اغدا القاك

١٣

الفصل الثالث عشر

ف الصباح

كانت لين نائمه تحيط ريان بيديها  وهو يدفن رأسه في عنقها

"عمتووو .. ي عمتووو"
قالها الأطفال بعدنا دخلو الغرفه بسرعه وحماس

استيقظت لين و ريان وهما يفركان عينيهما في خمول
و ما ان لمحا الأطفال حتي جلسا مكانهما بسرعه 

"هو انا مش قولت ميت مره تخبطو علي اي باب قبل ما تدخلو "
قالتها لين بحده

"احنا بقالنا ساعه بنخبط علي الباب محدش رد "
قالها مازن

"احنا كنا عاوزين نوريكم حاجه مهمه "
قالتها هنا بحماس

"حاجه ايه ف الوقت ده ؟؟!"
قالها ريان بنعاس

"الساعه عشره ي عمو "
قالها مراد ببراءه

نظرت لين وريان الي بعد في زهول وصدمه

"يالهوي ولا فطرنا ولا اتسحرنا ... احنا ازاي نمنا كده
قالتها لين وهي تضرب راسها بخفه "

"كلنا ايه بقا ،كل سنة وانتي طيبه.. هو بعد ال حصل فينا امبارح ده هنقدر نقوم من النوم اصلا!"
قالها ريان وهو ينهض من مكانه

"صحيح ايه ال كنتو عاوزنا نشوفه"
قالتها لين بتساؤل

"تعالي ورانا .. شقه تيته تحت !"
قالها مازن بحماس وهو يسير وخلفه الأطفال كقطيع من الخرفان .. ومشي خلفهم ريان و لين

"ادينا نزلنا اهو ي عم مازن ورينا بقا فيه ايه "
قالها ريان وهو ينظر حوله

اقترب مازن من فراش زغلول و زيزي وهو يقول بحماس
"زيزي ولدت .. زغلول بقا اب "

"ايه زيزي ولدت ؟؟"
قالتها لين بضحك وهي تتفقد الأطفال الصغار

"ماشاء الله كيوت اويي "
قالتها لين وهي تحملهم في حنان ..

اقترب ريان وهو ينظر الي القطط وقال في نفسه
"حتي زغلول بقا اب وانت لا ي موكوس "
"هوانا بتكلم زي عمتي رجاء كده ليه "

ونفض أفكاره عندما قالت لين بحماس
"هنسنيهم ايه بقا ؟!"

"بندق" 
قالها مراد في حماس

"لاا ، هيبقي مشمش "
قالتها حلاا بحده طفوليه

"في تلاته انتو بتتخانقو علي ايه ! "
قالتها لين وهي تحاول تهدءه الطفلين

"خلاص استنو اما الكل يرجع من البلد علشان يسموهم هما كمان "
قالها ريان في هدوء

"طب يلا كل واحد يلعب بعيد عنهم لان القطه لما بتكون لسه والده بتكون عدائيه و ممكن تخربش اي حد
مفهوم ي مراد!! مفهوم ي حلا !! "
قالتها لين وهي تأكد علي حلا و مراد

"حاضر ي عمتو "
قالها الأطفال وانطلقو للعب بعيدا

"انت مالك متنح كده هو انت اول مره تشوف قطط والده ولا ايه "
قالتها لين بسخريه