اغدا القاك

٣٠

الجزء الثلاثون

عند يحي ، المستشفي ، القاهره

فتح يحي عينيه بكسل وهو يحاول تذكر اين هو و ماذا يفعل هنا
ازاح راس أسر الثقيله وهو يهزه برفق ليوقظه من سباته
" اسر .. أسر.. انت ي بني فوق كده احنا الصبح "

فتح أسر عينيه و استقام وهو يمدد زراعيه ف الهواء قائلا بخمول
" صحيت اهو.."

استقام يحي من مكانه وهو يتجه نحو غرفه والده
يتقدم ببطئ و يلوم نفسه مع كل خطوه يقدمها
اقترب من الطبيب سائلا بصوت متحشرج متوترا وهو يقول
" هو عامل ايه دلوقتي ي دكتور "

رد عليه الطبيب قائل بعمليه
" هو كويس دلوقتي تقدر تشوفه لو حابب بس اتمني متضغطش عليه أو تفاجئه لان صحته لسه متستحملش"

اومأ يحي و دخل الغرفه ببطئ وهو ينظر الي والده المحاط بالاجهزه
اقترب منه وجثي علي ركبتيه قائلا بندم
" انا اسف "

لم يرد الاب إنما نزلت من عينه دمعه جانبيه مسحها سريعا ثم نطق بتعب بعد صمت دام للحظات
" ده مش ذنبك ي يحي .. انا السبب اني افنيت عمري ف الشغل و ف الأخر واحد زي ده بلا قيمه يعمل ال عمله ده.. إنا ال اسف اني كنت عاوز اخليك تناسب عيله حقيره زي دي .. حقك عليا "

قاطعه يحي ممسكا بيده يقبلها بحنان
" متقولش كده انت والدي و كنت عاوز مصلحتي
و بعدين ولا عاش ولا كان ال يهينك ابدا .. انا هجيب حقك منه وهتشوف "

ابتسم بسخريه قائلا بحسره
" هما دول بيجي منهم حق ولا باطل
حسبي الله ونعم الوكيل فيه
بعد ما كنت مدير الكل بيهابني وليا مكانتي ف الشركه قدام اكبر موظف لاصغر موظف وفجاه انطردت ف لحظه قدام كل دول "

شدد يحي علي يده ثم قال بغضب وهو يجز علي اسنانه بحده
" صدقني انا هجيبلك حقك منه وهرجعه مذلول يطلب منك السماح ... "
ثم اكمل ف نفسه قائلا
" كله بسبب الزفته ال اسمها هيا.."

لحظات ودخلت والدته و بيدها اخته التي كانت تساعدها اثر المحلول

اقتربت والدته من السرير وهي تقول بدموع
" حمدلله ع السلامه، كده تقلقنا كلنا عليك "

واقترب ليان منه وهي تحتضنه بحنان وتقول
" انت مش عارف كان هيجرالنا ايه منغيرك .. متقلقناش عليك تاني "

ربت الاب علي كتفها بحنان وهو يري الخوف في عيون عائلته ..

أمام الباب كان يقف أسر يشاهد هذا المشهد الاسري اللطيف من خلف الزجاج

بعد لحظات خرج يحي مناديا أسر الذي كان جالسا علي الكرسي ف الخارج بنظر بشرود الي السقف
" اسر.. "

التفت له أسر منتبها
"هاا!! في ايه حاجه حصلت "

ابتسم يحي علي صديقه و اقترب منه قائلا
" محصلش حاجه تعالي بس "