محبة لـيـن ذربة من القلب تكساك محبة لين صدق الهوى

part 30

ركضت رند لجوان ونطقت:جوجو شوفي ذاك الولد مايخليني العب
جوان:ياقلبي رنوده خليه شوي يلعب وبعدها انتي الحين العبي مع لمى ولمياء
لمى:خاله جوجو من اول هم يلعبون
الهنوف:جوان خذيهم وانتظري
جوان:تمام خاله ، تعالوا معي
قامت ريم ونطقت:بنات مين تروح معي للكوفي؟
ليان:أنا
الهنوف:ريم جيبي لنا كلنا وبحول لك
ريم: تم ومابي تحويلك
معالي:لا والله الحساب علي
المها:شدعوه يامعالي عادي
معالي:لا والله الهنوف وش تلحق علينا كلنا
الهنوف:معالي لا من بطاقة البيت مب بطاقتي عادي شدعوه مابينا
معالي:اقول بس خلاص علي أنا
هند:خلاص قطوا اثنينكم مع بعض عشان ولا وحده تزعل
معالي:اي يلا خلاص بحول لك وانتي حولي لريم
الهنوف تنهدت ونطقت:تمام يبي لك مصعه
ضحكوا كلهم وحولت معالي على الهنوف والهنوف حولت على ريم
تاضي تركت الفصفص اللي بيدها وقامت نطقت:بروح معكن
ريم:يلا امشي
ليان:تاضي وين سليبري
تاضي:شدراني
ليان:لا بس عشانك كنتي معي
تاضي:شوفيه هذاك
ليان:اي يلا امشوا
لمح بنات يمشون وعرف اخته من بينهم قام يتوجه لهم ينطق بصوت مرتفع:تاضي تاضي
لفت عليه ونطقت:هلا سعد
طالعته بخجل ولفت تنطق بهمس لليان:امشي نروح ننتظر تاضي هناك
ليان:طيب
تقدموا قدام ونطق سعد:وين رايحين ومن هذلي
تاضي:شبلاك سعد تحقيق هو صديقاتي ليان وريم رايحين الكوفي ذاك
سعد بأنعجاب:هذيك اللي كاشفه وش اسمها
"يقصد ريم"
تاضي ف استغراب:شدخلك بأسمها؟؟
سعد:انطمي وقولي
تاضي:قول شتبي بأسمها واقول لك
سعد:خلاص لا تقولين
تاضي تنهدت ونطقت:ريم الحين تبي شيء استاذ سعد؟
سعد ببتسامه:لا
تاضي:مشكوك بوضعك صراحه يلا ارجع بروح
سعد: طيب
رجع عندهم ونطق سعود:وين كنت؟
سعد:لا بس رحت لاختي
سعود:اها طيب
كملوا سوالفهم وضحك
-عند ريم وتاضي وليان-
ريم:بروح الحمام واجي
ليان وتاضي:طيب
-بعد مده-
تاضي:ما شاء الله ياكثرنا
ليان:الله يزيدنا
ريم:أخذتوا للعيال؟
ليان طالعت بتاضي ونطقت:اي
تاضي:هاه؟
ريم بتكشير:ماحسبتوا صح؟
تاضي:شدراني احسب ليان بتحسب
ريم:اوف منكم يلا تأكدوا
ليان:اي خلاص الحريم والعيال
ريم:وذي كم صبر اعدها
ريم: اي خلاص على العدد
تاضي:امشوا
-عند الحريم-
معالي:الله يالأجواء تهبل ما شاء الله
الجده هنادي:اي ما شاء الله
الهنوف:عاد اليوم العشاء علي بضبط لكم احلى كبسه
هنادي:ياجعل هالايدين ما تمسها النار
الكل:امين
جو البنات معهم الحلى والقهوه يعطونهم كلهم
هند:حياتي ريومه خذي القهوه حقت العيال وديها
ريم:خاله دقي على واحد يجي ياخذها
هند:شدعوه عادي
ريم:تمام عطوني
هند:امسكي
ريم:مقدر أشيلها كلها ساره تعالي معي
ساره:شدخلني مابي
الهنوف:ساره شفيك روحي
ساره:يمه مابي
الهنوف:حطوا حجاباتكم ورحوا
نزلت ريم لوجد ونطقت:وجد حطي حجابي على راسي
وجد: تمام
ساره:وجد امسكي القهوه بلبس نقابي بس
لبست نقابها وراحوا يعطونهم
فيصل: الله جاء بوقته بس مين قالكم اننا نبي
ريم: حنا جبنا لكم بدون مانسألكم
فيصل:كفو
ساره:كفوك الطيب
فتح عيونه بهاج من شاف ساره جايه وهي مكحله عيونها قدام العيال كلهم
راحوا ونطقت ساره:بروح الحمام واجي
لمحها تقوم عن الحريم وراح وراها من دون يحسون العيال
بهاج:ساره ساره
ساره:بسم الله خرعتني
بَّهاج بحده:ليه جايه كذا عند العيال
ساره:شنو جيت مع اختي نعطيكم القهوه
بَّهاج:ما شاء الله رايحه عرس مكحله عيونك وكاشخه
ساره: بهاج وش كاشخه ترى هي عبايه
بَّهاج:حتى لو متزينه بهالاكسسوارات والمكياج
ساره بدلع:ما أحسه كشخه صراحه وبعدين ذا اهتمام بالنفس
بَّهاج بلخمه:وش؟
ساره بدلع:اقول لك اهتمام بالنفس
بَّهاج:لبى الاهتمام وراعية الاهتمام
ساره بخجل: شتقول انت ترى باقي ما صرت حلالك
بهاج:بتصيرين
ساره:شدراك اني بوافق
بَّهاج بضحك:تستهبلين ولا تستغبين؟
ساره:صراحه استغبي
بهاج:يازينك
ساره بتوتر وخجل:خلاص بروح امي تناديني
راحت وقام يضحك عليها وعلى خجلها ونطق بصوت عالي:ياعسى هالخجل مب دايم
سمعته واستعجلت بالمشي تبي توصل لهم
الجده هنادي:ساره وين كنتي
ساره:هلا جده لا بس رحت الحمام
استوعبت وقتها إنها ماراحت
الجده هنادي:اي طيب
ضبطت الكبسه الهنوف وحطتها
معالي:تسلم ايدينتس ياقلبي
هند:ياعسى هالايدين ما تمسها النار
المها:الذ كبسه من يد هنوفي
واختلفت الردود من الكل
تقسموا العيال بسفره والحريم بسفره وبدوا ياكلون
-ببيت فارس التومان تحديداً بغرفة فهاد والجوهره-
الجوهره: فهاد
فَّهاد:عيونه وروحه
الجوهره ببتسامه:واضح مروق اليوم
فَّهاد:صح مروق بس يعني مب من عاداتي ارد عليتس كذا؟
الجوهره:إلا بس مدري احس اليوم غير
فَّهاد ببتسامه:شبغيتي طيب
الجوهره:فيه تقديم على وظايف وودي اتوظف صراحه
فَّهاد:طيب يعيوني ومين يقعد عند البنات
الجوهره:اجيب لهم عامله عادي؟
فَّهاد:لا مستحيل اجيب وحده غريبه على بيتي ولا عند بناتي بعد؟
الجوهره:لا بس بوقت الدوام
فَّهاد:الجوهره حبيبتي شيلي فكرة العامله من راستس تبين تتوظفين ممكن بس تحطين البنات عند احد غريب مستحيل
الجوهره:طيب طفشت بدون شغل
فَّهاد:طيب وش الوظايف الموجوده؟
الجوهره:صديقتي قالت لي ان الشركه اللي هي فيها يبون موظفات
فَّهاد:بس بنات ولا مختلطه
الجوهره تنهدت ونطقت:مختلطه
فَّهاد:لا يعني لا
الجوهره: تكفى حبيبي فهود
فَّهاد:قلت لك لا أماكن فيها رجال مستحيل
الجوهره:طيب طيب خلاص
فهاد: لا تزعلين بس اخاف عليتس بعض العيال استغفرالله راح اشوفلتس وظيفه ثانية كلها بنات ولا تزعلين ياقلب فهود
الجوهره ببتسامه: تم
-بعد مده-
تقدمت الجوهره ومعها سحاب وغيم تعطيهم فَّهاد ، حضنهم وجلسهم بحضنه يلعب معاهم بكل حُب ، حبت توثق اللحظه الحلوه وصورتهم طالعها بحنيه يأشر لها تتقدم عندهم ، تقدمت عندهم تجلس ومسك يدها يبوسها وبدوا يلعبون أطفالهم مع بعض
قامت بعد مده تنطق:أنا بنزل أساعد خالتي والبنات
فَّهاد:تمام ياقلبي البنات معي
ارسلت له بوسه من بعيد واتجهت تاخذ جلالها وتتوجه تحت للمطبخ
الجوهره:ها بنات وش بتسوون اليوم
وسن:دام ابوي مب موجود نفكر نسوي ماسالا
رسيل:لا يجي بعد شوي
الجوهره:طيب خلاص خلونا نسوي ماسالا وكبسه؟
رسيل ووسن:تم
الجوهره:يلا اجل وحده تسوي الرز ووحده تسوي صوص الماسالا ووحده تسوي الدجاج والسلطات
رسيل:الجوهره انتي سوي الدجاج والسلطه وانا بسوي الزر ووسن سوي الصوص والسلطه الثانيه
-بعد مده-
دخلت جيهان تنطق:ما شاء الله على بنياتي "تقصد البنات كلهم"سنعات سنعات يازين ريحة طبخكن
الجوهره:تسلمين ياحياتي
جيهان:الله يسلمتس بنيتي ، "صح إنها مب بنتها زوجة ولدها بس تعتبرها بنتها الثالثه"
رسيل:يمه بتذوقين الذ كبسه وألذ ماسالا
وسن:منجد بتاكلين أصابعك وراها
جيهان ببتسامه:دامها من ادينكن اكيد تكون لذيذه ياجعل هالايدين ماتمسه النار قولن اًمين
البنات: اًمين
-عند عائلة صالح آل فهاد ومتعب آل سويلم-
خلصوا أكلهم وبدوا يشكرونها ويمدحون طبخها كلهم
الهنوف:بالعافيه بالعافيه
الكل:الله يعافيك
-رجعوا البيت وجاء الشيخ-
بدوا بكل شي واتجه تميم من عند الباب ينطق:ساره يلا تعالي
ساره:هلا
تميم:وقعي
وقعت وصفقوا وقاموا يهلهلون"يزغرطون"
وقاموا يباركون وشغلوا السماعه يرقصون كم شوط ويطفونها
-بعد مده راحوا الكل-
تقدمت تدخل غرفتها وبدت تمسح مكياجها وتفكر باليوم الحلو وكيف صار ذا الشيء سريع سريع وكيف حبت بهاج بذي السرعه ، طالعت جوالها من سمعت صوت رساله من رقم غريب ، عقدت حواجبها وفتحت الرساله اللي كان مكتوب فيها "اهلين"
ردت ب:هلا مين؟
المجهول:معك خالد
ساره بأستغراب:شبغيت
المجهول:سوالفك اللي سويتيها ذاك اليوم ماراح تمر بخير
ساره:شفيه اي سوالف شصار
المجهول:ماراح اتكلم كثير لكن صورك عندي وكل معلوماتك عندي اي صح بالمناسبه بعد الف مبروك خطبتك من """"بهاج""""
ساره بضحك:تستهبل!!من وين لك صوري ماني غبيه انا الحمدلله ما اكلم عيال وولا ارسل صوري لعيال وبعدين وش عرفك بخطبتي من بَّهاج مين انت
المجهول:أسلوب الاستهزاء ماهو عندي لكن إذا تبين دليل ارسل لك
ساره بتوتر واستغراب:ارسل الدليل
من اول ما ارسلت له رسل لها كل صورها القديمه والجديده
"راح نعرف مين هذا المجهول وكيف جاب صورها إذا هي ماتكلم عيال وولا ترسل صورها لعيال"
شهقت بصدمه وبدت تبكي وترد عليه:شتبي مني الحين
المجهول:تحولين لي المبلغ اللي اطلبه منك من دون اي زن واذا زنيتي راح أزيده
ساره بخوف:تمام تمام كم تبي
المجهول:معك يومين المبلغ اللي ابيه 10 آلاف
ساره: تمام بحول
المجهول:إذا فكرتي او اتصلتي على الشرطه صدقيني ما راح تلاقين خير وحتى لو اشتكيتي وبعد كم سنه طلعت راح انتقم منك
قفلت الجوال وبدت تبكي بحرقه وصدمه
أخذت جوالها ترسل لقروب خواتها يجون غرفتها
تقدموا يدخلون يشوفونها تبكي ، نطقت ريم بصدمه:يمه ساره شفيك
وجد:شفيك تبكين ياقلبي
بدت تشهق بحرقه وتقول لهم كل السالفه
ريم:طيب من وين جاب صورك
ساره:مدري مدري ما اذكر اني رسلت صوري لعيال وكلمت عيال
وجد:طيب خلاص تعالي ياقلبي انتي نفكر بحل
أخذوها يجلسون على السرير
ريم:كم المبلغ اللي طالبه؟
ساره ببكاء:10 آلاف
شهقوا البنات بصدمه ونطقت وجد:خلاص بنحلها من دون فلوس مايستاهل ياخذ فلوس وراح يتربى ويأكل تبن
ريم:كيف
وجد:بسرعه ساره افتحي المحادثه وكبتشري كل شي من البدايه للنهايه بسرعه لا يحذفها
فتحت الجوال وكبتشرت كل شي ونطقت:طيب بعدها وش اسوي
وجد:دقي على بهاج مالك إلا هو واذا يحبك راح يساعدك ويقدر الموضوع اللي صار لك
ساره:وش بيسوي يعني وماعندي رقمه
وجد:دامك زوجته بيسوي كل شي عشانك وماراح يعلم احد
ساره: باقي مو زوجي ياغبيه خطيبي خطيبي
وجد: سوي اللي قلتلك عليه الحين
ساره:طيب ما عندي رقمه
ريم:خذيه من شادن ولا تاضي
ساره:لا فشله
ريم:وش فشله بعد انتي عاد خطيبك تراه
ساره: انتي قلتيها خطيبي مو زوجي
قبل تكمل كلامها ريم وصلت رساله من رقم مكتوب الو
ردت:هلا مين
ساره:خايفه خايفه انه بعد شيء ثاني
وجد:لا ما احس صبر نشوف
"اللي رسل لها بهاج"
بَّهاج:أنا بهاج كيفتس؟
ساره:الحمدلله وانت؟
بَّهاج:الحمدلله بخير
ساره:من وين جبت رقمي؟
بَّهاج:من شادن
ساره:اها طيب شبغيت؟
بَّهاج:لا بس ضفتتس عشان نتعرف على بعض اكثر وأكثر
ساره:بنات ها اقول له؟
وجد:اي قولي له
ساره:طيب
ارسلت له: بهاج فيه موضوع لازم أكلمك فيه وتوه صار
بتهاج:قولي
ريم:قولي لازم وجه لوجه
ساره:لا وش!
وجد:قولي ساره صورك اهم شيء وسمعتك ابن ال*** لا يضرك
ردت عليه:لازم وجه لوجه
بَّهاج:تمام متى تبين ووين؟
ريم:قولي له اليوم تقدر والحين بعد
وجد:متى اليوم الوقت متأخر
ريم:نغطي عليها ويروحون للمجلس محد يدخله
ساره:تمام تمام اسكتوا توترت
ردت عليه:تقدر الفجر تجي ببيتنا بدون ما احد يدري بالمجلس بعد ما الكل ينام بفتح لك الباب نتكلم بالموضوع
بَّهاج:تمام الساعه كم تقريباً؟
ساره:تقدر ٣ الفجر تكون صاحي؟
بَّهاج:اي اقدر وصاحي تمام ٣ الفجر أنا عندك
ساره:تمام الله معك بس لا تتأخر بهاج طلبتك
بَّهاج: ماعليك بجي بسرعه ماراح اطول
-الساعه ٣ الفجر بعد ما الكل نام-
فتحت رسالته المكتوب فيها:أنا برا افتحي الباب
أخذت جلالها واتجهت لغرفة ريم وغرفة وجد تناديهم يراقبون
بدوا يراقبون عشان محد يدري فيهم ونزلت له تفتح الباب ، فتحت الباب ونطقت:تعال
دخلوا المجلس ونطق:شبغيتي قولي
ساره وهي خانقتها العبره:مدري كيف اقول لك بس الموضوع ما ابي احد يعرف فيه لو بعد سنوات غيرك وابيك تساعدني
بَّهاج بأستغراب:قولي معليك
ساره بدت تبكي ونطقت:فيه احد من رقم يهددني بصوري وانا ما ارسل صوري لعيال وولا اكلم عيال مدري من وين جابها تكفى بهاج شوف حل
بَّهاج:لا تصيحين يابنت الناس لا تصيحين خلاص وريني كل شيء أوعدك انه ماراح يطلع الموضوع وراح أتصرف بدون اي مشاكل أنا واثق فيك معليك ومتأكد انه ملعوب بالسالفه وانتي ماتسوين كذا
بكت وحضنته بدون ماتحس على نفسها تشكره وبادلها الحضن ، مسك يدها ينطق:لا تخافين ياعيون بهاج وقلبه وروحه ودنيته دامني وراك مستحيل يمسك الضر لو هو ابن ابوه ينشرهم أنا معك لا تخافين
ساره:الله يخليك لي
بهاج ببتسامه:امين
باس رأسها ونطق:اسمعي اللي بنسويه بناخذ كل المحادثات ونشتكي ومايصير خاطرك إلا طيب
ساره:طيب هو قال إذا اشتكيتي ماراح تلاقين خير حتى لو بعد كم سنه بهاج حط يدينه الثنتين على وجهها ونطق:طيب انتي مب واثقه بحكومتنا لا تستهبلين من متى الحكومه يتركون الناس اللي كذا على كيفها وتطلع لو مسكوه ما يفكونه دامهم شافوا المحادثات معليك أوثقي فيني بس وراح ناخذ حقك وازيد بعد
ساره:إلا واثقه بس لو طلع بيضرني
بَّهاج:ماراح يضرك يخسى مستحيل بيجيبونه ويجيبون معلوماته وينمسك ويعفن بالسجن ومايطلع
ساره:تمام اشكرك بهاج
بهاج قام ونطق: لا تشكريني وكل ما يصير شيء تعالي قولي لي لا تخافين ياعيون بهاج أنا بتفهم الموضوع وبساعدك
ساره:تمام يقلبي
بَّهاج:هاه؟
ساره ببتسامه: تمام يقلبي
بَّهاج:يازينها من منطوقك
ابتسمت بخجل
بهاج:يلا أنا رايح ف امان الله
ساره:الله معك
طلع متوجه للسياره
-تسريع احداث بعد ٦ ايام-
الكل كان مستانس لانه باقي اسبوع لين وتركي يرجعون للبيت وكلهم يضبطون لهم حفلة لرجعتهم ويسوون لهم سبرايز
، وصلت عائلة فارس التومان كلهم وقعدوا يرحبون ببعض ويسلمون
مشعل:وراكم ماجيتوا من قبل بخطبة بهاج وساره زعلنا عليكم
فارس:والله اشغال ولا كان ودنا نجي
مشعل بضحك:هالأشغال ما تخلص لا إله إلا الله
فارس بضحك:اي والله الله يعين
-عند الحريم-
اعتلت أصوات الأغاني بفرح والكل مستانس
ارسل رساله لها:تعالي للحديقه
ساره:تمام
راحت له بكامل زينتها وفستانها الضيق وروجها الأسود وشعرها الطويل الويفي ، صنم مكانه من شافها كذا بزينتها تقدم ينطق ببتسامه:ياهلا ياهلا هلا بكلّي وملّي وشمس اوطاني ويامرحبا يادهر قلبي ورجعانُه
ابتسمت تتقدم له يحضنها وتبادله الحضن
بَّهاج: زوجتي دايم حلوه بسم الله عليتس ما شاء الله حصنتي نفستس؟
ساره:اي معليك انت بعد حصنت نفسك؟
بَّهاج بضحك:ليه طالع حلو؟
ساره بضحك:صراحه مز وبزياده بعد
باسها من خدها ونطق:ياحظي ياحظي
ساره ابتسمت له
تقدموا يجلسون على الكراسي وحطت رأسها على صدره تنطق:شصار على الصور؟ماعاد جتني اي رساله وخايفه
بَّهاج:دامها ما جتك اي رساله ليه تخافين ياعين بهاج؟
ساره:اخاف انه ناوي او ناويه على نيه شينه
بَّهاج ببتسامه:لا مسكوه وقاعدين يحققون معه وبيكلموني
ساره:مين طيب؟
بَّهاج:واحد اسمه خالد قال لهم انه ما يعرفك وبس ماعطوني تفاصيل
ساره:من وين جاب صوري؟
بهاج تنهد ونطق:مدري والله أتوقع من شخص لكن راح نشوف بعد التحقيق
ساره بضيق:تمام
ناظرها بهاج ونطق: وش قلت أنا
ساره ببتسامه: خلاص تمام
بعدت عن صدره وقامت تنطق:يلا أنا بدخل تبي شيء؟
بَّهاج:اجلسي مشتاق لك صار لي اسبوع مب شايفك
ساره:مقدر اكيد يبوني أساعدهم والرجال يمكن يجون هنا
بَّهاج:اجلسي بس شوي تكفين والرجال مب جايين اساساً الباب مقفل
ساره تنهدت ونطقت:تمام بجلس شوي وبروح
رجعت تحط راسها على صدره يلعب بشعرها ويكملون سوالف
بَّهاج ببتسامه:وش ودك نسمي عيالنا وبناتنا بالمستقبل؟
ساره ببتسامه:من الحين تفكر؟
بَّهاج:اي والله ليش لا دامك امهم اكيد آفكر من الحين يلا وش ودك
ساره:البنات سيلين وديم ونايا والعيال مدري انت وش تبي
بَّهاج:ابي عزّ وسِياف وزياد أحسهم كذا فخمين
ساره:حلوين مره خلاص اتفقنا من الحين؟بس طبعاً مب 6 بس 4
بَّهاج:شدعوه
ساره:4 وبس عاد بعدين نقرر الاسامي
بَّهاج:سمي يابعد حيي
ابتسمت ساره يكملون سوالفهم بكل حب
سمعت صوت جوالها من"تاضي❤️❤️"
ردت ونطقت:هلا
تاضي:وينك
ساره:برا ليه
تاضي:تعالي خالتي الهنوف تقول تبيك
ساره:يلا تمام جايه
قامت ونطقت:بروح امي تبيني
قام ونطق:تمام يعيني بس طلب واحد؟
ساره ببتسامه:اطلب
بَّهاج بضحك:بوسيني
ساره قربت منه تبوس خده
بَّهاج:يالبييييه ياشيخه
ساره:يلا بروح
بَّهاج:طيب ماكنت اقصد بخدي
ساره:اجل وين؟
بَّهاج ببتسامه:لا تستغبين يابنت مشعل قربي
ساره:بروح
بَّهاج:قربي بس قربي
ساره بتوتر وخجل:الروج طبع على خدك روح امسحه
تقدم لها بسرعه يقبل شفايفها وحاولت تدفه لكن ماقدرت وبادلته وبعد مده تركها
ساره:بهااااج
بهاجربضحك:عيون بهاج وقلب بهاج وروح بهاج ودنية بهاج
ساره ببتسامه:خلاص روح امسح الروج اللي على شفايفك وخدك
بَّهاج ببتسامه:سمي يلا أنا رايح استودعتك الله
ساره: الرووجج امسحه وش اللي رايح انتظر اجيبلك مناديل
بهاج بضحك: يلا انتظر
ركضت ساره لداخل الصاله واخذت مناديل
الهنوف: تعالي وين رايحه
ساره بكذب: دقيقه بمسح العصير انكب
الهنوف: خلي الشغاله تمسح
ساره بتوتر: حرام قاعده تنظف المطبخ بروح امسحه أنا
الهنوف: لا تتأخرين
ركضت ساره للحديقه ومدت له المناديل ورجعت تركض لداخل وضحك عليها ومسح الروج وراح للعيال
-عند ابطالنااا-
لين وهي تكلم ساره: ارسليلي كل شيء بشوفف
ساره: صوروني سناب بقروبنا ماشفتي
لين: سنابي معلق مو راضي ارسليهم واتس
ساره: يلا الحين ارسلك
لين: سريع متحمسه
تركي: ترسلك وشو
لين: خطبتهم هي وبهاج
تركي: صدق وريني
لين: راحت واتس ترسلهم
تركي: لو سووا حفله صدقيني بصفقهم
لين بضحك: لا ماعليك ماراح يطاوعهم قلبهم بدوننا يحتفلون
تركي: يلا قومي قومي الطياره لا تطير علينا
لين: مافيني اقوم
تركي شالها بيد ويد سحب الشناط ونطقت: يزق بتشيلني برا كذا نزلني
تركي: عشان تبطلين دلع
لين: خلاص والله ماراح اتدلع
تركي ضحك ونزلها ونطق: يلا امشي
لين مشت ببطء تعاند
تركي ناظرها وسبقها
لين: امزح والله خلاص امزح تعاال
طنشها وطلع وتقفل الباب وراحت تفتح الباب
لين: خليك قدها طيب
تركي: قدها وش بتسوين
لين: متأكد انت قدها
تركي: اي قدها وقدود شبتسوين
لين: طيب يصير خير بعد مانوصل
تركي باسها بخدها وناظرته: تستهبل قدام الناس
تركي: مالهم دخل زوجتي كيفي محد يتدخل فيني اسوي فيك اللي ابي
لين: لا ياشيخ
تركي بضحك: اي ياشيخه
لين: تدري
تركي: عيوني وشو
لين: احب ابتسامتك
تركي: لو فيك خير تبوسينها وتبطلين تستحين ، قلد طريقة كلامها ونطق: احب ابتسامتك
لين: هذا جزأتي قلت بصير معك رومانسية ماتستاهل
تركي ضحك ونطق: بوسي ابتسامتي وبتصيرين رومانسيه
لين بعناد: لا
تركي: هين ماراح اقرب صوبك ولا ابوسك بتشوفين
لين: ماراح تقدر
تركي ناظرها ونطق: امشي لا طراق
لين بخبث: اي ماراح تقدر شفيك تناظرني كذا
تركي: خلينا نوصل بس
لين ضحكت وفهمت مقصده بإنه ماراح يقدر ونطقت: خلاص تعال ابوسك ولا تزعل
قرب تركي منها ونطق: يلا
باسته لين وابتسم لها ونطق: يلا قدامي
لين مشت متجهين للمطار ووصلوا وقعدوا ينتظرون دوروهم
لين: عطشانه
تركي قام يشوف مويا لها ولقى وجاب واخذتها وشربت
لين: تبي
تركي: نو مو عطشان
لين: اشرب ترى مو حلو إذا ماشربت مويا كثير
تركي: من عيوني
اخذ منها المويا وشرب منها
قام تركي ومد لها يده ومسكت يده واتجهوا يركبون طيارتهم
وركبوا
ناظرته لين ونطقت: أنا عند الشباك
ضحك تركي ونطق: يلا ادخلي
دخلت لين تجلس جنب الشباك وبعد نص ساعه طارت الطياره
وسند تركي راسه بكتفها ونطق: ليني
لين: لبيه
تركي: شعري
لين: شفيه
تركي: العبي فيه
مدت يدها لين لشعر تركي وبدأت تلعب فيه الين غفى وناظرته وغطت عيونه بيدها عشان الشمس وعدلته
-
"يلا نبدأ الاكشن اللي صار بكتبه والله راح تضحكون😭😭"
كانوا في بنات بالطياره جنب تركي ناظرت تركي وحده منهم وهمست للي جنبها: شوفيه والله مز شرأيك اجيب راسه
"ماعرف اساميهم بس بنحط اي اسم لهم"
اميره: مين ذي اللي جنبه
بُشرى: مدري شوفي كيف حاضن يدها شكلها زوجته
اميره: لا تسمعك دام زوجته واضح عليها بتصفقكك
بُشرى: تسمع ماني خايفه منها وراح اجيب راسه
اميره: لو جبتي راسه لك اللي تبين
بُشرى: تمم
ناظرت بُشرى لين وبادلتها لين النظرات وابتسمت لين لها تسليك
بُشرى رمت نظاراتها بدون مايحسون عند تركي
بُشرى: لو سمحت
قام تركي وبعد عن لين شوي وناظرت لين البنت اللي هي "بُشرى"
لين: بغييتي شيء؟
بُشرى: اي اكلم ذا "واشرت لتركي"
تركي: أنا؟؟
لين: اسكت انت
لين: شتبين
بُشرى: نظاراتي عند رجوله خليه يعطيني ياهم
لين فهمت مقصدها ولعبتها وشالت نظاراتها ونطقت: خذي
بُشرى: شدخلك انتِ ابيه هو يعطيني
تركي: لا تقلين ادبك على زوجتي
لين: واضح من نظراتك انك **** ومو متربيه صدق
بُشرى فتحت عيونها ونطقت: أنا مو متربيه وتسبيني؟
تركي همس لـ لين: خلاص لين طنشيها
لين: اي اسبك ومو متربيه عندك شيء ولو انتِ بنت ابوك تعالي
قامت مدت يدها تشد شعرها
تركي: نعم نعم قدامي تبين تمدين يدك عليها وخري يدك لا اكسرها لك
بُشرى بنظرات حقد لـ لين: ان ماربيتك ماكون بُشرى
لين بضحك: اعلى ما بخيلك اركبيه
لين: وانت وخر عني
همس لها تركي ونطق: لبى هالغيره بس
لين بهمس: انطم
تركي ابتسم لها ولف لها وناظرها ونطق: ها خلاص رضيتي بقعد كذا
لين والدمعه باقي شوي وتنزل من عيونها: لا مارضيت
تركي ناظر عيونها ولامس وجهها ونطق: ليه ليه البكاء
لين: بنت ال*** كانت تناظرك وسمعتها تقول بتجيب راسك وخر عني
تركي: اقول لا تصيحين لا طراق ماراح تاخذني منك وتخسي طنشي هالاشكال القذره
لين: علي صوتك وقول مره ثانيه طنشي هالاشكال القذره وبوس يدي
ضحك تركي وفهم مقصدها ونطق بصوت عالي شوي: طنشي هالاشكال القذره لين لا تصيحين وباس يدها تركي وكتم ضحكته
بُشرى: خلك قد كلمتك
لين: اي قد كلمته شبتسوين تذبحينه مثلاً انقلعي بس
تركي: خلاص طنشيها تخسي تسوي شيء
لين تنهدت بضيق وغمضت عيونها
ناظرها تركي وهمس: ابوسك
فتحت لين عيونها ونطقت: يويلك قدام الناس
ضحك تركي ونطق: ها لا تزعلين
لين: انقهرت كان ببالها شيء
تركي: خلي يجي ببالها الف شيء ماراح أعطيها وجه دامك عارفه انك بقلبي قبل عيوني ارتاحي
لين ابتسمت وهمست: ياكثر حبي لك
تركي: قسم اعشقكك
تركي: يلا ارجعي العبي بشعري بنام شوي مانمت كله بسببك
لين: وماراح تنام لما نوصل
تركي عض شفته ونطق: اي عادي مابنام
ناظرته لين وفهمت مقصده ونطقت: جبب حيوان
ضحك تركي ومسك يدها ورجع سند راسه بكتفها ..
-عند بهاج والعيال-
دق جواله بهاج وكان بالحمام "الله يكرمكم" وشاف فيصل "من لقافته" ورد: هلا
الشرطه: معنا بهاج صح
فيصل بكذب: اي نعم مين معي
الشرطه: الشرطه تعال لعندنا عرفنا سالفة موضوع خالد
استغرب فيصل وقفل الخط وجاء بهاج
فيصل: الشرطه دقت عليك ومين خالد ذا
بهاج بتوتر: انت رديت على جوالي؟
فيصل: اي كان يدق ورا بعض ورديت
بهاج بكذب: ذا خالد اعرفه كان يتعاطى وماسمع كلامي وبلغت عليه عشان ماينضر اكثر
فيصل: يلا روح وكلمهم قاعدين ينتظرونك وانتبه لنفسك
بهاج: ابشر
اخذ بهاج جواله وطلع مسرع لسيارته
وكملوا سواليف العيال
وبدأ يسوق بهاج..

أشوفكم ببارت ٣١
احبكم وتفاعلوا ❤️❤️
وضيفوني انستا لا تنسون j8e2i