اغدا القاك

١٧

الفصل السابع عشر

كانت لين جالسه بصمت تطالع عربه ريان التي انطلقت حتي اختفت من نطاق رؤيتها..
تنهدت وهي تستدير بجسدها وتعطي ظهرها للنافذه وهي تفكر بعمق ويبدو عليها الحزن

"عمتو .. عمتو "
قالها مازن وهو يقترب منها ويشد ملابسها بخفه كي تنتبه له

نظرت له لين وهي تحاول رسم ابتسامه قائله
" نعم ي ميزو "

"انت زعلانه علشان عمو ريان سافر"
قالها بتساؤل طفولي وهو يجلس بجوارها

صمتت لين لا تدري بما تجيب

اكمل الصغير قائلا ببراءه
" انا كمان زعلان ان عمو ريان سافر ، بس هو وعدني ان هو مش هيطول زي عمو أسر وانه هيرجع بسرعه علشان نلعب سوا مع زيزي و زغلول زي ما اتعودنا "

ابتسمت لين علي برائته اكملت قائله بابتسامه
" طالما وعدك يبقي هيوفي بوعده متقلقش، بس ايه رايك بقا لنا اجي انا العب معاك مع زيزي و زغلول"

رد مازن بفرحه طفوليه
" بجد ي عمتو!! "
ثم جرها بطفوليه من يدها حتي يخرجان سويا ليلعبا مع القطط وسط ضحكات لين و فرحة الأطفال
....................
قسم الشرطه ، القاهره ، مايو ٢٠٢٢

"احكيلي بالتفاصيل ال حصل و متعودش تقولي كلمتني بعد ما متت و روحها مش مستريحه و الهبل ده !!"
قالها عماد بحده

اخذ الشاب نفسا عميقا و اكمل قائلا
" انا هحكي لحضرتك كل حاجه من الاول "

نظر عماد بتركيز ونفاذ صبر
" ي ريت "

اتبع الشاب كلامه قائلا بتذكر
" البدايه كان لما اتعرفت علي ملك و علقتها بيا زي اي شاب فاسد بيستغل البنات الضعيفه
مع الوقت لاحظت انها بدأت تحبني وتتعلق بيا ف بدأت اطلب منها صورها بحجه اني عاوز اشوف شكلها و بعد محولات كتير بدأت تبعتي صور بجد زي ما طلبت بس منغير وشها ما يكون باين جاريتها اكتر واكتر علشان تثق فية و تحبني وبدات اطلب منها صور وفيديوهات اكتر وطلبت منها توريني وشها ، اختفت شويه ومعادتش بترد علي رسايلي كام يوم بس بعدها ردت ف كررت نفس الطلب تاني بس المرادي وافقت وبدات تبعتلي صور لها و فديوهات وهي بتغير وهي نايمه و كده
بعدها وزي ما بيحصل ف كل الافلام العربي القديمه بدأت اهددها لو مبعتتش ليا المبلغ ال انا عاوزه هفضحها وفعلا استجابت وبعتلي المبلغ ال انا طلبت بعد فتره رجعت تاني وبدات اهددها اكتر من الاول وطلبت مبلغ اكبر بكتير بس المرادي مردتش عليا وعملتي بلوك مفهمتش منين معايا صورها وبهددها ومنين هي تعملي بلوك هي مش خايفه يعني!؟ جبت خط جديد ووصلتلها ورجعت اهددها تاني والمرادي كمان عملتي بلوك ف قمت منزل صورها ع جروب الجامعه كلها وفضحتها علشان تبقي متردش عليا تاني "

قاطعه عماد قائلا
" وفجأه ضميرك صحي وعاوز ترد حقها يعني "

اجاب الشاب بسرعه
" لا طبعا ي باشا، المشكله ان ال كنت بكلمها مش هي ال ف الصور، انا شوفت صوره البنت ال انتحرت علي النت ودي نفس ال صورها كانت معايا بس دي كان اسمها مريم إنما التانيه ملك "