اغدا القاك

٣

الفصل الثالث

من وجهة نظر ريان *

فككت تلك الغبيه و لم البس بضع دقائق حتي شعرت بشيء ينقض علي بالكلمات و العض

"ااه انت كلبه مسعوره !!!! "
قلتها بالم حينما عضت ذراعي

"موقفني طول اليل زي البرص ع الحيطه لا ولاففني في ملايه ومش عاوزني اعمل حاجه ده انا هوريك"
قالتها لين  بغضب و انقضت علي مره اخري

امسكتها من يدها و ثنيت ذراعيها للخلف و قلت في تحذير
"بطلي هطل ولا والله هربطك هنا و اجيب البوليس و اقولهم حراميه .. ويلا خلينا نمشي قبل ما أنور يرجع"

ابعدت الملائه من حولها ولم تلبس حتي صرخت وهي تضعها مره اخري
"انت ازاي تسمح لنفسك و تخلع هدومي ي سافل انت ده انا اقسم بالله هعمل فيك محضر !! "

وضعت يدي علي فمها قبل ان يسمعها احد وقلت وانا احاول عدم النظر إليها
"والله مكنش في حل تاني
انا كنت باصص بعيد ويلا البسي زمانه نشف و اخرجي ورايا خلينا نخرج من هنا قبل ما الزفت أنور يرجع" 

لم تنبس بكلمه جررتها خلفي حتي خرجنا من الفيلا
تركتها بعد ما كنا ابتعدنا قليلا

عدلت ملابسها وقالت
"والله لو حرامي غسيل هتعاملو احسن من كده انت اكيد متعاملتش مع بني ادمين قبلي صح؟؟"

"ع اساس حاسبه نفسك من البني ادمين يعني ده انت ورمتي  ايدي من العض"
قلتها بانزعاج

"تستاهل "
قالت هي بتشفي

"ها هنعمل ايه دلوقتي ي استاذه "
قلتها بتساؤل وسخريه 

"انا جهزت كل حاجه متقلقش
يلا هنتجوز"
قالتها وهي تنظر الي بحده و جديه

"نت.. ايه !!
انت عبيطه ، ده انا مش طايقك ساعه وانت بتقولي نتجوز !! "
قلتها في صدمه وزهول

"التار ولا العار ي بيه هو انت فاكر بعد ال عملته ده كله هتفلت وهو شرف الناس لعبه بين ايدك"
قالتها وهي تنظر الي بدراميه

"والله ما لمستك!
ده لفيتك بالملايه والله "
قلتها بعصبيه من تصرفاتها الغريبه
من المستحيل ان اتزوجها !!

"ي استاذ اسمك ايه انت احنا زي ما قلت لازم نبعد عن هنا لغايت ما نعرف صفقاته الجايه و ملفاته القديمه
وعلشان كده انا هاخدك قريه بعيده عن القاهره تماما محدش هيعرف ابدا انت فين لغايت ما نخلص وتروح لحال سبيلك "
قالتها بجديه

"امال هنتجوز ليه بقا!؟ "
قالتها باستغراب

"ي بني انا هاخدك بيت قريبنا ف البلد و هقولهم ايه بقا
لما يسألوني مين ده أن شاء الله
هقولهم ايه ؟! ده هاني ! انا اكيد متعمتش ف عيني ولا هموت واتجوزك يعني "
قالتها في سخريه