اغدا القاك

٢٣

الفصل الثالث و العشرون

تقدم أسر ويحي بضع خطوات من الباب وهما يتحدثان ولاكن فجأه سأل يحي باستغراب قائلا
" لوجين فين !! هي خرجت "

نظر اليه أسر بزهول وهو يقول
" انا مشفتهاش خارجه!! يالهوي احنا ازاي نسيناها "

خطي يحي واسر الي الخلف مره اخري وهما يبحثان عن لوجين

"لوجييي.. لوجي انت فين "
قالها أسر هو ينادي باسمها

دخل يحي مره اخري الي الغرفه ووجدها
كانت ملقي علي الارض جوار السرير مغشي عليها
اقترب منها وهو يحاول افاقتها ووضعها علي السرير

دخل أسر بقلق واقترب منهما قائلا
" ايه ال حصل ي يحي هي مالها!!؟ "

" متقلقش هي كويسه بس يمكن من الضغط او لأنها اول مره تحضر عمليه زي دي"

حاول يحي افاقتها مره اخري حتي بدأت تحرك عينيها بتعب
استفاقت وهي تنظر حولها باستغراب وهي تقول
" ايه ال حصل "

ساعدها أسر علي الجلوس وهو يقول بهدوء
" اغمي عليك بعد العمليه، انت كويسه دلوقتي؟ "

اومأت لوجين بهدوء وهي تقول
" انا كويسه.. عاوزه اروح "

نظر أسر الي يحي بمعني " هي مالها !"
طمأنه يحي عليها وانه ربما من الصدمه لا أكثر

ثم ساعدها أسر وهو يمسك بكتفها حتي الخارج
ودع يحي وخرج هو و لوجين من المنزل

"خلاص انا هطلع لوحدي انا بقيت كويسه صدقني"
قالتها لوجين بهدوء

"متأكده "
قالها أسر وهو ينظر إليها بقلق

اومأت اليه مؤكده وهي تقول
" ايوه، تصبح علي خير "
وصعدت علي السلم وهي تتذكر كل ما حصل للتو
يالهي كانت ليله صعبه بحق !!

...........................
في اليوم التالي

توجهت لين بخطوات بطيئه الي الأرشيف حيث من المفترض أن تجد ملفات القضيه !!

دخلت لين وهي توجه السؤال الي العامل قائله
" لوسمحت كنت عاوزه اشوف ملف حادثه فريال العربي و زوجها ٢٠٠٣.. وده اذن بكده  "

نظر إليها العامل باستغراب، لما تريد مطالعة ملف لحادث منذ ٢٠ عام
" اتفضلي ي استاذه "
قالها وهو يخرج احدي المفاتيح من الدرج و توجه ناحيه غرفه من الغرف بهدوء
وخلفه لين تتبعه بصمت

دخل العامل وهو يبحث بين الملفات لعده دقائق ثم خرج قائلا
" للأسف مش موجود هنا"

"ازاي، يعني الملف مش موجود "
قالتها لين بيأس

" ممكن يكون ف الأرشيف التاني، بس للاسف عم عوض ال معاه عهده الأرشيف اجازه "
قالها الرجل بهدوء وهو يغلق الباب مره اخري