محبة لـيـن ذربة من القلب تكساك محبة لين صدق الهوى

part 36

~ببيت متعب آل سويلم~
وصلوا البيت وكل واحد توجه لغرفته اللي يتروش اللي يلبس اللي يجهز
اما هيفاء فتحت جوالها وشافت رساله من رقم مجهول .... مكتوب فيها:
"ياهلا رقمك نفسه ماغيرتيه ياهيفاء لكن اعرف أجيبك واجيب رقمك واجيب عيالك بعد🤣🤣"
عقدت حواجبها من الرساله الغريبه وردت "مين معي؟" رد عليها بسرعه وذا اللي صدمها اكثر سرعته بالرد .. "معك محمد بن ساير ياهيفاء بنت متعب"
بققت عيونها بخوف وصدمه من عرفت انها الرساله منه وأنه طلع من السجن ..
ردت عليه: "شتبي مني !! أنت كنت ماضي وراح خلاص طلقتني وافتكيت شتبي"
محمد:عندي طلب صغير وراح افكك بعدها وتروحين بحياتك واروح بحياتي
هيفاء:قول
محمد:ما اقدر اقول بالجوال لازم وجه لوجه
هيفاء:انت كيف طلعت؟
محمد:بلا كثرة سوالف ابي أشوفك عندي موضوع مهم ابي أكلمك فيه
هيفاء:ماراح اجي
محمد:إذا ماجيتي بضر بناتك وعيالك على فكره؟
هيفاء بتوتر:تمام خلاص راح اجي
خنقتها العبره بس عشان بناتها وعيالها سوت نفسها قويه ووافقت تروح
محمد:لا احد يدري
هيفاء:تمام متى ووين؟ صعبه اليوم
محمد:بسهل عليك وبخليه بكره
هيفاء:وين ومتى الساعه كم
محمد:بكرا الساعه 10 الليل وبرسل لك الموقع
هيفاء:مقدر آخر الليل ممكن العصر اقدر
محمد:لا تكثرين بربره خلاص قلت الساعه 10 الليل ولا بيصير اللي ما يسرك بعيالك وبناتك
هيفاء:تراهم بناتك وعيالك نفس ماهم بناتي وعيالي كيف تقدر تأذيهم وش قسوة القلب اللي عندك !!
محمد:أنا اللي يضرني أضره لو مين ماكان🤣🤣
هيفاء:ليه ضروك؟مايدرون عنك حتى
استفزته بكلامها ورد عليها
محمد:ماضروني بس ضرتني امهم ومستعد انتقم منهم بدالها وبنفس الوقت احرق قلبها عليهم🤣
هيفاء:الله لا يوفقك ياحقير متى ضريتك سويت نفسي عجايب الدنيا ولك سوابق وشكله للحين ماتبت وسترت عليك يالوصخ
محمد ببرود واستفزاز:بكرا الساعه 10 الليل برسل لك الموقع وتجين عليه ولو تأخرتي ماراح يعجبك اللي بيصير
هيفاء فتحت وماردت وقهرته بحركتها
محمد:عاد أنا حذرتك كيفك لا تفتحين
وبرضو فتحت وماردت
جلست على سريرها بقل حيره وبدت تبكي بحرقه وماتبي احد يسمع صوت شهقاتها وبكاها ..
قامت فرشت سجادتها وبدت تصلي وتدعي بحرقه ان الله يحفظ عيالها .. ونست تدعي لنفسها
~بعد مده~
خلصت من الصلاه وقامت مسحت دموعها وعدلت شكلها ونزلت تحت تساعد المها وهند والهنوف
هيفاء:ها ناقصكم شيء؟
هند: هيوفه تعالي سوي السلطه بس خلصنا
هيفاء:ابشري
هند:الله يبشرك بالجنه
بدت تسوي السلطه بضيق وهواجيس ، فزت من يوم جرحت نفسها وبدت تصيح من اللي بداخلها .. طالعوها بصدمه انها ليه تصيح من جرح
فهمت عليها هند وحست انها متضايقه ولا مستحيل من جرح بسيط تصيح
المها:بسم الله عليك يعيوني شفيك خلاص مافي شيء والله
الهنوف:يويلي هيفاء بسم الله عليك خلاص عقميها
مسحت دموعها واخذتها هند لغرفتها
هند:شفيك قولي شفيك
هيفاء:مافيني شيء
هند:هيفاء أنا اعرفك قولي وش فيك
هيفاء:تخيلي طلع من السجن طلع
هند:احلفي !!
هيفاء:والله
هند:طيب شدراك انه طلع
هيفاء:رسل لي
هند:وش رسل بسرعه ادخلي وكبتشري كل المحادثه عشان إذا صار شي لا سمح الله يكون فيه دليل
هيفاء:تمام
فتحت الجوال وكبتشرت وورتها
هند حضنتها ونطقت:خلاص لاتروحين كلمي العيال
هيفاء:هند خلاص بروح عشان سلامة بناتي وعيالي لاتعلمين احد لو علمتي احد بزعل منك
هند:سلامتك اهم من انك تزعلين مني بس لو سوي لك شيء؟؟
هيفاء:هند خلاص لاتعلمين احد وبس وقلت لك لو علمتي احد بزعل منك
هند تنهدت ونطقت:طيب انتبهي لنفسك وروحي لمكان مب مهجور فيه ناس كثير واذا رسل لك مكان مهجور ارجعي
هيفاء:تمام تمام معليك
هند:لا تخافين ياعيني انتي خلاص ماراح يصير الا كل خير ان شاء الله
هيفاء:ان شاء الله يعيوني ..
هند:شرايك تكلمين الشرطه وانا أساعدك؟
هيفاء:نفس الشيء راح يطلع ويأذينا مابي احد يدري وتصير مشاكل
هند:ياربي ياهيفاء الموضوع ماينسكت عنه انا بكلم العيال
هيفاء:امشي ننزل ولا تكلمين احد
هند:بقول لهم الحديده دخلت بيدك عشان كذا بكيتي
هيفاء:تمام
نزلو تحت وحطوا العشاء وبدوا ياكلون
~ ببيت صالح آل فهاد ~
حطت العشاء ونادت اختها
شادن:تاضي تاضي نادي بهاج وسعد وتعالوا يلا عشاء
تاضي:هلا
شادن:أقولك نادي بهاج وسعد وتعالي تعشي
معالي:جبتوا ببسي؟
شادن:لا نسيت يمه الحين اجيب
معالي:اجلسي ما يحتاج أنا بجيب
شادن:اللي يريحك يمه ، يلا ناديهم تاضي
توجت تاضي لإخوانها تناديهم
دخلت غرفة بهاج ونطقت: بهاج
بهاج:وجع وجع قاعد العب مع اخوياي
تاضي بصراخ وعناد:بهاج يلا عشاء
عبدالعزيز خوي بهاج:مين اللي عنده بنت
بهاج:انت حتى الهمس تسمعه؟بقفل المايك دقيقه
ضحكوا اخوياه على عبدالعزيز وضحك معهم "بالمختصر عبدالعزيز هو الشخص اللي ما يقدر يبين حزنه لأنهم كلهم يعرفون انه هو الشخص اللي يضحكهم دايم ويطقطق "
بهاج:ياحيوانه اخوياي ما استحيتي منهم
تاضي:ليييه تصارخ اقول امش تَعَش
قام عليها وقفلت الباب بسرعه ومسكته عشان ما يفتحه .. فتح الباب وركضت لتحت تنادي بصراخ:يُمه يُمممه
معالي:وصمه شبلاتس تصارخين
مسكها وضربها بشويش وقاموا يضحكون
تاضي:انقلع مسوي فيها الأخ الحنون
طالع بهاج بشادن منصدم من كلامها
بهاج:شقصدتس
تاضي بعناد:اقصد ان سعد احن منك وانت تمثل الحنيه
جلس بهاج وطنشها يمثل الزعل
تاضي:امزح ياخبل قوم نلعب امزح اعاندك
ركض وراها ونطق:اجل أمثل الحنيه هاه؟
دخلت غرفة سعد وتخبت وراه ونطقت:سعععد شوف بهاجج
سعد بضحك:اقول انقلع والله ما تلمسها
بهاج بضحك:سعد
سعد بضحك:مافففي
بهاج:اقول امشوا نتعشي يلا
تاضي وسعد:يلا
قام سعد وحط يده على كتف تاضي ونزلوا يتعشون كلهم
جت معالي وحطت القلاصات ونطقت:شصار عليكم وجع !! وتاضي شبلاتس تصارخين عيب عليك الجيران
بهاج:يُمه مجنونه تدخل وتصارخ وبعد كنت اكلم اخوياي
تاضي:يُمه دخلت وما صارخت بالبدايه وعصب وترى سمعوا صوتي مب شافوني!!
بهاج بمزح: اقول صوت المرأة عوره
طالعوا فيه كلهم وبققوا عيونهم
طالع فيهم ونطق بضحك:امزح والله امزح كنت بشوف ردة فعلكَم
شادن:يمممه انخرشت قلت هذا شفيه متخلف
سعد بضحك:خبل قسم بالله
تاضي بضحك:ودي اسطره كف
معالي بضحك:خلاص عاد اص
بهاج:خفت من نظراتكم صراحه
معالي:بعذرنا انخرشنا من كلمتك وش صوت المراه عوره
بهاج:يمه عاد قلنا نمزح شدعوه
معالي:نمشيها لك عشانها مزحه بس يحلوك
سعد:يععع هذا حلو؟
معالي:اي شوفه وش حلاته ووش زينه
بهاج:حاصل لَك أنا يالسلوقي وجهك كنوه وجه بومه وبتزوج قبلك
تاضي:هي هي هي إلا سعودي
شادن:اصصصصص اصصص فكيتوا راسي كلوا وانتَم ساكتين
معالي:خلاص اسمعوا كلام اختكم
بهاج:سمي
تاضي:سمي
بهاج:تقلدين؟
بهاج خزوه ونطق:امزح والله امزح
~ تسريع احداث اليوم الثاني الساعه 10 الليل ~
توجهت هيفاء لهند ونطقت:أنا رايحه
هند:لو المكان مهجور ارجعي ياهيفاء
هيفاء:تمام خليك عند جوالك وإنتبهي له عشان أرسل لك إذا صار شيء
هند:تمام
طلعت هيفاء من دون لا احد يدري غير هند وركبت سيارتها ..ارسلت له
"ارسل الموقع؟"
رسل الموقع وكان بأنتظارها .. المكان كان مهجور وبوسط الرياض وراحت له .. وصلت للمكان وانصدمت انه كان مهجور وفتحت جوالها بترسل لهند ودقت دريشة سيارتها ، لفت بخرشه عليه وطلع محمد ، غمضت عيونها تتمنى ان كل شي قاعد يصير حلم .. طق الدريشه وطالعت فيه تفتح نقطه منها عشان مايقدر يسوي شيء
محمد بحده:انزلي بتكلم معك
هيفاء:ماراح انزل تكلم بسرعه
محمد:انزلي !!
نزلت بتمثيل عدم الخوف ونطقت:شتبي
محمد:عيالي من اليوم يجون معي فاهمه؟
هيفاء:مب فاهمه عيالك مادريت عنهم عشان تجي تاخذهم
محمد بحده: زي ماهم عيالك هم عيالي وجاي لكم بالطيب عيالي يجون معي من اليوم ولا بيصير شيء ما يسركم
هيفاء بصراخ: العيال ماراح يجون معك طول هالسنين هم معي وبيبقون معي للابد وماراح نفترق فاهم؟
ضحك بسخريه وبسرعه بديئه طلع السكين ، طالعت بالسكين وتجمدت مكانها بصدمه وتوتر
محمد بضحك وسخريه:ها ياهيفاء؟
راجعت بينها وبين نفسها وقالت بداخلها:لو آخذهم مني بموت بدونهم وماراح يعيشون بخير وسعاده ولو ربي اخذ عمري وخليتهم عند خوالهم راح يحزنون وبعدها ينسون ان شاء الله؟ ، اتخذت القرار ونطقت:ماراح أتخلى عن عيالي تبي تذبحني اذبحني بس اهم شيء عيالي يعيشون بسعاده وهناء
تقدم لها بحده ،،،،،،، وطعنها عدة طعنات ببطنها وهو مو بوعيه من اللي يأكله ليل ونهار ، طاحت على الأرض غرقانه بدمها واستوعب هو وش سوا وركض لسيارته يتوجه للبيت يغسل الدم ويغير كل شيء لابسه ، غسل يده عن البصمات ومن غباءه ما جاء بباله ان في بصمات لازم ييمسحها وتوجه بقسوة قلب ينام ومو هامه شيء لان اللي بباله انه ماراح ينكشف امره مسح بصمات يده
~ ببيت متعب ال فهاد ~
هند بينها وبين نفسها:هذي وينها ما ارسلت شيء لا يكون صار شيء
دقت عليها وماوصل اي رد منها وزاد خوف هند عليها
هند بينها وبين نفسها:إذا مارجعت بدق على الشرطه
توجهت تجلس مع العائله
~ بعد مده ~
الجد متعب:إلا بنتي هيفاء وينها
هند بخوف:مدري قالت لي بطلع بس ما قالت وين بتروح
عبدالله:لا اله إلا الله من هالبنت تمشي على وجهها وماتطق لاحد خبر ، مشعل:الله يهديها ويبعد عنها عيال الحرام
عبدالرحمن:امين
~ بعد مده الساعه ٢ الفجر ~
هند:عبد الرحمن
عبد الرحمن:هلا
هند:تعال معي
توجه معاها للغرفه ونطقت بخوف:بقول لك شيء بس لاتعصب
عبد الرحمن:قولي ماراح اعصب
بدت تبكي ونطقت:هيفاء راحت لمحمد وقالت لي اتصلي على الشرطه اذا تأخرت
عبد الرحمن بصدمه:متى متى راحت
هند ببكاء:من الساعه ١٠ الليل
عبد الرحمن:طيب طيب خلاص لا تبكين خلينا نروح نشوفها من دون لا احد يدري
هند:تمام
مسحت دموعها وتوجهوا للسياره من دون علم احد وبدوا يدورون عليها ، مالقوها وتوجهوا لقسم الشرطه
~ بقسم الشرطه ~
دخلوا وقدموا بلاغ
عبد العزيز:كم صار لها مختفيه
هند:٥ ساعات وهي قالت إذا تأخرت اتصلوا على الشرطه
عبد العزيز:مانقدر نرفع الشكوى هي إنسانه ناضجه وتعرف وش تسوي إذا مر ٢٤ ساعه وباقي مختفيه ارجعوا لي وبرفع الطلب وراح نبدأ بالإجراءات
عبد الرحمن:تكفى أبدا بالإجراءات عشان لو صار شيء لا سمح الله نلحق عليها
عبد العزيز:والله لازم ٢٤ ساعه بعدها نبدأ
عبد الرحمن تنهد ونطق:طيب يعطيك العافيه
عبد العزيز: الله يعافيك
توجهوا للبيت وحاولوا ما يبينون شيء
عبدالله:وين كنتوا
عبد الرحمن:طلعنا نتمشى شوي
مشعل:ما شفتوا هيفاء؟؟
هند:قالت لي انها مع صديقاتها ويمكن تطول يعني ناموا ماعليكم مني ، الجد متعب:لا إله إلا الله من متى أنا معود بناتي يطلعون آخر الليل ؟ الله يحفظها ويصلحها بس
الكل:امين
~ ببيت فارس التومان ~
كلهم قاموا بدري ذا اليوم وتوجهوا ينامون
~ هنا فَّهاد والحوهره ~
طلعت من الغرفه بتعب بعد ما نوّمت البنات وتوجهت لعنده تجلس جنبه ، فتح يده لها وتقدمت تحط رأسها على صدره وبعد مده قامت
فَّهاد:وين؟
الجوهره:بروح اجهز سناكات لنا عشان الفيلم
فَّهاد:تعالي نطلب من فوكس
الجوهره:اخاف يطول
فَّهاد:لا معليتس لا تتعبين نفستس تعالي
الجوهره:تمام حبيبي
رجعت تنسدح جنبه وفتحت جوالها تشوف فوكس سينما
الجوهره:حبيبي الحساب ١**
فَّهاد:تمام ياعيني تممي الطلب الحين عشان يجي بسرعه
الجوهره:تمام
تممت الطلب وكملوا فيلمهم ، بعد مده وصل الطلب وجهزت الثلج وكل شي وبدوا ياكلون ..
~ الساعه ٥ الفجر ~
دق المنبه ونطقت:بقوم اقعد البنات
فَّهاد: تمام ياقلبي
توجهت لغرفة سحاب وغيم تصحيهم
الجوهره:سحاب غيم يلا يلا نروح الحضانه ، سحاااب غييم حبيباتي يلا ماودكم تصحون؟ وين حماس امس
قامت سحاب ونطقت:ماما أنا بنت
الجوهره:شاطره بنتي يلا روحي غسلي وجهك
سحاب:تمام ماما ، توجهت سحاب تغسل وجهها وتفرش وراحت للصاله وركضت لابوها فَّهاد تحضنه
فَّهاد:هلا بقلبي وروحي متحمسه للمدرسه يابابا؟
سحاب:اي مره
فَّهاد:ياقلبي أنا وين غيم؟
سحاب:قاعده تصحيها ماما
فَّهاد:يلا قومي تجهزي انتي
سحاب:تمام بابا
الجوهره:غيم غيم حبيبتي قومي ياماما يلا
قامت غيم ونطقت:قمت
الجوهره:شاطره يلا روحي غسلي وفرشي اسنانك
غيم:طيب
توجهت تغسل وجهها وتفرش أسنانها وراحت تحضن أبوها وتلعب معه شوي
تقدمت الجوهره للمطبخ وبدت تسوي لهم كل وحده لإنش بوكس وحطت فيه ناتشوز وببكورن واشياء غيرها ..
حطت اغراضهم بشنطة الأكل وتوجهت تلبسهم وتعطيهم الشنطه..
خلصت من تجهيزهم وودعتهم وحصنتهم وقام فَّهاد يوصلهم الحضانه ~ ببيت صقر بن تميم تحديداً بغرفة فهده ~
كانوا مجهزين سناكات ويتابعون البندري وفهده ورهف وجود ونوره ، نوره:احس طفشت طفوا الفيلم وخلونا نسولف
جود:منجد
طفت الفيلم رهف وبدوا يسولفون
قامت نوره ونطقت:بروح اصحي طلال عشان الروضه
البندري:يلا نتتظرك
نوره:تم
راحت نوره تصحي طلال وجهزته عشان يروح للروضه
~ تسريع احداث اليوم الثاني واليوم المنتظر ~
حطوا خروج لفيصل وتركي ورجعوا البيت والكل كان مستانس
الجد متعب:بكرا مسوين لهم عشاء عشان سلامتهم
تركي:لا والله ياجدي مايحتاج
فيصل:لا تكلفون على انفسكم والله حنا بخير والحادث بسيط
الجد متعب:لا تناقشوني !! من بكرا رواف وسليمان يجيبون الخرفان
تركي:ماتقصرون يابعدي
فيصل:الله يكثر خيركم
الجد متعب:ياعيني انتوا الحمدلله على سلامتكم يعيالي والله اني انبسطت
تركي وفيصل: الله يسلمك جعلني مانفقد حسك
جلسوا بالصاله ونطق الجد متعب بحزن وكأنه حاس باللي صار:وين هيفاء؟
هند:مارجعت باقي بدق عليها
توجهت هند تدق على هيفاء وجوالها مقفل ، راحت وجلست تقريباً دقيقه ونادت عبد الرحمن
عبد الرحمن:يلا امشي نروح للمركز ماعاد اقدر أتحمل اكثر خايف عليها
هند:تمام اطلع وجايتك
لبست عبايتها وطلعت وراه وتوجهوا لمركز الشرطه
~ بمركز الشرطه ~
دخلوا لمكتب عبد العزيز ونطق عبد الرحمن: السلام عليكم
عبد العزيز:وعليكم السلام تفضلوا حياكم الله
عبد الرحمن:الله يحييك جيتك بموضوع مستعجل
عبد العزيز:اختك؟
عبد الرحمن:اي صار لها ٢٤ ساعه مختفيه وماترد أتمنى ترفعون الشكوى وتبدون بالإجراءات من الحين
عبد العزيز تنهد ونطق:ابشر خلاص من الحين بنبدأ بالبحث جوالها كان معها؟
طالع عبد الرحمن بهند ونطقت:اي كان معها بس الحين مقفل !!
عبد العزيز: تمام اختي عطوني معلومات تعرفونها
عبد الرحمن:زوجتي اللي تعرف أنا ما اعرف شيء
هند:ورتني الرسايل كان مرسل لها تهديد انه يأذي عيالها لو ماراحت له وحدد الساعه تكون ١٠ الليل ولو تأخرت بيصير شي ما يسرها ذا كلامه وراحت وقالت لي لو رسلت لك شيء دقي على الشرطه بس ما ارسلت وقال لها برسل لك الموقع وتعالي عليه قلت لها إذا المكان مهجور ارجعي وباقي مارجعت
تنهد عبد العزيز ونطق:انتم ارجعوا البيت وحنا بنبدأ بالبحث عليها بس عطوني الرقم عشان نقدر نوصل لها بسهوله إذا الجوال عندها
عبد الرحمن: سجل عندك "0535******"
عبد العزيز:تمام وان شاء الله خير ومافيها إلا العافيه
عبدالرحمن:ان شاء الله ، يلا يعطيك العافيه
عبدالعزيز : الله يعافيك ياعيني
طلعوا عبد الرحمن وهند وتوجهوا للبيت ودخلوا من دون علم اي احد ، جلسوا وكانت العائله كلها مجتمعه
عبدالله:مايصير نجلس كذا بروح اقدم على بلاغ اختفاء
عبدالرحمن:ما يحتاج مافيها شيء اجلس خلاص
مشعل:عبد الرحمن لا تستهبل
عبدالرحمن:توني قدمت على بلاغ وبيشوفون الموقع من الرقم
عبدالله: ان شاء الله خير
خنقت الماس العبره من خوفها على امها وقامت ولاحظتها صبا وراحت وراها وسليمان وسعود كانوا متصبرين ومتفائلين بالخير وأنها مافيها شيء
توجهوا للغرفه الماس وصبا ..
بدت تبكي اول ما دخلت وبدت تهديها صبا الين ما بكت معها
صبا:ياعيوني لا تبكين امي مافيها شيء مافيها شيء بيلاقونها لا تخافين
الماس:صبا صار لها ٣ ايام مختفيه وماترد وش تبين اسوي يعني !! حاسه صاير شيء اكيد شاكه ف ابوي
صبا:ياعيوني انتي خلاص بلغوا وان شاء الله خير بسرعه غسلي وجهك وخلينا ننزل وذا مستحيل مو هو لانه مسجون
الماس:حتى انتي غسلي وجهك
ضحكت صبا تمثل عدم الحزن وغسلوا وجيهم ونزلوا
قعدوا جنب سليمان وسعود وقاموا الكل يسولفون ومستانسين"يمثلون الوناسه طبعاً"
الجد متعب:إذا ماجت هيفاء بخير وسلامه بعيد الشر نكنسل العشاء واعتذر منكم يعيالي
فيصل:شدعوه ياجدي تعتذر عادي اهم شيء سلامة عمتي وترجع لنا
تركي: اي والله ياجدي سلامة عمتي اهم
الجد متعب:يابعد حيي
تركي بضحك:متأثر بلهجة عمي صالح رحمة الله عليه
الكل:الله يرحمه ويغفر الله
الماس كانت ماسكه دموعها وشكت بالموضوع وسكتت
ناظرها رواف واشر لها بيدها "المقصد شفيك"
قامت الماس وراحت غرفتها وبشوي قام رواف
الجد متعب: وين بتروح
رواف بكذب: بنام شوي
الجد متعب: كيس نوم انت
رواف: مانمت زين ياجدي يعني مانام افا بس
الجد متعب: خلاص روح
طلع ركض رواف وطق الباب بشويش وفتحت له الماس وناظرته وناظرها
رواف: شفيك ليه تعبانه ولا تسولفين معنا تحت
عطته ظهرها الماس وغطت فمها بيدها ونزلت دموعها بكل حرقه وقهر على امها وتقدم لها وناظرها وانصدم ونطق: الماس ليه
الماس: امييي اكيد صايرلها شيء
حضنها رواف وبادلته الماس ونطقت: تكفى طلبتك نطلع ندورها
رواف بعد عنها ونطق: ابشري تجهزي وانا بروح ابدل لبسي ونطلع
طلع رواف ودخل غرفته وبدل بسرعة واخذ جواله وانتظرها رواف جنب غرفتها وطلعت ومسك يدها واتجهوا يطلعون من الباب الخلفي
وركب سيارته وفتح لها الباب وركبت وبدوأ يدورونها
-
الجد متعب: مو على اساس ذا ينام ماهو بغرفته ولا الماس
هند: اكيد طلعت معه تدور امها تراها خايفه
دق الجد متعب على رواف
رواف بتوترر: الماس
الماس: ها
رواف: وش اللي ها جدي يدق وش اقوله
الماس ببكى: مايهمني
رواف ناظرها ورد عليه ونطق: هلا جدي
الجد متعب: مين سمحلكم تطلعون
رواف: والله ماقدرت أشوف الماس بذي الحاله معليش ياجدي
الجد متعب: يصير خير
قفل الجد من رواف وكمل سواقته ورمت جوالها الماس بعد ماشافت الرسالة بصراخ وببكى
رواف لف لها ومسك يدها ونطق: بسم الله عليك الماس هدي لا تسوين بنفسك كذا تتعبين
الماس: شوف جوالي
استغرب رواف واخذه وشاف الرسالة اللي كان مكتوب فيها "بجي باخذك انتي واخواتك آخر الليل ولاحد يدري"
رواف: من ذا
الماس: مين غيره يعني ابوي
رواف: طلع من السجن؟؟
الماس: اكيد واخذ امي
رواف: يخسي ياخذك امك بترجع وهو بيأكل تراب
الماس لفت عليه ونطقت: طلبتك يارواف انك توقف معي لا تخليني اوحدي
رواف: تستهبلين؟ انتي بوجهي وشنبي والله محد يمسك شعره وحده من شعرك يخسي ولو هو ولد رجال يجي
الماس بخوف: والله خايفه
رواف: ينقلع بس ولا تخافين
رجع مسك جوالها رواف وكتب له بخبث"انا برا برسلك اللوكيشن وتعال خذني"
شاف بسرعة ورد" وينك"
رواف: ذا اللوكيشن تعال انتظرك
محمد: وانتي شمطلعك مين سمحلك تطلعين
رواف: طلعت الفلف واتمشى ولا تطول
ناظرته الماس ونطقت: شتسوي
رواف بضحك: خليه يجي بس
الماس بخوف: ترى ذا مجرم امشي لا يسوي فينا شيء
رواف بضحك: شكله نسى اني مطيري
طنشته الماس وبعد مده وصل سيارة وكانت ورا رواف
وناظر رواف من المرايا ونطق: انا بنزل انتِ خليك وقفلي الابواب
الماس مسكت يده ونطقت: لا تكفى رواف لا تنزل
رواف: وش قلت؟ قلت انتي بوجهي ويخسي يسوي شيء
نزل رواف وناظر محمد ونطق: عمتي وين
محمد بضحك: طلعت انت يا****
رواف مسكه من ثوبه ونطق بصراخ وعصبيه: عمتي وين قسم لا ادفنك هنا
طلع السكين محمد وحس فيه رواف ولف يده بقوه ورا ونطق: تحسب انك تقدر علي والله انك تبطي عظم يا****