اغدا القاك

٢٩

الجزء التاسع و العشرون 

المستشفي، ابريل ٢٠٢٣

مرت اسابيع قليله منذ العمليه الجراحية التي أجرتها لين
ولاكنها بقيت في المشفي لاتمام العلاج تحت إشراف دكتور مختار الذي ابي ان يتركها للحظه حتي يطمئن عليها ويوفر لها العنايه و الراحه التامه

استيقظت لين من النوم علي صوت دكتور مختار كالعاده وهو يقول بنشاط وابتسامه
" صباح الخير ي استاذه لين .. فوقي كده بقا علشان ترجعي الشغل تاني امااال"

ابتسمت لين بوهن وهي تستقيم قائلا
" صباح النور يادكتور "

ابتسم هو الاخر اكثر وهو يقول بحماس
" عندي مفاجأه سعيده، .. مستعده !"

ردت لين بفضول وحماس قائله
" خبر كويس !؟ ايه هي ي دكتور؟؟ "

اخرج مختار ملف ما ووضعه أمامها مباشره وهو يقول بهدوء
" نتيجه التحاليل ظهرت و الحمد لله النتيجه مرضيه جدا و العمليه نجحت.. تقدري تخرجي دلوقتي بس لازم تتابعي مع الدكتور كل فتره و تنتظمي علي العلاج"

"بجدد ي دكتور!!! يعني خلاص اقدر اخرج من المستشفي "
قالتها بحماس وهي تنهض بسرعه و فرح

" انت زهقت مننا اوي كده!! بس علي العموم ي ست ايوه تقدري تخرجي من دلوقتي لو عاوزه بس زي ما قلت تلتزمي علي العلاج والأدوية "

" مش مصدقه .. مش مصدقه اني اخيرا هرجع بيتي!!!
انا اخيرا هخرج الشارع وارجع شغلي من تاني .. انا اكيد بحلم "
قالتها بحماس وهي تهرول و تقفز ف الغرفه بحماس

ابتسم مختار ابتسامه واسعه .. كم ان فرحته عارمه بشفاء تلك الشقيه الصغيره ..وكمْ تُذكره بوالدتها المرحومه التي ماتت في ارجاء تلك المستشفي
نظر الي السماء وكأنه يقول لها انه فعل ما بوسعه لرسم تلك البسمه علي وجهها وانه وفي بوعده لنفسه الذي قطعه منذ راي اسمها لأول مره في سجلات المشفي

لوحت لين بيدها أمامه وهي تقول بمرح
" انت سرحان في ايه يدكتور بكلمك من بدري "

ابتسم مختار وهو يمسح تلك الدمعه التي تسللت بخبث علي خده قائلا
"مفيش.. انا معاك اهو .. يلا اجهزي بقا بسرعه علشان نمضي علي الورق واوصلك ... ولا عجبتك القاعده هنا "

"لا لا هجهز ف ثانيه و جايه "
قالتها بسرعه وهي تلملم أغراضها في الحقيبه
................................

عند يحي واسر

نظر يحي الي أسر وهو يكاد لا يصدق ما يسمعه!!
لا يستطيع التوقف عن لوم نفسه لما حصل
" انا السبب ف كل ده!! "

نظر اليه أسر قائلا
" مش انت السبب و متحاولش تلوم نفسك علي ال حصل لان ده مش بسببك!! و حق بباك هنجيبه صدقني"

نظر اليه يحي باستغراب
" و ده ازاي بقا ان شاء الله "

رد عليه أسر قائلا وهو يركز علي الطريق أمامه
" زي الناس .. امشي ورايا بس و متقلقش"