محبة لـيـن ذربة من القلب تكساك محبة لين صدق الهوى

part 13

حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
——————————————————————
الجد متعب اتفق مع صقر واهله يجون للشاليه للنظره ويملكون على طول بدون محد يدري
بعد ماجو كلم نجد تتجهز واستغربت نجد تتجهز عشان وش ونطقت: عشان وشو
الجد متعب: بيجي صقر يشوفك النظره الشرعية وتملكون على طول
نجد: منجدك كذا خلاص؟ بتبيعني بسهولة
الجد متعب تنهد ونطق: تجهزي
وقام الجد متعب يفتحلهم الباب ويرحب فيهم ويسلمون على بعض وشوي كذا نادي نجد عشان يشوفها صقر وهي تشوفه (طبعاً محد داري العيال راحوا يكشتون وتركي والحريم داخل يسولفون لانهم زعلانين من الجد متعب)
وراحت نجد لامها تصيح ونطقت: يُمهه
هند: بسم الله عليك شفيك
نجد: جابهم وهم برا
هند: مين!
نجد: صقر وابوه وعمه يُمه
وصاحت نجد
تركي عصب وكان بيقوم ومسكته امه
المها: اهدأ بنحل السالفة بهداوه
تركي: يُمه الله يرضى عليك فكيني
لين كانت تصيح وهي حاضنه نجد
المها: تركي اجلس
تركي بصراخ: يُمه خليني اروح
المها: ماراح اخليك تروح عارفه انك بتضرب الرجال ولا بتجيب العيد بكم كلمة
تركي: بتخليني اقوم ولا قسم بالله بيشوفون شيء ثاني والله ماخليهم بذات ذا متعب
المها: السالفة مو كذا تنحل اهدأ ياتركي ولا يمين بالله ازعل منك وعيب عليك هذا جدك
تأفف تركي وجلس وقعد يناظر لين وهي تصيح مع نجد ونزل راسه
لين وهي تصيح: تركي وعدتني
تركي قام واتجه للجد متعب ونطق: والله مابياخذها البنت مو راضيه ويلا ياصقر تفضل اطلع انت واهلك البنت تحب تفضل الله لا يهينك
الجد متعب بعصبيه: مالك دخل شيء مالك دخل فيه لا تتدخل أنا المسؤول فيكم والمسؤول عن البيت
تركي: مسؤول بس مو مسؤول تزوج بنات الناس بالغصب مو لعبه عندك ، الجد متعب صفقه كف ونطق تركي: قسم بالله مابياخذ البنت ويا أنا يا انت
راح تركي يفتح جواله ودق على فيصل ورد: ارحب تروك
تركي: تعال انت والعيال
فيصل: ليش صوتك كذا
تركي: صقر واهله جووا ومتعب ذا يبي نجد تشوف صقر وصقر يشوفها ويملك عليها على طول اخلصوا تعالوا لا تتأخرون
قام فيصل بسرعة ونطق: يلا يلا ياعيال نرجع الشاليه
رواف: ايش حصل
فيصل: جابهم للشاليه
رواف: مافهمت
فيصل: جدك جاب صقر واهله للشاليه ويبي يملك عليها الحين
رواف ركض للسيارة وراين معه وسند وسليمان وكل العيال وفيصل قعد يسرع لين وصلوا الشاليه
رواف بصراخ: اختي محد بياخذها وبجهز اغراضي وأغراض اهلي وبنطلع برا البيت والمدينه بكبرها
فيصل: راضي تبيع حفيدتك بسهولة
راين: خير ياجدي خير وش تسوي انت على كيفك جبتهم وعزمتهم عشان تعطيهم وبعد بدون ماندري اختي لا والله ماياخذونها
صقر: ياجماعة ماني فاهم شسالفة فهموني
فيصل: البنت مو راضيه واللي قدامك ذا اللي هو جدي غاصبها فهمت الحين؟
صقر بصدمة ماعرف يتكلم وسكت
نطق صقر:جدي
الجد ماجد:هلا
صقر:تعال أبيك بكلمة راس
راحوا على جنب ونطق صقر:جدي غاصبينها غاصبينها ماتبي البنت
الجد ماجد بعصبيه:اسكت وولا كلمه عادي بتتعود عليك حنا واعدين بعض
صقر:بس جدي..
الجد ماجد:لا بس وولا غيره الزواج هذا بيتم وياويل اللي يتكلم
نطق صقر بصوت عالي وفشله:العذر والسموحه ياعيال بس جدي الله يهديه مدري شفيه صامل على ذا الزواج
راين:مو بكيفه يصمل اختي ماراح تتزوج بالإجبار تفهمون ، امش رواف نجهز الاغراض
توجهوا رواف وراين على صوت الجد متعب وهو يصارخ ويناديهم وأول مره يعصون كلمته وما يحترمونه
عبدالرحمن لحقهم ونطق بصراخ:خلاص خلاص نصيب نصيب ابوي قال كلمه لازم نسمع كلامه خلاص نجد بتتزوج صقر وانتهينا مافي طلعه من هالبيت تبون تزعلون ازعلوا طقوا راسكم بالجدران بس ابوي ما تجون صوبه وتعصون كلمته
ناظروه العيال بخيبه وراحوا
تقدم لغرفته يبكي مايدري وش يسوي يرضي أبوه ولا بنته ويحمي بنته ولا يحمي أبوه راح يصلي استخاره عسى ربي يعطيه الاجابه الصح
-عند الحريم-
نجد وهي تبكي بحضن لين وتوجهت أنظارها على اخوانها اللي جو مسرعين وما يدرون وش يسوون من امر أبوهم اللي خرب كل تخطيطهم
هند:ها وش صار
رواف: خرب كل شيء
هند: مين
راين بصراخ: ابوي وقال انه نجد بتتزوج
هند: وش؟؟ شتقول انت منجد قال كذا!
رأين: اي قال كذا عشان ايش عشان مايعصي كلمة ابوه
طلعوا رواف وراين واتجهوا للبيت يجمعون كل اغراضهم وينتقلون لبيت ثاني هم واهلهم
تركي: صقر منجدك تخليه يغصبك حتى انت
صقر: والله مو بيدي والله هم تواعدوا على هالشيء وانا ماكنت ادري انه بيصير كذا
تركي: متى اتفقوا تملكون
صقر: سمعتهم يقولون بكره واليوم نظره بس
تركي دخل داخل وسحبته لين على جنب ونطقت: وين الوعد
تركي: لين والله حاولت وبقعد احاول
لين طنشته وراحت لفوق للغرفه تركض وركض وراها تركي مسكها ونطق: لين مو كذا مالي ذنب تكفين لا تزعلين مني والله مابيصير إلا كل خير
لين: تركي ممكن اجلس لحالي
تركي: لا
لين: تركي تكفى مابي نتهاوش خلني اجلس لحالي
تركي دخل معها للغرفه وحضنها وانفجرت لين بكى بحضنه وقعد يمسح على شعرها ويهديها
تركي: ياعيون تركي لا تبكين تكفين لا تعورين قلبي
لين: كرهته كرهته
تركي: مين
لين: جدي كرهته كيف طاوعه قلبه كيفف مابي اجلس عنده بعد مانرجع من الشاليه مابي
تركي: ولا يهمك برضيك باخذ لنا بيت أنا وأهلي واهلك بس لا تبكين تكفين لين
شدت لين عليه وحضنته بقوه وقعدت تصيح
فجأة بعدت شوي لين وحست بدوخه وكانت بتطيح ومسكها تركي ونطق: بسم الله عليك شفيك ليين
اغمى عليها وطاحت بين يدينه ودق على الإسعاف يجون
تركي بصراخ: لييين شفييك
المها "ام تركي" سمعت صوته يصارخ وطلعت لفوق تشوف وشافت لين طايحه ونطقت بخوف: شفيها
تركي بصراخ: مادري مادري فجأة طاحت
بعد شوي وصلوا الإسعاف وطلعوا لفوق كانوا بيشيلون لين
ونطق تركي: وخروا أنا اشيلها
وشالها تركي وحطوها بسيارة الإسعاف وركب معهم واتجهوا للمستشفى
-عند الجد متعب وصقر واهله-
صقر بهمس: ياجدي مايصير زواج بالغصب
الجد ماجد: اسكت
الجد متعب:العذر والسموحه اخوي ماجد لكن البنت تعبانه مدري شفيها
الجد ماجد:عادي يارجال اهم شيء يتم ذا الزواج وما تخلف بوعدك
تنهد متعب وسكت
-عند تركي ولين وهيفاء بالمستشفى-
-بعد نص ساعه طلع الدكتور-
توجه له ينطق:ها وش صار
سعد"الدكتور": مافيها شيء الحمدلله بس نزل الضغط واغمى عليها
تركي: الحمدلله ، الله يجزاك خير
سعد:وياك
شاف هيفاء وهي متحجبه بحجاب اسود وعبايه سوداء وحاطه ميكب خفيف "كانت حاطه من اول"
رجع مكتبه وبدا يفكر فيها ويذكر الله عليها
دخل عندها تركي يحب رأسها ويتحمد لها بالسلامه مع هيفاء
حطوا لها مغذي وقعدوا يسولفون على ما يخلص ويطلعون
لين:وش صار على نجد
تركي نزل رأسه يكذب عليها عشان ماتتعب او تفكر ونطق:ما فيها إلا الخير شكلهم بيكنسلون
هيفاء:اي مره احسن الحين والجو تطلف
تنهدت تحمد ربها وسكتت
بعد مده خلص المغذي وتوجهوا للبيت كلهم ماعاد الجد متعب حطوه بالشاليه
شافوا رأين ورواف يجمعون الاغراض
هند: ليه وين رايحين
رواف: بنروح نعيش ببيت لوحدنا ساعدينا
لين: حنا معاكم؟
رواف: لو تبون تعالوا حياكم
ركضت لين تجمع كل اللي بغرفتها وتجمع اغراضها
لحقتها هيفاء لفوق ونطقت: يُمه بنتي لين بيزعل جدك
لين: خليه يزعل مابي أشوفه مابي روحي جمعي الاغراض
تنهدت هيفاء وراحت تجمع كل اغراضهم وبعد مدة خلصوا
رواف ينادي الكل ونطق: خلصتوا
نزلوا الكل ومعهم اغراضهم وتركي نطق: بشوف لين دقيقه
فيصل: وين رايحين
هيفاء: بنروح لبيت ثاني نسكن فيه لوحدنا
فيصل: اغراضي جمعتوها؟
رواف: اي حطيتها مع اغراضي
فيصل: كفو
تركي طلع لـ لين وناظرها تجمع وراح يساعدها ونطق: وش تحسين الحين
لين: بخير إذا طلعت من هالبيت
تنهد تركي وسمعته لين ونطقت: شفيك
تركي: ولا شيء خليني اساعدك
لين مسكت يده ونطقت: تحسبني زعلانه منك؟
تركي: شكله لاني وعدتك وماصار شيء من اللي قلته
لين: مالك ذنب ماعليك تطمن مو زعلانه منك
تركي: قولي والله؟
لين: والله
تركي: طيب احبك
لين ناظرته وابتسمت وردت: اموت فيك ، يلا ساعدني عشان نخلص بسرعة
تركي: ابشري
لين: جمعت أغراضك انت؟
تركي: لا
لين: يلا باقي شوي نخلص من اغراضي واجي معك اساعدك
تركي: يلا
لين: الصورة انتبه تنكسر خلها على جنب بشيلها بيدي
تركي: ماعليك يعيوني
جات جوان وهي تصيح وطاحت ع الارض منهاره
سليمان: جوان قومي بسم الله عليك
جوان: اختي بتتزوج مو برضاها اهخ ياحرقة قلببي كيف طاوعه يسوي كذا كيف
سليمان: استهدي بالله قومي تعالي
جوان بدون وعي حضنت سليمان وبادلها سليمان الحضن ونطق: جوان يعيوني هدي لا تبكين
جوان ببكي: سليمان بكره ملكتها بكرههه ياسليمان
شد سليمان عليها وحضنها اكثر
نزل فيصل من فوق ونطق: يلا سريع نمشي
بعد شوي سليمان عن جوان ومسك يدها وبهمس: مالك إلا اللي يرضيك بس لا تبكين خلاص هدي قومي الحين ناخذ الاغراض للسيارة
جوان: ليه وين رايحين
سليمان: بنسكن لوحدنا
جوان: كلنا؟
سليمان: اي ماعاد جدي
جوان: احسن شيء سويتوه ماعاد ابي اشوفه ولا اكلمه دامه باع اختي بسهولة
سليمان: وين اختك
جوان: جايين بالطريق
سليمان: وانتي مين جابك مع مين جيتي
جوان: طلبت سيارة وجيت هم كانوا يتهاوشون
سليمان: لا عاد تروحين لوحدك مع ناس غريبين ولا عاد تطلبين سيارات كلميني وانا اكون اجيك
جوان: اكثر من مره طلبت عادي
سليمان: لا مو عادي تبين شيء كلميني أنا
جوان: تمام خلاص لا تزعل
سليمان: هالمره مابزعل بس المره الثانية بزعل
جوان: ابشر
اتجه سليمان ياخذ الاغراض ويحطهم بالسيارة
رواف: سيارتي فل
سليمان: وانا برضو فل حطيت اغراضي وبعض من اغراضكم
رواف: اطلب سيارة تشيل عفش
تركي من فوق بالدرج: باقي اغراضي وأغراض لين قاعد اجمعها أنا وهي انتظرونا
فيصل: يلا يلا ننتظركم
جمع تركي اغراضه ولين معه تساعده وبعد مده خلصوا
ونزلوا مع بعض
تركي: لا تشيلين الثقيل شيلي الخفيف أنا أشيلهم ذول
لين: بشيل
تركي: لا لا بتطيحين بالدرج أنا أشيل شيلي الخفيف
طلع فيصل ونطق: خلاص لين روحي لسيارة تركي اركبي معه وانا اشيل معه الاغراض
لين: تمام
راحت لين تلبس عبايتها ولبستها وخلصت ونزلت لتحت وقابلت نجد
نجد: وين رايحه
لين: بنسكن لوحدنا
نجد: كلكم صح؟ مع امي واخواني
لين: اي تعالي معنا فيصل وأخوانك جمعوا أغراضك
نجد: اي بجي معكم
لين: تعالي معي بسيارة تركي
نجد: يلا
وراحوا اتجهوا لسيارة تركي
ناظرها نايف ونزل راسه وراح دخل للبيت
ناظرته نجد وبكت ونطقت: كنت ابي نايف
لين: بإذن الله تاخذين نايف ماتدرين ربي وش يكتب بكره يمكن يكنسل زواجك من صقر وتصيرين لنايف لا تصيحين يعيوني
نجد: ان شاء الله يارب
طلعوا الكل لسياراتهم
وطلع تركي وبدأ يسوق ودق على فيصل ونطق: انتوا شارين البيت ولا مستأجرينه
فيصل: شريناه
تركي: يلا لا تطير سوق شوي شوي لاني وراكم اخاف اضيع احد فيكم
فيصل: تم
لين: تركي
تركي: عيوني
لين: ابي مويا بارده عطشانه
تركي: ابشري ، نجد تبين معها
لين: اي جيب لها بعد
تركي: تم
وقف تركي للبقاله على جنب ونزل ونطق: لا تنزلون وقفلوا الباب بجي الحين واذا احد جاكم يأذيكم دقوا بوري
لين: ماعليك محد بيجي روح بسرعة وتعال
تركي: يلا
راح تركي يشتري مويا لهم وله واشتري شبسات وحلويات وحاسب ورجع للسيارة
لين: أنا قلت مويا بس وي
تركي: خذوا كلوا بالعافيه
لين: شكراً
تركي: جب لا تشكريني مابيننا
قعدوا يأكلون وهم ماشين بالطريق
رند "اخت جوان وصغيره": ماما وين رايحين
هند: نروح بيت ثاني ياماما
رند: ليش ماما
هند: عشان هذاك خلاص يع نغير شوي
رند: حماس يصير معنا بيت جديد
هند بضيقة: اي ياعيون ماما
رواف: لا تتضايقين يُمه بتعدي على خير ان شاء الله
هند: ان شاء الله يُمه
راحوا الكل للبيت الجديد ووصلوا
فيصل: حاسس براحة الحين
الهنوف: اقول جب ادخل رتب الاغراض وانت ساكت
ركض فيصل وتركي يشوفون احلى غرفه
فيصل: انقلع برا
تركي: انت اللي انقلع غرفتي ذي
فيصل: علي بالطلاق ماتاخذها
تركي: علي بالحرام ماتاخذها ووالله بعد حلفت يلا انقلع
فيصل انسدح بالأرض وقال ماراح اطلع انت اللي اذلف
تركي سحبه من رجله وبدأ يطلعه وفيصل يصارخ
المها: وجع انت ووياه انطموا
فيصل بصراخ: خالههه قاعد يسحبني من غرفتي
تركي: كذاب يُمه ذي غرفتي أنا سبقته
المها: لا انت ولا هو أنا باخذها
تركي: يلا خلاص انقلع برا امي بتاخذها
دخلت المها للغرفه تشوفها ونطقت: لا يع ماعجبتني كملوا تضاربوا عليها
تركي كمل يسحب فيصل برجوله عشان يطلعه
لين: بزران انتوا؟
تركي: هو البزر سبقته وهو سراق يبي يسرق الغرفه مثل البيت اللي قبل
لين: مين سبق الثاني بصراحه
تركي: انااا
فيصل: والله لين انااا
تركي: كذاب صدقي خطيبك
لين: كلكم كذابين
تركي: ليين أنا خطيبك
لين: لو انك أبوي برضو كذاب
ضحك تركي
بدوا يرتبون الاغراض وراحت لين لغرفتها ترتب الاغراض
المها: لين
لين: هلا خالتي
المها: اساعدك بشيء
لين: لا خاله ارتاحي ولو تبين روحي نامي
المها: اكيد؟
لين: اي ياعيوني انتي
المها: عازمتكم انتِ والبنات على مطعم وعلى حسابي بعد أدلعكم
لين ببتسامه: لا انا ادفع
المها: أنا قلت على حسابي ماعليك
لين: سمي ياخاله نجي على عزيمتك لعيونك
المها: لبى بس زوجة ولدي وام حفيدي اللي بيجي بالمستقبل
لين ابتسمت على كلامها
تركي: بتطلع ولا شلون
فيصل: خلاص ننام فيها كلنا شرأيك
تركي: مابي احد ينام معي مارتاح
فيصل: وربي ماطلع عساك لا ارتحت
فتح جواله فيصل وقعد يلعب كود
تركي: يعني ماراح تطلع
فيصل: لا تبيها بالانجليزي عشان تفهم؟ No
تركي: اوريك
طلع تركي متجه لغرفه ثانية شافها ودخل فيها مسرع وقفل الباب وصور فيد لفيصل ونطق: ربي عوضني شايف وربي انها اطلق من اللي فيها انت
فيصل شاف الفيد وانبهر بجمال الغرفه ورسل: تروكي حبيبي تعال نتفاهم
تركي بضحك وانتصار: كلتراااب
فيصل: تكفى تركي تعال خذ ذي فداك
تركي: يلا بس انطم
فيصل: مطيري وصخ
تركي رسل له فويس وقعد يعاند فيصل..

أشوفكم ببارت ١٤
ضيفوني انستا j8e2i
اسفه تأخرت بس كتبت البارت متأخر ❤️
اتمنى يعجبكم وتفاعلوا ✨