محبة لـيـن ذربة من القلب تكساك محبة لين صدق الهوى

part 35

حاس الدنيا تركي وناظرته لين ونطقت: وش ذا
تركي بضحك: بالغلط
لين: تركي عدمت ام الدنيا
تركي: بالغلط
لين ضحكت عليه ونظفت المكان
وسووا اكلهم
لين: تكفى قول تم
تركي: على خشمي تم
لين قربت وباست خشمه ونطقت: نفسي ف بيبسي
تركي ركض ونطق: لا مو تم
لين: ياحسافة بوسة الخشم تفو ارجع اتفل عليه تركيي
تركي طنشها وطلع للغرفه فوق واخذت الاكل لين ولحقته
لين: قدها
تركي: وقدود ماراح تشربين غازيات
لين: تكفى تركي نفسي فيه
تركي: أنا اول مره اشوف وحام على بيبسي
لين: احمد ربك في حريم يتوحمون يشمون البانزين
تركي: ها؟
لين: لا ها ولا شيء قوم اذلف جب لي
تركي: لا اجيبلك عصير طبيعي اي
لين: تكفى تركي قلتلك تكفى نفسي فيه
تركي قام وغير لبسه ولبس واخذ محفظته ونطق: خلاص بجيب بس مره تشربينه
لين: يلا يلا روح ماراح يضر والله
تركي طلع من الغرفه واتوجه يطلع برا للبقاله ومشي بدون سيارة بحكم ان البقاله قريب من عندهم وراح يشتري ودفع ورجع للبيت
ودخل وطلع لفوق ونطق: لين
لين: أنا بالحمام
تركي: تمام انتظرك
جلس تركي على سريره وشغل جواله ولقى رسايل من بهاج وفيصل واخوياهم بالقروب يقولون انهم محددين لطلعه لهم وقرأ تركي الرسايل ورسل: أنا معكم احسبوني نطلع سوا لا تنسوني لا طراق وكلموني من بدري
وطفى جواله وطلعت لين ونطقت: جبت؟
تركي: جبتلك كلي
لين: شبي بكلك الحين عطني البيبسي بشرب
تركي بضحك: هذا جزأت اللي يصير رومانسي معك
لين بضحك: بعدين تغزل مو الحين
تركي: يلا كلي
قربت لين بدأت تأكل وتركي معها وعطاها البيبسي وشربت شوي وسحبه منها ونطقت: يزق باقي ماذقته
تركي: وش اللي ماذقته بتشربين شوي مو كثير
لين مثلت الزعل وكملت اكلها وناظرها ومد لها البيبسي ونطق: هاك
لين: ادب
تركي ضحك عليها وباسها ورجع سحبه عليها ونطق: والله ماعاد تشربينه بس هالمره
لين: يعني عادي يطلع بولدك مدري بنتك وحمه
تركي بعناد: اي اي عادي حياها الله الوحمه اللي بتطلع
لين: لا ياشيخ وربي ماتطلع له واي شيء ابيه بتجيبه طرق
تركي: من عيوني كملي اكلك
لين:ما احب اكل بدون ببسي
تركي: لين لا تستهبلين وكلي
لين قامت ونطقت:خلاص شبعت
تركي بحده:ليين
لين:ها
تركي:ها؟ تستهبلين تعالي كلي تراه بيبسي مايستاهل الزعل
لين:مب زعلانه بس شبعت
تركي: تستهبلين صح؟
لين:خلاص مابي شبعت
تقدمت تنسدح على السرير تنهد وتقدم لها ينسدح جنبها ويتجاهلها ويكابر ، قهرتها حركته ومب من عاداته ينام وهي جنبه بدون ما يحضنها ويبوسها ، لف عليها يقابل وجهه بوجهها ولفت تصد عنه وبدوا يحاولون ينامون ، قرب منها شوي وحست فيه وابعدت وقرب منها ونطقت:شتبيي
تركي:ما ابي شيء بس ودي انام بذا المكان
لين:تمام ابعد
تقدم يحضنها ويحط رأسها عند صدره ويلعب بشعرها ، ابتسمت ونطقت:ابعد
تركي:مابي تراك غلطانه وجيتك أنا
لين:ابعد وش تبي
تركي:أبيك
لين:تركي خلاص وخر بنام
تركي:لين خلاص اسكتي
لين:مابي بعد عني
تركي طفش من عنادها وماكان وده يزعلها عشان الحمل وتوجه للدرج ياخذ بطانيته ومخدته يبي يطلع للمجلس
لين:وين
تركي:بنام تحت
لين:ليه؟
تركي:كذا حبيت انام تحت بس
طنشته لين وضحكت لانها مثلت عليه انها زعلانه وهو صدق
طلع بدون اي رد
تنهدت ونطقت بينها وبين نفسها:اوف لين لا تصيرين غبيه تمزحين كذا
أخذت جوالها وارسلت له " لا تتضايق مب قصدي اسفه والله امزح معك "
تركي:لا معليك أتضايق من كل العالم إلا انتي ، لين اكتفت بالقلوب
لين شافت رسالته وطفت جوالها ورمته ف السرير ونزلت لعنده
تنهد حسب انها طنشته ومارد وطفى الجوال ينام
دخلت لعنده وشافته متغطي باللحاف وسحبته ونامت بحضنه وناظرها وحضنها
لين: انت حمار تصدق اي شيء يصير
تركي ف استغراب: وش طيب
لين: تخيل ازعل عشان بيبسي تستهبل انت كنت امزح يغبي
تركي: طيب قسم لا اردها واقهرك يصير خير
لين بضحك: تخسي قوم نكمل اكلنا والبيبسي
تركي قام ومسك يدها ونطقت: مخدتك جبها
تركي: خليها تذلف بنام معك بنفس المخده
لين: يلا
طلعوا لغرفتهم فوق وقفلوا الباب وكملوا اكلهم وجاه اتصال تركي وشاف انه خويه ورد عليه وسولفوا شوي..
~ عند ساره بغرفتها ~
دق عليها وردت
بهاج: يامرحبا يامرحبا اي والله ياهلا بحب عمري وحياتي ياهلا بحلوة البنات
ابتسمت من كلامه والخجل ذبحها وكلامه جاب رأسها ونطقت: شكراً
بهاج بضحك:واضح استحيتي شذا الرد على الأقل قولي البقى
ساره بخجل:البقى
بهاج:يالليل ياذا الخجل
ساره بضحك:بهاجي خلاص غير الموضوع
بهاج:سمي ياعيون بهاجتس سمي يابعد حيي وميتي
ساره ببتسامه:سم الله عدوك
بهاج:اشتقت لتس ماودتس نشوف بعض؟
ساره:ما ضنتي الحين اقدر صراحه
بهاج:بكرا نطلع؟
ساره:تمام بس وين؟
بهاج:نتمشى مع بعض ونتقهوى ونتعشى
ساره:بشاور امي وابوي واكلمك تم؟
بهاج:تبين اكلم عمي أنا؟
ساره:تم كلمه انت بس مب الحين تراه نايم خله إذا قعد
بهاج:طيب معليك حياتي
ساره:شصار على خالد طيب جاني فضول خايفه باقي؟
بهاج:لا تخافين أنا معتس .. لو الدنيا كلها طاحت على راستس
أنا معتس
لو ان احزان الأرض سكنتتس بتشوفيني اسرق الاحزان سر خفي عشان أشوفتس فرحانه أنا معتس لو ان الناس كلهَم حاربوتس بتشوفيني سيف بيدتس ، احارب كل من حاربتس
ساره:احبببك والله أحببك ياحظي فيك كانت أجمل صدفه وربي
بهاج:ياعيني انتي وربي أنا اللي محظوظ فيتس احببتس حب ما يعلم فيه إلا الله الله يخليتس لي يحياتي
بدت تبكي من حنيته وهو أنصدم كيف كذا فجأه بكت ..
بهاج:ساره تصيحين؟ساره تخافين من السلق لا تجننيني
ساره:اصييح من حنيتك عليي أنا مصدومه كيف ربي رزقني بشخص يحبني وأحبه بذي الحنيه الله يديمك لي والحمدلله والشكر مليون مره عشان الصدفه اللي جمعتنا
بهاج بضحك: يعني كل ماقلتلتس كلام حلو بترجعينه صياح
ساره بضحك: ياخي عجبني الكلام وصحت
بهاج: امسحي دموعتس
ساره: سم
بهاج: ييلا ياقلب بهاج بنام نسيت اني متفق مع العيال نطلع انتِ بعد بكره ونطلع
ساره: نوم العوافي تمام
بهاج:الله يعافيك ياعيني
~ عند تركي ولين ~
لين:متى بنصبغ جدران الغرفه؟
تركي:مدري بس شكلي اخليهم يجون ونروح فندق يومين او ٣ ايام
لين:تستهبل ؟ خلاص أنا بغرفة وحده من البنات وانت بغرفة واحد من العيال سهله
تركي:لا لا مابي مابي ابيك معي تكونين
لين:تركي يوه مالي خلق اخذ شنط ومدري ايش
تركي:اقول بس اص خلاص بكلمهم ويجون بكرا ونروح الفندق
لين:تم يلا خلنا ننام
تركي:تمام يعيوني قربي
قربت منه بحضنه
تركي: اقول قومي
لين قامت ونطقت: وش
تركي: دوري
لين: وش دورك
تركي:دوري
فهمت عليه ونطقت:اما دورك كذا نظامك؟تعال
تركي ضحك ونطق: لا بطنك صح اخاف اضغط عليها بالغلط واعورك
لين: ماراح يصير شيء
تركي: لا لا خلاص تعالي بحضني
لين قربت تنام بحضنه ونطقت: طز
تركي بضحك: شلون قربتي وقلتي طز
لين: لاني حماره
تركي بضحك: محشومه انخمدي خلاص
وناموا أبطالنا ..
~ بعد يوم الساعه ١٢ ~
تركي:يلا يالين خلصتي ؟
لين:اي اي خلصت يعيوني
نزلو تحت وتوجهوا للسياره ، شغل السياره وبدا يسوق متوجه لستاربكس ، دق على فيصل ورد عليه
تركي:اسمع فصول بيجون العمال اليوم العصر يعني انتبه لهم تمام؟
فيصل:تمام معليك ترا بنطلع اول مايروحون بتجي معنا صح
تركي:اي اي بجيكم
فيصل:بحفظ الله
قفلوا ووصلوا تركي ولين لستاربكس
تركي:وش تبين يروحي
لين:اما ماتعرف طلبي؟
تركي:لا بس قلت يمكن تبين تغيرين
لين:لا نفسه معليك
تركي:تم ، عطني ايس وايت موكا ويذ كراميل ٢ وجوز البيكان اثنين وكوكيز اثنين
لين:مره كثير الحلى
تركي:عادي ياشيخه بالفندق ناكله آخر الليل
لين:تمام
تقدم قدام ينتظر طلبهم وآخذه بعدها بمده وتوجهوا للفندق ، ~ بعد مده ~
وصلوا الفندق ونزل تركي يحط البيانات ويدفع واخذ كرت الغرفه وتوجه مع لين للغرفه ودخلوا وحطوا اغراضهم وشربوا قهوتهم مع بعض
تركي: تذكرتتت قلت ممنوع قهوه يالليل
لين مدت بوزها وحطت القهوه فوق الطاوله
تركي: لا خلاص اشربي اشربي لعنبو القهوه اللي بتزعلك
لين: مو القهوه انت
تركي بضحك: دلععع اشربي وانتي ساكته
لين بضحك: سم
كملت تشرب لين قهوتها وتركي معها ودق عليه فيصل
تركي: هلا والله فصول
فيصل: العمال راحوا يلا تعال
تركي: يلا تمام انتظرني
فيصل قفل ونطق تركي لـ لين: بطلع مع العيال بوديك عند البنات تجلسين على ما ارجع ولما اخلص نرجع للفندق مابي اخليك هنا لحالك مايصير
لين: وين تطلع
تركي: ابد قلت نتمشى أنا وفيصل وبهاج
لين: تم خذ راحتك وانبسط برجع البس عبايتي صبر
تركي: تم
لبست لين عبايتها واخذت قهوتها والحلا وبدأت تأكل
تركي فتح فمه وناظرته لين وضحكت وعطته يأكل ونطقت: بالعافيه
تركي: يعافي قلبي
لين: قول الله يعافيك مو قلبك
تركي بضحك: طيب قلبي هو انتي ياغبيه
لين بضحك: اوه معليش والله احبك
تركي مات ضحك عليها ونطق: غبيه اعشقكك
لين ابتسمت وطلعت ولحقها تركي وركبوا للسيارة متجهين لبيتهم
وبعد مدة وصلوا ونزلت لين ونطقت: تركي
تركي: قلبه
لين: عطني فلوس يمكن نطلع أنا والبنات ولا نطلب ننبسط
طلع تركي بطاقته ومده لها
لين: وانت
تركي: ماعليك عندي كاش خذي البطاقه واسحبي منها زي ماتبين
لين ابتسمت له وباست خده ونزلت ولقت فيصل ناظرهم واستحت لين
فيصل كتم ضحكته وسوا نفسه ماشاف
تركي:وش جابك هنا
فيصل: قلت بنتظرك هنا ونروح مع بعض وبهاج جاي بسيارته
تركي: يلا امش
فيصل مشى معه وركب السيارة وبدأ تركي يسوق ودق على بهاج
بهاج: ارحبب
تركي: البقى وينك بهوج
بهاج: يلا هذاني بالطريق
تركي: توك تصحى صح
بهاج: اي راحت علي نومه
تركي: يلا ننتظرك
بهاج: تم
-عند البنات-
لين: هااااي
العنود: هلا بالحامل
الماس: والمحمول
العنود: لا ياغبيه المحمول تركي بس مو معها
الماس بضحك: اي صح نسيت
ضحكوا البنات على الماس
وطلع رواف من غرفته ونطق: وين فيصل يابنات مايرد
لين: دق على تروك طلعوا مع بعض
رواف: اها وسحبوا علي
لين: مالي دخل كلمهم
الماس جاء على بالها تعانده ونطقت: تركي قال مايبيك معه
لين ناظرتها وكانت تتكلم بس قفلت فمها وهمست لها: اص بقهر
رواف: وليش ان شاءالله
الماس: قال لانك غثيث
رواف فهم حركتها ونطق: متى قال اني غثيث
الماس: قبل شوي
رواف حب يحشرها ودق على تركي وفتح السبيكر ونطق: تروك
تركي: عيونه
رواف: في شخص الله يستر عليه قال انك قلت ماتبيني معكم واني غثيث
تركي: كذاب والله لا تسمع من الناس اسمع مني والله كذاب يخرب علاقتنا
رواف بضحك: اقولك مين الشخص
تركي: قول عشان العن امه
رواف: يازفت لا
تركي: وش
الماس قامت وطلعت متجه لرواف وشدت شعره وسحبت الجوال ونطقت: تلعن ام مين
تركي بلخمه: شدراني انه انتِ احسب ولد بعدين ليش تكذبين عليه
الماس: كنت امزح معه عشان اقهره
تركي: تمام اسف على السبه كنت احسبه ولد
الماس: بمشيها عشانك ماتدري
قفل تركي ورمت الجوال لتحت وشهق رواف ونطق: جوااالي
الماس: عشان مره ثانية ماتفضحني وامش معي
رواف بضحك: وين
الماس: مايضحك امشي
رواف فك يدها عن شعره ومسكها
ألماس بهمس: البنات يناظرون والله رواف بذبحك
سحبها رواف للحديقه وجلس ونطق: تعالي نسولف ..
لين: شفتوا كيف مسك يدها
العنود بشك: والله يحبون بعض
لين بضحك: علاقتهم تجنن حُب من اول هوشه
ضحكوا البنات على كلام لين
ساره: يارب يتزوجون
لين: اكيد رواف بياخذها دامه يحبها
ساره: يارب الله يوفقهم
الكل: اًمين يارب
-نرجع لرواف والماس-
الماس: ماسولف مع واحد حيوان
رواف: افا زعلتي والله امزح تعالي
مشت الماس وسحبها رواف ونطق: خلاص بطلي مكابره
الماس: ليش شايفني خفيفه مثلك
رواف بضحك: مو خفيف بس حبيتك
سكتت الماس وجلست وناظرت جوالها وسحبه وطفاه ونطق: ها متى ملكتنا
الماس: ليش مستعجل انت
رواف غمز لها ونطق: لاني ابيك
المآس فتحت عيونها ونطقت: صدق انك ماتستحي والله
رواف ضحك ونطق: امزح بس قولي متى
الماس: مدري حدد انت مع الرجال مو معي
رواف: بس اهم شيء مرتاحه معي
الماس بعناد: لا
رواف بخبث: اجل بخطب أخت صديقة العنود رهف
الماس حست بقهر ونطقت: ومين ذي
رواف بحده:مو لازم تعرفينها خلاص بخطبها دامك مو مرتاحه معي بتزوجها هي
دمعت الماس وقامت تبي تروح وسحبها وناظرعيونها ونطق: والله امزحح تبكيينن انتِ
المآس نزلت دموعها ونطقت: وخر عني روح لها يلا
رواف: والله العظيم مابقلبي احد غيرك امزح الماس بس ابي اشوف غيرتك
الماس: وخر عني خبيث
رواف ابتسم وباس خدها ونطق: والله اني احبك ولا عاد أشوفك تصيحين
حضنته الماس ونطقت: حيوان
بادلها رواف الحضن ونطق: والله اسف جعلني مابكيك ف يوم سويت كذا عشان حبك لي أشوفه
الماس: حمار كان خليتني أكابر براحتي
رواف بضحك: هااا اعترفتيي طلعتي تكابرين
ابتعدت عنه وضربته ضربه خفيفه وضحكت
ولامس وجهها ومسح دموعها ونطق: لا أشوفك تصيحين ياويلك
الماس: انت لا تبكيني
رواف: بقلبي انتِ بتكونين دايم
ابتسمت الماس له وناظر مبسمها وقبله
حطت يدها على فمها ونطق: جعلني مانحرم من هالمبسم
ألماس قامت ونطقت بصدمه وخجل: وصخ بروح عند البنات ابرك
رواف ضحك عليها وفتح جواله وكالعاده دخل كود يلعب
-عند العيال-
-
تركي: ياعيال طولنا خلاص نرجع
فيصل: طولنا ولا عشان مشتاق للحُب
تركي ضربه على راسه ونطق: انطم
بهاج بضحك: تروك اعترف
تركي: اي اشتقت لها عندكم مانع
فيصل: يغبي صير ثقيل اثقلل لو يوم بس
تركي: نشوف ثقلك لما تتزوج العنود
فيصل: ثقيل ونص بتشوف حتى وجهها ماناظره من الثقل اللي فيني
بهاج بضحك: ويجلس يناظر وجهها بكل حُب ويقعد يمدحها وينشب لها ويسحب علينا صدقني تروك
تركي بضحك: وانت الصادق اي والله
فيصل: مالكم دخل ثقيل ولا خفيف شدخلكم
ضحكوا عليه وقام تركي ونطق: بتجون ولا امشي
فيصل قام ونطق: يلا يلا معك
بهاج: يلا توكلنا على الله
ركب فيصل وتركي سيارتهم وبهاج ف سيارته وبدوا يسوقون
بهاج اتجه لبيتهم وتركي لبيتهم وبعد مده قريبه كان قريب من البيت ، لفت عليهم سياره وتركي كان على جواله وماقدر يسوي شيء بالحدث السريع اللي صار
فيصل بصراخ: تركيييي انتبههه
ولف تركي الدركسون بقوه ولكن صار حادث لفيصل وتركي .. وبعد مدة قصيره أسعفوهم متجهين للمستشفى..
الدكتور سعد: وين جوالاتهم
الدكتوره اماني: هذا هم الجوالات واحد مكسور والثاني لا شوف اهلهم ضروري
فتح سعد جوال تركي بسهولة وعرف الرمز لأنه مره سهل وجلس يدور بالأرقام ولقى اقرب اسم مكتوب عليه بالإنجليزي "my sister" (كانت العنود) ودق عليه
جاها اتصال العنود من تركي وطنشته وبعدها جاها واتس وكان مكتوب عليه"ردي ضروري"
شافت الرسالة العنود ورسلت استفهام له ورجع دق وردت ونطقت: ابلشتني وش تبي
دق وردت
الدكتور سعد: أنا اسف داق عليك من المستشفى
العنود بتوتر: طيب مين انت ووين تركي وش صار
الدكتور سعد: في شخصين صارلهم حادث وهم عندنا حالياً اخوانك؟ يا اختي نبي احد من اهاليهم
طاح الجوال من يد العنود ونطقت برجفه لـ لين: لين
لين كانت على جوالها ونطقت: هلا
العنود برجفه وخوف شديد: مين اللي طلع مع العيال
لين: مدري تركي متفق مع فيصل وطلع معه يتمشون وبهاج برضو
صارخت العنود واغمى عليها وقاموا البنات بخوف لها
لين: شفيها بسم الله عليها
ساره: وشفيهاا
الماس: نودي شفيك بسم الله عليك
العنود تمتمت بكلام ماينفهم
قاموا البنات يصارخون وخافوا على العنود وسمعهم رواف وقام لعندهم ونطق: اشفييه
ساره بخوف: اغمى عليها فجأة
رواف بتوتر: مينن
ساره: العنود دققق على الإسعاف
قامت العنود دايخه ونطقت ببكاء وشهاق: فيصل وتركي
ساره: شفيك تهلوسين العنود بسم الله عليك قولي خوفتينا تكفين قولي
دق رواف على تركي وكان مشغول
لين اخذت جوالها وشافت في رقم متصل عليها ونطقت: الو
الدكتور سعد: وينك من اول انادي
لين: مين معي شصار وش قلت للعنود
الدكتور سعد: ممكن تعطيني احد من اخوانك او اي احد عندكم
لين بخوف وبكاء:انطق تكلم
سحب الجوال رواف من يدها ونطق: الو تركي
الدكتور سعد بقوة قلبه وجراءته:تعال لمستشفى *** اخوانك موجودين عندنا وحالتهم خطره
رواف راح ركض لسيارته وصارخت لين ونطقت: رواف شصار
رواف بصراخ: خلاص مدري مدري برووح
~ عند الحريم ~
نزل من الدرج بخوف متوجه لسيارته ونطقت هيفاء:رواف شفيك بسم الله
رواف بحزن:تركي وفيصل وبهاج
الهنوف قامت ونطقت:شفيهم قول قول
رواف:سوو حادث وهم بالمستشفى الحين رايح لهم
طاحت على الأرض وبدت تصيح بأعلى صوتها والكل تجمع ، قربت منها المها تنطق:وش صاير وش صاير قولي بسم الله عليك قولي
الهنوف بصراخ:ياويلي على عيالي ياويلي عيالي عيالي
مسكت لين بطنها ف الم وحست ف دوخه ونطقت: يارب مو فيصل وتركي لا يمه قلبي
ساره: بهاج معهم؟؟شصاير شصاير شفيكم كذا
لين ببكى: مييين مسوي حادث مين قولوا
دقت ساره على بهاج وبعد مده رد ونطق: لبيه ياساره
ساره: بهااج يمه انت بخيرر مافيك شيء صح
بهاج: وشو يابنت الناس مافيني شيء شفيتس تصارخين
لين: اسألييهه كان معهم
ساره بخوف: بهاج تركي وفيصل كانوا معك
بهاج: ايي وراحوا بسيارة تركي وفيصل معه وانا بسيارتي رجعت للبيت
ساره ببكاء:يعني صااار
بهاج: صار وششو
ساره بخوف: فيصل وتركي صارلهم حااادث
بهاج فز وقام ونطق: مين اللي راح لهم
ساره ببكى: رواف
بهاج: قفلي قفلي
قفل بهاج ودق على رواف وكان يسرع بكل قوته للمستشفى وناظر الاتصال ورد: هلا بهاج
بهاج: صدق صارلهم حادث
رواف: اي ورايح لهم ان شاء الله خير
بهاج: ف اي مستشفى جايكك
رواف: مستشفى ****
بهاج: جاي جاي سلام
ركض بهاج لسيارته وبدأ يسوق بسرعة
والكل توجه للمستشفى
ووصل رواف يركض ويلهث ونطق: فيصل وتركي
سمعه الدكتور سعد ونطق: تعال تعال
رواف: كيفهم لا تكسر ظهري فيهم قول انهم بخير تكفى لا تسمعني كلام يكسرني
الدكتور سعد: فيصل جاه كسر بسيط بكتفه ونزيف ويبيله عملية وخياطه وتركي كسر برجله ماعليك تطمن بعد شوي راح نبدأ العمليه
رواف بخوف: وش تنتظرون يادكتور
ركضت الممرضه تنطق:
"The patient is in critical condition"
"المريض في حاله حرجه"
الدكتور سعد بعجله:بروح اشوف
ركض رواف ونطق: وينه وينه
دخل الدكتور ينعش فيصل وخسر دم مره من النزيف اللي صار له ، كان مغمض عيونه ويسمعهم وتعبان بنفس الوقت ، حاول يوقف النزيف الين ما يخلصون غرفة العمليات وتوجهوا رواف
سعد: محتاج تبرع بالاول قول لي وش اسمك
رواف: اسمي رواف وانا أتبرع له
سعد: وش فصيلة دمك
رواف: +O
سعد بضيق: لا هو +A ولازم محتاجين تبرع له ضروري فقد دم كثير
رواف دخل الواتس للقروب اللي فيه الجد متعب وسند وسعود وباقي العيال والبنات "قروب عائلي" ورسل:مين فصيلة دمه +A فيصل محتاج سريع ما قدرت أتبرع له ما تتطابق فصيلة دمنا سريععع
شافت العنود الرسالة بعد ماصحت وركضت للمجلس لسعود ونطقت: تكفى طلبتك تاخذني معك
سعود: وين يابنت الناس
العنود ببكى: المستشفى
سعود:العنود كلنا خايفين عليهم بس مانبي نخليكم تروحون لأنكم ماراح تستحملون خلاص يكفي خالاتي راحوا اجلسوا هنا شوي يرجعون بس ادعوا لهم
العنود:شوف القروب شوووف
فتح جواله سعود وشاف الرساله وقام ورسل: ف اي مستشفى؟
رواف: مستشفى **** تعال سريع
سعود: البسي عبايتك بسرعه
ركضت العنود لفوق تلبس عبايتها
لين: وانا ابي اجي
سعود: افضل ترتاحين انتي حامل اخاف يجيك شيء
لين بصراخ وخوف: بجيي بتطمنن
سعود: خلاص البسوا عباياتكم
لين كانت لابسه العبايه ولبست نقابها وطلعت قبل سعود للسياره ورجعت العنود تركض
سعود: بشويش يختي
العنود: بسرعة بسرعة
توجهوا للسيارة وركبوا وبدأ يسوق
لين: اسرعع
سرع سعود وبعد مده وصلوا وركضت العنود ولين وراها ومسكها سعود عشانها حامل وطاحت على ركبها "اخته بالرضاعه"
سعود: احد يساعدني حامل حامل
الدكتوره لمى: زوجتك؟
سعود: لا لا اختي شوفيها
شالوها ودخلوها للغرفه وفحصوا عليها
الدكتوره لمى: الحمدلله مافيها شيء ولا الجنين بس الم خفيف وبيخف ولازم تنتبه على نفسها
سعود: مشكوره ماقصرتي
لين ببكى: ابي تركي وفيصل ابي أشوفهم
قامت لين ونطقت الدكتوره: بشويش على نفسك شوي شوي امشي
لين: سعوود ودني اشوفهم
سعود مشى وهي وراه ونطقت: العنود وينهم
العنود: تركي شفته بذي الغرفه بس فيصل باقي يسوون له عملية لكتفه والحمدلله هو بخير
لين بخوف وتوترت وماعرفت ترتب كلامها ونطقت: يمه فيصل ليه وتركي وينه
ركضت لين للغرفه اللي فيها تركي وشافته نايم ومجبسين رجله ومسكت يده بقل حيله ونطقت ببكاء:تكفى تركي قوم طمني عنك لا تهد حيلي ومسكت بطنها ف الم
الدكتوره اماني: ممكن تبعدين شوي اشوف المريض
لين طنشتها
اماني ناظرتها ماسكه بطنها ونطقت: انتي حامل؟
لين: ايي
اماني: ارتاحي لا يصير لجنينك شيء بجيبلك سرير تنسدحين عليه
لين ببكى: مابي مابي
اماني راحت وجهزت لها سرير وقومتها
لين: قلتلك مابي ابي أكون قريبه من تركي وخري عني
اماني: يابنت الناس جنينك لا يصير فيه شيء
طنشتها لين وضلت ماسكه يد تركي وتذكرت فيصل وطلعت تشوف غرفة فيصل وشافته صاحي ودخلت
فيصل ببتسامه وتعب: هلا
لين بخوف وبكى: شصارلكم ليه ليه كذا طيحتوا قلبي
فيصل: ماصار شيء هذاني قدامك قط ف سبع ارواح تعالي اجلسي
ضلت العنود ماسكه يد فيصل ونست وجود لين واهلهم
العنود: شفتي تركي
لين بضيق: نايم
المها: بيصحى ماعليك لا تخافين
فيصل بضيق: شلونه ابي أشوفه
فيصل:لا تخافون مافينا شيء
بكت لين ونطقت:اكيد اكيد كنتوا مسرعين ليه يافيصل ليه ليه خوفتونا عليكم
حاول فيصل يقوم وتقدمت الهنوف تحضنها ونطقت:فيصل لا تتحرك
فيصل:لين لين والله ما سرعنا واحد لف علينا لا تصيحين ياقلب اخوك لاتصيحين يانظر عيني
الكل قام يبكي من خوفهم على فيصل وتركي
فيصل:مافينا شيء مافينا شيء شوفوا حنا قدامكم والله معرف أواسي
الكل قام يضحك على كلام فيصل
~ عند تركي ~
الدكتور سعد:لا تتحرك
تركي:بروح لفيصل تكفون
الدكتور سعد:فيصل بخير والحين بنقول للاهل انك صحيت
تركي تنهد وجلس مكانه
توجه الدكتور سعد لغرفة فيصل وطق الباب
عبدالله:تفضل
دخل الدكتور سعد ونطق:الحمدلله على السلامه وبالمناسبه تركي صحى
الكل قام يحمد ربه ويشكره ونطق فيصل:بروح له جيبوا لي عربيه
الدكتور سعد:تمام
جابوا له وكلهم راحوا لتركي
دخل فيصل ونطق:ياهلا ياهلا ياهلا ومية هلا الحمدلله على السلامه يالعشير
تعدل تركي ونطق:البقى يعيون اخوك الله يسلمك اهم شيء انت بخير وسامحني
فيصل:لاتعتذر كلزق شدخلك انت
تركي:الله لا يحرمني
سلموا على تركي الكل وجلسوا يسولفون واعتلت أصوات ضحكهم ومره كانوا مستانسين
فيصل تذكر ونطق:مين تبرع لي بالدم؟
ابتسمت الهنوف ونطقت:العنود
طالع فيها وابتسم وماكان وده يقول كلام قدامهم ونطق لها:شكراً الله يجزاك خير
العنود:مابيننا
استمرّ يطالع فيها ويتأملها ويشكر ربه ويحمده على النعمه اللي عطاه ياها
طالعت فيه وتوترت وشتت أنظارها
طالعه سعود ونغزه ونطق:أصحى وانا اخوك
فيصل بضحك:مالك دخل
سعود:سم
مشعل:تركي ولدي متى تخلص غرفتكم بتسوون شي غير الصبغ؟
تركي:عمي نبي اول نخلص الصبغ بعدها نخطط لكل شيء
مشعل:اي بس ليه طلعتوا فيه مكان
سعود بهمس لتركي:مايدري انه ماقدر يستغني
تركي:اصصص
تركي:عمي مدري مانبي نضيق على احد
مشعل:شدعوه كنسل من بكرا وتعالو البيت
تركي:هاه؟
البنات والعيال بدوا يضحكون لأنهم فهموه
عبدالله:تركي شفيك وانا أبوك
طالع تركي بمشعل ونطق:اي اي عمي ابشر
الجد متعب:يلا عاد حنا بنمشي
تركي:تو الناس اجلسوا
فيصل:صدق ونسونا جدي
الجد متعب:ياعيالي الكل وراهم دوامات وانتم ناموا بعد عشان ماتتعبون
تركي: ابشر
فيصل:سم
تركي:اسمع سليمان العنود بتعطيك أغراض جيبها لنا الحين كيس لي أنا ولين وكيس لفيصل
سليمان:ابشر
تركي:تبشر بالجنه
العنود:وش اغراضه؟
تركي:برسل لك واتساب من اول ماتوصلين البيت حطيهم وعطيهم سليمان
العنود:ابشر
تركي:تبشرين بالجنه
عبدالله:يالله فمان الله
وودعوا بعد وراحوا
~بعد مده~
~الساعه 1 الليل~
الكل راح وترقدوا تركي وفيصل لين مرافق مع تركي وبهاج مرافق مع فيصل
دق سليمان على تركي ورد
سليمان:تركي جاي بالطريق أنا خل احد يطلع لي
تركي:لين الحين تطلع لك
سليمان:تمام
نزلت لين بعدها بمده واخذت الأغراض من سليمان وكانوا ملابس وأغراض شخصيه وحلويات ولابتوب ، بكيس فيصل ملابسه وأغراضه الشخصيه وجواله الثاني
ودتهم للممرضه الموجوده وودتهم لفيصل الممرضه ، رجعت لتركي ونطق:قربي
لين:لا اخاف اعورك خلاص فيه سرير هنا
تركي:اقول بس تعالي من رجلي اليمين مافيها شيء
لين: متأكد يعيوني؟
تركي:يازين كلمة يعيوني من منطوقك
استحت لين ونطقت:خلاص خلنا نتابع اص
ضحك عليها واكتفى بهز راسه
لين:فيه فيلم جديد اسمه حياة الماعز وعاد صوت عنه انه خايس قبل أشوفه لانه ظلموا سعوديتنا خلنا نشوفه
تركي:اي عرفته يستاهلون وصل 18٪؜ من اللي عجبهم
لين:يستاهلون لان الفيلم ما يمثلنا
تركي:صادقه
شغلوا الفيلم وبدوا يشوفونه ومع كل لقطه تسبهم لين ، تركي بضحك:اخخ لين شكلك مقهوره عليهم مره صح احنا بعد مقهورين إنهم يبون يشوهون سمعتنا بس يضحك كل لقطه تجي تسبينهم
لين:اخخ المشكله في خليجيين بعد مشاركين بالفلم اخواننا قلبوا ضدنا ليه
تركي:لا تزعلين عشانهم واساساً ذول ما يمثلون اهل الخليج ابد
لين:تمام خلنا نكمل
حطت راسها على كتفه وبدا يلعب بشعرها
وبعد مده طفوا اللابتوب
ناظرته لين يتثاوب ونطقت: خلاص نوم
تركي: لا مابي
لين: نومم
تركي: ماقدر
لين: ليش
تركي: رجلي تعورني
قامت لين ومسكت رجله بشويش ونطقت: تعورك مره؟
تركي غمض عيونه ونطق: ايي حيل
قربت لين تلعب بشعره وحطت راسه على صدرها وجلست تقرأ عليه الين غفى
وراحت لين تنسدح بالسرير الثاني ونامت بعد تعب وإرهاق وألم بطنها
ودخلت الدكتوره اماني تشوف تركي وسوت له مغذي وشافت رجله وغطت لين
لين قامت ونطقت: بطني احس ف الم ممكن تشوفين لي
اماني: تعالي قومي معي
قومتها اماني ومسكت يدها وراحت لقسم الولاده وشافت دكتورتها وفحصت عليها وطمنتها
وقامت لين رجعت لتركي وانسدحت ورجعت تنام وتغطت
-عند الجد متعب-
الساعة ٤:٣٣ العصر
الجد متعب بصراخ: يلا نروح للمستشفى اخلصوا
سند: يلا يلا
سُميه: بعد مايطلعون بالسلامة بخليكم تنبسطون بشيء
سند: هين ماقلتي لي
سُميه: لازم الكل يتواجد عشان الكل يعرف ماعليكم
سند: تمام يلا اجهزي تروحين معنا للمستشفى
سُميه راحت لفوق ولبست عبايتها ونقابها وطلعت نزلت وجهزوا الباقي واتجهوا يطلعون للمستشفى وبعد مده وصلوا
ودخلوا لتركي وجابوا فيصل للغرفة اللي فيها تركي
وشافوهم نايمين وقوموا لين وقامت
الهنوف: تروك قوم
قام تركي بتعب وعيونه حمر ونطق: هلا نورتوا
الهنوف: شلونكم عساكم بخير
فيصل وتركي بصوت واحد: الحمدلله بخير
المها: تركي ولدي
تركي: عيوني يُمه
المها: تحس ف الم تكفى قول مافيك شيء صح
تركي: ماعليك يُمه بخير بس الم بسيط برجلي
المها: سند ناد الدكتوره خلها تجي
سند طلع ونادها وجت ونطقت: هلا فيكم شيء
المها: شوفيلي رجل ولدي وكتف فيصل
اماني: كتف فيصل يشوفه دكتوره بيجي بعد شوي
المها: تمام شوفي تركي
قربت من تركي تشوف رجله وسوتله مغذي
اماني: مافيه شيء راح يتألم شوي عشان العظم مال وبيجلس بالمستشفى الين يرجع عظمه لمكانه ونشوفه له
المها: مشكوره الله يسعدك بس مافيه شيء كل شيء بخير صح
اماني: ماعليك بخير الله يحفظهم لكم
المها ببتسامه: اللهم اًمين ويحفظك تسلمين
ابتسمت لها الدكتوره وطلعت وسولفوا واكلوا
تركي: يُمه ابي موياااا بارده
لين: أنا بجيبلك
المها: لا لا خلي سند يجيب ارتاحي
لين: ماعليك بروح أنا
سند: اقول ارتاحي عندهم بروح أنا
اتجه سند يروح يجيب مويا للكل ورجع وعطاهم وشربوا
تركي بهمس لـ لين: شفيك ماسكه بطنك
لين: لا من الخوف تعورني
تركي بخوف: صارلك شيء
لين: لا ماعليك فحصت مرتين وطمنوني قالوا مافيه شيء الجنين بس من الخوف عورتني بطني
تركي: لا تخافين هذاني قدامك بخير
لين: اهخ ياتركي حسيت الدنيا تدور فيني بعد ماسمعت الخبر طاح قلبي
تركي: بسم الله على قلبك وعليك يعيوني
لين: وعليك
تركي بهمس: اشتقت
لين فهمت عليه ونطقت بضحك: انطم لاحد يسمعك
تركي: كيف اجيك وانا رجلي مكسوره حسبي الله على اللي صدمني
لين بضحك: قوم اطلع بالسلامة بعدين يصير خير
تركي بضحك: سمي
فيصل: وش تتهامسون فيه
تركي: شدخلك
لين: ركز على صحتك وبس
فيصل: طيب هين
كملوا سوالف وضحكوا مع بعض
سند: استأذنكم
آلمها: بكره بنجيكم ان شاءالله
تركي: الله معكم انتبهوا لنفسكم
سند: سم وانتوا برضو انتبهوا لنفسكم ولا تتحركون كثير عشان مايعوركم شيء واللي صدمكم بجيبه ويتحاسب
فيصل: اي بالله نفسي أشوفه وأبرد قلبي فيه
تركي: انطم لاحد يكلمه ذا بيصفق الرجال سند لو لقيته وشفته انت تفاهم معه بطريقتك
سند: ماعليك
طلعوا الكل وودعوا فيصل وتركي ورجعوا فيصل لسريره وانسدح ونام بعد تعب وإرهاق ..

ضيفوني انستا وتفاعلوا واتمنى يعجبكم وترى بكون انزل خميس جمعة سبت الباقي ماقدر عشان الجامعة وكذا بس لو قدرت بنص الاسبوع اكتب لكم بارتات عيوني لكم وادعوا لي 🩶🩶

"تركي ولين واقعيين" وفيصل
وسلامتكم