محبة لـيـن ذربة من القلب تكساك محبة لين صدق الهوى

part 9

"الروايه مو خياليه " تركي ولين موجودين بالواقع وصدق متزوجين"
حساب الانستا لليوميات وكل شيء: j8e2i
————————————————————
تجهزوا الكُل وكانوا الكل بالشاليه مليانه حريم والكل يسولف ومبسوط
هيفاء: المها وين لين يلا خليها تنزل من عند الدرج وتصورها المصوره
المها: تدرين نسيت المصوره!! بس والله انك كفو جبتيها
هيفاء: افا عليك يلا وينها
المها: يلا بروح أشوفها
راحت المها تدور لين ومالقتها وشكت ف تركي انه عنده وراحت تركض للغرفه اللي فيها تركي
وشافته ونطقت: الحمدلله وينها لين
تركي: مادري يُمه آخر مره شفتها بالمطبخ وليه الحمدلله
المها: احسبها معك كنت بتتصفق
تركي بضحك: شدعوه يُمه ثقي فيني أنا والله مايصير شيء إلا بعد ماتزوجها
المها: واثقه بس العيد انت تجيبه دايم
تركي بضحك: شدعوه يُمه ظالمتني
المها: وين البنت سريع هي بتنزل وانت تقعد شوي وتجي وراها وتلبسها الدبله انتبه شغل انك ترقص معها ولا تحضنها ياويلك كل ذا لما بالقاعه لما تتزوجها خذ راحتك
تركي: ماعليك يُمه روحي دوريها وانا انتظر هنا
راحت المها لعند البنات وقالت: وين لين يابنات بسم الله
البنات بصوت واحد: ماندري
العنود: يُمه شفتها راحت الحمام
المها: روحي ناديها تعبت خليها تنزل من هالدرج اللي قدام الحريم
العنود: سمي يُمه
راحت العنود لها وطقت باب الحمام ونادتها لين
لين: هلا
العنود: شفيك تأخرتي اخلصي يبونك
لين: يُمهههه بطني مغغصص
العنود: بسم الله عليك شفيك افتحي الباب
لين فتحت الباب لها ونطقت: من التوتر بطني يمغصني ماقدر انزل العنود ماقدر
العنود بضحك: ماتقدرين تنزلين اجل وهو توه حاضنك
لين بضحك: كليزق اقول لك ما صار شيء أنا أقصد قدام الناس ياخي بنزل لوحدي وهو ينقلع بالغرفه
العنود ماتت ضحك ونطقت: مين بيلبسك الدبله يعني
لين: خالتي خالتي عادي بعضهم كذا يلا بنزل بقول لخالتي وراحت لين وسحبتها العنود ونطقت: حرام عليك قاعد ينتظرك تطلعين عشان يلحقكك ويلبسك هو واضح متحمس لا تكسرين بخاطره
لين: مو قصة اكسر بخاطره بس متوتره قدام الناس
العنود: خذي نفس
لين اخذت نفس عمييق
العنود بضحك ورفستها ونطقت: يلا انقلعي انزلي
لين: وجع
العنود: يلا يلا ننزل مع بعض
لين بتوتر: يلا بس وين امي
العنود: تحت عند الحريم تسولف، ودقت العنود على نجد تشغل الاغنية وبدأت حفلتهم
سمع تركي الاغنية وانبسط وشاف شكله بالمرايا وعدل نفسه
كلهم يصفقون ومبسوطين
شادن: بسم الله عليك يالين حصنتي نفسك؟
لين: مااسمع صوت الاغاني عاليه
شادن بصراخ: اقولك حصنتي نفسسسك
لين: لاااا نسيت
شادن بدأت تحصنها وتسمي عليها
المها دقت على تركي ورد عليها على طول: انزل انزل
تركي: يُمه ماسمع عندكم ازعاج والأغاني عاليه تعالي عندي
المها ركضت لتركي: اقولك انزل اخلص وركضت المها لعند الحريم وضحك تركي على امه
"وشاف شكله للمره المليون 😂" وقبل ماينزل تغطوا الحريم وشافته لين وابتسمت له وشافها وردلها الابتسامه وجلس جنبها والكل يصفق ومستانس على خطبتهم
والمصوره تصورهم
تركي بهمس: بسم الله عليك يارب حصنتي نفسك
لين: لا نسيت بس شادن حصنتني
تركي: شوفي كيف يناظرونك بسم الله نظراتهم تخوف يارب انك تحفظ لي نصيبي
لين بهمس: حصني انت
تركي بهمس: من عيوني ، وبدأ يحصنها بدون لاحد يحس
تركي: بالله كيف شكلي ماني مز
لين: لا شين شوف الزفت ذيك كيف تناظر فيك قسم بالله لا افجر فيها
تركي كاتم ضحكته وحب يشوف غيرتها عليه ونطق: الله وينها بتصير زوجتي الثانية
لين بقهر: يصير شر بدال الخير
تركي: طنشي لا تفورين دمك أنا ماناظرها
لين باقي شوي وتدمع ونفسها تصفق تركي لانه قال بتصير زوجته الثانية ونطقت: انت اول واحد اذبحك بس خل يذلفون الحريم
تركي حس انها بتصيح وسكت ومسك يدها من تحت الطاوله يقولها بطريقته انه يمزح ومايبي غيرها ووخرت يدها لين
المها ببتسامه: يلا لبسها الخاتم تركي
تركي: ابشري يُمه ، اخذ الخاتم ومسك يدها ولبسها الخاتم وناظر عيونها وهي كاتمه دموعها وهمس: لين تكفين لا يالين والله امزح لبسيني الخاتم وابتسمي
لين ابتسمت تسليك واخذت الخاتم ولبست تركي والكل صفق
المها: يروحي انتوا ربي يوفقكم
هيفاء: عسسسل عسل بسم الله عليكم
نجد: اهخ لين بتتزوج وتروح علينا
تركي: عقبالك يانجد
نجد: مابي وأمسك يدها بصوركم
تركي: لا تخلين احد يصورنا غير اقاربنا نجد انتبهي بذات لين لاحد يصورها
نجد: ماعليك ياولد العم خلينا وحده تجي تسحب الجوالات
تركي: كفو
ومسك يد لين وبدأت نجد تصورهم والمصوره معها تصور وراحت المصوره تقول لام تركي وام لين: تبون تخلوهم لوحدهم أصورهم صور خاصه؟
المها: لا هذي خليها بزواجهم
ساره: إلا ياخاله خليهم عادي ياخذون راحتهم
المها: تستهبلين تقول صور خاصه
ساره:بس كم صورة كيوت تكفين لا تحرمينهم
المها تنطق لـ المصوره "رهف" نقول لكم اسمها لان باقي ما خلصت أحداثها: خلاص خذيهم لفوق وصوريهم بس كم صوره
المصوره: ابشري
راحت المصوره تكلم تركي وتقوله يلا نطلع فوق
تركي ف استغراب: وش نطلع فوق صلي على النبي
المصوره: اقصد نطلع كلنا انت وخطيبتك وانا
تركي: طيب؟
المصوره: انت شفيك بصوركم صور خاصه
تركي انبسط وسحب لين معه ونطق: يلا تمام
المصوره ابتسمت على حركته ولحقتهم
المها بضحك: ماصدق على الله يسمع صور خاصه مالت عليه فشلني
ريم بضحك: خليهم هذي ليلة عمرهم ماراح يصير اكثر من كذا بس كم صوره
-عند تركي ولين-
لين بقهر: لو سمحتي ممكن تطلعين بس اكلمه بموضوع
المصوره: ابشري بس لا تتأخرين عندي ناس ضروري لازم يبوني اروح أصورهم
لين: ابشري دقايق بس
طلعت المصوره ولين لفت على تركي ونطقت: تعرف التراب كله
تركي ناظرها وابتسم ونطق: والله والله ان مافي بقلبي غيرك انتِ قسم بالله اني بس ابي اشوف غيرتك علي وترى والله العظيم ماناظرتها ولا عرفت مين اللي ناظرتني شفيك لين احبك انتِ
لين: مالي دخل مقهوره شفت كيف تناظرك كأنها ببالها شيء وربي حرقت قلبي لكن قسم بالله ماسكت
تركي بضحك: صفقيها سوي اللي تبينه بس خلينا نصور الحين ولا تزعلين
لين: تمام ، رهف تعالي يروحي خلصنا
دخلت المصوره وهي مبتسمه ونطقت لـ لين بهمس:سمعتكم بالغلط صراحه واضح حبه لك ترى ماعليك ثقي فيه وعسى ربي يوفقكم وعلى سالفة اللي تناظره ابد أنا معك ابرد قلبك عليها
لين: تكفييين والله قلبي يحرقني
المصوره بضحك وهمس: بعد ماتخلصين وخطيبك يروح للرجال روحي سوي نفسك بتتعرفين عليها وانتِ تشربين اي شيء وكبيه فوقها وقولي اوه بالغلط
لين: والله اسويها والله والله ولو مافي احد نتفت شعرها
تركي: ياجماعة تأخرنا
لين: انطم
تركي ضحك: ابشري
المصوره: خلها تبرد قلبها انت حقها
تركي ابتسم على كلمة "انت حقها" ونطق: دام انا حقها روحي اذبحيها يالين
لين: وانت وراها على كلامك بس اصبر يخلص دورها وضحكوا
المصوره: يلا اول صوره امسك يدها وخليكم قريبين من بعض ولين تناظر الكاميرا وانت ناظرها
تركي: يلا وسحبها من يدها
لين: ماتستحي خل فيك حياء شوي
تركي: حلالي وكيفي
وسووا اول حركه وصورتهم
المصوره: بوس راسها وهي تغمض عيونها
تركي باسها والمصوره صورتهم
وسووا الحركات وصورتهم المصوره ونطقت: استأذنكم بخلص الصور واعدلها وادق عليك يالين اقولك تجين تاخذينها
لين: تسلمين ماقصرتي وعاد واثقين ف تصويرك
المصوره: حبيبتي بتعجبك صدقيني
لين: الله يسعدك
المصوره: اًمين يارب وياكم يلا ف امان الله ناظر تركي المصوره لين طلعت وقفلت الباب
لين: تناظرها ليش تبيني اذبحك زيادة
تركي ابتسم وقرب باس يدها ونطق: انتظرها تطلع عشان ماتشوفنا
لين: سامحتك بس وخر
تركي بضحك: يالبيه بس طالعه تهبلين
لين بخجل: شكراً بس يلا روح
تركي سحب يدها ورجعها جنبه ومسك يدها: وين
لين ببتسامه وخبث: بروح اذبح زوجتك الثانية
تركي ضحك على كلامها ونطق: بتمسكينها علي اقولك امزح
لين: مارتاح إلا لما ابرد قلبي
تركي: يلا روحي بردي قلبك بس لا تتحمسين وانا بروح المطبخ عطشااننن ابي مويا
لين: تمام يلا
راح تركي متجه للمطبخ وشافته "منيره" اللي كانت تناظره ولحقته
منيره: شدعوه ماتعطيني وجه
تركي: اطلعي برا المطبخ وخليني لحالي لا تخربين احلى يوم بحياتي لو سمحتي اطلعي
منيره قربت منه ونطقت: ليه ماخذ هالاشكال خذني أنا عطني سنابك نسولف
تركي بعصبيه: احترمي نفسك ولا تغلطين عليها
تركي فتح جواله ورسل لـ لين وكتب لها: تراها هنا معي بالمطبخ تعالي
فتحت لين جوالها وشافت رسالته ورمت الجوال وركضت للمطبخ وشافتها تحاول تتقرب منه ونطقت: نعم شتبين
منيره: وانتي شدخلك
لين: حلوه ذي تخطف رجاجيل وتقول شدخلك إذا ماطلعتي بـ ادب صدقيني بنحرك
منيره: ماني طالعه وش بتسوين
تركي بضحك: جاك الموت ياتارك الصلاة
مسكتها لين من شعرها ورفستها ببطنها ونطقت بعصبيه:تركي عطني المويا
تركي: خلاص لا تضربينها اكثر من كذا
لين بعصبيه: عطني المويا
تركي: سمي خذي
اخذت قارورة المويا بقهر ورشتها ودفتها وهي تصارخ وتصيح وجاء تركي واخذ لين بضحك وسحبها وركض
ام منيره: بسم الله مين سوي فيك كذا يابنتي قومي قومي
منيره: بنت ال**** هي اللي سوت فيني كذا
سمعها تركي ورجع قال لا تسبين وياخاله ربي بنتك من اول تحاول تدخل بيننا واللي سوي فيها كذا خطيبتي وهذا قليل لو هي مو بنت كان كملت زيادة عليها ولو سبتها مره ثانية قسم بالله ما اسكت لها
ام منيره بفشل: قومي
منيره: يُمه بتصدقينه؟
ام منيره: قومي اقولك نرجع البيت
قامت بنتها واتجهوا للباب يطلعون
المها: سلامات شصار
طنشوها وطلعوا
المها ركضت لولدها تركي ونطقت: شصار
تركي بضحك: يمه غيرة النسوان
المها: شصار
تركي: ذي قعدت تحاول تتقرب مني وتقولي عطني سنابك ولين عرفت وجات صفقتها
المها وهي كاتمه الضحكة وتمثل انها معصبه: مهما صار ذول ضيوف المفروض تطنشون
لين: لا بالله لو ولدك ماوخرني عنها كان الدم بكل مكان متطاير
المها بغمزه: الغيره نار وشرار طلعت
لين: ماغرتتت
تركي تكتف ونطق: واللي صار وش افهم منه
لين اتجهت للغرفه عشان تغير الفستان ونطقت: اذلف ماغرت
تركي بضحك: يُمه بروح أراضيها
المها بضحك: روح روح
ركض تركي وراها ولين مطنشته
تركي: لبى بس المشيه عطيتيها حركة جون سينا