محبة لـيـن ذربة من القلب تكساك محبة لين صدق الهوى

part 32

~ وصلت عائلة فارس التومان وعائلة فاطمه والكل كان مستانس ومنبسط بجيتهم واجتماعهم الكبير ~
دخلوا عائلة فارس التومان واعتلت التراحيب وصوت الأغاني والكل كان فرحان بوصولهم وينتظرون فاطمه وعيالها وبناتها
عبدالله:ارحبوا ارحبوا ارحبوا
فارس:البقى البقى
عبدالله:الحريم من الباب الثاني يافارس
همس لهم يروحون من الباب الثاني وتوجهوا للباب
-عند الحريم-
هنادي:هلا هلا هلا يامرحبا ايوالله
جيهان:البقى ياقلبي
سلموا على الكل ووصلوا رسيل ووسن والجوهره للبنات حضنوا بعض
ونطقت ساره:ياحيوااانات اشتقت لكم
رسيل:عيووونيي وربي اكثررر
وسن:هذا واحنا قبل اسبوع شايفينكن ومشتاقين شلون دايم يوم نقعد شهور مانشوف بعضض
الجوهره:الله يديم المناسبات اللي تجمعنا
الكل:امين
تقدمت الجوهره تحضن العنود وتنطق:اخخ اختتتي اشتتتتقت لككك!!
العنود:وربي اكثررر منزمان عنكم
الجوهره:وين ليان والبنات كلهم؟
ساره:جوان ونجد وسُميه ونجلاء وصبا وإبتهال وليان وريم ووجد كلهم فوق ما خلصوا امشوا نروح لهم بس صبر بشوف غيم وسحاب اشتقت لهم وينهم
الجوهره ببتسامه:بالحوش مع الأطفال
ساره:تمام اسبقوني
رسيل:العنود نوره ماجت؟
ساره:اي بعد شوي بتجي مع خوالها اهل زوجها
رسيل:اما يجون؟ أنا أحسب بس اللي هنا واحنا
العنود:فشله نعزم نوره ومايجون معها مع أننا مانعرفهم مره
الجوهره:تعزمون نوره؟ليه نوره مب من اهل البيت ياحيوانه؟
ساره بضحك:مب قصدي ياتبن روحوا فوق يلا
الجوهره بضحك:تمام تمام يلا بنات
راحوا البنات فوق ودخلوا حضنوا البنات
ونطقت بعد مده ريم:اوف بنات مين تسوي لي ايلاينر؟عجزت أضبطه
وسن:أنا اعرف اسوي بس وش تبين الشكل
ريم:ايلاينرعادي
وسن:تم ، غمضي ، فتحي ، غمضي ، فتحي
رسيل:اخخ وسن سوي وهي مغمضه وخلاص
وسن تنهدت ونطقت:ياربي من اللي ما يعرفون بالايلاينرلازم كذا عشان أضبطه
رسيل:تمام لا يطق لتس عرق
وسن:انطمي وترتيني
رسيل:سمي
-عند ساره بالحوش-
لمحوها البنات وركضوا يحضنونها ونطقت:عيوووني اشتقت لكم
ليه ماجيتونا
غيم ببراءه:جيناكَم
ساره:ياقلبي انتووا
سحاب:خاله سوسو قلت لماما بس تقول بكرا بكرا ومانجي اذا صار بكرا
ساره:يويلي اللي يعرف يسولف يويلي ما شاء الله كبرتتيي
قربوا بوسه بس
باستهم ونطقت:يلا العبوا مع لمو وميمي ورنودي
تقدموا لمياء ولمى ورند لها
ونطقت رند:بوسيني ليه تبوسينهم لحالهم
لمى:وانا
ولمياء:وانا بعد
ساره ببتسامه:يويلي على اللي يغارون يناس تعالو أبوسكم بعد منزمان ما بستكم
~ باستهم ساره
~ عند الرجال ~
~عند بَّهاج وفيصل~
بهاج:ياولد منزمان مادخنت بطلع برا ادخن
فيصل:ماتصبر انت وين تروح يعني
بَّهاج:عادي بروح للشارع
فيصل:لا روح لحديقة البيت دخن وارجع مافيها احد بس الأطفال
بَّهاج:متأكد؟
فيصل:اي متأكد
بَّهاج:طيب اجل بروح
فيصل:تمام
توجه لحديقة البيت ، شغل دخانه وبدا يدخن وينفث دخانه ، سمع صوت مب غريب عليه وطالع عليها تنطق:ها رضيتوا ولا لا؟
البنات:اي
ساره:اجل خلاص أنا بدخل
لفت وناظرته يطالع فيهم ونطقت بتوتر:بسم الله احسبك رجال
طالع فيها بأعجاب ونطق:شقصدتس يابنت مشعل؟الكلمه ركزي فيها شوي فيها نغزه مب حلوه
نطقت ببتسامه:مب قصدي والله احسبك رجال غريب يعني
بَّهاج:طيب وش ذا الزين ؟
ساره:اسكت عيب عليك الأطفال موجودين
بَّهاج:ما يفهمون وبعدين تراتس زوجتي
ساره بضحك:من متى زوجتك؟أصحى ترى باقي ما ملكنا
بَّهاج:يعتبر زوجتي مالي دخل
ساره اكتفت بالضحك وعدم الرد
بَّهاج:قربي بس قربي
ساره بتوتر:الأطفال
مسك يدها وسحبها لورا البيت ينطق:خلاص مافي أطفال هنا
ساره بتوتر: بهاج
سحبها يحضنها ويشد عليها ينطق:اشتقت لتس
ساره:وربي اكثر انت ماعاد تجي
بَّهاج:والله اني اجي بس انتي ماتجين
ساره:يعني تبيني ادخل المجلس عليكم؟
بَّهاج بضحك:لا بس يعني على الأقل لو اشوفتس بحديقة بيتكَم مستخسره شي على ذي الشوفه؟
ساره:بهاجي حبيبي انت تعرف الرجال والحريم كلهم بالبيت ولو احد شافني بيهاوشوني
بَّهاج:عجبني كلامتس بالبدايه قوليه بكل مره
ساره بتمثيل:اي كلام؟
بَّهاج:تسوين نفستس مو فاهمه؟بمشيه لتس
ساره ببتسامه:لا صدق وش
بَّهاج:يوم تقولين بهاجي حبيبي
ساره:خلاص بصير اقول لك كذا شرايك؟
بَّهاج: تم هذا الكلام الزين بروق عليه دايم
ساره:طيب اسمع أنا بدخل لا احد يشوفنا
بَّهاج:طيب بس شوي خليني اشبع منتس
ساره:لا قلت للبنات اسبقوني فوق وبجي وراكم اكيد ينتظروني وانت بعد اكيد ينتظرونك العيال
بَّهاج:طيب يلا استودعتتس الله ياعيني
ساره:انتبه لنفسك
بَّهاج:وانتي بعد
حب راسها وراحت
تنهد بفرحه وشكر ربه وحمده على الهديه اللي بتصير ملكه وحلاله
توجه للمجلس يدخل
فيصل:ساعه دخان؟
بَّهاج:دخنت وطلعت احط بوكي بالسياره وقعدت على جوالي شوي ماودي اقعد عليه بين الرجال
فيصل:اي أزين لك لان نصهم شياب وعاد لو شافوك عليه بيسمونك ياجوال شوف شوف بس افتحه اسمع
فتح فيصل الجوال وتقدم للشياب
عُمر: انت ياجوال طفيه مو وقتك
ضحك بهاج ونطق: اي داري عشان كذا طلعت
دخلوا فَهد ونواف واعتلت التراحيب والأصوات بوصولهم وسلموا على الكل وحضنوا بعض
~ عند الحريم ~
دخلوا فاطمه وبناتها على صوت الاغاني والكل بدأ يرحب ويسلم ، وصلوا سُلاف وجُمان ومِيلا للبنات وحضنوهم بوناسه وترحيب وكلام كثيير يعبر شوقهم
ساره:تعالو أعرفكم على خوات زوج الجوهره بنات عمي فارس التومان اللي بحايل
جُمان:اللي هم بنات اخت خالتي معالي صح؟
ساره:اي يلا تعالو
راحوا لرسيل ووسن وسلموا عليهم ونطقت ساره:رسيل ووسن بنات خالتي جيهان وجُمان وسُلاف ومِيلا بنات خالتي فاطمه
سُلاف:اهلين تشرفنا فيكم والله
رسيل:الشرف لنا والله
مِيلا ببتسامه :يازينكم والله اي وحده رسيل وأي وحده وسن؟
رسيل ببتسامه:أنا رسيل يعيوني
وسن ببتسامه:وانا وسن انتن اي وحده منكن سُلاف؟
سُلاف: أنا يقلبي الكبيره
وسن:وجُمان ومِيلا مين ومين؟
جُمان:أنا جُمان حبي
مِيلا:وانا مِيلا يروحي
رسيل:ما شاء الله تبارك الله كلكن تهبلن حتى أمكن بسم الله عليكن ما شاء الله الجمال وراثه عندكَم
وسن:كل وحده تقول الزين عندي ما شاء الله
سُلاف:يروحي انتم والله
جُمان:ماخذين الزين منكم والله
مِيلا:انتم والله اللي تهبلون ما شاء الله عليكن
وسن ورسيل:يروووحي ، حياااتي
سُلاف:يلا حنا رايحين مانبي نطول عليكم
رسيل:الله معكم حبي
راحوا البنات وجلسوا جنب امهم
وصلوا تركي ولين ودخلوا من الشقه اللي بالبيت وراحوا لغرفتهم يجهزون
دقت على العنود ونطقت:نودي اسمعي احنا وصلنا ودخلنا من باب الشقه للغرفه نبي نجهز وننزل
العنود:بجيكم بس يلا استعجلوا مافي وقت
لين:تم
~ بعد مده ~
خلصت شعرها ونطقت:وينها العنود قالت بتجي
تركي:هي راعية طويله شوي وتجي
لين:تمام ببدا بمكياجي
تركي: انا انا اسويلك الايلاينر
لين: اخسس تعرفه
تركي بضحك: اكيد
لين: أوصل لعنده واناديك
تركي: تم
دخلت العنود ونطقت بلهفه:اهلييييين
توجهت لـ لين تحضنها وتنطق:اشتقت لك ياحيوانه
لين:اكثثثثرررر ورربببي
طالع فيها تركي بتكشير ومزح ونطق:طيب ؟ طيب اخوووك وجع انا قدامك مافي اي احترام احضنيني
توجهت له تحضنه وتنطق:اوف يالغيره
تركي:حيوانه وربي
العنود:اقول ساعه تجهز انت؟ اطلع ابي اضل مع لييني
لين:عطني عرض كتوفك يلا
تركي:تطردوني من غرفتي سلامات اقول بس بجهز
لين:جهزت وخلصت
العنود:ها وش باقي لك الروج ولا الاكسسوار ولا الايلاينر ولا الكعب؟
لا تستهبل هذا انت جاهز كلك
تركي:دزي بطلع من غرفتي بنفسي
لين:طيب اصبر نصور خلني اخلص
العنود:مالت عليكم خلاص أنا اللي بطلع
لين:لا لا اصبري أفكر خلوكم كلكم خلاص
تركي ببتسامه:خلاص خلاص أنا بطلع
لين:ماتزعل؟
تركي:شدعوه ازعل من بزران
لين: ماسمع؟؟ عيد
تركي ضحك ونطق: امزح
توجه تركي يطلع ونطقت لين: تركي تركي تعال
تركي: عيوني
العنود: عيوني اجل
تركي: انطمي
لين بضحك: سولي الايلاينر
تركي بضحك: تذكرتتت يلا هاتيه وقربي
عطته الايلاينر وقربت يسويلها
تركي: ناظري
ناظرت لين بالمرايا ونطقت: وربي تعرفف ضبطته
العنود: كان يسويلي تراه
تركي: احم احم
ضحكت لين ونطقت: يلا اذلف
تركي بضحك: سمي
توجه تركي يطلع وقرب من الباب
العنود نطقت ببتسامه:كفو هذا اخوي الكفو
تركي:كفوك الطيب يلا أنا رايح تبون شيء؟
العنود:سلامتك
لين:اي ابي
تركي:وش
لين:اطلع من باب الشقه للباب الرجال في حريم تحت وبس خلاص سلامتك
تركي:ابشري من هالعين قبل العين ذي وعلى خشمي بعد
اكتفت لين بالابتسامه وعدم الرد
العنود:يلا مع السلامه اذلف لا تسوي فيها رومانسي اذلف
تركي:مع السلامه حسابك معي بعدين
طنشته العنود وضحكت
لين:اوف اليوم الايشدو مب راضي يضبط تعالي سوي لي
العنود:شتبين طيب؟
لين:ابي سموكي بخاطري اليوم اسويه
العنود:تم
~ بعد مده ~
العنود:خلصنااا فتحي ، واوووو يجنن ما شاء الله هو حلو وانتي حليتيه زياده
لين: ياخي عشقي
شافته لين ونطقت: يجنن تسلم يدينك صدق
العنود:الله يسلمك يعيوني يلا قومي البسي عشان ننزل أنا بروح اعدل مكياجي بالغرفه على ماتخلصين تمام؟
لين:تم
~ عند الرجال بالمجلس ~
دخل عليهم تركي واعتلت الأصوات بكلمات مختلفه"يامرحبا ، هلا والله ، وكلمات كثيره مختلفه من كل الرجال ومر على الكل سلم عليهم"
وجلس جنب فيصل وبَّهاج وبدوا يسولفون
الجد متعب بهمس:راين قم صب قهوه للرجاجيل
راين:ابشر ياجدي
قام يصب على كل واحد قهوه وخلصت
تقدم للجد متعب:جدي بخليهم يجددون المويه وارجع اسوي جديده خلصت
الجد متعب:كفو عليك ياولدي يلا
دق على جوان وجددت المويه وتوجه للمجلس يبدا يسوي القهوه ، توجه لفيصل ينطق:فيصل يدي انكسرت وانا اصب قم صب للرجال
بَّهاج:قوم صب من اليوم وانت جالس تهذر صدعت براسي
ضحك تركي على كلام بهاج ونطق فيصل:افا يالعشير؟
تركي:الحين منهو عشيرك أنا ولا بهاج بلاير
فيصل:كلكم
ضحكوا عليه ونطق:اجل دايم تعجبك سوالفي اليوم قلبت علي وانا اخوك؟
بَّهاج بضحك:محشوم محشوم يالعشير عم بمزح شو بك
فيصل: يالليل غير لهجته الشمري ذا
تركي:أنا وراين طرف ثالث؟
راين بمزح:اقول بس أنا لا طرف اول وولا ثاني وولا ثالث وولا غيره أنا محد يهمني الحين ابي احد يصب قهوه سريع لا انفجر عليكم
ضحكوا عليه كلهم وسمعوا الجد متعب ينطق:راين ساعه تقهوي وانا أبوك؟
راين:سم ياجدي
همس للعيال:أنا أوريكم ياكلاب والله لاوريكم
واتجه يكمل يقهوي الرجال كلهم
ضحكوا عليه وتوجه فيصل للحوش يرسل للعنود
فيصل:وينك؟تعالي برا أبيك
ردت عليه بتوتر: وين
فيصل: بحديقة البيت وين يعني بالشارع تستهبلين وحط فيس ضحكه
العنود:تمام شوي واجي
فيصل:تم
قفل جواله وابتسم انه بيشوفها لحالهم وتوجه لحديقة البيت
~ عند لين والعنود ~
دخلت العنود غرفة لين وتركي ونطقت:ها لين خلصتي
لين:اي خلصت بس قاعده اتبخر
العنود:عطيني بعدك
لين:تم ، امسكي
العنود:تسلمين
لين:الله يسلمك
العنود:يلا امشي ننزل
لين:امشي من اللفت"المصعد او الاصنصير"رجلي متكسره مع الكعب العالي
العنود:تمام امشي
راحوا ونزلوا للدور الأرضي ودخلوا على صوت الاغاني والكل توجه لـ لين عليها والكل رحب فيها وصلت لعند البنات وحضنوها كلهم وقعدوا يعبرون عن شوقهم ويمدحون بعض
لين:نوره جت ولا لا؟
ساره:تستهبل هي للحين ماجت
لين:بدق عليها
ساره:دقي
دقت عليها وردت ونطقت:هلا
لين:وينكم ؟ طولتوا مره
نوره:يلا وصلنا دخلنا الحي افتحوا الباب
لين:تمام
-عائلة صقر بن تميم-
صقر بن تميم يبلغ من العمر ٥٥
زوجته لولوة تبلغ من العمر ٤٧ ومب واضح عليها يبين أنها اصغر بكثيييرمن اهتمامها بنفسها والكل يحبها من اسلوبها العسل وسمعتها مره حلوه بين الكل
-عيالهم-
سلطان الولد الكبير لصقر ولولوه ، يبلغ من العمر ٣٠ متزوج هَيام تبلغ من العمر ٢٦ طيبه والكل يحبها وتحب الخير للكل عندهم ولد "سِياف" يبلغ من العمر سنه وكل احد يشوفه يحبه
-
سعد الولد الثاني لصقر ولولوة يبلغ من العمر ٢٨ متزوج ""نوره اخت بطلتنا""وتبلغ من العمر ٢٤" قد عرفنا عليها بالشخصيات"عندهم بنت وولد "لورين تبلغ من العمر سنتين ، طلال يبلغ من العمر ٣ سنوات"
-
سلمان الولد الثاني لصقر ولولوه يبلغ من العمر ٢٤ مب متزوج
- بناتهم-
البندري البنت الأولى لصقر ولولوه تبلغ من العمر ٢٢ مب متزوجه
-
فهدة البنت الثانيه لصقر ولولوه تبلغ من العمر 20 والغنيه بالعائله وجوها مررره حلو تحب اغاني سهم وطلعات آخر الليل والشوبينق والسفرات والتصوير
-
رهف البنت الثالثه لصقر ولولوه تبلغ من العمر 18مب متزوجه
-
جود البنت الثانيه لصقر ولولوه تبلغ من العمر 17مب متزوجه
-
تقدمت تخلي الأطفال يفتحون الباب تحت أنظارها ودخلوا وتوجهت تسلم عليهم وتحضن عيال اختها وتقدمت معهم تاخذهم ، تقدموا للمرايات يعدلون كشختهم وتوجهوا للصاله ، شافوهم الحريم وبدوا يسلمون ويرحبون ومنصدمين الناس الموجودين من جمال قرايب ومعارف آل سويلم والكاريزما اللي عندهم
الهنوف:يامرحبا منزمان عنكم اشتقنا والله اشتقنا اشتقنا اشتقنا
لولوه:ياروحي انتي والله اشغال اشغال ولا ودنا كل مره نشوفكم واكثر والله
الهنوف:ياحياتي حياكم بأي وقت
لولوه:الله يحييك ياقلبي
لولوه بهمس لنوره:الويفي حقي ضابط؟
نوره ببتسامه:يجنن عليك ما شاء الله تهبلين
لولوه:قلبببي وررووحي انتِ
جلسوا هَيام ونوره مع خوالهم وبدوا يتقهوون
ارسلت نجد لنوره "مرتاحه الأخت وولا جت عندنا عرفنا خوالك موجودين بس تعالي احضنينا على الأقل اجلسي جنبنا"
نوره:لا تستهبلين لازم اقعد معهم مب معكم لاحقه عليكم وجع
نجد:تمام مالت عليك اوريك
نوره:وعليك
"كله مزح"
بدوا يرقصون ودخلوا فهده ونوره بكل كاريزما وثقه وحسسوا كل الحضور ان الاغنيه تقصدهم من الكاريزما العاليه عندهم
‌‏فزي له يا أرض لا جاك بشويش يتمايل
‎هو مو قصده ولكن كذا ربي خلقه
‎ما تصنعها ولا تبرره كل الوسايل
‎هو مو قصده ولكن كذا ربي خلقه
‌‏فزي له يا أرض لا جاك بشويش يتمايل
‎هو مو قصده ولكن كذا ربي خلقه
‎ما تصنعها ولا تبرره كل الوسايل
‎هو مو قصده ولكن كذا ربي خلقه
‎علق الدنيا بخطوة حتى قلبي علقه
‎علق الدنيا بخطوة حتى قلبي علقه
‎فزي له يا أرض لا جاك بشويش يتمايل
‎هو مو قصده ولكن كذا ربي خلقه
‎ربي خلقه
~
‎لا مشى يمشي على ضلوع صدري ولاني طايل
‎لا سما ولا أرض ربي عساه يوفقه
‎قيد إحساسي بقيده وسوا بي الهوايل
‎أما ياخذ عقلي كله، كله ولا يطلقه
‎لا مشى يمشي على ضلوع صدري ولاني طايل
‎لا سما ولا أرض ربي عساه يوفقه
‎قيد إحساسي بقيده وسوا بي الهوايل
‎لا سما ولا أرض ربي عساه يوفقه
‎أما ياخذ عقلي كله، كله ولا يطلقه
‎أما ياخذ عقلي كله، كله ولا يطلقه
‎فزي له يا أرض لا جاك بشويش يتمايل
‎هو مو قصده ولكن كذا ربي خلقه
‎ربي خلقه
~ 🐆💸 ~
~ بعد مده ~
المها:حياكم على العشاء حياكم
وتقدموا الكل للعشاء وكان"4 صحون ذبايح ، وبوفيه للي ما يحبون اللحم"
تقدموا البنات كلهم يحطون لهم من البوفيه ويتوجهون للطاوله كلهم ياكلون
العنود:بجيب كراسي لنا واجي ذول ما يكفون
الماس:تمام
راحت العنود تجيب كراسي ودق جوالها وطلع فيصل وردت عليه بصوت واطي: هاا فيصل
فيصل: انا مو قلتلك تجين
العنود: بأكل مع البنات واجلس معهم خلها بعدين
فيصل: لا الحين تجين لاحقه على الاكل تستهبلين قاعد انتظرك من اول
العنود: ضروري اجي
فيصل مثل الزعل: خلاص لا تجين سلام بدخل للرجال
ضحكت العنود ونطقت: خلاص يانصاب جاييه نشوف وش وراك
فيصل: سريع نادوني وصرفتهم
العنود: يلا قفل جايتك
قفل فيصل منها وجلس بالمرجيحه "حقت الحديقه"
وتمرجح وجت العنود وقام وضحكت عليه
فيصل: ياهلا بهالزينن
ابتسمت العنود بخجل ومسكها من عند خصرها وسحبها
له
العنود بتوتر: تستهبل انت لا قول انك تستهبل مو صدق
فيصل: لا ماستهبل وصدق
حاولت تبعد عنه العنود وشد عليها اكثر ونطق: خير تبعدين
العنود: لاحد يجي تكفى فيصل
فيصل: جالسين يتعشون محد بيجي
العنود ناظرته بتوتر: طيب شتبي شكنت بتقول
فيصل ناظر شفايفها ونطق: ابيك
العنود: مهو انا عندك الله الله وخر عيونك
فيصل: لا
العنود: ممكن تخليني امشي
فيصل نزل راسه ورمى الدخان وطفاها برجله ونطق: لا
العنود: شتتبي
فيصل قرب منها وقبل شفايفها وحاولت تبعد عنه العنود وبادلته شوي ودفته من صدره ونطقت: ياقو قلبك ماتخاف ان احد يجي
فيصل بضحك:واذا احد جاء خليه يجي بتزوجك بسرعه
العنود بتوتر وضحكت ركضت تدخل داخل ونطقت: اقول اذلف للرجال
دق جواله فيصل من رقم غريب وناظر الرقم وطنش
ورجع للرجال
الجد متعب بعصبيه وهمس: وينك انت
فيصل بكذب: بالحمام
الجد متعب: ساعه روح تعشي مع الرجال
فيصل: سم سم ياجدي
راح فيصل واتجه يجلس جنب تركي
تركي بهمس: وينك
فيصل بنفس الهمس: كنت ادخن بالحديقه وطولت فيه واهوجس
تركي بضحك: كلتبن قال اهوجس كل كل بس
فيصل: بأكل وتعال نلعب كود
تركي: اوف كود اشتقت يلا تم بالعافيه
فيصل: يعافيك
بدأ يأكل فيصل ويبتسم للرجال ونطق: بالعافيه بالعافيه عليكم
ناظره واحد نقول اسمه "عبد الرحمن" وهمس لمشعل: ذا منهو ابوه
مشعل: مين تقصد
عبد الرحمن اشر على فيصل ونطق: هذا هو
مشعل بضحك: ولدي
عبد الرحمن: احلف ماشاءالله والله عيالك كبروا الله يحفظهم آخر مره شفتهم صغاااار
مشعل ببتسامه: اي والله مرت الايام بسرعه
ابتسم عبد الرحمن لفيصل وناظره فيصل وردله الابتسامه ..
-عند البنات-
العنود قامت ترقص مصري
الهنوف قامت وقرصتها: اقعدي اقعدي
العنود: خالههه
الهنوف: ارقصي بالغرفه مو هنا
العنود: للجدار؟
الهنوف: لزوجك المستقبلي انثبري
العنود كتمت ضحكتها وسكتت
لين: بنات اشتقت اطلع معكم مشينا
العنود: وين
لين: نهج
العنود رفعت فستانها وركضت لغرفتها تبدل ولبست جينز اسود وتيشيرت ابيض ولبست عبايتها ونزلت ونطقت: يلا لين
لين: مسرع بسم الله دقيقه انا بكلم تركي بالاول
العنود: يالليل جاء تركي الحين بعد كل طلعه تستأذن منه
لين بضحك: الا زوجي
العنود بضحك: ويع
لين: بروح اقوله واجيك
العنود: وين بتروحين عند الرجال
لين: اي صح نسيت خلاص بدق عليه
دقت لين على تركي وبعد مده رد ونطق: لبيه يا امي انتِ
لين ابتسمت ونطقت: تعال للغرفه
تركي: تم جاييك
تركي طلع من عند الرجال واتجه للغرفه يطلع وصادفها تطلع بالدرج ونطق: وشو
لين: ببدل لبسي وبطلع مع البنات
تركي: وين ان شاءالله تطلعين معهم وانا وين اروح
لين: روح نام
تركي: تستهبلين أنا ابيك تطلعين معي
لين: خلاص بطلع معهم شوي بعد ماخلص تجيني وتاخذني ونطلع وهم يرجعون
تركي: لا بنرجعهم بعدها نطلع يلا تمام روحي وانتبهي على نفسك ولو ماراح تمسحين الميكب تنقبي
لين: سم
طلعت لين لغرفتها وبدلت ومسحت الميكب ولبست عبايتها وتحجبت ونزلت وناظرها تركي وراح لها ونطق: البسي النقاب لا يصفقونك
لين: لا ماراح يتدخلون دامك راضي لي
تركي: اجل نجرب
دخل الجد متعب ولقى البنات كلهم لابسين العبايات ونطق: وين يابناتي وين
العنود: جدي بنطلع من زمان ماطلعنا دام الحريم راحوا بناخذ بنات معالي وننبسط
الجد متعب: يلا انزين انتبهوا لنفسكم
ناظر لين ونطق: نقابك وين
لين بتوتر: جدي خلاني بدون نقاب تركي وتراني انكتم منه
الجد متعب: الله يهديك يابنيتي
ابتسمت له وباست راسه
وطلعت ولحقتها العنود والبنات
تركي: شايف ياجدي يطلعون بدون استئذان
الجد متعب: هذي هي طلعت قدامك ولا قلت شيء لا تكذب
تركي بضحك: سم
نظفوا الشغالات البيت ورتبوه بحكم ان البزران وصخوه وسولفوا وضحكوا واستانسوا ..
المها: تركييي وليدي تعال
تركي ببتسامه: سمي يُمه
المها: ارجع للرجال الحين يروحون سلم عليهم ولا تجي هنا عشان معالي فوق بغرفتي كنت اوريها شكلها وراح تسهر عندنا
تركي: منوره البيت سمي يُمه أوامر ثانيه
المها: ابد سلامتك يلا روح
تركي طلع يتجه للرجال وسلم وعليهم عليهم هم وفيصل ورواف وراين وكل العيال عليهم وودعوهم
تركي: نشوفكم المره الثانية ف امان الله
ودعوا بعض وجلس تركي على جواله
فيصل بصراخ: تركي
تركي: وجع قصر الله صوتك نعم
فيصل: كود كود
تركي: يلا يانذل
فيصل: يلا
دخلوا على كود وبدأو يلعبون
فيصل: تعال ياخرا ساعدني بموت
تركي: طيب لا تصارخ اذني ابيها
فيصل: اخلص تعال
تركي راح تركي بكود يساعده عشان لا يموت وكمل فيصل لعب مع تركي
تركي: يسسسس فزتتتت صاير بزر غبي ماتعرف تلعب
فيصل: كلتراب شوف كم قتلت بعدين تفلسف
تركي: أنا أكثر
فيصل: قيم ثاني
تركي: يلا
كملوا لعب لين خسروا وماتوا سوا الاثنين
تركي: يلا بعدين نلعب بروح اجيب ابن والبنات
فيصل: ليه وينهم
تركي: طلعوا يتمشون
فيصل: بجي معك
تركي: يلا قوم
قاموا مع بعض وركب فيصل مع تركي وبدأ تركي يسوق السياره وشغل سيجارته وبدأ يدخن
فيصل: عطني وحده دخاني خلص
طلعله تركي من جيبه دخان وعطاه وبدأو يدخنون مع بعض ودق على لين تركي وبعد مده رد ونطق: ها لين وينكم
لين: جاي؟
تركي: اي بجيكم خلاص طولتوا
لين: بحديقة اسمها ****
تركي: يلا جاي تجهزي ولا تروحون بعيد
لين: تم
قفلت لين من تركي ونطقت: بنات بيجي الحين
شادن: منو
العنود: مين بالله غيره زوجها
ضحكت شادن ونطقت: نسيت انها تزوجت الحيوانه
ضحكت لين عليها ونطقت: عقبالك
شادن: لا لا مرتاحه كذا انا تسلمين
ضحكوا البنات عليها وبعد مده وصل تركي ودق بوري لها وناظر فيصل العنود
لين: يلا بنات تعالوا جاء
لحقوا البنات لين وركبوا السياره
"كان عددهم قليل بعضهم ماراحوا معهم جلسوا بالبيت رفضوا يطلعون"
نطقت لين لفيصل: شجابك
فيصل: اص
لين بضحك: سم
تركي بمزح مسك فيصل من ثوبه ونطق: لا اسمعك تسكت زوجتي
فيصل: اقول لا يطق لك عرق سوق وانت ساكت
ضحكوا عليه وضحك تركي وبدأ يكمل سواقه
لين: تركي تراه خطبة فيصل والعنود بكرا لازم ننام كلنا بدري عشان نحهز وبعد خطبة نايف ونجد معهم
ناظر فيصل العنود وابتسم ووخر عيونه عشان تركي لا يحس
تركي: تم ماعليك بنصحى بدري وكل شيء يصير جاهز
باركوا البنات لنجد والعنود بصوت واطي
ووصل تركي للبيت ووقف ونطق: يلا
لين نزلت ونزلوا معها البنات وقفلوا ابواب السيارة وطفاها تركي
ودخلوا كلهم للبنات وسهروا البنات مع بعض وراحت لين لغرفتها ولحقها تركي
تركي: متى بتنامين تراني بنام الحين
لين: بعد شوي بس بجلس شوي مع بنات معالي بيروحون بعد شوي عيب انام واخليهم
تركي: يلا وتعالي لا تطولين
لين: سم
تركي: الا صح كيف ظهرك وبطنك من الدوره
لين: خف الالم الحمدلله
تركي: ماتشوفين شر يعيوني
لين: الشر مايجيك يلا بروح واجيك
تركي: تم تتهنين
طلعت لين من الغرفه وراحت تسهر مع البنات شوي
وغير لبسه تركي ولبس بجامته وانسدح على سريره وشاف جواله شوي وبعدها طفاه وغفى ..
-
والله على اساس اخليه ١٠ الاف كلمه بس لم نستطيع والله معليش 😭😭
وضيفوني j8e2i ولا بزعل 😡
اشوفكم ببارت ٣٣
احبكم ❤️❤️