دقت ساره على بهاج بتوتر وبعد مده رد
بَّهاج: لبيه
ساره: وينك
بَّهاج: رايح اشوف وضع ال*** خالد
ساره: يعني كلموك؟ومين ذا خالد
بَّهاج: اي كلموني مدري واحد بروح اشوف سالفته
ساره: تكفى قول لي كل شيء وطمني
بَّهاج: ابشري ماعليتس ولا تخافين دامتس بوجهي محد يقدر يفكر تفكير بس انه يضرتس
ساره: الله لا يحرمني منك
بَّهاج: وولا منتس يلا يعيوني بخلص واكلمتس
ساره: انتبه لنفسك
بَّهاج:ابشري وانتي بعد
ساره:الله معك
بَّهاج: ف امان الله
قفلت ساره الخط وراحت للبنات تسولف وهي كلها خوف وتوتر
وجد: ها شصار
ساره: راح لهم بهاج ومسكوه وبيقولون له كل شيء بعد مايخلص يكلمني
ريم: الحمدلله لا تخافين هذا راح يتربى
تنهدت ونطقت: ان شاء الله
-عند أبطالنا-
بعد مده وصلوا وجاها لين اتصال وطلع من ابوها وردت عليه
مشعل: هلا ببنيتي اللي اشتقت لها
لين ببتسامه: هلا يُبه شلونك وشلون امي وشلون الاهل كلهم
مشعل: حنا مو بخير
لين بخوف: يُبه شفيكم صايرلكم شيء تكفى لا تخرعني
مشعل بضحك: مو بخير بدونكم
لين: الله يهديك يُبه طيحت قلبي حرام عليك
مشعل: معليش يابنتي ماراح تنعاد
لين: اي قول لي شتسوي
مشعل: لكم اسبوع بس تقعدون وترجعون لنا والله مشتاقين
لين: ابشر يُبه ماعليك زي ماتفقنا اسبوع وراجعين والله اكثر واشتقت لجلستنا مع بعض
مشعل: يارب يخلص هالاسبوع بسرعه
لين بضحك: يُبه تراه اسبوع مو شهر
مشعل: إلا وين زوجك
لين: موجود يُبه
مشعل: هاتيه اكلمه
لين مدت الجوال ونطقت: ابوي يبيك
تركي: هلا بعميي ارحب ادري انك مشتاق لي من قوة الشوق ماقدرت تتحمل إلا والا تبي تسمع صوتي
مشعل بضحك: مصدق عمرك
تركي بضحك: طيب على الاقل سلك لي
مشعل: امزح معك والله صدق مشتاقين لكم
تركي: والله اكثر ماعليك بنرجع بعد اسبوع ولا يهمك
مشعل: منتظرينكم وعاد مسوين سبرايز لكم
تركي: صدق وش هي غششني
مشعل: لا ماراح اقول
تركي: انت خويي ياعمي قول قول محد بيدري
مشعل بضحك: لا تحاول
تركي: طيب طيب ننتظر اسبوع ونشوف وش هو السبرايز ، إلا اقولك كيف امي وابوي والأهل كلهم
مشعل: والله كلهم بخير وبصحه وعافية
تركي:دوم
مشعل: تدوم ، يلا الله معكم مابي أشغلكم دقيت ابي اتطمن عليكم
تركي: تطمنت عليك العافيه تسلم الله معك انتبهوا لنفسكم
مشعل: وانتم بعد يلا سلام
تركي: سلام
قفل تركي ورجع الجوال لـ لين ونطق: يبونا نرجع بعد اسبوع وانا ماشبعت ابي نقعد نستانس مع بعض
لين: حتى أنا بس تكفى خلنا نروح مشتاقه لهم تكفى لاحقين على السفر وانت ماراح تداوم
تركي: ابشري بس ياخوفي ابوي يقول خلاص داوم
لين: لو قال أنا بكلمه بعدين ليه تكره دوامك
تركي: والله تعب يوه من الصباح الين العصر تعب تعب حيل
لين: ماعليك راح تهون شد حيلك
تركي: بشد حيلي دامك معي
ابتسمت له لين ونطق: متى متى الخجل يروح ودي بس يوم بس يوم تصيرين جريئه
لين بضحك:مدري
تركي بضحك:يعني ماراح يروح؟
لين: اي
ضحك تركي ونطق: بيروح ماعليك
لين: انت خله يروح طيب
تركي قرب منها شوي ونطق: يلا اول خطوه بسم الله
ضحكت لين ونطقت: شبتسوي
تركي: خليك معي وبتتعودين مثلي أنا اتقرب منك وانتِ تتقربين مني على شوي شوي وبدون خجل
لين بضحك:وشلون بيروح طيب
تركي: بشجعك
لين: أنا مو جريئه مثلك ترى وولا راح أصير جريئه
تركي مسك يدينها ونطق: إلا بتكونين جريئه ماعليك
لين: وش بتسوي طيب
تركي: بخليك انتِ اللي بتتقربين مني دايم الين تتعودين
لين: والله ما أظن
تركي: واثقه فيني طيب
لين: كثير
تركي: اجل خذي نفس وماعليك
اخذت نفس ونطق: قربي مني زياده
لين بضحك: ماقدر
تركي: بتقدرين قربي ببعد شوي وانتِ قربي
لين: يلا ابعد
بعد تركي شوي منها وترك يدينها وحاولت تتقرب منه
تركي بضحك: هي ياصنم اقربي
ضحكت لين على كلمته ونطقت: مااقدر
رفع حاجبه تركي ونطق: يعني ماراح يكون في فايده تبين طراق
لين: لو قلبك يطاوعك عطني طراق
تركي قرب منها ونطق: ماراح يطاوعني يلا بوسيني انتِ والله بتتعودين
دق جوال تركي وشاف جواله وكان اتصال من "العنود" ونطق بضحك: حتى وحنا بعيد تخرب علينا شكلها حاسه اني قريب منك
رد عليها ونطق بضحك: ان شاء الله خير
العنود: ماقدر ماقدر بدون ماخرب عليكم تعالوا اشتقت لكم
تركي بضحك: كنت حاس والله انك وصخه
العنود بضحك: تكفى تعالوا
تركي: ممكن تقفلين قبل ماكسر راسك
لين: لا هاتها بكلمها
سحبت لين الجوال ونطقت: وحشتيييني
تركي: انسحب علي
لين ضحكت وعطته قبله بالهواء وهمس: بتسوينها بالقريب يا أنا يا انتي
وراح تركي يبدل لبسه وناظرته لين وضحكت
العنود: شتسووون
لين بضحك: شدخلك
العنود: أنا شدخلني أنا أوريك يابنت مشعل والله لا اخرب عليكم دايم
لين: انتظر تتزوجين أخوي وأخرب عليكم اردها لكم
العنود بضحك: لا حبيبتي احنا مؤدبين
لين بضحك: نشوف المؤدبين بالمستقبل
العنود: والله وحشتيني حيل حيل حيل
لين: والله اكثر اكثرر هانت باقي اسبوع بس واشوفكم
العنود: عاد في سبرايز تعالوا بسرعه عشان تشوفونها
لين: وش هو قولي لي
العنود: ماراح اقول حلفوني لو ماحلفوني كان قلتلك بس ماعليك بتعرفين بعد ماتجين
لين: تم بس بقولك
العنود: لبيه
لين: لبى قلبك ،
همست ونطقت: عيد ميلاد تركي بعد اسبوع و ٣ ايام شرأيك تساعديني بسويله سبرايز
العنود: تم تم أنا معك بكل شيء حتى احنا مجهزين له هديته إلا جدي متعب قعد يتحلطم لانه حرام
لين بضحك: يعيوني انتوا
العنود: تعالي ونخطط على كل شيء
جاء تركي ونطقت:تمم يلا جاء تركي قفلي شوي اكلمك بسناب
العنود: تم وترى صح ساره تقول رسلتلك بالواتس المقاطع بس ماشفتي
لين: شوي أشوفهم قوليلها
العنود: تم يلا استودعتكم الله
لين: بحفظ الله
قفلت لين وحطت جوال تركي فوق السرير
وبدل تركي ملابسه ودخل للغرفه
لين بهمس بينها وبين نفسها: قربي منه حاولي حاولي لين
قربت منه شوي وكان تركي يقفل ازارير بلوزة البجامه وماركز عليها وقربت زيادة ومسكت يده وناظرها وابتسم ونطق: الله سويتيها
لين ببتسامه: شفت كيف ذا كله عشان رضاك بس ومابيك تزعل مني
تركي قرب منها زياده ومسكها من خصرها ونطق: ياجعلني مانحرم منك ولا يجي يوم ازعل فيه منك او انتِ تزعلين مني اي والله احبك واعشقققك
ابتسمت لين على كلامه وتشجعت وقربت منه ومسكت طرف بلوزته
وقبلت شفايفه ونست خجلها وقعدت تقبله بكل حُب وبادلها تركي ..
-عند بهاج بالقسم-
بهاج ناظر خالد بحقد وكره وقرب منه ومسكه من تيشيرته ونطق: مسوي قوي وشوفوني Woow اهدد بنات الناس ماتدري ان الدنيا تدور ف اخواتك
خالد: والله مالي دخل والله العظيم خويتها هي قالت لي اسوي كل ذا لانها مقهوره منها وتغار منها
بهاج بحقد: ومين ذي خويتها
خالد: اسمها ميار هي تعرفها كلم ساره وبتعرفها
بهاج: لا تنطق اسم زوجتي على لسانك الوصخ لا اقصه لك
العسكري محمد: وخر عنه خلنا نتفاهم بهدوء بهاج
فكه بهاج بقوه وطاح خالد على الارض
محمد: اولاً يابهاج هذا سمع كلام وحده تعرفها خطيبتك مدري زوجتك
بهاج: خطيبتي كمل
محمد: الله يوفقكمم اي وبعدين خططوا على كل شيء هالبنت اللي تعرف خطيبتك كانت بينهم مهاوشات والأكثر هالبنت كانت تأذي ساره بعد ماعرفت انها انخطبت فكرت تأذيها بصورها هي وذا
بهاج: طيب ابي حقها أنا
محمد: ماعليك ذا راح ينسجن والبنت بنمسكها وبتاخذ حقها وزياده
بهاج: وبعدين طيب ابي اكلم ذي ميار
محمد: بعد مانمسكها يصير خير لكن بشرط
بهاج: اسلم
محمد: ماتتهاوش لا مع خالد ولا مع البنت
بهاج: ابشر بس تكفى حقها لا يضيع
محمد: ماعليك ماراح نرضى على خطيبتك زي أختنا هي
بهاج: الله يسعدك تسلم ماتقصر
محمد: ويسعدك يلا بعد شوي بيجيبون البنت ابيك تكون هادي مو مثل قبل شوي ماسك الرجال
بهاج: ذا مو رجال لو رجال ماكان هدد بنت الناس
محمد: ماعليك اهدا وبيصير كل شيء تمام
بهاج: تمام
بعد شوي جت البنت "اللي هي ميار" ودخلوها لغرفة التحقيق مع خالد
محمد: هذي هي يا خالد
خالد: اي هي
محمد طلع لبهاج ونطق: انتظر شوي
بهاج: سم
ورجع محمد ونطق لميار: ليش فكرتي تسوين كذا بالبنت تأذينها بصورها ليش ترضينها على نفسك
ميار بغرور: يخسى احد يهددني ومحد له دخل باللي اسويه
محمد: أسلوبك احترمي نفسك وجاوبيني ف ادب
ميار بغرور: نعم
محمد: الكلام ماراح يفيد معك راح تنسجنين انتي واللي جنبك وبتدفعون غرامه للبنت ساره
ميار بخوف: لا تكفى خلاص والله ماتنعاد اهلي لو عرفوا يذبحوني
محمد: توك تخافين راح تنسجنين واهلك راح يدرون وبكلمهم
خالد بهمس: كله منك كله منك ليتني ماسمعت كلامك يابزر
ميار: انطم لا اسفل فيك
خالد: بحريقه عساك تنسجي وحدك ويطلعوني
ميار عطته كف وجاء محمد ونطق: قالبتها مصارعه هنا
ميار: هو اللي بدأ
محمد: مديت يدك عليها انت
ميار بكذب: اي مد
خالد: والله تكذب مامديت كلمتها قلتلها كله منك بس وبحريقه هذا اللي قلته لها
محمد: ولا كلمه انت وهي اسكتوا وراح ينسجن الكل
خالد: حسبي الله عليك ياميار جعلها فيك ترجع
ميار: انطم قلت لك
محمد طلع لبهاج ونطق: راح ينسجنون الاثنين وحق خطيبتك بتاخذه
بهاج: اي حق
محمد: غرامه من ميار ذي وخالد بحكم انهم هددوها بصورها وكانت راح تتأذى
بهاج: مايهم الفلوس يابن الناس اهم شيء يتربون ذول
محمد: ماعليك هذا حقها والسجن بينسجنون ماراح يطلعون إلا إذا اعفت عنهم خطيبتك
بهاج: الله يسعدك تسلم ماقصرت
محمد: ابد هذا واجبي ويسعدك يلا تبي شيء ثاني
بهاج: تسلم
محمد: بحفظ الله
طلع محمد وهو ينطق: خذوها للحريم واسجنوها وخذوا خالد والحين بعد ينسجنون
اخذوهم الاثنين ومسكوهم ميار للحريم وخالد للرجال
وانسجنوا
طلع بهاج وركب سيارته وبدأ يسوق وفتح جواله ودق على ساره وبعد مده ردت
ساره: تكفى بشرني شصار
بهاج: مسكوهم الاثنين وانسجنوا وحقك بيجيك
ساره: اي حق وش ومين معه خالد
بهاج: بتاخذين فلوسك وذول ماراح يطلعون إلا إذا اعفيتي عنهم
ساره: مين معه طيب
بهاج: وحده اسمها ميار
ساره شهقت ونطقت: ميار !
بهاج: اي عرفتيها هي اللي كلمت خالد يجي يهددك بصورك
ساره: الله لا يوفقها ذي من زمان تأذيني لكن والله ماسكت لها
بهاج: ماعليك حقك بياخذونه
ساره قفلت بحزن وقعدت تفكر ويجي ببالها مليون سؤال كيف فكرت ميار تأذيها بصورها وهي بحكم الاذى اللي جاها من ميار مافكرت تأذيها لو بكلمه وحده وقعدت تتحسب عليها
-تسريع احداث بعد ٤ ايام ، بنرجع للحدث حق ساره-
كانوا الكل يجهز لحفلة جية لين وتروك
تركي: يلا يلا الطياره لا تفوتنا لملمي كل اللي بشنطتك
لين: والله تعبانه تركي ظهري يعورني وبطني لملم انت
تركي: من عيوني وشفيك تعبانه من وش يعورك
لين: ماعليك بس الدوره تعبتني واخذت مسكن ، صعب كونك انثى
تركي: تدرين وش الاصعب؟
لين: وشو
تركي: كونك انثى جميلة تعاني الله يخففها عنك ويعينك حبي بس ماعليك بوقفها لك ٩ شهور
لين ناظرته ورفعت حاجبها ونطقت: انت تخفف عني ولا تزيدني
تركي بضحك: كلهم
لين بضحك: حيوان والله وياويلك احمل بدري
تركي بخبث: ماعليك
لين على نياتها صدقته وماتدري انه خبيث بيخليها تحمل بدري
-عند اهاليهم-
العنود: يلا يلا بسرعه مافي وقت بيجون بعد شوي
فيصل جلس على الدرج وجلس يناظرها متكشخه ولابسه فستانها الأسود الضيق على جسمها وشعرها المفتوح وشكلها الجميل جداً وروجها الأحمر اللي جاب اجله وهي مو مركزه عليه عض شفته وكان وده يروح يقبلها بس ماراح يقدر الكل متجمع
ألمها: شفيك جالس هنا
فيصل بتوتر: ها لا بس ظهري يعورني جلست ارتاح
المها كتمت ضحكتها ونطقت: قوم قوم
فيصل: ابشري
قام فيصل واتجه لغرفته بسرعه من التوتر وضحك ونطق: يارب ماقفطتني
الهنوف: وين فيصل
المها: توي شايفته ودخل غرفته
الهنوف اتجهت لعند فيصل وطقت الباب وفتح لها ونطق: ارحبببي
الهنوف: فيصل تعال ساعدني انت وواحد من العيال
فيصل: من عيوني
فيصل نزل معها ونادى رواف وجاء رواف وشاف الماس بكامل زينتها وبلع ريقه وساعدهم بالتزيين وراح جنبها ونطق: ياحظي أنا بتزوج هالجمال كله
الماس: إذا ماوخرت ماراح يصيرلك طيب وخر وخلنا حبايب مؤدبين
قرب منها شوي وجلس جنبها يلصق البلالين ونطق: ماراح أوخر
الماس: أوريك طيب يصير خير
الجد متعب: رواف شتسوي جنب البنت ابعد عنها تتنفس شوي
رواف توتر وبعد عنها ونطق: كنت اساعدها ياجدي
الجد متعب: ساعدوا بعض كملوا
الماس: جدي والله انك كفو جيت وانقذتني كان كاتمني بس يبي يهاوشني
الجد متعب: يهاوشك ليه
الماس بخبث: يدور مشاكل ياجدي يحب يهاوشني عشان يضحك
رواف: جدي كذابه ماسويت لها شيء
الماس: بتصدقني ولا تصدقه
الجد متعب بضحك: اقول كملوا وخلوا عنكم الهواش
رواف همس لها ونطق: أنا أوريك طيب والله لاخذ حقي ماكون رواف
الماس ضحكت ونطقت: شبتسوي يعني
رواف: خلي الكل ينام والله لا اجيك لغرفتك اوريك
الماس بضحك: بقفل الباب
رواف طنشها وراح طلع متجه لغرفتها واخذ المفتاح وخباه بجيبه ورجع نزل
فيصل: رواف تعال
راح رواف لفيصل وتساعدوا مع بعض
رواف: بعد شوي بيوصلون عرساننا اخلص خف يدك
فيصل طلع دخان وبدأ يدخن
رواف: فيصل فيصل جدي جاء طفيها
تخبى فيصل وطفى الدخان
الجد متعب: ريحة دخان مين فيكم دخن اخلصوا ولف على العيال انت ولا رواف اخلص
فيصل: الله يهديك جدي كيف ندخن هنا واحنا عارفين انك موجود
الجد متعب: بعدين اتفاهم معكم وبشوف
المها: ريحة دخان مين دخن
ناظرها فيصل وفهمت المها وراحت تجيب عطر وعطرت المكان وراحت تهمس لفيصل: الله يهديك فيصل ليه كذا لين وتركي بيجون
فيصل بهمس: اسف ياخاله ماراح تنعاد
الهنوف راحت لفيصل ونطقت: عارفه انه انت وليه تدخن هنا وبعدين قلتلك لو شفتك تدخن مره ثانية تنذبح
فيصل: يُمه وطي صوتك جدي هنا لا يسمعك بعدين ماشفتيني مو أنا يمكن رواف
رواف فتح عيونه ونطق: والله انه كذاب شافته الماس والعنود اسأليهم
الهنوف: العنود مين اللي دخن
سكتت العنود ماطاوعها قلبها تقول انه فيصل ونطقت: مدري ماشفتهم كنت اساعد وجد
ناظرها فيصل وعطاها قبله بالهواء بدون لا يشوفونه الكبار وابتسمت العنود
وجد: حركااات شفتوا وش سوا بنات
العنود: انطمي وكملي
الماس بضحك: اخس والله حركات
رواف: عمه اسألي الماس
الهنوف: الماس مين اللي دخن
الماس بمزح: رواف
رواف ناظرها ونطقت: والله امزح مو رواف ماركزت مين
رواف: أنا اوريك
ضحكوا على رواف
رواف: مايضحك اوريكم
الهنوف: خلاص بس كملوا التزيين بعد شوي يوصلون تركي ولين
فيصل بهمس لرواف: جهزت هدية تركي عشان ميلاده
رواف بنفس الهمس: اي وانت
فيصل: لا باقي ذكرني بعدين اروح اشتري واغلفها
رواف: بروح معك وترى الكل جهز هديته العيال والبنات وانت باقي هذا وهو عشيرك
فيصل: انطم نسيت
رواف: خلاص بعدين نروح ونختارله
-عند أبطالنا-
جهز تركي شنطته وشنطه لين ولملم الاغراض وقامت لين بتعب شافت العطر ونطقت: هذا لك صح
تركي ببتسامه: اي تخيلي هالعطر من امي شوفي له سنة ونص وماطاوعني قلبي اخلصه عطري المُفضل
طاح على لين بالغلط وانكسر وناظرته: والله بالغلط والله
تركي ناظرها وراح للعطر الثاني واخذه وكسره ونطق: فداك خطاك بعيوني صواب فداك كل عطوراتي اكسريها بغلط ولا بعمد
لين ناظرته وحضنته وبادلها تركي الحضن وابتسم ونطق: ياجعلني مانحرم من هالحضن
لين: والله صدق تروك بالغلط بس بعوضك بجيبلك واحد ثاني
تركي فكها ولامس وجهها ونطق: مابي شيء منك دامك انتِ معي وحولي وجنبي مابي والله قلت فداك خلاص
لين: يعني مازعلت
تركي ببتسامه: ازعل من الكل ولا ازعل منك تستهبلين
لين ابتسمت له وردلها الابتسامه ونطقت: يلا مشينا
تركي: اي يلا بس دقيقه الملم الزجاج وامسح العطر
لين: لا خلاص أنا الملمه
تركي: انسدحي ارتاحي شوي عشان ظهرك
لين: أنا الملمه
تركي: اقول روحي انسدحي على ظهرك
راحت لين وانسدحت ولملم تركي الزجاج حق العطر وانجرح جرح بسيط ومسح العطر بالمناديل ورماه "بالزباله الله يكرمكم"
تركي: لين عندك لصق جروح
لين قامت ونطقت: عورت نفسك اشوف
وراها أصبعه وباست اصبعه وناظرها وابتسم ونطق: خلااص طاب طابب مشينا مشينا
ضحكت لين وراحت فتحت شنطتها الصغيره وطلعت لصق جروح ولفته على إصبعه ونطقت: انتبه مره ثانية
تركي: خلاص طاب ليه جايبه اللصق
ابتسمت له لين ونطقت: ياحبك للعياره
تركي ضحك ونطق: يلا يلا مافي وقت الطياره بتروح
لين مشت قباله واخذ الشناط واتجهوا للمطار
والكل كان مروق على جية لين وتركي ومبسوطين
العنود: بشغل اغاني يلا ياعيال قوموا اذلفوا عشان ناخذ راحتنا يالبنات
رواف: ماراح نطلع
العنود: بتطلعون اذلف يلا
رواف قام وناظر الماس وناظرته وضحكت عليه
العنود: يلا فيصل وراه
فيصل: سمي
طلع فيصل ورى رواف وركض له ونطق: شرأيك نشتري هديته الحين
رواف: الحين يجون خلها بعدين
كملوا تجهيزات وجهزوا العشاء للحريم وللرجال ومعالي وبناتها جووا والعنود شغلت اغاني وصورت والكل كان مبسوط ومتحمسين لجيتهم وكانوا يجهزون لليوم الثاني خطبة نايف ونجد وخطبة فيصل والعنود مع بعض والكل مستانس
-
الله الله بالتفاعل تفاعلوا ومعليش طولت بس تراني والله وحدي اكتب وانتوا عارفه يتعب واعذروني عاد الجامعه ناشبه لي
ضيفوني انستااااا لا تنسونننن ستورياتي بتعجبكم 😉
اشوفكم ببارت ٣٢
احبكم ❤️❤️..
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
