"الروايه مو خياليه"
حسابي انستا: j8e2i بقولكم هناك متى اكون انزل البارتات ف الواتباد
"الروايه مو خياليه " تركي ولين موجودين بالواقع وصدق متزوجين"
————————————————————
بعد ماتطمن الكل على لين راحوا يجهزون الاكل
لين كانت عند المسبح ببجامه شورت لونها اسود والاكمام كت وتصور والكل داخل يجهزون الاكل ومعهم تركي ينتظر يأخذ الصواني "العيال بالشاليه حقهم"
لمحها تركي وركض لها وكان وراها يشوفها تصور
وسحب جوالها وحطه ف الطاوله
لين:ياحيوان شسويت اذلف الحين بيجون وبعدين أنا لابسه قصير شعندك وراي
سحبها تركي ينزلها للمسبح ، لين: ياحيوان مابي انزل ببجامتي وبعدين اخاف خلاص من بعد ماطيحتني لولو
تركي: تخافين وانا معك؟ ماعليك أنا معك مابيصيرلك شيء بعلمك السباحه وامسكك "تركي كان لابس شورت وتيشيرت وفصخ التيشيرت"
لين: لا تركي طلعني مابي
تركي: اص
وقعد يعلمها تركي كيف تسبح عشان مايشيل همها إذا راحوا مره ثانية شاليهات بتكون عارفه تسبح وماتغرق
لين بحماس: الله طلع سهللل
تركي: مره سهل يلا أنا بفك يدك وانتي جربي ماعليك لو ماعرفتي برجع امسكك
لين: لاااا ياويلك تفكني
تركي ابتسم وفكها وبسرعة لين فهمت السباحه وعرفت وقعدت تسبح بحماس وتركي يضحك عليها
تركي: شفتي قلتلك بتعرفين
لين: يلا انقلع بسبح لوحدي
تركي: والله مانقلع
لين بتوتر:خير توي استوعب بدون تيشيرت ليه
تركي بغمزه: كيف
جت الهنوف تنطق بنداء لـ لين عشان العشاء:لين
سمعت صوتها ونطقت:بسرعه بسرعه انزل تحتتتت
تركي:تستهبلين تبين افطس
لين بتوتر:بسرعهههه تركيييي
الهنوف: بسم الله عليك عرفتي تسبحين
لين بفخر: اي يُمه فتحت مقاطع باليوتيوب وتعلمت ونزلت
الهنوف:كفو يلا تعالي اطلعي عشان الاكل جهزناه وين تركي دورته بكل مكان مالقيته
لين نادت العنود وجت العنود وغمزت لها انه تركي معها تحت المسبح متخبي
تركي ماقدر يتحمل وطلع بسرعة يتنفس وشافته الهنوف ونطقت: وش تسوي هنا بسم الله
تركي: كنت اعلمها السباحه عشان ماتغرق مره ثانية
لين بتوتر: كذاب أنا تعلمت من نفسي هو مدري من وين طلع
تركي ناظرها ونطق: لين بتفهم غلط لا تنكبينا
الهنوف:شفيكم خفتوا عادي ترا حلال بعض
لين:ماما اصحي حنا مخطوبين فقط
الهنوف ضحكت ونطقت:صح زودتوها شوي بس بتصيرون حلال بعض المها متشدده شوي ، يلا اطلع تركي
المها: ما شاء الله شصاير هنا بسرعه اطلع تركي ماهي بحلالك عشان تقرب منها
الهنوف:الله يهديك المها عادي بتصير حلاله قريب
المها تنهد ونطقت:مدري يختي مدري
تركي بلخمه:تمام يلا بطلع بس اسكتوا
المها أخذت شبشبها بتضربه وتنطق:انقلع يلا انقلع
هرب تركي للغرفه يبدل
العنود ماتت ضحك عليهم
لين: مايضحك ياتبن أنا بطلع وانتي جيبيلي شيء أحطه علي سريع
ركضت العنود تجيب لها منشفه
وطلعت لين من المسبح وركضت خلف العنود
العنود: علمك هو السباحه
لين: اي من الخرشه كذبت
العنود: ياويلك بتصفقه
لين: تكفين لا
-عند المها وتركي-
المها:ياولدي عيب ذي السوالف توكم ما تزوجتوا
تركي:ابشري يمه آخر مره أسويها بس علمتها السباحه والله بسسس
لين جت ونطقت:خاله ترى بس كان يبي يعلمني ما سوا شيء وربي
المها:تمام ياقلبي واثقه فيك بس مب واثقه من السلوقي هذا
ابتسمت لين ونطقت:بكون قد ثقتك
تركي بهمس: أنا اوريك كنت بتصفق عطتني محاضره طويله نفس وجهك
لين بنفس الهمس: لا تغلط وجهي اصغر من راسك الطويل
تركي: جب جب
لين: تسكتني!
تركي: جب
راحت المها ونطقت لين:قدها؟
تركي:قدها وقدود بعد
لين:انت طالق طيب؟ولا عاد تكلمني ولو كلمتني ماراح ارد عليك
وراحت وهي تسمع صراخه وتأسفه وتضحك
ركض وراها ودفته وركضت لعند الحريم وقبل لا توصل مسكها
لين: وش
تركي: بتتعاقبين
لين بدلع وهي تمثل البراءه: يعني قلبك يطاوعك تعاقبني؟
تركي: اي
لين: يعني قلبك اسود
تركي: اي
لين: يعني عادي
تركي: اي
لين كانت بتصارخ
وغطي فمها وقرب منها
لين: شتبي
تركي: ابيك
لين: تراني جوعانه بروح اكل وانت روح كل يلا
تركي بمزح: أنا الأكل كليني
لين:وع دزها بطلع
تركي:دام وع منتي طالعه
عضت يده ونطقت: طعم ملح يع
تركي مات ضحك ودفته لين وركضت وركض وراها ومسكها
لين: تكفى جوعانه اخلص اكل واجيك
تركي: وين
لين: شرأيك نطلع ونهرب
تركي: والله؟
لين: اي بس بعد ما اكل
تركي: دقيقه تعالي معي
لين: وين
تركي: تعالي
مشت معه لين الين الغرفه ودخل تركي ونطق: انتظريني بغير لبسي بس دقيقه تكفين
لين: يلا تمام
غير لبسه تركي على السريع وحط من عطره المُفضل ومشط شعره ولبس الكاب وطلع ونطق: يلا
لين: وين يلا
تركي: نطلع!!
لين: تستهبل خلني اكل بالأول
تركي: بنأكل برا روحي البسي عبايتك
ركضت لين للغرفه وغيرت لبسها ولبست ليقنز اسود مع تيشيرت ابيض ولبست عبايتها وطلعت
تركي: يلا يلا من الباب الخلفي
لين: يلا
تركي: مو خايفه؟
لين: من وش
تركي: من جدي
لين: لا ماعليك بنكذب عليه اي شيء
تركي: بدق على امي وبقولها
لين: تم ، ومشوا مع بعض للحوش وصادفتهم العنود
العنود: وين ياكلاب
تركي: نتمشى
العنود: انتظروني بروح البس عبايتي واجي
تركي: ماراح تجين يلا لين
العنود: جرب تتحرك انت وياها والله اعلم جدي
لين: لا تعلمينه ولا شيء انقلعي البسي عبايتك وتعالي
تركي بهمس: لين ماقصد شيء بس أبي أنا وانتي لوحدنا
لين: ماعليك خلها تنبسط معنا حرام
تركي تنهد: تمام
لين: لا تزعل لا طراق
تركي ابتسم وبخبث: فكي النقاب
لين: يونس عادي عندك افك النقاب واتحجب بس!!؟وبحماس لين فكت النقاب
تركي: لا لا ابيك تبوسيني ارجعي تغطي
لين: والله مابوس ولا راح ارجعه اذلف
تركي بضحك: بوسيني واخليك تطلعين بدون نقاب
لين: كذاب اخاف ابوسك وتطلع كذاب وتقولي رجعي النقاب
تركي: ماعليك بوسيني وبس
لين: ماراح ابووووس لين تحلفلي
تركي: احلف وشو
لين: انك تخليني اطلع بدون النقاب
تركي وهو يستغفر بداخله:والله عادي
لين: والله عادي ايش
تركي: والله عادي تطلعين بدون نقاب بس بحجاب
لين قربت بحماس منه تبوسه ورمت النقاب عند باب الشاليه
وضحك تركي عليها ونطق: خير رميتيه هنا
لين: خلاص النقاب اوووت
شاله تركي ونطق: اقول كنت امزح عليك مستحيل أخليك تطلعين كذا
لين اخذت النقاب وخبته بشنطتها وركبت السياره
ضحك تركي ونطق: يعني ماراح تلبسينه
لين: اي
جت العنود ونطقت: خلاص روحوا انتوا
لين: ليه اشبك
العنود: قلت أخليكم لوحدكم تنبسطون يلا اذلفوا
تركي: اقول تعالي
العنود: لا خلاص روحوا وترا الحريم يقولون انه في واحد جاء وتقدم لي أنا مابي تركي تكفى تصرف
تركي: ماعليك محد يغصبك على شيء انتي ماتبينه وروحي البسي عبايتك وتعالي
العنود بضحك: يعني ماراح اكون نشبه؟
تركي ولين بنفس الصوت: اقول روحي البسي
العنود: من قوة حبكم لبعض رديتوا نفس الكلام وبنفس الوقت
لين: يع ماحبه جت صدفه
تركي ناظرها ونطق: لين
لين: امزح احبه وأموت فيه جعلني ابوسه بس
تركي: بوسي
لين: عيب اختك هنا
تركي بضحك:بوسي
العنود طنشتهم وضحكت وراحت تلبس العبايه
-عند الحريم-
سمعت صوت دقة جوالها من "تركي ولدي♥️♥️"
ردت تنطق:هلا
تركي:يمه أنا والعنود ولين ترى طالعين
المها:وين!!والعشاء؟
تركي: نتعشي برا انتم تعشوا
المها:تمام بالعافيه باي
تركي:باي
-بعد مده من السوالف والضحك-
المها:والله شكله مصمم على مروان
هيفاء:لا وع ماعجبني صراحه
الهنوف:وأنتي تقيمين الولد من شكله اهم شي الأسلوب
هند:مب قصة ما عجبها شكله بس أنا نفسها حسيته مب مناسب لعنودي
هيفاء:صح أنا قصدي كذا
الهنوف:خلاص مها شوفي نودي وخليها تستخير ولا تغصبونها على شي لاحقه على الزواج اللي كاتبه ربي بيصير
المها:مستحيل نغصبها لا
هيفاء:عندي خبر لكم برضو
هند:وش
هيفاء:قال لي سليمان اليوم انه بيكلم عبدالرحمن
هند:على ايش
ابتسمت هيفاء ونطقت:يبي يخطب جوان
ضحكوا الحريم وقاموا يهلهلون"يزغرطون"
وجت الجده هنادي على صوتهم تنطق:شفيكم شفيكم وجع
هيفاء ضحكت ونطقت:يمه شفيك مستانسين!!
هنادي:وليه!!
هيفاء:سليمان يبي يخطب
هلهلت"زغرطت"هنادي تنطق ببتسامه:ما شاء الله مين!!؟
هيفاء:جوان بنت عبد الرحمن
ابتسموا الحريم وكلهم يزغرطون ويضحكون
نزلوا الماس وساره على صوتهم ونطقوا:وش السالفه بسم الله
وجلسوا عندهم
نطقت هيفاء:لا بس سليمان يبي يخطب جوان
قامت الماس هي وساره يضحكون يروحون فوق
نطقت الماس:بنات هاتو البشاره هاتوها
نجد:وووش تكلمي!
سُميه:شسالفه
طالعت ساره بجوان مبتسمه تنطق:سليمان يبي يخطب
نطقت صبا بفرحه:ميييين
الماس:خمنوااا
صبا طالعت بجوان والكل طالع فيها
ونطقت جوان بتوتر:بسم الله ليه تطالعوني كذا
مب أنا مب أنا اصبروا نعرف
ابتهال:ياشيخه قولوا
ساره:جوان
الكل أستانس وراحوا يحضنونها وتنطق وهي تكابر:ما تدرون يمكن ما أوافق
الماس بمزح:اقول دزي حاصل لك اخوي وبعدين واضح تحبون بعضض
صبا وهي منسدحه وتطالع بالسقف وتتخيل وتنطق:الله ويجيبون بنت ويسمونها هيف ويجيبون ولد ويسمونه فهد يالبيه
جوان:حبيبي ذولي بنتك وولدك انتي مب أنا؟بسمي ولدي ان شاء الله يزيد وبنتي لينَا
صبا بضحك: زق عليك وعلى عيالك وعلى سليمان بعد
جوان بضحك:خلاص وعد اسميهم نفس ماتبين
نجلاء : جوجو تبينه؟
جوان: افكر
وجد بغمزه: بدون تفكير بتوافق على طول
ليان بضحكه: حتى بدون ماتصلي استخارة
جوان بضحك: خلاص عاد
ليان: مسرع حبيتوا بعض ولا يمكن كنتوا تحبون بعض وماقلتوا لنا
جوان: أنا احبه من زمان بس محد دري وكنت اناظر فيه دايم وهو عرف وقالي اعرف انك تحبيني من نظراتك لي دايم وحاولت اجحد واكذب بس قفطني وبعدها قالي حتى هو حبني
وجد بغمزه: اخصصصص متى اعترفلك
جوان بضحك: امس
ليان: تزوجي انتِ ولين بقاعه وحده بيصير حماس تكفين
جوان: تممم موافقه بس مدري سليمان متى يكلم ابوه
الماس: أنا برسل له ف الواتس دقيقه ، ودخلت الماس على الواتس ترسله وكان مكتوب على اسمه "اخوي سلوم ✨"
الماس: سلوم وينك
سليمان بسرعة رد عليها وقال: عند العيال
الماس: بقولك شيء
سليمان: بقاله ماني رايح اطلبوا
الماس: لا مو بقاله
سليمان: اجل
الماس: شرأيك تخلي زواجك مع زواج تركي
سليمان: بنفس اليوم؟
الماس: اي بيصير حماس
سليمان: اصلاً انتي عارفه مين باخذ؟
الماس: الخبر انتشر الله يحفظ امي نشرته
سليمان بضحك: امي mbc 1
الماس: والله انها مبسوطه
سليمان: جعله دوم المهم تم موافق كلمي امي والباقي
الماس: دن
رواف: صدق سليمان
سليمان يمثل انه مو عارف: وش
رواف: بتزرف اختي مني
سليمان بضحك: اي وبنسافر برا وماراح ارجعها لكم
رواف حضن سليمان وابتسم: ربي يوفقكم يارب والله انبسطت بس مو ترجع لنا تصيح وتقول مسك يدي بقوه
سليمان: لا افا جعل ايدي للكسر إذا مديتها عليها ماعليك واصلاً اعتذرت لها لما قالتلك انها جت تفتح لي الباب
رواف: والله اني واثق فيك واتشرف انك تكون زوج لاختي
سليمان: ياجعلني مانحرم والله
العيال يصارخون بحماس
سند: بيكون معنا زواجتين
نايف: الله يعيييال قسم يونس
فيصل: انت انطم يانايف
نايف: خير شسويت
فيصل: وضعك يقول انك تحب قولنا مين هي
نايف طنش فيصل: يعيال
فيصل: مسوي يصرف
نايف بنكران: ماصرف بس ماحب
فيصل: بكره الايام تبين
الكل: مين قاسي ومين حنين
فيصل ضحك وقام ونطق: بروح اجيب سناكات تبون؟
الكل: اي ،
نايف:عشان نتفرج فيلم
فيصل: تم
طلع فيصل وشاف العنود وتركي ولين بالصدفه
تركي بتوتر: والله تعشينا برا بس والدليل معنا اختي مو لوحدنا
فيصل بضحك: شفيك خفت عادي يبوي انت واثق فيك
تركي: وين رايح
فيصل: اجيب سناكات
العنود: فيصل ابي اغراض من الصيدلية دامك رايح نسيت اقول لتركي يوقفني عند الصيدلية
فيصل: سمي وشو الاغراض
العنود: هات رقمك اكتبلك الاغراض
تركي: أنا بدخل
لين: وانا معك
دخلوا تركي ولين وبقت العنود مع فيصل وكتبت له الاغراض فالواتس وراح فيصل يجيبهم
ودخلت العنود
-عند تركي ولين-
دخلت لين للغرفه ودخل تركي معها وانسدح
لين ناظرته ونطقت: حبيبي قوم روح للعيال
تركي قام ونطق: عيديهاا عيديها
لين: قلتها ترى مو حباً فيك
تركي: عشاني قوليها
لين: يلا عشانك ، حبيبي
تركي: ودي اسسسمع حبيبي ياحياتي احبككك
لين ونطقت: احبك ، لين بخجل: ابي ابدل
تركي: ياخي قوليلي احبك
لين: احبك
تركي: شكثر؟
لين: لا صدق بحاول ماستحي بس حبيتك حسيتك مناسب لي وماراح تخذلني بيوم وبتحبني طول العمر وبتشاركني الاشياء اللي احبها
تركي كان يتأملها وهو قريب منها مره ومبتسم وشافته لين ونطقت: بعد شوي
تركي قرب منها ونطق: لا كملي
لين: هو عناد؟
تركي باس خدها ونطق: كملي
لين: خلاص خلصت
تركي: احبك والله يالين تدرين كنت اضحك ع اللي يحبون وكنت اقول الحُب ماله فايده وكله كلام فاضي ويوم شفتك بالصدفة اول مره طحت ومحد سمي علي
لين: اعشقكك
تركي: ايييي انسي الخجل
لين: بالصدفة ترى
تركي: كذابه تعشقيني وغصب
لين بضحك: حلوه ذي وغصب
تركي: اقول وش نسمي عيالنا
لين: إذا حملت ان شاءالله وطلعت بنت أنا اسميها واذا ولد انت احلى اتفاق
تركي: والله تم
لين: يلا اطلع ببدل
تركي بخبث: بدلي قدامي خلاص امك قالت عادي
لين: جببب مخطوبين بس اطلع لا اصفقكك
تركي بضحك: من عيوني
وطلع تركي
ولين قفلت الباب وبدلت لبسها وعدلت ميكبها ونزلت تحت ..
والكل اتجه ينام
لين: خير بقعد لوحدي
العنود: خلاص الوقت متأخر ونعسانيين لو مو نعسانه كان قعدت معك
لين: خلاص نوم العوافي وانا بطلع فوق اتفرج مسلسلي
سمعهم تركي وسوي نفسه بيروح ينام
وناظرته لين ونادته: تركي
تركي: قلبه وروحه وعيونه
لين ببتسامه: بتنام؟
تركي: لا
لين: وليه بغيت تروح
تركي: سويت نفسي بروح ولا كنت بجي معك اصلاً
لين ببتسامه: يلا تعال
تركي: صدق؟
لين: اي تعال ومسكت يده لين وناظرها تركي وابتسم ومشوا مع بعض لفوق
وجابت لين اللابتوب وشغلته وانسدحت وجاء تركي وانسدح جنبها ونطق: العبي بشعري
لين: قوم قفل الباب
تركي قام وقفل الباب ورجع جنبها
وقعدت تلعب بشعره لين نام وهي تتفرج مسلسلها
ناظرته نايم وابتسمت وطفت اللابتوب ونامت معه بنوم عميق..
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
