محبة لـيـن ذربة من القلب تكساك محبة لين صدق الهوى

part 27

-الساعه 11:33 عند لين وتركي-
تقدم تركي يصحيها ونطق: خلاص لين يلا نطلع
قامت لين بتعب ونطقت:تركي خلني انام شوي
تركي بمزح:بعد الساعه 12 ماراح نطلع
لين: خلاص قايمه قايمه مالت
توجهت تغسل وججها وتفرش أسنانها وبدت تتجهز
بعد مده خلصت ولبست وخلصت وقام تركي ولبس وتوجهوا لسيارة الاجره
تركي:ها وين تبين نروح؟
لين: جوعانه والله تكفى اقرب مطعم وقف عنده
تركي: عيوني لك
توجهوا لمطعم Diep يأكلون ..
خلصوا اكل وطلعوا يتمشون بشوارع فرنسا بكل حب ..
تركي:احس اليوم مانروح نلعب وكذا لان الوقت تاخر خلينا نتمشى وبعدها نروح نتقهوى شرايك؟ وبكره نروح نلعب
لين : ايي تم ماعليك أنا معك
~عند بيت متعب آل سويلم~
الجد متعب:خلصت الاجازه واحنا ما سافرنا
عبدالله:الاجازه الجايه ان شاء الله
ليان:جدي العيال كانوا مخططين لسفره وبياخذونا معهم بس مدري متى
متعب:ومن قال ذا الكلام بدون لا يأخذ شورنا
ليان:صراحه مدري بس ذا اللي صار
متعب:مافي لا سفره وولا شيء خلاص دوامات
ليان:بقول لهم
قامت ليان من عند متعب وعبدالله وتوجهت للغرفه تتروش
تقدمت العنود للغرفة اللي جالسين فيها البنات ونطقت:بنات بدت الدوامات واحنا ما شرينا شيء متخيلين
ريم:اخخ مالي خلق بس كلموا واحد من العيال يودينا
الماس:بكلم سعود يودينا المول
ابتهال:يلا روحي له
توجهت لغرفة سعود وطقت الباب ونطق:تفضل
دخلت وجلست
سعود:خير جلستي على طول
الماس:سعودي اسمع
سعود:من سعودي ذي فيه شيء
الماس:نبي نروح نشتري أغراض من المول للدوامات
سعود:طيب؟
الماس:نبيك تودينا
سعود:ماتكفي سيارتي
الماس:إلا تكفي بس أنا وإبتهال والعنود وريم ووجد بس الباقي اخذوا اونلاين وليان يمكن تجي معنا بسألها
سعود:طيب بكرا اقعدوا بدري مب اليوم ماقدر اليوم مافيني
الماس:تستهبل نروح المول الساعه 1
سعود:طيب خلاص بكرى تجهزوا العصر اجي من دوامي واوديكم
الماس:كفوو
سعود:كفوك الطيب
الماس اتجهت بتروح عند العيال وناظرها رواف "تعبان"
وناظرته وبغت تروحله تسأله شفيه وجهك شاحب وجاء الجد متعب ودخلت عند البنات ونطقت: قال سعود بكرا العصر يودينا ونشتري
العنود: تم كويس خلاص بكرا نروح
ليان:وين تروحون
الماس: المول امشي معنا ناخذ أغراض الدوام
ليان: اها تمام ، برد برد
ليان وش اللي برد حر انتبهي تطفين المكيف
راحت ليان طفت المكيف وطنشت الماس
الماس: وجع قلتلك لا تطفينه
ليان: بس شوي والله برد وعظامي يعوروني
فيصل نادى ساره: ساره
طلعت له ساره ونطقت: هاااا
فيصل: وين جوالي
ساره: شدراني
فيصل: اوففف وينه مالقيته
ساره: بدق عليه وروح دوره
دقت ساره على جواله وماكان فيه صوت ونطقت: شكله طافي
فيصل: كان فيه ٥
ساره: طافي اجل اذلف دوره
فيصل بتكشير ونطق: يُمه جوالي ويننن
الهنوف: مادري ماشفته روح اسأل العيال
فيصل اتجه للعيال ونطق: : يعيال من شاف جوالي
رواف: ماشفته
فيصل: وشفيه وجهك شاحب كذا
رواف: جسمي مكسر وحلقي يعورني
فيصل: الحرارة مرتفعه شكلها
فيصل راح وحس جبهة رواف ونطق: مسخن
رواف: والله جسمي مكسر مكسر
فيصل: يلا امش نروح المستشفى
رواف: مافيني حيل ابداً بروح لغرفتي
فيصل: لو تعبان مره كلمني وباخذك
رواف: تمام
سند: فيصل هذا جوالك صح
فيصل لف لسند وناظره ونطق: اي وين كان
سند: ورا الكنب شكله واحد من البزران رماه وحطه هنا
فيصل: اهم شيء لقيته عطني ياه
سند: ها خذ
فيصل اخذ جواله وشحنه وقعد يسولف مع العيال
رواف راح اتجه لغرفته ومانتبه لالماس وناظرته وركضت لعنده ونطقت: شفيك
رواف: خرشتيني بسم الله
الماس: شايف جني أنا زق لاني سألت شفيك
مشت الماس ومسكها رواف من يدها وضحك ونطق: تعالي
الماس: شفيك ليه وجهك شاحب
رواف بتعب: تعالي
فتح رواف غرفته الباب ودخل ونطق: مابتدخلين!
الماس: لا
رواف: لا تفهمين غلط ولا تفكرين ترى ماراح اسوي شيء
الماس دخلت ونطق: تعبان والله
الماس: وش تحس فيه
رواف: جسمي مكسر وحلقي
قربت تلمس جبهته وناظرها وابتسم
الماس: درجة حرارتك مرتفعة بروح اجيب كمادات بارده واجيك
رواف: لا خليك بدونها مابي والله شيء بنام شوي
الماس: وش اسوي طيب هنا
رواف مسك يدها واتجه لسريره وقعدها وحط راسه بمخدته واخذ يدها وحطها بجبهته ونطق: يا خلي يدك كذا ولا العبي بشعري الين انام خليك لا تروحين
ناظرته الماس ولعبت بشعره وبدقيقة غفى من التعب ناظرته وطلعت تجيب كمادات بارده ورجعت له وقعدت تحط له بجبهته
رواف حس بالكمادات: لا الماس مابي احس بالبروده برد والله
الماس: عادي عشان تروح السخونه تحمل
تدفى رواف ببطانيته وكملت الماس تبلل الكماده وتحطها له
طقت الباب جوان ونطق:مين
جوان:أنا جوان افتح
بققت عيونها بصدمه تنطق بهمس :اووف شسوي وين ارووووح
رواف:خلاص تخبي داخل الدرج وبدون صوت
جوان:اخلص علي
رواف:جاي جاي
تخبت الماس بالدرج وفتح لها الباب
جوان:وين الماس
رواف:شدراني وين الماس كيف بعرف أنا
جوان:لا بس كنت أدورها وسمعت صوتها يمكن يتهيأ لي
رواف بتكشير:اكيد يتهيأ لك ولا وش بيجيب الماس هنا تستهبلين كيف بتدخل غرفتي اصلاً
جوان:مدري يلا بروح
رواف:طيب
سكر الباب وتنهد براحه
توجه يفتح الدرج عشان تطلع ونطقت:ابي اطلع
رواف:ماتقدرين
الماس:ليه ان شاء الله اطلع وسوا لي طريق
رواف:طيب اسمعي اول ماتطلعين روحي اللفت "اصنصير او مصعد" وروحي للدور الأخير بغرفة العاملات وانزلي واذا احد سألك قولي دورت سماعاتي فوق وما لقيتها
الماس:تمام
راح يشوف ونطق:يلا بسرعه بسرعه روحي
ركضت لـ اللفت"المصعد او الأصنصير" وراحت لدور غرف العاملات ونزلت
كان بوجهها الصاله اللي يجلسون فيها وشافوها ونطقت جوان:وين كنتي دورت عليك بكل مكان
الماس بتوتر:لا بس ضاعت سماعاتي ورحت فوق لاخر دور أدورها
جوان:طيب تعالي هنا
تقدمت تجلس جنب جوان وبدوا الكل يسولفون ويتقهوون على ترافل مانجو من يدين هيفاء
عبدالرحمن:إلا رواف وينه؟
نجد:تعبان يايبه اتوقع نايم
فيصل:اي نايم قال بيروح ينام
عبدالرحمن:شفيه
هند:مسخن
عبدالرحمن لجوان:قومي بنتي حطي لأخوك كمادات بارده
الماس:خالي شفته اخذ من المطبخ كمادات
عبدالرحمن:زين اجل
الجد متعب:إلا وش سالفة سفرتكم ياعيال
سعود بصدمه:مين قال لك
الجد متعب:بنتي ليونه
سعود ببتسامه لأنه يعرف طبعها:لا يبه تكنسلت تعرف دوامات وكذا مشغولين
الجد متعب:الاجازه الجايه نسافر مع بعض إذا ربي احيانا ان شاء الله
الكل:ان شاء الله
مشعل:العنود دقي على لين وتركي نشوف أحوالهم
الهنوف بمزح:الله يهديك يمشعل حتى وهم برا لازم تدق؟
مشعل:لا لازم نتطمن اكيد هم بالفندق الحين محد يطلع الساعه وحده صح ولا لا؟
العيال:صح
ضحكوا كلهم ونطقت العنود:سم عمي الحين ادق
مشعل:سم الله عدوك يابنتي
ابتسمت ورسلت رساله لـ لين"عمي مشعل يبي يكلمكم بدق طيب؟"
ردت لين ونطقت:تمام دقي
دقت العنود وردت لين وسلموا على بعض وعطتها مشعل ونطق:يامرحبا يامرحبا ترحب ملايين
لين ببتسامه:البقى يابوي شلونك عساك بخير؟
مشعل:بخيرعساك بخير
لين :الحمدلله بخير وسلامه
مشعل:ها طلعتوا؟
لين بضحك:اي رحنا تعشينا وتمشينا بس بكرا عاد يبدا الجدول
مشعل:تتهنون الا وين تركي؟
لين:نايم من اول مارجعنا نام
مشعل:اي
عبدالله:عطني ياها
تقدم عبد الرحمن لمشعل ياخذ الجوال ويجلس جنب عبدالله يسولفون معها
بعد ساعه قفلوا وتوجهت تنام
سوت السكن كير حقها وتوجهت للسرير
حس عليها ونطق:قربي
قربت لحضنه ينامون
~ عند بيت فارس التومان ~
قامت ونطقت:يلا أنا قايمه انام
جيهان:تو الناس وين قايمه يختي؟
معالي:والله تعب قومي نامي انتي بعد
جيهان:اجل يلا
راحوا فوق وتوجهت معالي لغرفة رسيل ووسن ونطقت:ها متى تنامون؟
رسيل:خاله شوي وبنام بس يخلص الفيلم
معالي ببتسامه:تمام
-تسريع احداث-
-الساعه 4 العصر-
لبسوا عباياتهم وراحوا
إبتهال العنود ريم ووجد والماس
وجد: ليان بتجين
ليان: لا مالي خلق تعبانه اشترولي معكم انتوا
إبتهال: طيب سلامتك اكتبي اللي تبينه عشان ماننسى
ليان: تمام
العنود ركضت لبرا
سعود: السيارة ماراح تطيرعليك شفيك تجرين كذا
العنود: جب عشان اجلس جنب الشباك
سعود بضحك: كذا نظامك
العنود بضحك: اي
ركبت العنود جنب الشباك وقفلت باب السيارة عشان لاحد يجي جنبها
وطلعوا البنات وراهم وركبوا
إبتهال: شفتوا السوسه عشان كذا ركضت
العنود بضحك: تعرفوني احب جنب الشباك ولا مارتاح
وجد: وصخه والله كنت أنا ابي جنبه
سعود: بس يلا الماس اركبي
الماس ركبت وقفلت الباب وبدأ سعود يسوق متجهين يشترون اغراض للدوام " تركي وفيصل بشركة دوامهم" والباقي جامعيين "بتعرفون تخصصهم بعد شوي"
-عند أبطالنا-
لين طبعاً الدوره راحت وكانت مستحيه تقوله ومتوتره ودقت على العنود وبعد مدة ردت عليها
لين بهمس عشان لا يسمعها تركي: الدوره راحت وهو قالي إذا راحت قوليلي وانا الحين بموت توتر وخوف ومستحيه مستحيل اقوله وش اسوي
العنود بضحك وهمس: البسي له قصير وتكشخي وبيفهم
لين: اقولها استحي تقول لي البسي قصير
العنود: ماعندي حل غير كذا
سعود: مين تكلمين قفلي الجوال وصلنا
العنود: لين بعدين اكلمك
لين:لا تقفلين العنود تكفين خليك معي ع الاقل بتجهز لتركي وانتي تكلميني يمكن يخف التوتر
العنود: بنشتري اغراض شوي اكلمك اول ماخلص
لين :انقلعي
قفلت لين من العنود وناداها تركي
تركي: لين
لين بتوتر: وشو
تركي: شفيك
لين: ابد سلامتك
تركي: طيب بطلب اكل وش تبين قبل مانطلع
لين:من وين؟
تركي:ماك
لين:تمام ابي ليتل تايستي
تركي:تمام قلبي وصوص؟
لين:بيق تايستي
تركي:تم
لين بتوتر:متى بنطلع؟
تركي:بعد ما ناكل ليه؟
لين:اليوم مابي اطلع خلنا نجلس
تركي بضحك:حنا سافرنا عشان وش؟عشان نستانس
لين:اي بس ودي اليوم نتابع فيلم ونسهر مع بعض
تركي عقد حواجبه ونطق:طيب إذا رجعنا نسهر؟
لين:تركي خلاص اسكت
تركي:شفيك اليوم مب على بعضك
لين:لا ولا شي خلاص
تركي:قولي احس فيك شيء
لين:لا مافيني شيء
تركي:لين قولي
لين بتوتر وخجل:راحت
تركي:وش اللي راحت
لين بخجل:الدوره راحت
تركي قام ونطق بفرحه:احلفييي!
لين:والله
تركي بفرحه: الله صدق والله راحتت يسسس
ابتسمت من ردة فعله واكتفت بعدم السكوت
تركي:موعدنا الليله تمام؟جهزي نفسك
لين بتوتر:بروح اتروش
تركي:بجي معك
لين:وين!!
تركي بضحك:معك بتروش
لين:اذلف واجلس هنا انتظر الطلب
تركي بضحك: تم
توجهت للحمام تتروش وطلعت لبست وحطت لوشن وكل شيء تحتاجه وميكب خفيف وطلعت
وصل الأكل وبدوا ياكلون
~ عند سيارة سعود ~
وصلوا للمول ونزلو
سعود:وين ليان مب على أساس تجي
الماس:قالت مالها خلق تعبانه
سعود:سلامتها
الماس:الله يسلمك
دخلوا من البوابه وتقسموا للمحلات يتقضون..
~عند بيت فارس التومان~
دخلت غرفة رسيل ووسن ونطقت:يلا يلا يابنات قوموا عشان نبي نمشي للرياض
جُمان:اووف يمه مالي خلق أقوم
معالي:لازم نرجع الدوامات جت يلا يلا قوموا
سُلاف:يمه خلينا ننام واذا صحينا نمشي
مِيلا:صادقه سوسو
معالي:اوف منكم طيب طيب
~ عند تركي ولين بالفندق
لبست حجابها ونطقت:يلا تروك مشينا
تركي:يلا
طلعوا يتمشون بشوارع فرنسا وتوجهوا
لين: تركي وين بنروح
تركي:توقعي
لين: قول مالي دخل
تركي:بنروح نهر السين ياقلبي
لين:يوووننسس تم
حضنها وكملوا مشي واخذوا سياره متوجهين لنهر السين وصلوا لنهر السين مع الأجواء الحلوه ونطقت:شرايك بالمكان؟
تركي:صراحه حلو بس البحر مدري
لين:اي ذا اللي ماعجبني مره خلنا نتمشى
مسك يدها وكملوا مشي وسوالف
اشر لها تركي على بائع الورد ونطق:تعالي
ابتسمت لين وطلعت جوالها تصور وهو ماسك يدها يسحبها لبائع الورد
اشترى لها وعطاها وباس رأسها ونطق:الله يديمنا لبعض ياقلب تركي
لين ببتسامه:امين ياعيوني الله لا يحرمني منك
تركي ببتسامه: ولا منك
سحب يدها وكملوا يمشون
لين: شوي شوي ماراح اطير والله
تركي لف عليها وشالها وهو يمشي ودار فيها
لين بضحك: بالله ماني ثقيله
تركي: لا حيل خفيفه اطيرك بثانية
لين: طيب تركي اسمع
تركي: قلبه
لين: نفسي بشيء يطلبه منك
تركي: عيوني لك سمي
لين: تكفى ورق عنب حامض
تركي بضحك: تراك مو حامل شفيك متوحمه كذا
لين: تكفى نفسي فيه
تركي: من عيوني تعالي ندورلك
ركضت لين قدامه بحماس وابتسم لها
ولين صورت الجو وبدأت يمطر
تركي: يوه الجو بارد
لين: يجننن مابي ارجع الفندق
تركي بضحك: امشي بس ذي تبي تنام بالشارع
لين مشت لعند تركي ومسكت يده ونطقت: والله الجو يجنن
تركي: يشبه مين
لين ببتسامه اشرت على نفسي
ضحك تركي وابتسم بنفس الوقت
دقت العنود على لين وبعد مدة ردت لين عليها ونطقت: نعم
العنود بضحك: شفيك
لين: كليزق بساعد نفسي ابرك خليك قد سحبتك
العنود بضحك: تكفين والله والله انشغلت شويتين والحين خلصت
لين بهمس: بنهار الليلة الليلة احس بنهار خلي الارض تنشق وتبلعني
العنود: عرف انها راحت:
لين: اي اي
تركي: اي اي على وش
لين: مالك دخل كمل مشيتك وانت ساكت
تركي ف استغراب وضحك ونطق: جبهتي طيب لا تقصفينها وجع
لين كتمت ضحكتها ونطقت: العنود تكفين حسبي الله على سُميه
تركي سحب الجوال ونطق: اشفي العنود
العنود: ولا شيء
تركي: تتكلمين ولا اجي اصفقكك
العنود: ياخي سُميه خوفتها بس هذي السالفة
تركي: يلا قفلي شوي كلميها
قفلت العنود وطفى جوال لين وناظرها ونطق: بوشو
لين بتوتر: بالموضوع
تركي: وليه تخافين
لين: ياخي خوفتني وبس
تركي: هذا بعد ماتشجعك مالت عليها أنا اوريها والله
لين: خذ راحتك روح صفقها وانا خلني هنا وحدي
ضحك تركي ونطق: امشي امشي قدامي بس
لين بضحك: ماودك نرجع صغار مسرع كبرنا وتزوجنا احس خلاص خذ خاتمك وأغراضك
تركي كتم ضحكته ونطق: قدامي يلا مافي انتي لي خلاص
لين: ترى امزح ها لا تزعل
تركي ببتسامه: ماعليك داري
لين ابتسمت له
ودق جوال تركي وكان رقم مو مسجل عنده وطنش
-
العنود بضحك: بنات الليله بيتم الموضوع
الماس ضحكت على طول ونطقت: للحين خايفه
العنود بضحك: باقي شوي وتموت
ساره بضحك: مالت على سُميه اللي ماتستحي ارعبت البنت
العنود بضحك: وصخه والله امشي نصفقها هي وكرشتها الصغيره اللي بدأت تكبر مع الحمل
ضحكوا البنات واتجهوا لعندها
العنود: بوووو
سُميه بخرشه: وجع خرشتيني شعندكم متجمعين فوق راسي
العنود بضحك: حرام عليك البنت مرعوبه
سُميه: اي بنت
الماس: جدتي مين بالله يعني مين غيرها لين
سُميه بضحك: راحت الدوره
العنود: اي والليله بتموت شكلها بسم الله عليها
سُميه: ماعليه سهالات دقي عليها اكلمها
العنود: توي قفلت منها شوي ادق ونسولف
سُميه: اجل بكتب لها كتابة
فتحت جوالي سُميه وكتبت لها رسالة فيها:"والله امزح يعيوني لا تخافين موضوع بسيط بيخلص سريع لا توترين نفسك ولا شيء".
سُميه بضحك: جاني تأنيب ضمير
العنود ناظرتها وضحكت ونطقت: اللي يجيه تأنيب ضمير مايضحك
الماس: مو هي اللي ضحكت النونو
ضحكوا كلهم وجلسوا يسولفون ويضحكون ويتحلطمون بنفس الوقت لانه الدوامات رجعت وبيكون تعب وحر عليهم..
-
طولتتتتت معليش الله الله بالنجوم احبكم
❤️❤️