اغدا القاك

٣٦

الفصل السادس والثلاثون

لمح أسر بعد فتره ليان وهي تستند بيدها علي جزء شجره بتعب ..
هرع أسر بسرعه الي الأسفل

افترب منها أسر ثم نطق  سائلا بصوت متقطع اثر جريه علي السلم بسرعه
" ليان. انت كويسه؟؟ "

وضعت يدها بتلقائيه و تعب علي كتفه وهي تميل قليلا ثم نطقت بصوت مختنق
" العلاج.. "

امسكها أسر بهدوء وهو يساعدها حتي تصل للغرفه وهو يقول بهدوء
" فين العلاج "

ساعدها أسر وجلست علي السرير بتعب واراحت رأسها علي طرف السرير وهي تقول بصوت منخفض يكاد يسمع
" ع الترابيزه ال وراك .. "

ناولها أسر الدواء و زجاجه مياه وهو يقول بلوم
" ليه ما اخدتيش الدوا ف معاده ده يحي لو عرف!! "

ردت بهدوء بعد أن اخذت الدواء
" ماما كانت بتفكرني اخده و من ساعه ما رحت المستشفي و نسيته بدأت حالتي تسوء بسبب اني اهملت العلاج.. لغايت ما جه يحي وهو بقي بيفكرني لاني ع طول بنسي اخده  "

نادي أسر علي والدته لكي لا يجلس معها وحدهما ف الغرفه

احضر أسر علبه وهو يقول
" يحي قالي لو تعبتي اقيس لك الحراره و الضغط و سرعه ضربات القلب "

اومأت اليه بهدوء وهي ما تزال جالسه علي السرير بتعب

في تلك الاثناء دخلت رجاء الغرفه وجلست علي الاريكه تتابع من بعيد ما يحصل بابتسامه
نطقت بهدوء وابتسامه بعدما جلست
" الف سلامه ي ليان ي حبيبتي "

ابتسمت لها ليان قائله
" الله يسلمك ي عمتو .. انا بجد  مش عارفه اشكركم كلكم ازاي علي الاهتمام ده بيا و ب يحي .. انتو بالنسبه ل يحي زي عيلته بالظبط كان بيتكلم عنكم بالخير دايما"

ابتسمت رجاء وردت قائله بضحك
" احنا أهل ي حبيبتي مفيش شكر وبعدين يحي ده زي أسر بالظبط ويمكن بحبه اكتر حبه  صغيرين علشان بيديني دوا اما ده لو كلمته ممكن يحبسني فيها انت عارفه غدر المحامين  "

رد أسر ممثلا الحزن
" بقا كده .. بتبيعيني علشان شريط برشام ي امي "

ردت ليان بضحك
" شكله مطلع عينك ي عمتو ههه "

ردت  العمه  وهي تقول بمزاح
" مطلع عيني بس!! ده واجع قلبي كمان .. كل شويه يسافر ويقولي شغل و شوفي بقا راجل ملو هدومه اهو وحتي مش راضي يفرحني بيه علشان اشوف عياله زي اخواته "

ضحكت ليا ن ضحكتها الخلابه وهي تقول
" كلام الأمهات واحد .. ده نفس كلام ماما ليحي بالظبط كده ، الصبيان كلهم كده "

ردت عليها رجاء بقله حيله
" معاكي حق ي بنتي والله .. خلفت تلت صبيان و كانت تربيتهم أصعب حاجه ف الدنيا .. علشان تطلعي راجل محترم وسوي ف الزمن ده وخصوصا بعد وفاه جوزي وهما لسه صغيرين .. الله يرحمه "
قالت رجاء جملتها الاخيره والدموع تترغرغ في عينيها