدها والله قاعدين نلعب بإدب
المها: يلا كملوا لعبكم
لين: صدق يعني مو زعلانه
المها: لا يابنت اختي امزح معاكم
ابتسمتلها لين وقامت تقطع من الكيكه وتعطيها للحريم رواف عطي بكس بخشم تركي "بالغلطط على أساس مزح"
تركي دخل داخل مسرع "للحمام" الله يكرمكم وشافته لين وركضت وراه
فيصل: شف شف كيف ركضت وراه الوصخه تحبه
رواف بضحك: شايف أختك يافيصل مفضوحه المفروض تخبي حبها وهي تركضله
فيصل ببتسامه: حابب علاقتهم مرا
رواف: والله كلنا
فيصل: أنت ياوصخ عورته شكله خشمه ينزف
رواف ركض لتركي
لين: أشوف خشمكك وخر يدك
تركي فك يده وشافته لين ينزف ونطقت: دقيقه بجيب مويا بارده
تركي:مابي مابي خليه بيوقف لحاله
لين راحت للمطبخ وطنشته
رواف: والله بالغلط تركي
تركي: يبوي عادي
رواف: ليكون خشمك انكسر
تركي: والله يعورني إذا انكسر بكسر رأسك
ضحك رواف ونطق: اكسرني كلي
جت لين وقالتله: نزل راسك
بعد تركي ونطق: مابي بارد
سحبته لين من التيشيرت ونزلت رأسه غصب عنه وكبت مويا بارده فوق رأسه "طبعاً عشان النزيف يوقف"
تركي بصراخ: لييين بارده اكره الباردد
لين: ارفع راسك أشوف
رفع راسه وشافته ونطقت: باقي شوي ارجع نزل راسك
تركي: لا خلاص بارد مره
لين: أقول نزل
ركض تركي ونطقت لين: ياحيوانن عشان النزيف يوقف
ركضت وراه وحاولت تمسكه وماعرفت
وقف بتعب يركي يده على ركبته ويلهث
جت وراه ونطقت: تركي عشاني يلا
تركي:أوف لين مابي
لين بدلع:بس هالمره بس
تركي هز راسه بالموافقه وحطت له مويه بارده
وخلصوا ودخلوا كلهم وكل واحد راح لغرفته وكالعاده لين وتركي مع بعض يجلسون
-
ابتسم تركي وهو بحضنها ونطق:باقي شهر ونص على زواجنا وبعد أسبوعين ملكتنا اخيراً مب مصدق انك بتكونين لي
لين:حماس اخيراً ما بقى هالشهرين تخلص
تركي:إذا خلصت وجاء الزواج بشبع منك يالبيه
ضلت تفكر بأستغراب لين الين ما استوعبت ونطقت: يازققق
تركي ضحك
باس يدها ونطق: بنام يعيوني نعست
لين: نوم العوافي
تركي: يعافيك يعيوني
نام تركي على طول من قوة النوم اللي فيه وبقت لين سهرانه ومانامت
وقعدت تتابع مسلسلها من الساعة ٧ الصبح الين ١١ ونص
صحى تركي عشان يتوضى ويتجهز لصلاة الظهر وشافها صاحيه ونطق: خير مانمتي تستهبلين
لين: ماجاني نوم
تركي: نامي الحين
لين: لا بتفرج
تركي: بروح المسجد بقرأ قرآن وانتظر يإذن الظهر إذا رجعت وشفتك صاحيه ياويلك
راح تركي وصرخ للعيال يصحون وصحوا كلهم وقاموا يتوضون عشان الصلاة
الساعة ١٢:٢٤ أذن الظهر وقاموا صلوا كلهم بالمسجد وخلصوا ورجعوا البيت والعيال رجعوا ناموا ودخل تركي لغرفته وشاف لين باقي سهرانه
جاء سحب اللاب منها وطفاه ونطق: أنا قلت ياويلك بس ماسمعتي الكلام
لين: تكفى خلني أتفرج عادي بعدل نومي
تركي: والله ماتعدلينه واقعد طول الليل صاحي بدونك تستهبلين لا نامي الحين يلا
لين تغطت باللحاف سوت نفسها زعلانه وضحك تركي
وجاء بينسدح وسوي نفسه يطنشها عشان تجيه
لين: يزفت وراك ماجيت راضيتني
تركي بضحك: ادري تدورين المراضاه تعالي بس
راحت له ليه ونامت بحصنه وناظرها وهمس: هذي اللي قالت مافيني نوم وابتسم ونام معها
قاموا الحريم كلهم
هيفاء: نصحيهم؟
المها: لا نخليهم الين العصر ونقومهم
الجوهره: اهخ ياظهري
هيفاء: شفيك
الجوهره: والله ظهري ماحس فيه
المها: حطي كمادات
الجوهره: لا ماجتني بس مدري ليه يعورني
المها: شكلها قريب بتجي خلاص بعضهم كذا يتألمون من بدري
هيفاء: اسمعوا أنا مافيني اسوي الغدا ولا وحده فيكم تسوي ادري خلاص هالمرا نطلب من برا
المها: اطلبي الحين على بال يوصل ونصحي العيال والبنات
هيفاء: تم
طلبت هيفاء من "الرومانسية" للكل وراحت المها تصحي تركي ولين وصحى تركي ونطق: لا يُمه خليها تنام مانامت قعدت سهرانه بخليها لين ٩ فالليل واصحيها
المها: ليه سهرت السهر مو زين أصلاً المفروض نعدله كلنا
تركي: كانت تتفرج مسلسل ومانامت
المها: خلاص خلها دام ماعليها صلاة
تركي دخل الحمام "الله يكرمكم" يتوضى لصلاة العصر وصلي بالمسجد وخلص ورجع وشاف لين نايمه وغطاها وقعد عندها بالغرفه على جواله
صحت لين ونطقت: شغل المكيف
تركي: من عيوني
قام وشغل المكيف ورجعت لين تنام وهو يقعد يقلب ف التيك وطلع من الغرفه يأكل معهم ولعبوا مع بعض بلاستيشن ونطق تركي لرواف: أنت درج هطف ماتعرف تلبس اذلف توبه أكون من فريقكك
ضحكوا الكل عليهم
تركي: فيصل تعال كون بفريقي مابي الدرج ذا
فيصل ضحك وقام يلعب مع تركي ورواف مع سند
سند: خرا عليك يارواف فازوا علينا
رواف: كيفني بالله مو لعيب
دخلت الماس تحط لهم الأكل وناظرها رواف وقام وراها
الماس: شتبي
رواف: أبيك اااااا اقصد أبي مويا بارده وينها
الماس توترت وراحت تجيب المويا ونطقت: امسك
رواف: ليتني مويا عشان تمسكيني
ضحكت الماس ونطقت: روح ابلع بس
راح رواف يأكل مع العيال واكلوا وخلصوا ورجعوا يلعبون مع بعض وجاء الساعة ٧ ونص المغرب وراح تركي لـ لين وشافها غرقانه بنومها وهمس لها: وحشتيني
تركي: قومي خلاص ماني متعود اجلس لوحدي
لين: خلني بنام روح اقعد مع العيال
تركي: مابي اجلس معهم أبي معك قومي
لين: تركي مانمت
تركي: ياعيون تركي قومي وبتنامين بعد صلاة الفجر على طول
لين غطت نفسها باللحاف ونطقت: مابي أبي الحين خلني ساعة بس
تركي: ساعة واجيك
لين: أي يلا اذلف ولا تطفي المكيف
تركي: ابشري
طلع تركي ورجع لها وضحك ونطق: مرت ساعة
لين بضحك: تستهبل مامرت ثانية
تركي: عشاني قومي والله الجلسه بدونك زق
ابتسمت له لين وقامت تفرش أسنانها وتغسل وجهها ومد يده لها ونطق: يلا ؟
مسكت يده ونزلوا تحت شافتهم المها ونطقت: متى تصيرون ثقيلين
تركي فك يدها ونطق: يُمه شفتيها كيف كانت ماسكه يدي خفيفه قلتلها تتعلم الثقل مني طنشتني
المها: اصدق اليهودي ولا اصدقكك أنت
لين ضحكتت ونطقت: تستاهل ياكذاب ماد لي يدك وتحطها فيني ياخفيف
كتم ضحكته تركي وهمس: طيب يالين
لين: اللي حفر حفرة لاخيه وقع فيها
تركي: اللي حفر حفرة لخطيبته*
ضحكت لين ونطقت: امش بس للحديقه وأنت ساكت
تركي: روحي كلي بالأول
لين: مو الحين شوي
تركي: لا الحين عشان نطلع أنا وأنتي
لين بحماس: احلفف
تركي بضحك: والله
لين: وين نروح
تركي: أي مكان تبينه بس روحي كلي
ركضت لين لعند أمها ونطقت: يُمه وين الأكل طبختوا؟
الهنوف: لا طلبت هيفاء من الرومانسية روحي خذي اكلك بالمطبخ
راحت لين للمطبخ وبدأت تأكل بالمطبخ..
ضيفوني انستا: j8e2i نلعب واسويلكم فعاليات 🤙🏻
وتفاعلوا الله الله بالنجوم
وآسفه طولت ترى مو بسببي بسبب أفراح الزق
قراءة ممتعه ❤️🔥
والبارت الـ ١٧ في سبرايز بيعجبكم 💋
احبكم
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
