محبة لـيـن ذربة من القلب تكساك محبة لين صدق الهوى

part 20

حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
—————————————————————-
لعبوا العيال وانبسطوا
تركي: ياعيال شرايكم نسبح
سليمان: تمم يلا
رواف: البنات بالحديقة شلون بنسبح
تركي بضحك: يلا بس ينقلعون
تركي فصخ التيشيرت ونزل جواله من جيبه وحطه بالمجلس وركض للمسبح ونزل يسبح ناظرته لين وكشرت وقربت من المسبح وهمست: قسم بالله لا أوريك اطلع اطلع
تركي: لبى بس الغيره
لين: كلتراب خلك قدها
جاء رواف بعد تركي ونزل معه للمسبح
العنود: انقلعوا احنا اللي بنسبح مو انتوا
تركي: احنا سبقناكم جب
لين بكذب عليه: تركي تعال ابي اعطيك شيء
تركي: وشو
لين: اطلع من المسبح والحقني على الغرفه
تركي طلع من المسبح وشعره تناثر بوجهه
ولحقها للغرفه
لين: البس التيشيرت وانقلع اسبح ولا يمين بالله ماكلمك
تركي بخبث: ماراح البس بقعد كذا وبروح اسبح وبطول بالمسبح
لين سحبت عليه ونطقت وهي من داخلها نار: بحريقه
سحب يدها وقربها منه ونطق: والله امزح بس ابي أشوف غيرتك
لين: كلزق ماتشوف البنات موجودين
تركي:. احبك طيب
لين: أكرهك اذلف البس تيشيرت
تركي: وش لي
لين: وش اللي وش لي تتشرط بعد فكني وروح البس تيشيرت
تركي قرب منها زيادة ونطقت: شتبي وخر عني
تركي: والله خلاص اسف ماعاد ازعلك بس ترى مو قصدي والله اتفقت مع العيال نسبح وبعدها شفتيه رواف جاء بعدي واكيد العيال وراه
لين: خلاص وخر وروح البس تيشيرت وتسبح فيه إذا قعدوا البنات ولو ماقعدوا فصخه
تركي: تغارين
لين: لا ماغار
تركي بضحك: وذا وش يسمونه
لين: ماغار
تركي قرب منها يطبع قبلاته على شفايفها وجلس يقبلها بكل حُب وبادلته لين
جت العنود تدورها
العنود: وينك لين
فكها تركي وضحك وتخبى داخل الدولاب
لين: هاا
العنود: بسم الله وينك
لين: ورا الباب
العنود دخلت لغرفتها مستغربه وناظرتها ونطقت: شفيك مهبوله تقعدين ورا الباب
لين: كنت ادور الحلق ضاع مني
العنود فهمت عليها وكتمت ضحكتها: اهاااا الحلق تمام بدوره معك دقيقه
لين: يلا تراه صغير ولونه ذهبي شوفيه لي وينه
لين حاولت تطلع الحلق من الدرج وتطيحه ع الارض على اساس انه ضايع
العنود فتحت الدولاب ونطقت بضحك: هذا هو الحلق لقيته
مسكت تركي من شعره وسحبته ونطقت: ماتستحي باقي ماهي حلالك مافيك حياء اطلع اطلع لا تجي امي
ضحك تركي وركض لغرفته يلبس تيشيرته وينزل للمسبح
ولين ماتت من الضحك من الموقف اللي صار والعنود ضحكت معها
لين بضحك: حيوانه والله كيف عرفتي
العنود وهي تضحك: شكييت لانك ورا الباب محشوره
-نرجع عند العيال-
سليمان: ياخرا وينك
تركي: كنت ادور تيشيرت البسه
سليمان: يلا ننزل للمسبح
ناظرته جوان وسكتت وكملت تجلس على جوالها وناظرها سليمان وابتسم وكان وده يكلمها بس كل العيال متجمعين بالمسبح
المها: جوان تعالي
جوان: ابشري
وراحت لها
فيصل: ياعيال جوكم ماش بس نسبح وبعدين طلعنا وشنسوي غير السباحة
تركي: شرايك نسافر لدبي
فيصل: احلفف وربي تمم
تركي: وربي نسافر قبل ماتخلص الإجازة
سمعتهم ساره ونطقت: قسم ماتسافرون بدوننا اجل دبي
تركي: اقول اذلفي مع البنات
ساره: أنا اوريك يالسوسه اعرف مين اللي تجيب راسك "كانت تقصد لين"
تركي ضحك ونطق: احح شف الوصخه
فيصل ضحك ونطق: خلاص عارفين انك خفيف بتسمع كلام لين
تركي: ماراح اسمع ماني خفيف بنسافر لحالنا
فيصل بضحك: نشوفف يالثقيل
تركي قعد يدعي بينه وبين نفسه ان لين ماتجي تكلمه لانه عارف إذا كلمته بيسمع كلامها
ركضت ساره لـ لين ونطقت بصراخ: ليين
لين: وجع اذني
ساره: العيال بيسافرون لدبي واحنا لا وتركي قالي اذلفي
لين شهقت ونطقت: لدبي؟ احلفي متى
ساره: مدري بس سمعت تركي قال لفيصل شرأيك نسافر لدبي
لين: ماراح يسافرون يا كلنا يا مافي
ساره: لبى اللي فاهمتني أنا عارفه تركي خفيف بيسمع كلامك روحي كلميه
طلعوا العيال من المسبح وقالوا بنروح نلعب بلاستيشن ماعاد تركي وفيصل كانوا يسولفون وهم بالمسبح
ركضت لين لعند تركي وتزحلقت للمسبح وناظرها تركي وضحك ونطق: مهبوله
فيصل: اح كيف تعرف تسبح دقيقه
لين توترت ونطقت: تعلمت من اليوتيوب
فيصل شك بالموضوع وكتم ضحكته وعرف مين اليوتيوب ونطق: واليوتيوب علمك بسرعة؟
تركي حب يغير الموضوع بتوتر ونطق: ها لين وش تبين
لين: سفره مافي يا نجي معكم يا مافي
تركي: مافي سفره بنسافر لحالنا وانتوا المره الجايه
لين: وليش طيب
تركي: احنا نبي لحالنا
لين تمثل البراءة: خذني معك تكفى اصلاً كيف تقدر تسافر بدوني
فيصل: مع السلامة ياعصافير الحُب نشوف ياتركي إذا بتسمع كلامها ولا لا وضحك وطلع من المسبح
تركي: انقلع اقول ماراح اسمع
لين ناظرت فيصل اخوها لين بعد وقربت من تركي ونطقت: تكفى تركي
تركي ناظرها ومسك نفسه ونطق: لا بنروح لحالنا
لين رفعت شعره ونطقت: عشاني طيب
تركي: خلاااااص جهزي شنطتك بس لا تقولين انك كلمتيني
لين ضحكت وباسته وركضت وابتسم تركي وطلع من المسبح
جوان: بنات
لين بروقان: عيون البنات
جوان ابتسمت لها ونطقت: تبون حلا من كيان بطلب
لين: اطلبي لنا كلنا حنا والعيال
جوان: تم
لين: تبون بس حلا؟ لو تبون شيء ثاني كلموا جوجو
ساره: لا حلا بس
سمُيه دخلت لعندهم بعد مارجعت من اهلها
سُميه: أنا جيييت
لين: يامرحباااا
ساره: ارحبي
قاموا البنات وسلموا عليها وحضنوها
لين: خلاص ياخي جيبي لنا نونو جديد طفشنا من عيالك ذول
سُميه بضحك: ماجتني الدوره والله شكلي حامل بس باقي ماشفت
لين بفرحة: امانه يارب حامل يارب
سُميه: لا تكفين والله تعب
لين: بلا دلع
سُميه: نشوف البلا دلع اول ماتحسين بالالم بنسمع صراخك لاخر الدنيا
لين: لهدرجة الم الولاده يألم
سُميه: موووت
لين: كنسل مابتزوج
ضحكوا على لين
سُميه: لا تزوجي نبي عيالك
لين: اي عيال حبيبتي يكفي واحد إذا حملت
سُميه: أنا قلت يكفي واحد وغدر فيني
لين ضحكت واستحت
ساره: ها جوجو طلبتي
جوان: اي طلبت
ساره: تم
سُميه: وش طلبتوا
ساره: حلا من كيان
سُميه: طلبتوا لي معكم نفسي فيه
جوان: افا عليك طلبت لك
سُميه: لبى بس
جاء اشعار لجوان من "سليمان ولد عمتي"مكتوب فيه: تعالي ابيك وحشتيني
ردت عليه جوان: تستهبل وين اجي
سليمان: الحديقه مافيها احد بس بسولف معك شوي
جوان: يلا جايه
راحت جوان ونطقت لين: وين رايحه
جوان بتوتر وهمس ل لين:سليمان قالي اجي للحديقه
لين: كلمك ف الواتس؟
جوان: اي
لين: أشوف الرسايل
فتحت جوالها جوان وورت لين وشافت لما كتب لها وحشتيني
لين بغمزه وهمس: وحشتيني حركات
جوان: والله اول مره يقولها
لين ببتسامه: خلاص الحُب بان
سليمان رجع يرسل لها: وينك
وشافت لين ونطقت بضحك: روحي روحي لا يموت علينا
جوان ابتسمت وراحت له
الماس:على وش تتهامسون ياوصخات
لين بضحك: اصبروا وتعرفون
ساره: بتقولين لي الحين مالي دخل
لين: لا هي تقول مالي دخل
ساره: تخبون علينا طيب طيب
العنود: يخبون وش
ساره: شفت جوجو ولين يتهامسون مدري على وش
لين:ياكريهه اسكتي
العنود سحبت لين بشعرها ونطقت: تكلمي
لين بضحكه: شعري يازقق
العنود: تكلمي
لين: جوان راحت لسليمان يجلسون بالحديقه خلاصص فكي شعري
العنود: حركااات حُب جديد يارب مو خفاف زي تركي ولين
لين شهقت ونطقت: أنا ثقيله هو الخفيف ماعمري جيته
العنود: اي اي واضح
ضحكوا البنات على العنود
لين: يازفت شعري
العنود بضحك: نسييت اني ماسكه شعرك
لين: كليزق مردوده أوريك
جوان كانت خايفه يشوفها ابوها وامها وراحت لسليمان وشافته جالس على الجوال وهمست: يزق
سليمان ناظرها وفتح يدينه لها
جوان: وشش
سليمان: حضن حضن سريع
جوان: لا
سليمان: حضن ولا بزعل
جوان:لا تستهبل
مثل الزعل ومشت عليها
مشت جوان لسليمان وحضنته وبادلها الحضن وهمس: اشتقتلك
جوان: ٢٤ ساعة فوجهك
سليمان: ٢٤ ساعة فوجهي بس لي فترة ماكلمتك ولا سولفت معك
بعدت عنه جوان ونطقت: يلا اجلس نسولف
جلس سليمان وجلست معه جوان وقعدت تسولف له جوان وهو يناظرها ويبتسم
طلع تركي كان يبي يجلس بالحديقة وقبل لا يطلع شافهم سوا يسولفون وانبسط ورسل لـ لين رسالة ف الواتس: تعالي سريع
لين شافت الاشعار وردت: وش
تركي: تعالي بوريك شيء كيوت قسم بالله تعالي
لين: وين
تركي: عند باب الحديقة
لين تذكرت سليمان وجوان وركضت لتركي وهمس: اصص لا تطلعين صوت وشوفيهم
لين شافتهم وابتسمت وهمست: واه كيوتت
تركي بضحك: يخسون يصيرون اكيت مننا
ضحكت لين وسحبها ومسكه من خصرها ونطق: جعلني ابوس هالضحكة اللي خذت عقلي وقلبي وكلي وكُل شيء
سمع تركي صوت امه وبعد عن لين
المها: وش تسولفون عنه
لين: قاعد يقولي الحمار متى نتزوج
المها: والله انك صادقه فعلاً حمار وعقاب له بنقدم زواجكم
تركي فتح عيونه ونطق: يُمههه وش سويت وربي مايتقدم خلاص ماباقي شيء على ملكتنا والله مايتقدم قسم لازعل
المها ضحكت عليه ولين معها ضحكت ونطق: مايضحك ترى
لين: ياحمار قاعده تمزح معك
تركي: اي على بالي
ضحكت المها ونطقت: خفيف صير ثقيل ياغبي
تركي بضحك: ماقدر يُمه
المها: اقول بكره الظهر بتوديني المطار نجيب خالتك
تركي:يُمه مين خالتي
المها:خالتك فاطمه ام فَهد
تركي: اهااا حياها الله
تقدمت تدخل داخل
وصل حلاهم وسوو قهوه وتحلوا وانبسطوا
-
-عائلة ام زايد"متطلقه وعايشه بسلام هي وعيالها وبنت عمة الهنوف وألمها وهند"-
فاطمه ام فَهد تبلغ من العمر ٤٥ طيبه ومحبوبه وقريبه من عائلة آل سويلم مرره
-عيالها-
فهَد الولد الأول يبلغ من العمر ٢٦
نَواف الولد الثاني يبلغ من العمر ٢٣
-بناتها-
سُلاف البنت الأولى تبلغ من العمر ٢٠
جُمان البنت الثانيه تبلغ من العمر ١٩
مِيلا البنت الثالثه تبلغ من العمر ١٧
-بعد يوم الساعه ٤ بالحفر ببيت ام زايد-
تقدمت تدق الباب وتنطق:يلا جُمان قوووومي بنروح المطار ، جُمان:سمي يُمه الحين اقوم
توجهت لغرفة سُلاف تصحيها وعلى كل العيال ومِيلا ، -بعد مده قعدوا وتجهزوا متجهين للمطار-
وصلوا بعد مده للمطار وخلصوا كل شي واتجهوا ينتظرون طيارتهم توصل
جُمان:اووف مشتاااقه للبنات مررره
سُلاف:كككلنا
مِيلا:بيرررجع اقووى جدوول بسيارة ساره
جُمان:حمااااس
نَواف:بروح ستاربكس مين يجي معي؟
جُمان:جيب لنا كلنا
نَواف:طيب عطوني طلباتكم
جُمان:أنا ايس وايت موكا ويذ كراميل
سُلاف:ايس ماتشا 2 بومب وايت موكا
مِيلا:فرابتشينو كراميل
فَهد:ايس وايت موكا ويذ كراميل
فاطمه:ايس امريكانو 2 بومب وايت موكا
نَواف:كيف احفظ ذا كله اللي حفظته ايس وايت موكا ويذ كراميل 3
جُمان:أنا اعرف طلباتهم امش
نَواف:تمام يلا
فاطمه:بسرعه لا تطولون شوي وتجي الطياره
جُمان:ابشري
-عند نَواف وجُمان-
نَواف:عطني ايس وايت موكا ويذ كراميل 3 ، ووش؟
جُمان:وايس ماتشا 2 بومب وايت موكا ، وآيس فرابتشينو كراميل ، وآيس امريكانو 2 بومب وايت موكا وكوكيز 3
خلص الطلب واخذوه
-عند بيت آل سويلم-
لين:اوووف بنات مدري وش البس
ساره:البسي الفستان العنابي اللي لبستيه ذاك اليوم
لين:اي واحد؟
ساره:اللي ضيق على الجسم وعلاق
لين:ايي عرفته بس شافوه نص الحريم
ساره:شافوه جاراتنا بس لا تستهبلين عادي
لين:طيب خلاص بلبسه
-
هند:عزمتي جارتنا؟
الهنوف:اي كلهم بيجون
هند:اي احسن فشله ماتعزمينهم
الهنوف:ماعندي رصيد دقي لي على فيصل
هند:هاك
-
سمع صوت دقة جواله من "خالتي هند❤️❤️"
فيصل:هلا خاله
الهنوف:أنا امك اسمع
فيصل:سمي
الهنوف:سم الله عدوك المهم جبتوا اللحم؟
فيصل:اي جايين بالطريق قالوا
الهنوف:طيب إذا وصل قول لي
فيصل:ابشري ابشري
-عند البنات بالغرفه-
الماس:بشغل أغاني مابي وحده تتكلم وتقول ازعاج طيب؟
صِبا:شغلي نبي نروق خلونا نطلب ستاربكس
لين:يلا اجل بطلب من جوالي شتبون
ابتهال:كلنا ايس وايت موكا دايم كذا
لين:تم كم واحد
العنود بضحك:١٣
لين بضحك:ما شاء الله
الماس:يلا اسكتوا بشغل الاغنيه
بتوحشيني وقلتلك
بس خايف اسألك
أنا بوحشك لما بغيب
وفرحت لما رجعتلك
آه المشاعر مش كلام
نفسي أحس بالإهتمام
طمنيني مرة وحدة
ان شاءالله حتى في المنآم
ضي عينك كان مرايتي
فيهم حكايتي
شوفت فيهم لين بدايتي وفين نهايتي
مستحيل أنا ممكن انسى
أي همسة
أي كلمة قولتهالي في قلبي لسا
~
ضي عينك كان مرايتي
فيهم حكايتي
شُفت فيهم فين بدايتي وفين نهايتي
مستحيل أنا ممكن أنسى
أي همسة
أي كلمه قولتهالي في قلبي لسا
ضي عينك كان مرايتي ..
لين: ويع الاغنية هاتي اشغل أنا
الماس: وربي حلوه أنتِ تبين رقص عارفتك
لين: هاتي بس
عطتها الماس الجوال وشغلت اغنية مصريه
وغمزت للبنات وسحبت الماس وقعدوا يهزون ويميلون بخصرهم والبنات يصفقون ودخلت عرض العنود تكمل معهم وطاحت والكل ضحك ونطقت: كلوا تبن وربي اقوم اكمل
لين بضحك: قومي قومي
قامت العنود وقعدت تهز معهم وساره تصورهم ستريك وتصارخ
وجاء رواف بغا يقولهم يوطوون صوت الاغاني وكان الباب مفتوح شوي ويقدر يناظر فيه "الملقوف" ناظر الماس ترقص وتهز وجذبته طريقة رقصها وكيف تهز مع شعرها الطويل وتحرك بخصرها
دق رواف الباب بقوه ونطق: خرا عليكم وطوا الاغاني
الماس: خرا عليك انت خرشتني الناس تدق بشويش
رواف: وطي صوت الاغاني
الماس عاندته وراحت تعلي الصوت اكثر ونطقت بصوت عالي: ماراح اوطي
رواف بصراخ عشان يسمعها: وطيي
طلعت له الماس وقفلت الباب ونطقت: ياخير نعم
رواف: يالبيه يارقصك جبتي راسي قسم بالله
الماس فتحت عيونها بصدمة ونطقت: كيف شفتني
رواف بضحك: لفي على الباب وشوفيه وهو مردود
الماس ارخت ونطقت: اح الفتحه
الماس: لو احد دري انك شفتني بيذبحونا استر على نفسك وانقلع
رواف قرب منها ونطق: وتحسبيني أنا خايف خل يذبحوني بقولهم عادي شفتها بالغلط وعجبتني وابيها
الماس بعدت عنه بتوتر ورجع قربها منه ونطقت: شتبي
رواف: ابيك
الماس بتوتر: خلني ادخل عند الباب اذلف
رواف قرب منها زيادة وطبع قبلاته على شفايفها بسرعة وهرب
الماس بصدمة: والله لا اوريك برجعلك والله ماخليك ان ماذبحتك بيديني ماكون الماس
رواف كان يضحك عليها ونطق: وليه مو الحين تذبحيني
الماس خفت ابتسامتها وسوت نفسها معصبه: مو وقتك انقلع بذبحك بعدين
دخلت الماس عند البنات
ساره: ها تهاوشتوا
الماس بتوتر: بالكلام يع يقهر ودي اذبحه
لين: بنات تذكرون لما مدحها بيكون في عصافير حُب جدد بعد سليمان وجوجو
الماس فتحت عيونها ونطقت: كليزق مابيني وبينه شيء ومابيه
لين غمزت لها وألماس ركضت وراها تلاحقها ونطقت: بصفقكك
مسكت شعر لين ونطقت: تتأدبين ولا اسحبك من شعرك زيادة
لين: خلاص خلاص امزح والله ماعاد أعيدها توبه فكيي شعري قطعتيه حسبي الله عليك وعلى العنود
الماس: ماراح افك لين تحلفين لي عدل
لين كان بجيبها الجوال ورسلت لتركي بخبث: شعري تقطع تعال للغرفه شوف وش يسوون فيني البنات اول شيء اختك بعدها الماس تعاال
ناظر تركي رسالتها وركض للغرفه وفتح الباب وناظر الماس تشد شعرها ونطق: يابزر فكي شعرها
الماس: مين البزر ها لا تخليني احول عليك انقلع
لين كتمت ضحكتها وغطت وجهها وتركي حسبها تصيح
تركي: فكي شعرها قاعده تصيح وقرب منها وهي مغطيه يدينها
الماس: اما لين تبكين مسرع صرتي حساسه كنت امزح
لين قامت وهي مغطيه وجهها وتركي مستغرب ولحقها وراحت للباب ونطقت بصراخ: تركييي الماس تحب رواف ورواف يحبها في عصافير جدد بعد سليمان وجوان وهربت
وضحك عليها وركض وراها والماس لحقتها وهي تنطق: ياوصخه كذابه مابيننا شيء والله ماخليك حسبي الله عليك يارواف
ركضت لين لغرفتها وقفلت الباب هي وتركي وهي تلهث وراحت فتحت المويا وشربت وهي تضحك
تركي: اما يحبون بعض كيف عرفتي
لين: بيني وبينك بس لا تقول لاحد
تركي قرب منها ونطق: قولي ماعليك
لين: وخرر لا طراق
تركي قرب منها زيادة ونطق: تكلمي
ضحكت لين ونطقت: شفته مقرب منها زيادة وسمعت الماس قالتله شتبي قالها ابيك
بعد تركي عن لين وقعد يضحك ولين معه تضحك
تركي بضحك: يقلدونااا من يوم ماتقدمت لك وكل يوم يطلع لنا اثنين يحبون بعض
ضحكت لين وانسدحت وهي تتنفس ورا بعض من كثر ماركضت
وانسدح بحضنها ونطق: العبي بشعري
لين: لا قوم دوري
تركي: دورك وشو
لين: قوم
قام تركي وانسدحت لين بحضنه ونطقت: يلا العب بشعري انت
تركي ابتسم وحضنها ولعب بشعرها
تركي: اهخ بس متى زواجنا
لين بضحك: قلت هالسؤال وحفظته اكثر من اسمي ابلع لسانك
تركي ضحك عليها ونطق: هين
غفت لين بحضنه وهو غفى معها
عند -سليمان وجوان-
جوان: بروح للبنات خلاص يكفي لنا ساعتين
سليمان: لا ماشبعت كملي
جوان بضحك: تستهبل خلاص بكره وعد اجي ونقعد نسولف
سليمان: بس شوي تكفين شوي بس
جوان: يلا تمام شوي ها
سليمان ببتسامه : شوي
وقعد يسولف معها وهي تسولف
ونطق: إلا صح شرأيك خطبتنا نخليها ف شاليه
جوان: اممم بكيفك عادي
سليمان: لا تستحين عادي قولي والله
جوان: اي بشاليه بيصير احلى بكثير
سليمان ابتسم ونطق: ابشري من عيوني كم عندي جوان هي وحده بس
جوان ابتسمت له وقامت ونطقت: يلا خلاص دزها قلت لي شوي
سليمان ضحك ونطق: بكره تجين
ضحكت جوان ونطقت: ابشر
وراحت جوان تدخل داخل وهو بعدها وشافهم تركي وغمز لسليمان وشافته جوان ونطقت: عينك لا افقعها لك مافي شيء صار بس سوالف
تركي ضحك وسحب سليمان لعند العيال
سليمان: تكفى لاحد يدري طلبتك
تركي بضحك: محد بيدري
سليمان: وليش تضحك وقف شوي
تركي: اضحك لما الحب حقت قالت بفقع عينك
سليمان: عبالي تقول للعيال
تركي: لا ماعليك ماعندي هالحركات سرك ف بير ياولد العم
سليمان: والله انك كفو
تركي: كفوك يلا تعال نسهر معهم
سليمان: امش
فيصل: وين تركي
سند: جاي
نايف: أنا بقوم بجيب مويا
طلع نايف ودور على نجد ولقاها جالسه بالصاله وركض لها
نجد: بسم الله شفيك
نايف: لا بس اشتقت وجيت
نجد: ها؟
نايف: اي اشتقت المهم بقولك
نجد: وشو
نايف: خطبتنا مع بعض أنا وانتي وسلوم وجوان
نجد: تم كلم ابوي وابوك
نايف ببتسامه: صدق
نجد: اي
نايف: اي شخبارك
نجد ابتسمت له وعرفت انه يبي يسولف معها ونطقت: ابد بخير انت كيفك
نايف: ابد برضو بخير
نجد: قوم قوم ناخذ لنا قهوة ونروق
نايف: نطلع؟
نجد: اي
نايف: روحي البسي عبايتك وانا ببدل وتمم
نجد ابتسمت ونطقت: يلا
راح نايف يبدل وهو مبسوط ومروق ونجد لبست عبايتها وطلعت
وشافتها العنود ونطقت: على وين
نجد بهمس: بطلع مع نايف لاحد يدري ماراح نطول شوي ونجي
العنود بغمزه: ماعليك لعبتي بكون حارس شخصي
نجد ضحكت عليها ونطقت: اخاف نجي والقى بوجهي ووجه نايف الشبشب طاير
ضحكت العنود ونطقت: لا ماعليك روحي وبس
نجد: تم بعتمدك إذا الموضوع ضبط بضبطك مع فيصل
العنود ضربتها بكتفها ونطقت بضحك: انقلعي
دخل فيصل للبيت ومعه اللحم ونطق: العنود تعالي خذيه وحطيه بالمطبخ
العنود: اييوو الله يديم النعمه ماراح اشيله كله دم
فيصل: بلا دلع تراه بكيس خذيه
العنود: مابي ماتحمل استفرغ
فيصل طنشها ومشى للمطبخ وحطاه ورجع: استفرغت؟ لا دلوعه
العنود: والله ماتحمل اسأل لين لو ماتصدق
فيصل ابتسم ونطق: خلاص حصل خير يلا بكمل شغلي أنا انتبهي لنفسك
ابتسمت العنود من كلمة "انتبهي لنفسك" ونطقت: تمام الله معك
وراح فيصل والعنود جلست قريب من الباب تنتظر نجد عشان الجد متعب واهلها مايعرفون وينذبحون كلهم 😂
عند -أبطالنا-
صحت لين وشهقت وهي تنطق: ياويلي كيف نمت وذا الزق منجده نام معي
لين: تركييي
تركي: ها
لين: قومم يازقق
تركي غطى نفسه باللحاف ونطق: بنام شوي
لين سحبت اللحاف ونطقت: لا قووم
تركي تعدل وسحبها لحضنه مره ثانية ونطق: شوي بس نامي نامي
لين: شفيكك غرقان بنومك قوم يازق لاحد يسأل عننا
تركي: ماعليك خليك شوي
لين: قوم طيب خلك بحضني
قام تركي وانسدح بحضنها وشغلت اللابتوب لين كالعادة تتفرج مسلسلها المُفضل وتركي مخمود
بعد مده نطقت: تركي قوممم
تركي قام ونطق: وش
لين: تراك نمت واجد اذلف برا غرفتي
تركي: تطرديني يازق
لين: اي عشان محد يسأل يلا اذلف برا
تركي: ماراح اذلف وجلس جنبها يتابع ونطق: جوعانه؟
لين: اي والله حيل
تركي ابتسم وفتح جواله: وش تبين
لين: بتطلب؟
تركي: اي
لين: نفسي بالبيك اطلب
تركي: سبايسي؟ وتبين دبل بيك ولا
لين: اي اي واطلب انت نفسي
تركي: من عيوني
لين ابتسمت وكملت تتابع مسلسلها
تركي: غيري
لين: مابي بشوف مسلسلي
تركي: في مسلسل حلو بوريك
لين: بعد ماخلص مسلسلي
تركي: لا الحين
لين: لا مابي
تركي سحب اللابتوب وكتب مسلسل ****
تركي: شوفي والله يجنن
لين: شفته انت؟
تركي: لا بس كل الناس يمدحونه وانا تحمست
لين: حلو خلاص بعد ماخلص مسلسلي نشوفه سوا
تركي: كم باقيلك وتختمينه
لين: ٣ حلقات
تركي: تم وكلميني مو تسحبين علي وتتابعينه لوحدك
لين: ماعليك ابشر
دق المندوب على تركي ورد: هلا وصلت
المندوب: اي وصلت
تركي: جايبك
تركي لف على لين ونطق: لا تتحركين من مكانك بجيب الاكل وبجي
لين: لا ابي اروح مع البنات بجلس معهم
تركي: مافي
قام تركي وفتح الباب واخذ المفتاح معه وقفل عليها عشان ماتطلع وصارخت: ياتبنن كذا نظامك
ركض تركي للمندوب اخذ الاكل ودفع له فلوس التوصيل والاكل ونطق: شكراً
المندوب: العفو بالعافيه
سكر الباب تركي وركض للين وفتح الباب ودخل وقفله
لين: كذا نظامك
تركي بضحك: حسيت انك بتطلعين وقفلت عليك يلا تعالي نأكل
لين: أنا اوريك
تركي ضحك وعطاها اكلها ونطق: بسملي وكلي وبالعافيه
لين: يعافيك
وبدوا يأكلون وهم يتابعون المسلسل
لين: بقوم اكششخخخ واتجهز
تركي: واه نسييتت
وقام تركي ونطق: عقبال ماتجهزين لي
لين ناظرته ورمت عليه قارورة المويا وضحك تركي وراح يتجهز مع العيال
ولين بدأت تتجهز ..

قراءة ممتعة وضيفوني انستا j8e2i 🤙🏻
احبكم تفاعلوا 🤍🤍
نشوفكم ببارت 21