محبة لـيـن ذربة من القلب تكساك محبة لين صدق الهوى

part 23

حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
———————————————————————
خلص يومهم الحلو وتوجه الكل ينام
الرجال بقسمهم ، والحريم بقسمهم
-اليوم الثاني الساعه ١٢ الظهر-
-تحديداً بقسم الرجال-
عند الجد وهو يدور على كل الغرف وينطق بصوت مرتفع:يلا يلا قومو لا صلاة ولا عباده قومو قامت عليكم القيامه
جلس بالصاله ورجعوا ناموا
-بعد مده قام يصارخ عليهم-
سمع صوت الجد متعب تركي وقام بسرعه يروح يتروش عشان ما ينجلد ، دخل الغرفه يصارخ ويقعدهم ، ضرب نايف بالخيزرانه وفز نايف ونطق بألم:اه
الجد متعب بصراخ وحده:وجع إلا وجع تطلع آهاتك عندي ارفع علومك وقوم يلا قوم
نايف:العذر والسموحه جدي بالغلط ابشر الحين أقوم
الجد متعب:فاطسين فطست عليكم ناقه
ضحك نايف وتوجه يغسل وجهه
بعد مده الكل قعد من حريم ورجال ، توجهوا الرجال لقسم الحريم
-بقسم الحريم تحديداً بالمطبخ-
الهنوف:يلا كل وحده تأخذ شيء
لين بضحك: يُمه أنا المفروض ارتاح توني عروس
الهنوف بمزح:انطمي بس انطمي لمن يصير الزواج ترتاحين
لين:ابشري
العنود دخلت ونطقت:مب طبيعي الالم راسي مصددعععع
الماس:أنا رقبتي متكسره من الرقص
بعد ماصحوا وتروشوا وصلو والكل تجمع عند الجد وصوت الضحكات والسوالف الحلوه
العيال توجهوا لقسمهم
فيصل : عيال شرايكم نسوي جلسه بالقعده الخارجيه مع البنات ونشوف فيلم وربي ملل
نايف : قدام
سليمان : نايف قم ناد البنات
نايف : اقول قم انت بشرب الشاهي
سليمان : نايف قم لااقوم عليك
نايف : جب قوم انت
رواف : عيال استهدوا بالله انا بناديهم
توجهه رواف للبنات وكان يدعي انه الماس ترد عليه سمع اصوات الضحكات والسوالف ومن بينهم الماس ونطق: يالبييهه
طق الباب
الماس : مين
رواف : اخخ ياصوتها يطير الطير من السماء
الماس: رواف كلزق
رواف : اءاءاءاءءء بنسوي جلسه خارجيه برا تجون؟
الماس بحماس: بنات العيال يقولون بنسوي جلسة خارجيه برا يلا قوموا
لين: بنات تكفون احس متكسره من امس قوليلهم بعدين
نجد: امانه لا احس ملل خل نمشي لهم لين تكفين امشي
الماس: اي بنات وربي وناسه جلستهم
لين: تمام
الماس: لين تجين؟
لين: يلا
الماس: رواف
رواف: ياعيونه
الماس: قول هلا مو ياعيونه لا تخليني افقع عيونك
رواف بعناد: وقلبه وروحه
الماس: كلزق وامشي روح اسبقنا
رواف: الين متى تكابرين ؟
الماس: رواف ظف وجهك بنلبس ونجي
رواف: طيب اوريك اعلمك منو اللي يظف وجهه
الماس : هه خوفتني
رواف: خليك قد كلمتك
الماس : توكل الله يعافيك
رواف توجهه للعيال
رواف: عيال البنات شوي ويجون بيلبسون
توجهوا نايف وسليمان يعدلون الجلسه الخارجيه
- عند البنات -
العنود : بنات يلا خلصت
لين : بعد انا خلصت
البنات كلهم خلصوا ماعدا الماس
العنود: الماس بنروح اول والحقينا
الماس: اوك
عند البنات توجهوا للجلسه الخارجيه
وجلسووا وقعدوا يسولفون ، لاحظ عدم وجودها مع البنات ونطق :بنات وين الماس
العنود: قاعده تلبس
رواف: بس طولت
العنود: مدري والله بقوم اشوفها
رواف: خلوكم بشوفها انا
توجه للغرفه
رواف: شفيكك بسم الله عليك من وين هالدم كله
الماس: مو راضي يوقف انكسرت الكاسه ويوم بغيت المه نسيت انه بيدي وجرحت فخذي بالغلط
رواف فصخ تيشيرته وربط فخذها عشان يخف
ولكن الدم ماكان يخف
رواف بخوف عليها: قومي قومي
الماس: مابي مافيني شيء شوي ويخف
رواف شالها متجه ينزل لتحت عشان ياخذها المستشفى
فجاه الكل اللي بالجلسه يسمعون صراخ رواف والكل جاء وكان خايف
رواف: العنوود جيبيي اي غطى باخذها المستشفى
العنود : تمام تمام
الماس بهمس وبحده وبنفس الوقت ألم:لا تستهبل رواف مافيني شيء شوي يخف ، تجاهل صوتها واستمر شايلها يتوجه للسياره متجاهل نظرات الكل وأخوانها الموجودين اللي عصبوا شوي بس عذروه لانه خاف عليها
الماس صحت وهي تصيح الّم وخوف
رواف : الماس وش تحسين فيه تحسين ف الم؟
الماس:مافيني شيء بس احس بألم انت زودتها وهي ما يبي لها شيء
رواف : ياجعله فيني ولا فيك
مد لها يده ونطق:اضغطي عليها اذا حسيتي بألم
بدت تضغط عليها كل ما تتألم
ووصلوا المستشفى ورواف نزل يجيب كرسي
نقلوا الماس لغرفة الخياطه يخيطون الجرح وماكانت متوقعه انه يبيله خياطه ، دخل معها وصد يمسك يدها عشان يخيطون لها الجرح ونطق:اسمعي شدي على يدي كل ما تتألمين لو تبين تعضين يدي عضي
كان خايف ومن خوفه عليها دمع يوم شافها تتألم
عضت على يده بكل قوتها تحاول تتحمل ألم الخياطه
بعد مرور ساعتين من خوف والكل خايف ورواف شوي ووده يموت من الخوف
الدكتور: الحمد لله قدرنا نوقف النزيف وخيطنا لها الجرح لكن محتاجه لمتبرع فصيلة الدم "+O"
وكان رواف فيصلة دمه "+O"
رواف: انا فصيلة دمي "+O" ومستعد اتبرع
الدكتور: تفضل معانا
بعد ما اخذوا دم منه طلع متوجه لـ الماس
شافها بصحتها وسلامتها ونطق ببتسامه:الحمدلله على سلامتك ياعيوني
الماس بتعب:الله يسلمك مافيني شيء الحمدلله
رواف بضحك:تستهبلين خيطوا الجرح واحتجتي لمتبرع ومافيك شيء
الماس وهي بعينها الدمعه:احس الم رجلي مو قادره ابد
رواف: بسم الله على رجلك وروحك ياجعله فيني ولا فيك
الماس: لاتقول كذاا
رواف: تخافين علي اعترفي
الماس: يع حتى هنا تبينا نتهاوش
رواف بضحك: لا خلاص اسف
دخلت الممرضه وتحط للمحلول الحار بالابره
الماس تأوهت من الالم
رواف: شوي شوي عليها بعدي انا بسويه
الممرضه: لو سمحت هذا شغلي وانا اعرف له
رواف: وشو تعرفين له وهيي تتألم
الممرضه: المحلول حار شسوي
كملت وكان يحرق جسمها
الماس: بشويشش يعورني مره
رواف : مد يده لها قال اضغطي عليها اذا حسيتي بالم
الماس : كل ثانيه تضغط عليه وتتأوه من الاّلم
خلصت الممرضه بعد مدة
الممرضه: مااشاء لله الله يخليكم لبعض زوجك يخاف عليك
ناظرتها الماس وبنظراتها عليها الف علامة استفهام
ونطقت:مو زوجي
الممرضه: اسفه معليش
رواف ببتسامه: لاعادي قريب ان شاءالله الزواج
الماس ناظرته واستحت
الممرضه ببتسامه:عقبال ماتجون وأنتم معكم عيالكم وفي زياده بيبي
رواف ابتسم بوناسه وألماس منلخمه ماتدري شتقول
رواف:متى نقدر نطلع؟
الممرضه:بعد ما يخلص المغذي ان شاء الله
طلعت ونطقت:سلامات
الماس ببتسامه:الله يسلمك
بعد مده خلص المغذي وتوجهوا للشاليه
-عند بيت صالح آل فهاد-
شادن:بَّهاج اقول لامي؟ولا انت قول لها احسن
بَّهاج:يختي مب متأكد لاتقولين
معالي:شبلاكم
بَّهاج:ولا شيء سلامتك
معالي بحده:قول
بَّهاج:يمه عاجبتني وحده وبخطبها
معالي ببتسامه:ما شاء الله هذي الساعه المباركه من هي؟
بَّهاج:ساره
معالي بأستغراب:اي ساره؟
تاضي:يمه شفيتس ساره بنت خالتي الهنوف
معالي ببتسامه وفرح:ما شاء الله ما شاء الله ابشر احلا من اخترت والله اخترت الغاليه بنت الغالين
بَّهاج ابتسم واكتفى بعدم الرد
معالي:بس وين شفتها؟
بَّهاج:يوم طلعوا الكوفي اختنقت من النقاب ونزله لها فيصل وشفتها وحبيتها صراحه
معالي:ابشر بكلم الهنوف ونشوف يوم مناسب نخطب رسمي ونشوف ردها
كملوا قهوتهم وسواليفهم
-بالشاليه-
تركي:مافيها شيء ياخاله لا تخافين
هيفاء:بسم الله عليها ياجعله فيني ولا فيها
ساره:بسم الله عليكم كلكم ياخاله لاتقولين كذا مافيها إلا العافيه ان شاء الله ، دخلوا فيصل وألماس وكانت جالسه بالكرسي وماعاد حست بألم
توجهت لعندها بسرعه تنطق:بسم الله عليك ياقلبي
راحوا لعندها الكل يتطمنون عليها
الماس:الحمدلله بخير مافيني شيء
هيفاء طالعت برواف ونطقت:تقدر تمشي؟
رواف:ذي الفتره لا لان توهم مخيطين الجرح
بكت هيفاء بصدمه وهي تعرف بنتها ماتحب الإبر وذي السوالف
رواف:عمه مافيها شيء بخير هي الحين قدامك ياعمه
الماس:يمه وربي أنا بخير والحمدلله ما تألمت
حضنتها واخذتها يجلسون
سمعت صوت جوالها يدق من"معالي❤️❤️"
الهنوف:ارحبي ملايين
معالي:البقى البقى
الهنوف:شبغيتي عسى خير
معالي:خير وخيرين بعد
الهنوف:يلا هاتي
معالي:والله يشرفنا نطلب يد بنتك ساره لولدي بَّهاج
الهنوف:والله هذي الساعه المباركه خليني اكلم أبوها ونحدد اليوم اللي تجون فيه
معالي:والله اعز من ناخذها وساره ما شاء الله كامله والكامل الله ، الهنوف:الله يكتب اللي فيه الخير اجل ياقلبي
معالي:امين ردي لي خبر عاد
الهنوف:ابشري
معالي:تبشرين بالجنه ياروحي يلا تبين شيء مابي اطول عليك؟
الهنوف:سلامتك يعيني
معالي:يلا مع السلامه
قفلوا الاتصال ونطقت الهنوف ببتسامه:مشعل
مشعل:سمي
الهنوف:معالي كلمتني وتقول طالبين يد بنتكم ساره لولدنا بهاج شقلت ابي ارد لها خبر متى يجون يخطبون
ساره استحت وابتسمت ابتسامه خفيفه وقالت بينها وبين نفسها: شفيني ابتسمت أنا اصحي ساره لا تصيرين خفيفه
مشعل طالع بساره ونطق:اللي تبيه ساره يصير
ساره:خلوهم يجون واشوف
مشعل:اجل خليهم يجون بكره
الكل قام يصفق ومستانس
فيصل:والله بهاج ماراح تلقين نفسه ياساره ما شاء الله رجال ومحترم
مشعل:وانت صادق علومه من علوم أبوه
ساره:عادي عندكم اتزوج من غير قبيلتنا؟
مشعل:شدعوه يبنتي عادي كلنا بالنهايه أهل يعني ماتبين؟
ساره:لا عادي بستخير واللي كاتبه ربي ان شاء الله
ريم:بالنهايه كل شيء خيره ونصيب من ربي
الجد متعب:انتي يابنتي استخيري اكثر من مره وتأكدي من اللي تحسين فيه وردي لامك وأبوك خبر
عبدالله:الله يرحم صالح عياله ما شاء الله رجال ومربيهم عدل الله يطول بأعمارهم ويرحمه
الكل :امين
العنود بضحك وهمس: مين قدك خق عليك ف هالسرعة بذاك اليوم
ساره: انطمي العنود
بهاج دق على فيصل وبعد مده رد ونطق: هلا بهوج
بهاج: امرلك ولا انت تمرلي طفش والله خل نطلع
فيصل: اذا لقيت وقت كلمتك تمر سيارتي مع خويي وأنا بالمستشفى
بهاج بخوف: سلامات اشفي
فيصل: بنت عمتي انجرحت وخيطوا لها
بهاج تحمد من داخله ونطق: سلامتها ماتشوف شر
فيصل: الشر مايجيك
بهاج: ف اي مستشفى بجيك
فيصل: بمستشفى ****
بهاج: قريب من عندنا حلو يلا جاييك
معالي: يُمه بهاج وين بتروح
بهاج: المستشفى
معالي: ليش
بهاج: انجرحت بنت عمته يقول وخيطوا لها
معالي: بدق على المها بتطمن عليهم
بهاج: دقي مافيهم إلا العافيه يلا استأذنكم اذا تبون شيء دقوا علي
شادن: بهاج سلملي على البنات
بهاج: ان شاءالله
بهاج طلع اتجه يركب سيارته وبدأ يسوق للمستشفى
وبعد مده وصل ودخل وشاف ساره لوحدها على الجوال وسوي نفسه انه ماشافها "يسوي نفسه ثقيل 😂"
بهاج مشى من عندها عشان تناظره وتحس وناظرته ساره وهمست بينها وبين نفسها: وش جابه وش دراه أننا هنا يمه ليكون فيه شيء واحنا مو دارين
ناظرته وقعد يدور على فيصل ودق عليه
فيصل: هلا بهوج
بهاج: وينك
فيصل: بغرفة رقم ١٠٧ بس لا تدخل أنا اطلع لك
بهاج: يلا انتظرك
قفل جواله بهاج وناظره الدكتور خالد "طبعاً خالد وبهاج اخوياء"
الدكتور خالد: ارحب بهوجي وينك غايب وحشتني والله
بهاج بضحك: يع لا تقول بهوجي ، ابد موجود والله اكثر انت وينك
خالد: والله هنا زي مانت شايف
بهاج بمزح: صرت دكتور وتكبرت
خالد بضحك: اتكبر على الكل ولا اتكبر على خويي
بهاج ابتسم ونطق: يلا نتقابل على خير لا فضيت كلمني ونطلع اعزمك
خالد: تم ابشر يلا ف امان الله
جاء واحد جلس جنب ساره وناظرها وابتسم لها وساره كشرت بوجهه ناظره بهاج واتجه لعنده ونطق: شعندك جيت تجلس هنا وتبتسم لها
يوسف بتكشير: جلست ماسويت شيء
بهاج: وانت ماتستحي تجلس جنب بنت وتكذب تقول ماسويت شيء وانت ابتسمت
يوسف: انت شدخلك لك علاقه فيها عشان تدافع عنها وتخاف عليها هالكثر خلاص أنا جلست شوي بمشي
بهاج مسكه من التيشيرت ونطق: اسلوبك ذا لا اشوفه يتغير علي لا اربيك هنا سامع واي تخصني زوجتي انقلع عني ودفه بهاج بقوه ورجع يوسف يصفقه كف وتهاوشوا
ساره: بهاج فكههه فك الرجال
ركضت ساره لفيصل
ساره: فيصل تعال شوف بهاج
فيصل ف استغراب: وش
ساره: تعاال
فيصل طلع من الغرفه وشافه يتهاوش مع واحد وركض وفكه عن يوسف ونطق: شفيك انخبلت بهاج اعقل
بهاج: ال**** ذا جلس جنبها وطول لسانه ويوزع لها ابتسامات
فيصل: دقيقه جنب مين اختك؟
بهاج: لا اختك وكان يناظرها
فيصل قرب من يوسف ومسكه من تيشيرته ونطق: أنا اكمل بداله يا****
بدأ يضرب فيه فيصل وطلع الجد متعب وصارخ: بسسسس
فيصل فكه بقوه ورفسه ونطق: أشوفك تجلس هنا
فيصل: وانتي انقلعي داخل
ساره بضيق: طيب
ناظرها بهاج
الجد متعب: بزر انتت
فيصل: جدي لا تقول شيء وانت مو فاهم السالفة
الجد متعب: خير اشفي
فيصل قاله كل اللي صار
اتجه الجد متعب يشكر بهاج على خوفه وحرصه على بنتهم
بهاج: العفو ماسويت شيء
الجد متعب: اي والله انك كفو ورجال وان شاء الله بنتنا بعد ماتستخير وترتاح توافق ونردلك خبر
بهاج ببتسامه: الله يسعدك ياعم تسلم ان شاء الله الله يكتب اللي فيه الخير
طلعت ساره متجه للسيارة والكل دخل يشوف الماس
وناظرها بهاج ولحقها ونطق: اسف لو زعلتي بس فيصل اخوك خاف عليك
ساره: ماصار شيء حصل خير
بهاج: الا زعلانه
ساره وهي تدمع: زعلت فيصل اول مره يقول لي انقلعي ويعصب علي إذا قال لي انقلعي يقولها بمزح ونقعد نمزح أنا وهو بس مو بعصبيه
بهاج: والله اسف امسحيها بوجهي اعذريه خاف عليك وعصب لا تزعلين
ساره: تمام خلاص حصل خير تبي شيء؟
بهاج: بتوافقين علي؟
ساره خفت ابتسامتها ونطقت: بستخير بالاول
بهاج: خذي راحتك بس تراني بحطك بعيوني
ساره ببتسامه: ان شاءالله
بهاج ابتسم لها ونطق: لا تروحين لوحدك انتظري اهلك يجون
ساره وقفت عند الباب ونطقت: تمام
رجع بهاج لفيصل وناظرته ساره وهمست بينها وبين نفسها: شفيني أنا ابتسم تو قبل كم يوم اكشر بوجهه
طلع فيصل ومعه الاهل وناظر بهاج ونطق: يلا بهاج توكلنا على الله نرجعهم للشاليه
بهاج: يلا
لين: لو سمحت اخوي بهاج ممكن اهلك يجون للشاليه ننبسط كلنا
تركي همس لـ لين: خير خير ماتشوفيني أنا معك كان قلتيلي أنا اكلمه
لين ببتسامه على غيرته عليها: تركي ماقلت شيء بغيت امه وخواته
تركي بزعل: تقولين لي أنا اكلمه
عطاها تركي ظهره ونطق تركي لبهاج: خل يجون اهلك للشاليه وانت تكون معنا بقسم الرجال ننبسط
بهاج: ابشر
وناظرته لين ومسكت يده وهمست له: لا تعطيني ظهرك
تركي طنشها ومارد عليها
لين: تركيي
تركي: نعم
لين: وين عيوني
تركي: مافي عيوني زعلان
لين: خلاص وعد ماعيدها
تركي: برضو زعلان
لين: شسوي طيب وش يرضيك
تركي: ماراح يرضيني شيء فكي يدي
لين: تركيي تكفى خلاص والله ماعيدها انت عارف وش بنيتي ونيتي صافيه
تركي: داري بس كان قلتيلي أنا اكلمه مو انتي مافي زعلان
المها: بعدين راضيه تراه ذا دلوع ياشينه
تركي: يُمه خليها تراضيني جد تراني زعلت
المها: اشوف وجهك لف
تركي لف وناظر امه ونطق: وشو
المها كتمت ضحكتها
تركي ماقدر يكتم ضحكته وضحك ونطق: طيب يُمه يصير خيرهين
لين: الحين رضيت ولا وش
المها سحبت يد لين ونطقت: ماعليك منه بيرضى من نفسه ويجي
لين كان ودها تروح لتركي بس استحت من امه
ناظرها تركي وابتسم وهمس بينه وبين نفسه بخبث: والله لا اكمل زعل وامثل اني زعلان عشان ترقصين لي هين
مشوا الكل وتجهوا كل واحد بسيارته
ولين ناظرت تركي وراحت تركب معه وفتحت الباب وركبت وتركي ماقالها شيء مثل انه زعلان
لين: اسفه
تركي: لا تعتذرين بس زعلان
لين: وش يرضيك قول لي والله اسويلك اللي تبي مايرضيني زعلك يازق
تركي بخبث: اي شيء اقوله لك تسوينه
لين: اي
تركي: إحلفي إذا قلتلك تسوينه
لين وهي مو عارفه انها بترقص له ونطقت: والله العظيم اسويه اهم شيء ترضى
تركي: ترقصين لي ولا ماراح ارضى ولا اكلمك ولا اناظرك
لين تجمدت مكانها ونطقت: وش قلت عيد
تركي بخبث: ترقصيين لي اتكلم انجليزي عشان تفهمين
لين: ليتني ماحلفت والله اني نسيت سالفة الرقص زق عليك
تركي حس ف انتصار وابتسم: الله يعني بترقصين
لين بضحك: احلم بصوم ثلاث ايام
تركي: ترى بزعل
لين بتوتر: خلاص طيب بفكر
تركي: بدون تفكير وافقي ولا بزعل يومين ماراح اكلمك
لين: يصير خير سوق وانت ساكت
تركي انبسط وسرع وحس انها بترقص له وشغل اغنية وقعد يرقص وهو مبسوط
وناظرته لين وكتمت ضحكتها
لين: خفف السرعة ولا ماراح ارقص
تركي بحماس: لاا يبيلها تفحيط بمناسبة انك ترقصين لي شرأيك اعطيك شوط
لين بصدمة: يعني تفحط ياتبن
تركي فحط على خفيف ونطق: كنت والحين برجع
لين: وربي ياتركي بزعل ولا راح ارقص
تركي: لقيتي زله ياحيوانه خلاص مابفحط
لين: خفف السرعة ولا مابرقص
تركي ضحك على تهديداتها ونطق: ابشري من عيوني
الجد متعب ناظر تركي وكان متوعد فيه
بعد مدة وصلوا للشاليه ونزلوا من السيارة الكل
الجد متعب: شعندك فحطت
تركي بكذب: على خفيف والله لين خلتني انبسط لانها قالت لي بنطلع ونلفلف والله مارجعت افحط زي قبل ولا فكرت نسيته اصلاً
الجد متعب بتهديد: والله العظيم لو رجعت تفحط حتى لو خفيف والله ماتلوم الا نفسك
عبدالله: أنا اللي اوريه نجوم الظهر انت بس فكر
تركي: يُبه ماعليك ماراح افحط وعدتك وانا على قد وعدي
لين تقدمت لعمها ونطقت: ياعم قبل كان يفحط
عبدالله: اي الوصخ كلهم حتى فيصل ورواف وراين وكانوا يتسابقون
لين: أنا أوريك فيه
عبدالله بضحك: كفو خذي راحتك فيه
العنود ناظرت فيصل وكشرت وضحك فيصل عليها
الماس: طلع طلع فضايح رواف تكفى اطربني
رواف بضحك: دقيقه نتفاهم
عبدالله: ولا كلمة كان يفحط وهو يصور
الماس بهمس لرواف: حسابك معي
اتجهت الماس للغرفه تمشي بشويش تغير لبسها والكل دخل للحديقة الداخلية
وناظرها رواف وركض وشالها ونطق: ممنوع المشي لين يلتم الجرح
الماس: نزلني ولا بصارخ
رواف: لو تبين ابوك وأخوانك يصفقونا صارخي
الماس عضته من كتفه وتحمل رواف الالم وهو يضحك ووصل لين الغرفه وسدحها
رواف: ارتاحي وانا بجيب لك اكل
الماس: مابي اتسمم بطلب لي
رواف قرب منها ونطق: اطلبي لي معك
الماس: وخر عني وماراح اطلب اطلب لنفسك
رواف قرب منها زيادة ونطق: بتطلبين لي ولا ..
الماس: ولا وش مسوي تهدد ماني خايفه ووخر
ناظر رواف شفايفها وتقدم يقبلها وعض شفتها
الماس: وجع
رواف ناظرها وابتسم ونطق: متى تعترفين لي بحبك لي وتنسين المكابره
الماس: كم مره اقولك ماحبك
مسكت الماس شعره ونطقت: والله انتفه اطلع برا
رواف فك يدها وناظرها ونطق: احبك وخذي راحتك نتفي شعري سوي اللي تبينه راضي
الماس ناظرته بتوتر ولفت وجهها ورجع رواف لف وجهها ونطق: ناظريني لا تكابرين
الماس: اي احبك خلاص ارتحت يلا انقلع
رواف بضحك وانتصار: يسسسس اعترفت لي بحبهااا اخيراً يعني ماراح تنتفين لي شعري
الماس: والله مو بس شعرك انتفك كلك
رواف بخبث وغمز لها وعض شفته ونطق: يلا نتفيني كلي
الماس: وجعع اكرهك قوم انقلع
ضحك رواف ف اعلى ماعنده وتذكرهم انهم تحت وغطي فمه
الماس: ياتبن بتفضحنا
رواف قرب منها ونطق: بوسيني واروح
الماس: ماراح ابوس انقلع
رواف: ماراح تبوسين
ألماس غمضت عيونها عشان ماتناظره ونطقت: لاا
رواف قرب يقبل شفايفها وبدأ يقبلهاا بكل حُب ومسك وجهها ونطق: بادليني
الماس: ماراح ابادل لين تتزوجني مو تجيني بالحرام واخذ ذنوب عشان وجهك
رواف ببتسامه: يعني موافقه علي
المآس فصحتها ابتسامتها ونطقت: اي اذلف كلم ابوي ولا ترى بوافق على واحد ثاني
رواف بتكشير: مين ذا
الماس بخبث: مادري جاء واحد وتقدم لي وفكرت وشكلي بوافق
رواف: قسم بالله ماياخذك غيري وماراح توافقين على غيري تفهمينن لا تخليني اتهاوش معك ونزعل من بعض
الماس بغت تشوف غيرته ونطقت: حياتي انت شكو فيها
رواف تقدم يطلع برا الغرفه
وقامت الماس تلحقه وطاحت وناظرها رواف وركض لها وشالها ورجعها للسرير ونطق: لا تتحركين من مكانك اطلبي اكلك وبروح سلام
الماس مسكت يده قبل لا يروح ونطقت: والله امزح بوافق عليك روح كلم ابوي ولو تبي على طول نملك ماعندي مشكلة
رواف ناظر يدها بيده وابتسم ونطق: يعني تكذبين مافي احد غيري ياخذك
الماس بضحك: اي والله امزح
رواف باسها وطلع بحماس يركض لعند ابوها عشان يكلمه
ناظرته الماس وضحكت
عند -أبطالنا-
كانوا تركي ولين جالسين مع الاهل وناظرها واشر لها بمعنى الحقيني للغرفه
لين سوت نفسها ماناظرته وكملت تسولف مع ساره ونطقت بتوتر: اي سوسو وش بتبلسين لخطبتك
ساره بضحك: باقي بستخير شفيك متحمسه اكثر مني
لين بهمس: تكفين انقذيني يبيني ارقص له مستحيل مستحيل ماقدر اسويها استحي استحي تكفين ساره لا تخليني امسكيني
ساره بهمس وضحك: زوجك صار روحي لا تستحين
لين: تكفين ساره لا تخليني طلبتك افزعيلي
ساره غمزت لها ونطقت بهمس: روحي روحي قاعد يناظرك
تركي قام ونطق: أنا استأذنكم
تركي بكذب: لين تعالي سويلي الاندومي اللي سويتيه ذاك اليوم وعجبني
لين بتوتر: بعدين
الهنوف: قومي يابنتي سويله شفيك متوتره خلاص زوجك تراه
لين قامت وهي تدعي انها ماترقص له ومشت قبله
تركي لحقها
لين مثلت انها غبيه: يلا بسويلك اندومي انتظر ١٦ دقيقه
تركي سحبها وطلع متجهين للغرفه وقفل الباب ونطق: ارقصي يلا
لين: ماعرف
تركي: عادي ارقصي
لين مثلت أنها تدوخ وطاحت وتركي ضحك عليها ونطق: ماتمشي علي قومي ارقصي ماراح ارضى قومي ارقصيلي
لين: وجع تعال خاف علي
تركي بضحك: مو مبين انك دختي قومي ارقصيلي وانسي خجلك وقرب منها ونطق: زوجك تراني
قومها تركي ومسكها من عند خصرها
لين قامت ونطقت بتوتر: بجيب حزام الرقص ماعرف ارقص بدونه
تركي انبسط ونطق: وينه
لين: مع العنود
تركي: يلا روحي جيبيه واذا ماجيتي بزعل
لين ركضت لعند العنود ونطقت: تعالي
العنود راحت لها ونطقت: وشو
لين: عطيني حزام الرقص
العنود بغمزه: من عيوني
لين: كليتراب بدخل اصبعي بعينك لا تغمزين ماراح ارقص بستهبل على اساس ماعرف
العنود بخبث: برسله مقاطعك وانتي تهزين مصري من قلب
لين: لا خلاص برقص خرا عليك
العنود: برسله خلاص صار زوجك خليه يتخرفن ويحفظهم
لين: هاتي حزام الرقص وانتي ساكته
راحت تفتح شنطتها العنود ومدت حزام الرقص لـ لين وركضت لين لتركي
وفتحت جوالها العنود ورسلت له مقاطع لين وهي ترقص مصري
وشاف اشعار من اخته وفتح اول مقطع وشافها وهي ترقص ودخلت لين وطفى جواله بسرعة
لين: برقصلك وراح تصدق اني ماراح اعرف
تركي بخبث لانه معه دليل وضحك: يلا أشوف
لين لفت الحزام على خصرها وشغلت الاغنية وناظرها تركي وعض شفته
ورقصت لين ف استهبال
ونطق: لين ارقصي زين
لين بكذب وتوتر: ماعرف
تركي فتح جواله وفتح مقطع لها ونطق: ذي مين
لين: حسبي الله عليك يا العنود اقصد.. ذي مو أنا افتراء ظلم ذا فوتوشوب صدقني صدق زوجتك لا تصدق كلام الناس عني
تركي ضحك وقرب منها وقبل شفايفها وبعد عنها ونطق: احبك والله احبك واحبك لما تستحين واحب كل شيء فيك
لين ابتسمت ونطقت: برقصلككك
تركي ابتسم: صدقق
لين: اي عشانك قلت تحب خجلي برقصلك
رجعت لين لفت حزام الرقص على خصرها ونطقت: يلا بعد شوي وشغل الاغنية
تركي فتح جوالها وشغل الاغنية وبدأت ترقص له وتميل بخصرها وتتدلع
وقربت منه بدلع ولامست وجهه وبعدت عنه
وناظرها تركي ف إعجاب وبلع ريقه
كملت ترقص وقام تركي طفي الاغنية
وسحبها وقبل شفايفها وبدأ يقبلها بكل حُب وبادلته لين..

ضيفوني انستا j8e2i وتفاعلوا الله الله بالنجوم ومعليش على التأخير بس والله تعبانه بس احمدوا ربكم هذا وانا تعبانه اتعب عشانكم وفوقها افراح اخرتني ماساعدتني بدري
نشوفكم ببارت ٢٤ يوم السبت الجمعة برتاح فيها ❤️
وأحبكم ❤️❤️