محبة لـيـن ذربة من القلب تكساك محبة لين صدق الهوى

part 14

حسابي انستا: j8e2i
"الروايه مو خياليه " تركي ولين موجودين بالواقع وصدق متزوجين"
—————————————————
سكنوا ببيتهم الجديد وكل واحد رتب اغراضه والبيت كان
مأثث من اول وكان شكله جميل
-عند الجد متعب-
دق على تركي ورد عليه ونطق: هلا
الجد متعب: وينكم
تركي: مدري
الجد متعب: تستهبل اقولك وينكم
تركي: زعلانين ومقهورين منك ورحنا بيت عمي عبدالرحمن
الجد متعب: ارسل اللوكيشن
تركي: طيب
ركض تركي لفيصل يقوله انه دق عليه الجد متعب وطلب منه اللوكيشن
فيصل: ارحمه بحكم انه كبير بالسن ولا والله اني حقدت عليه
تركي: الحين ارسل ولا لا
فيصل: ارسل ماراح يقعد نشوف شيبي
رسله تركي وشافه الجد متعب وجاء لهم بسواق
دق الباب وفتحته تركي
الجد متعب: كيف تتركوني لحالي
تركي: ماتركناك بس اللي سويته بنجد مو سهل
الجد متعب: اليوم ملكتهم خلها تتجهز
تركي: جدي انت ماتحس وش ذا كيف لعب بعقلك ذا ماجد تستهبل انت البنت ماتبي
الجد متعب: احترم نفسك ونادي نجد
تركي: ماراح اناديها
دخل تركي داخل وطنش جده
ودخل الجد ونطق: نجد
نجد نزلت وشافته وردت: هلا
الجد متعب: جهزي نفسك يشوفك وتملكون
نجد مشت بدون ماترد وراحت تجهز نفسها بدون ماتكلم احد وهي مقهوره وودها تبكي بس ماسكه دموعها وبدأت بالميكب ولبست لها فستان طويل وساتر بحكم ان دموعها بطرف عينها الا انها طلعت جميلة مع شعرها الطويل والناعم ولبست عبايتها ونزلت تحت
ونطق الجد متعب: اسف يابنتي
نجد: امش خلاص
الجد متعب: وعدتهم أنا يانجد بس الرجال كفو والله
نجد: توعدهم فيني؟ فيني ياجدي تبيعني بسهوله وش شفت منهم عشان توعدهم وش
طلع فيصل وناظر نجد ونطق: وين رايحه
نجد: بروح اشوفه
فيصل: تستهبلين خير تستسلمين
نجد: خلاص يافيصل خلاص خلني بهمي لا احد يكلمني
فيصل دق على رواف اخوها ونطق: رواف اختك بتطلع
رواف: ويين
فيصل: جاء جدي وبياخذها يملك
رواف: بروح بروح لهم سلام
اتجهت نجد مع جدها لبيتهم الاول ووصلوا هناك
وجاء صقر وجده وعمه "ام صقر وابوه متوفين"
وسلموا على بعض ووقعوا على الكتاب وملكوا وشافها وانبهر بجمالها بس بنفس الوقت زعلان على زواجهم لانه ماجاء على كيفهم وبحكم انها مغصوبه وتحب غيره
الجد متعب: نخليكم تسولفون شوي
صقر كان قدام نجد ونجد ساكته وماناظرته
دخل رواف وشاف نجد مع صقر ونطق: نجدد لييه تضعفين
شافت نجد اخوها وقامت تحضنه وتصيح
تضايق رواف على حال اخته وحضنها ونطق: ليه ليه تروحين بدون ماتكلمين احد ليه نجد ليه
نجد: مو مني مو مني جدك
صقر كان ساكت ومتضايق على اللي صار
رواف: بروح اجيب راين واجي
نجد: طيب
رجعت نجد تجلس
صقر: أنا اسف
نجد بضيقة: على؟
صقر: على اللي صار ماكنت ادري ابد
نجد: هذا انت دريت شسويت
صقر: كلمت جدي بس مارضى نفس تفكير جدك
نجد:خلاص نتزوج سنه وحده واتطلق منك بحكم انه ما حبينا بعض وبس
تنهد واكتفى بهز راسه وهو بداخله قهر وحزن
-عند هند وعبدالرحمن بالغرفه-
هند بصراخ:ليه ليه ليه تسوي ببنتك كذا عندك شخصيه تقدر تقول لا وبس
عبدالرحمن بصراخ:تبيني اعصي كلمة ابوي ياما صار زواج بالغصب واستمر خلاص عاد نصيب
هند بكت وجلست على الكرسي تبكي
توجه لها بحزن يجلس عندها ينطق:والله مو بكيفي والله مو بكيفي
هند:كيف مو بكيفك بنتك ذي بنتك
بكى وكانت اول مره تشوفه يبكي بعد سنواااااااااااااااات طويله ، حزنت عليه وحضنته وبدت تهديه تنطق:خلاص خلاص بنخليه يتزوجها وما يكملون مع بعض غير كم شهر ويطلقها تمام؟
عبد الرحمن تنهد واكتفى بهز راسه
-عند نجد وصقر-
التفتت تشوف اخوانها متجهين لهم وراين ينطق:صقر الله يرضى عليك كلم ماجد بعطيك ياها صريحه اختي ماتبي ومجبوره
صقر وقف ونطق:والله كلمته والله اساساً اتفقنا سنه وننطلق خل تصبر سنه بس والله العظيم ما اقرب عليها حتى
جلس رواف وهو مهدود حيله منهم ينطق وهو منزل راسه بحزن وحيره:خلاص تمام
راين صرخ ونطق:رواف لا تستهبل اختي ما تروح مع احد ماهي راضيه عليه لا تستسلم نقدر نوقفهم
رواف:مانقدر خلاص خلاص صاملين على ذا الزواج
نطق راين بخيبه:طيب ونايف اللي يبيها؟
طلع صقر بحزن وقامت تبكي نجد وطلعت
دخل الجد متعب بصراخ:شسالفتكم انتوا خليتوا البنت تبكي بعد مارضت بالأمر الواقع
قام رواف ينطق بصراخ:جدي خلاص خلاص يارجال خلاص فكنا وافقنا على ذا الزواج وفوقها انت مب محترمنا وولا محترم امي وابوي وكل اللي تكلموا معك بعتها بسهوله الله لا يبلانا
الجد متعب:احترم نفسك واعرف انت مع من تتكلم تفهم
رواف بضحك واستهزاء:على أساس صارت لك هيبه الحين
تقدم الجد متعب يعطيه كف وقرب منه راين يتهاوش معه
-تسريع احداث-
-بعد نص ساعه-
توجه متعب ينطق:نجد نجد يلا زوجك ينتظرك
هند تسمعه وتبكي على حال بنتها وبرضو جوان والكل
بكت نجد وحضنت أمها والباقين ونطقت هند:طمنيني عليك تكفين
نجد بحزن وهي تطالع نايف والكل ملاحظ ذا الشي:ابشري ، توجهت تنطق للعيال:فمان الله يا اخواني"قصدها العيال كلهم"ما قصرتوا وفزعتوا لي
نايف بحزن ناظرها وماقدر ينطق كلمة
تركي:والله العظيم مكانك بمكان العنود والجوهره وليان اختي وألزم ماعلي اني افزع لك واحاول قد ما اقدر اخلي ذا الزواج يتكنسل
سَند:بحفظ الله
تميم:الله يحفظك هانت ان شاء الله تتصلح الامور
فيصل:استودعناك الله وطمنينا عليك عاد
سليمان:تأكدي ان كل شي خيره ونصيب وان شاء الله ربي يعوضك بحفظ الله
دمعت نجد تطالع بالباقي ينطقون ورا بعض:
سعود:بنشتاق لك مره وربي مكانك مكان خواتي استودعناك الله
تقدموا لها راين ورواف يحضنونها ويبكون وبكت معهم وبكوا الكل نطق راين:استودعتك الله طمنينا عليك واذا صار شي كلميني
هزت رأسها تسمع رواف ينطق:استودعناك الله ، كان بيكمل كلامه وبكى وكمل ينطق :بشتاق لك وبشتاق لمحارشي لك المستمر ياحلوة البيت كله
ودعتهم وودعت البنات وكانت مبسوطه كيف ان وراها اخوان يعزونها ويدافعون عنها ويوقفون معها ، اتجهت لسيارة صقر بدون ما تطالع لا فيه وولا بجدها وعمه وجده وابوها ، مشوا
-عند صقر ونجد-
صقر:أنا اسف والله مو بكيفي
نجد:معذور معذور
اكتفى بهز راسه وفكر وجت فكره براسه"يقول لها انه يحب وحده برضو عشان ماتزعل"
نطق صقر وهو يطالع بطرف عينه لنجد:وترا برضو أنا أحب وحده
نطقت نجد:خلاص احسن لي وأحسن لك عشان ما تتعلق وولا أتعلق فيك
سكت صقر يكمل سواقته ، وصلوا الشقه ونطق:جوعانه؟
نجد:مدري مب مره
صقر: وش تبين من برا؟
نجد:عادي اي شيء
صقر:وش تبين انتي
نجد: اي شيء ماتفرق
صقر: بطلب ماك وش وجبتك المُفضلة
نجد: ماك تشيكن سبايسي
صقر ابتسم ونطق: كبير؟
نجد: اي
-عند بيت عبد الرحمن-
قعد وهو يبكي بكل حرقه بغرفته الين ما نام وصارت سالفه كبيره بالبيت:
بالصاله ينطق تركي:العذر والسموحه عماتي وعمامي وابوي لكن جدي هذا البيت يتعذرك
نطقت المها بصوت حاد:لا تستهبل تركي هذا جدك احترمه
كشر تركي ونطق:لين تعالي معي
توجهوا لغرفة العنود ، جلست على السرير وتقدم لها ينسدح بحضنها بتعب من الأشياء اللي صارت سريع سريع ، بدت تلعب بشعره تنطق:اليوم مره تضايقت والبنات قالو لي إنهم جهزوا سبرايز لي عشان عيد ميلادي بس مع اللي صار كنسلوا كل شيء
تركي:اعذريهم وربي اللي صار صعب
لين:أكيد بعذرهم بس المقصد كنت ابي ننبسط كلنا ومع نجد بس اللي تضايقت عليه اكثر كيف جدي رضاها على نجودي
تركي:نصيب ويمكن خيره لها ماتدرين 
لين تنهدت ونطقت:ماودك نقدم زواجنا زياده؟
تركي ابتسم وفهم غلط:كيف يعني تبين نقرب زواجنا
اوووف طلعتي مستعجله
ضحكت لين عليه تنطق:لا ياغبي ابي نزود الأيام يعني باقي ٣ شهور على زواجنا ومره في مشاكل خلنا نخليه ٤ شهور
كشر تركي وقام عن حضنها ينطق:خلاص لين مافي الا كل خير إذا تبين نقدم الزواج خلاص خلينا نملك وبس اخذك
لين:خلاص خلاص كنسل كلامي طبعاً ابي زواج
ابتسم يرجع لحضنها يتقدم لعنقها يستنشق ريحة عطرها اللي دوخته ينطق بصوت خفيف وحنون وكأنه دايخ: اووف لو بكيفي ماتدرين وش اسوي
لين:شتسوي
تركي عض شفايفه ينطق:اقدم زواجنا واسوي اللي ابي فيك
لين:تركي ماودك تسكت
تركي:وانا عند ربي صادق تراك حلالي
لين بخجل:مب حلالك الحين احنا مخطوبين بس لا تخليني أقومك الحين احسلك
تركي وهو يمثل العصبيه والزعل:بتصيرين وانا بقوم من نفسي اجل دامها كذا
لين:شفيك
تركي توجه للباب ورجع يتقدم لـ لين ينطق:اشتقت لك
لين ابتسمت ونطقت:اشتقت لي 24 ساعه وانا بوجهك كيف تشتاق لي
تركي وهو يلف ويدور:اشتقت لك يعني اشتقت لك افهميها
فهمت لين ونطقت بضحك: تركي اذلف برا روح لغرفتك
تقدم لها بكل حنيه يقبل ثغرها ويستمتع بطعم شفايفها ، ابتعد عنها يتنفس ويطالع فيها وبوجهها المحمر من الخجل ، تقدم بكل جراءه يقبل نحرها وهي بخجلها غمضت عيونها تمنع نفسها تطالع فيه وهو بذي الوضعيه وتخجل بقوه منه ، تركها بعد مده ينطق:كذا اقصد ولو بكيفي اسوي أزود
طالعت فيه بخجل وابتسمت تنطق:طيب خلاص اطلع للعيال
تركي وهو يمثل البراءه:ماودي
لين حزنت عليه ونطقت:تعال نتابع فيلم بدون حركات زي وجهك
تركي بخبث: ابشري
تقدم يجيب اللابتوب من الطاوله ، ويفتح يده لها تنسدح بحضنه ويتابعون سوا
جت لقطه بالفيلم"احد الممثلين" بدون تيشيرت بعضلاته ابتسمت تنطق عشان تشعل غيرة تركي
لين: احاا
طالع فيها بتكشير يقفل اللابتوب ينطق: كليزق وش اللي احا مافي فيلم انقلعي بنام
لين بضحك: امزحححح وربي ابيك تغاارر
تركي: انطمي عضلاتي احسن من وجهه ذا الخكري
لين: ورني اشوف
تركي فصخ تيشيرته ونطق: انطمي
لين ماتت ضحك عليه ونطقت: لبى بس عضلات ابو عيالي ارجع البسه امزح يزق كنت ابيك تغار بس وخلاص خليتك تغار
تركي: والله عيب الغيره توجع
لين: خلاص توبه
تركي ابتسم ينطق:المهم انه عندي اطلق منه وصلت المعلومه؟
لين ابتسمت تنطق:طيب ليه تمدح نفسك بالنرجسي؟
تركي بضحك:مب نرجسي بس ذا الصدق وصلت المعلومه جاوبي لا طراق
طالعت بغمازاته تتأمله بهيام تنطق:وصلت وصلت
تركي ببتسامه:شفيك؟
لفت لين تصد عنه تنطق:لا ولا شيء
تركي: احبك
لين ناظرته وابتسمت ونطقت: نكمل الفيلم
دخلت عليهم العنود تشوف لين بحضن تركي وضحكت وطلعت ترجع تطق الباب
ابتعد عنها ينطق بحده:ثاني مره طقي الباب طيب
العنود دخلت وكشرت تنطق:لا تستهبل تراها غرفتي يلا برا الحين جاء وقتي مع لين
تركي بحده:طيب اطلعي ابي لين بشيء
طلعت العنود تنتظر عند الباب ، تقدم يبوسها بحنان وينطق: استودعتك الله من الجنيه العنود
صرخت العنود تنطق:أسمعك أسمعك!!
فتح الباب تركي يطالع فيها ينطق:على أساس طاق لك خبر؟
العنود:دزها بس دزها انقلع يلا
طلع بتكشير ومزح ينطق:تخربين لحظاتنا الحلوه يعني لازم
العنود: شتبي غرفتي يانشبه اذلف يلا
وسكرت الباب بوجهه
تركي:أنا أوريك دزيها
، وتوجه لغرفته ينسدح بتعب ويتذكر كل لحظاته معها ببتسامه ويحمد ربه ويشكره عليها
لين: حرام يزق تقفلين الباب بوجهه
العنود: ينقلع بس
لين: ليه معصبه
العنود: بقعد معك شوي بعدها اذلفي نامي بغرفتك
لين بضحك: لبى المعصب
العنود ببتسامه: وحشتيني يزق والله
لين: اكثرر تعالي نتابع مسلسلنا المُفضل
تابعت لين والعنود مسلسلهم ونامت العنود بدون لا تحس وشافتها لين وغطتها وقفلت اللاب وطلعت من الغرفه تتجه لتركي تشوفه وطقت الباب ومارد عليها
وفتحت الباب تشوفه وشافته ناييم بسابع نومه "نومه خفيف"
وجت تغطيه وتشغله المكيف وقعدت تناظره وتبتسم وتلامس وجهه وتلعب بشعره وبغت تطلع وقبل لا تطلع سحبها من يدها
لين: يُمه حسبي الله انت مو نايم
تركي بضحك: إلا نايم بس نومي خفيف صحيت من اول مادخلتي وسويت نفسي نايم
لين: حيوانن احسبك غرقان بنومك يزق
تركي: آسف إذا خوفتك بس تعالي نامي بحضني
لين: انام بحضنك وانت مفصخ التيشيرت يلا بس
تركي: ماحب البسه لما انام افصخه المهم تعالي
لين: ماراح انام بحضنك وانت بدون تيشيرت
تركي: يزق ماحب
لين: مالي دخل البس
تركي قام ولبس اي تيشيرت من الكبت "الدولاب"
تركي: ها لبست يلا تعالي
جت لين تنسدح بحضنه وحضنها تركي ونطق: واه يروحي نتفه صغيره ولا كأنك بحضني
لين: كلزق لا تخلني اقوم يامتنمر
ضحك تركي ونطق: خلاص امزح يلا نامي
لين: العب بشعري مو بس أنا العب بشعرك
تركي ابتسم ونطقت: من عيوني
وقعد يلعب بشعرها وشوي كذا نطقت لين: تركي
تركي: عيونه
لين: ابي اقص شعري
تركي: قومي قومي روحي نامي بغرفتك قال ايش قال اقص شعري يلا بس
لين: نفسيي اقص
تركي: لا انقلعي احب الشعر الطويل
لين قامت وناظرته وهي قريبه منه ونطقت: عشاني طيب
تركي: ماني خفيف انقلعي قصي
ضحكت لين بصوت عالي وجاء غطي فمها ونطق: الكل نايم جبب وهو يضحك بصوت واطي
لين: متتت متت
تركي: بسم الله عليك
وشالها تركي ورجعها لحضنه
تركي: إذا تحبيني لا تقصين
لين: ماحبك وراح اقص بعد ماقص احبك
تركي مارد عليها سوي نفسه زعلان
لين قامت تناظره مغمض عيونه ونطقت: تركي
تركي: نعم
لين: افااا أنا تقول لي نعم وين عيونه
تركي: عيونه وقلبه وروحه وفؤاده وكله شتبين شتبين يازق قلبي مايطاوعني ازعل منك مالت عليك
لين ببتسامه: احبك والله
تركي: اعشق اليوم اللي جيتي فيه
لين: لا تعشق اليوم اعشقني أنا
تركي ضحك ونطق: خلاص أعشقكك انتي
لين تثاوبت وسحبها تركي تنام ونطق: خلاص نامي
لين: وانت؟
تركي: بنام معك يعيوني
لين: يلا تصبح على خير
تركي: وانتي من اهله
وناموا أبطالنا ..
الجد متعب كان صاحي وماقدر ينام بسبب اللي سواه ندم انه اجبر حفيدته عشان وعد وعده ماجد
دق على ماجد بحسره وقهر
ورد عليه ماجد: هلا
الجد متعب: ماعرفت انام ليتني ماوعدتك يا***
الجد ماجد: لا تسب احنا تواعدنا يتزوجون بالحلال مو بالحرام
الجد متعب: بس هي ماكانت تبي أنا غصبتها ليتني ماغصبتها وسمعت كلامك حسبي الله وقفل بوجهه ودق على نجد
نجد: هلا
الجد متعب: كيفك
نجد: الحمدلله
الجد متعب بضيق: أنا اسف ماقدرت انام يابنتي
نجد بضيقة: نام نام ياجدي نام حصل خير
الجد متعب: ماتدرين متى يومي تكفين سامحيني
نجد بخوف: بسم الله عليك لا تقول كذا نام ماعليك مسامحتك وحصل خير
الجد متعب: وينه هو
نجد: موجود ياجدي جنبي
الجد متعب: كيف أسلوبه معك
نجد: تمام
صقر: مين تكلمين
نجد: جدي
صقر: سلمي عليه
نجد: يسلم عليك
الجد متعب بضيق وقال: الله يسلمه يلا ف امان الله
نجد: الله معك
قفل الجوال ونام الجد متعب بعد تفكير
نجد: ابي اروح عند اهلي
صقر: الحين؟ الوقت متأخر ولازم ننام شرأيك اول مانقوم نتجهز واوديك
نجد: اي صح نسيت انهم نايمين
صقر: تعالي ننام ولما نصحى أوديك على طول ابشري
قامت نجد تتوجه للغرفه ونطقت: انت نام بالسرير وانا بفرش لي بالأرض
صقر: لا انتي بالسرير وانا بالأرض يلا روحي
نجد: لا أنا أنام بالأرض روح نام بسريرك
صقر: أنا حلفت انتي يلا روحي
راحت نجد تنسدح وهو فرش له بالأرض وانسدح وقعد يفكر بضيق على حالته وزواجهم اللي جاء كله مشاكل وقهر وظلم وبعد تفكير نام
قامت نجد تناظره وشافته نام وراحت للحمام "الله يكرمكم"
تتوضى وتصلي صلاة الوتر وتدعي ان ربي يوفقها ويفرج همها
-عند العيال-
كان الكل نايم ماعاد نايف يفكر بنجد وفتح جواله وفكر يرسلها وكان متردد بحكم انها هي خلاص تزوجت وبعد تفكير رسلها
نايف: نجد
خلصت نجد من صلاتها وسمعت اشعار من جوالها وراحت تجيبه وشافت اشعار من نايف وفز قلبها وفتحت الجوال
نجد: مانمت انت؟
نايف: لا
نجد: ليه
نايف: متضايق
نجد: بسبب وش
نايف: ابيك يانجد ابيك والله اني بدونك ضايع ليتني بدال صقر
نجد بكت بدون صوت وردت عليه: خيره وانا اسفه
نايف: اسفه ليه لا تعتذرين ماسويتي شيء
نجد: الله يعوضك اللي احسن مني وان شاءالله تحبها وتحبك
نايف: مابي اتزوج خلاص
نجد: الدنيا ماتوقف علي نايف تزوج وعيش حياتك
نايف: إلا وقفت وقفت أنا ابيك انتي مابي غيرك ابيك حبيتك ورسمت كل احلامي معك
نجد بضيق: خلاص نام الحين وبعدين اجيكم ونتكلم
نايف: الساعة كم
نجد: على العصر او المغرب
نايف: تمام
نجد: لا تنام متضايق
نايف: والله اني ميت من الضيقة
نجد: قول الحمدلله يانايف
نايف: الحمدلله يلا ف امان الله بس حبيت اتطمن عليك واذا زعلك هو كلميني
نجد: ماعليك مابيزعلني طول اليوم وهو يتكلم معي ف احترام
نايف: تمام استودعتك الله
نجد: الله معك..
-
ضيفوني انستا j8e2i
"لين وتركي متزوجين حالياً بس قصتهم كتبتها من البداية"