العنود: لا تسرععععع
تركي: العنود الله يرضى علييك اسكتي
العنود: تركي تعوذ من ابليس ولا تسرع نرجع البيت ونتكلم بهدوء ولا والله العظيم لا اعلم ابوي خفف السرعة
تركي بعصبية: لاعاد تطلعون وأنتم كذا بزينتكم تخيلو لو كلكم بنات وما معكم احد كل وحده حجابها على راسها عند عمامي بس عندنا كاشفين
أخر مره تطلعون كذا تفهمون
العنود: خلاص خفف السرعة مسوي تغار
تركي: العنود انطمي لا افجر فيك
العنود: أنا اوريك كمل سرعتك
-وصلوا للمزرعه-
تركي:العنود لا تصفقين باب السياره اعرف حركاتك
العنود:لين حبيبي يلا
نزلو لين والعنود وصفقت الباب العنود وراحت مسرعه لابوها
-بالجلسه عند الحريم والرجال كلهم-
ساره بهمس للبنات وبضحك:اخخخ نايف طاح على وجهه ومحد سمى عليه
نجد وهي مسويه نفسها ما تسمع وولا تشوف
الماس غمزت:ايي والله من قدك نجووودي فيه واحد معجب فيك
نجد:بنات خلاص اسكتوا وي
الجوهره بضحك:شفيك
فجأة سمعو صوت صراخ تركي والعنود
تركي بعصبيه وصوت مرتفع:تستهبلين مو لذي الدرجه العناد كبري عقلك شوي
العنود بصوت مرتفع:لا ترفع صوتك علي تفهم سويت دراما والبنت مالها دخل وبكيتها
لين ببكي:خلاص خلاص اسكتو مالكم داعي
عبدالله أبو سَند:هي بس شبلاكم بزران تتهاوشون ماتستحون انتم ماتستحون شخليتو للبزران!!
العنود:يبه لو تدري وش سوا ولدك ماراح تلومني
ألمها أم سَند:اهدو خلاص!!عبدالله خلهم يجون يقولون السالفه هناك
البنات وهم يهدون لين على جنب
نوره:لين حبيبتي وش صار قولي ليه تبكين
لين:خلاص العنود تقول لكم
حضنتها نوره تهديها
- بالجلسه -
مشعل:لين تعالي عندي
راحت عند ابوها وبكت بحضنه:
مشعل تنهد وقال:يابنتي شفيك قولي قولي ليه تبكين العنود وش السالفه
تركي وهو يناظر لين وندمان عشانه صرخ بوجهها ووده يكلمها ويفهمها ويهديها بس ما يقدر
العنود:عمي رحنا البقاله مع تركي وكنا طيبين يوم جينا نطلع أنا ولين وتركي يحاسب الاغراض'يعني لا تعصب بس هذا اللي صار جاء واحد يعاكس لين وتركي تهاوش معه وتضاربو ويوم ركبنا السياره تركي قام يسرع عشان كذا أنا تهاوشت معه يعني تخيل لو صارلنا حادث بسبب سرعته مو صح الحق معي ؟
مشعل: صح الحق معك ولف على تركي ، ليش تسرع؟
تركي: لاني كنت مقهور لما شفته يعاكسها خفت عليها والله ياعمي حتى نظراته لما كان يناظرها نظرات وصخه
مشعل: معك حق وشكراً لانك ساعدت بنتي من هالاشكال ولكن المفروض تاخذ حذرك وماتسرع لو كان صار فيكم شيء لا سمح الله؟ لا عاد تسرع
تركي: سم ياعمي اسف
مشعل: سم الله عدوك
تركي: لين أنا اسف لاني بكيتك ماكان قصدي والله ، لين إكتفت بهز راسها وراحت للغرفه تغير لبسها
طلعت لين للغرفه وغيرت لبسها ولبست بيجامه شورت
وكانت مسويه ويفي من اول وعدلت على مكياجها وكان جمالها مُلفت
دقت على ابتهال
لين:الو ابتهال وينكم يلا
ابتهال:اصبري نبي نجيب الحلويات وكذا
لين:تمام انتظركم
- عند البنات بالمطبخ وهم يجهزون سناكات سهرتهم -
وجد:ليان عطيني صحنين للصوص
ليان:امسكي
الجوهره:بنات حطيتو الببسي بالفريزر!؟
صبا:إيه أنا حطيته ومدري عن العنود إذا حطت الباقي ولا لا
العنود:اي حطيت الكودرد والفروتز والباقي ببسي بعد
الجوهره:اي حلو
دخل تركي المطبخ وطق الباب
العنود:مين؟
تركي:أنا تركي
العنود:تبي شي؟
تركي:نادي ليان
راحت ليان عنده:هلا شبغيت
تركي:تكفين ليان ابي شاحنك
ليان:طيب خذه بس ترا بعد شوي اخذه؟
تركي:كفووو وينه؟
ليان وهي ناسيه ان لين بالغرفه:كفوك الطيب بالغرفه بشنطتي لونها اسود
تركي:تم
دخل تركي مسرع يبي الشاحن ولين معطيته ظهرها حست ان في احد دخل ولفت وحسبت انهم البنات ونطقت اخيراً م... ماكملت كلامها إلا وتنصدم
وصنمت مكانها واستوعبت أنها لابسه بيجامه شورت
غطت نفسها بالمخده ونطقت:اطلع تركي اطلع
تركي بهدوء وصدمه:معليش ماكنت ادري انك هنا
صد تركي ونطق:عادي تعطيني الشاحن حق ليان ؟موجود بشنطتها
لين وهي متغطيه:تمام تمام بس اطلع وخلك عند الباب
طلع تركي ينتظر تجيب الشاحن وهو باقي مفهي فيها وبجمالها وكيف هي جميله كذا
استوعب تركي واستغفر عشان تروح الأفكار من باله
عطته الشاحن لين وراح
- عند البنات -
صرخت ليان فجأة وخرشت البنات
ريم:وجع شفيك
سُميه:خرشتيني شفيك
والبنات الباقي يطالعون بصدمه
ليان:بنات
ساره:وش اخلصي شفيييك
ليان:لا يكون لين بالغرفه
ابتهال:اي توها دقت علي تقول وينكم!!ليه شفيك قولي خرعتينا
ليان بضحك وصدمه:بنات تخيلو تركي طلب مني شاحني وهو بالغرفه وراح ياخذه
العنود:ياربي منك ومن فهواتك أكيد دخل عليها
ليان:يختي مدري بس احس عادي بتصير زوجته قريب ان شاء الله
البنات كلهم ضحكوا
وجد بضحك:ياربي وربي تركي ولين حفله!!مساكين الكل مجدول عليهم
ريم:بعد ذا الموقف متأكده بيتزوجون خلاص
نوره بضحك:شكلي بدخلها بالفرن مايمديها تسوي ليزر حتى
الجوهره بضحك:يعيوني يالين
صبا:بروح لها هذي لا يكون انجنت
الماس بضحك: متتتت ودي أشوف وجهها كيف انقلب
نجلاء بضحك:يابنتي صبا روحي الحقيها لا تفطس
ضحكو البنات وراحت صبا لـ لين
دخلت وهي قاعده تضحك ومن كثر ما ضحكت وجهها احمر
لين:بسم الله شفيك تضحكين ووجهك احمر كذا
صبا بضحك وغمزه:حتى انتي وجهك مصفوق شفيك
لين بتوتر:انتي شفيك بعد!!مافيني شي أنا قاعده انتظركم
صبا بضحك: دخل عليك الحب؟ولاااا بذا اللبس الحلو بعد ؟ اوففففف يااالبيييه داخ ولدنا
لين:انتم متفقين انه يدخل
صبا:لا شدعوه بس ليان ماكانت تدري انك بالغرفه بعدين سألتنا
لين:حسبي الله عليك ياليان تفشلت يبنت تفشلت
صبا وهي تغمزلها:شدعوه بكره ترى بيشبع اكثر منك
لين:ياكلبه بتجلطيني!!أنا أوريك هين
-عند العيال-
العيال يسولفون ويضحكون وتركي قاعد يفكر
فيصل:يالعشير شفيك مفهي تعال معنا
تركي:لا مالي خلق
سعود غمز: شكله وراك شي منا ولا منا
تركي:مافيني شي بس مصدع
تميم:أقول بس تعال اجلس وبيروح منك الصداع
سليمان:وراه شي صدقوني
تركي ضحك عليهم ونطق:معتوهين
ضحكو العيال وكملو سوالف
-عند الحريم-
هيفاء بنعس:ماودكم نقوم ننام؟الساعه وحده
هند:والله أنا أقول خلونا ننام عشان بكرا نقعد بدري نسوي الفطور ونجمع الأغراض
الهنوف:اجل يلا أنا قايمه انام
قامو كل الأمهات ينامون
والرجال برضو
- عند البنات -
دخلو عند لين
نوره بضحك:من بكرا تعالي أحطك بالفرن مافي وقت لليزر!!
لين:بنات كلو زق عاد وربي سامجين
العنود:زوجة اخوي شفيك شخصنتيها
لين:لأني متفشله ومقهوره عليكم
ابتهال جت وحضنت لين ونطقت: افا حنا نزعل لين عيوننا؟مستحيييل
تفاعلكم ❤️🔥
وبيصير حماس بالبارتات الجايه
وفي سبرايز لكم 🥺❤️🔥❤️🔥❤️🔥❤️🔥
أنت تقرأ
محبة لـيـن ذربة من القلب تكساك محبة لين صدق الهوى
General Fiction- محبة لين ذربة من القلب تكساك محبة لين صـدق الهوى -
