اغدا القاك

١٩

الفصل التاسع عشر

" معاك الملفات كلها ي معتز!؟"
قالتها لين بتساؤل ولهفه

" ايوه، عندي ف الحفظ والصون"
قالها مازحا

" رحت ل عز بيه!؟ "
قالتها بتساؤل

اجاب معتز قائلا
"قالي ان مستحيل الاقي الملف عنده، لان الحادثه عدي عليها يجي ٢٠ سنه،و انت اما تيجي القاهره روحي له بنفسك"

تنهدت لين قائله
"خلاص انا هتصرف ف ده، خلي بالك من الملفات علي ما ارجع القاهره تاني "

" متقلقيش الملفات ف ايد امينه "
قالها معتز مازحا

" مبخفش غير من متقلقيش دي ، فربنا يستر"
قالتها لين

"طب سلام انا بقا علشان اشوف ال اسمه أنور عاوز ايه الساعادي "
قالها معتز بملل

" مع السلامه "
اجابت بها لين بهدوء ثم أغلقت الهاتف وهي تجلس علي الكرسي تنظر أمامها ف الفراغ تحاول السيطره علي كل الأفكار التي تدور في عقلها
.......................
القاهره ،مارس ٢٠٠٣ 

دخل بخطوات جريئه الفيلا متجهه الي غرفه ما
فتح الباب وعلي وجهه ابتسامه خبيثه
تقدم بضع خطوات ثم بداء الحديث قائلا
" زياره مفاجأه صح!! متوقعتش تشوفني تاني بعد ما جوزتني فريال اختك صح!؟ "

نظر الجالس باستغراب و اجاب باستهزاز قائلا
" الصراحه متوقعتش، ايه عاوز زياده ف الفلوس؟!"

جلس الاخر وهو يضع ساقً فوق الاخري وقال بشيء من السخريه
"توء توء ، شويه فلوس!! هو انت فاكرني مغفل زي اختك ال رمتها زي الكلاب دي ولا عيل انا،
انت رميتها و اديتني قرشين علشان متورثش حاجه من الفلوس الكتير والأراضي ال سابها والدك قبل ما يتكل علي الله، بس انا مش غبي وجاي بطالبك بحق فريال فالميراث ف هاته بالذوق بدل ما نضطر نروح المحاكم "

ابتسم الاخر بسخريه وهو يضع يده بخفه علي كتف الاخر وينظر اليه بشيء من الاستهزاء قائلا
" بجد انا خفت!! لا بجد خوفتني!
روح ي حبيبي العب بعيد انت مش عارف انت بتكلم مين ولا ايه ، فوق كده انت بتكلم أنور العربي !"

صمت الاخر بغيظ وابعد اليد الموضوعه علي كتفه واكمل قائلا وهو يستقيم بغضب
" هتشوف ي أنور... انا اهو وانت اهو والزمن طويل
والله لوريك "

نظر اليه أنور بحده قائلا
" اعلي ما ف خيلك اركبه، يلا شرفتنا الشويه دول "
..........................
من وجهه نظر لين*

كنت اتحدث مع عمتي ثم انشغلنا في الحديث مع ريان الذي عاد بصحبه أسر و إياد واحمد و زين من المسجد .. أما اميره و لمي فقد ذهبتا لزياره عائلتيهما بصحبه الأطفال

جلس ريان بجواري وقال في همس
"عندي مفاجأه ليكي .."

قلت في حماس
"قول بسرعه هي ايه !!  "